• 3940 ექიმი საიტზე
  • 1036 კლინიკა საიტზე
  • 3486 ანოტაცია ბაზაში
0
5490

ტვინის ჯანმრთელობის ცენტრი გთავაზობთ ტვინის გამოკვლევის უახლეს მეთოდს QEEG (რაოდენობრივი ელექტროენცეფალოგრამა), რომელიც მაღალტექნოლოგიური სამედიცინო კომპიუტერული სისტემის მეშვეობით გვაძლევს სრულყოფილ ინფორმაციას ტვინის ელექტრული აქტივობის შესახებ. მიღებული ინფორმაციის პროგრამული გადამუშავებით ხდება ტვინის რუკების დადგენა (BRAIN MAPPING).

 

გამოკვლევის ეს მეთოდი გვაძლევს საშუალებას შევისწავლოთ ადამიანის ქვეცნობიერი, ასევე ნებისმიერი ფსიქოლოგიური, ფსიქოსომატური თუ ემოციური დისბალანსი და მათი გამომწვევი მიზეზები, როგორიცაა დეპრესია, ნევროზი, შიშები,  ყურადღების დეფიციტის და ჰიპერაქტიურობის სინდრომი.

 

TMS-ტრანსკრანიალური მაგნიტური სტიმულაცია, არის მსოფლიოს წამყვან სამედიცინო დაწესებულებებში მრავალგზის აპრობირებული მკურნალობის მეთოდი, რომელიც ხშირად გამოიყენება ისეთი დეპრესიების დროს, რომლებიც რეზისტენტულნი არიან მედიკამენტების მიმართ.

ახალი კვლევების თანახმად, მედიცინის დარგში  TMS-ი არის ტვინისთვის საუკეთესო  ტექნიკური სტიმულაცია.

TMS-ი გამოიმუშავებს მაგნიტურ ტალღას, რომელიც მიმართულია ტვინის იმ საჭირო უბანზე რომელიც დაფიქსირებულ იქნა QEEG-ის მიერ. შედეგად ეს მაგნიტური ტალღა არეგულირებს ტვინის ამ უბანში ნეირონთაშორის კავშირს (სინაფსის), ასევე აღადგენს  ნეირონების ჰომეოსტაზს.

 

პანიკური შეტევა არის ინტენსიური შიშის მოულოდნელი ეპიზოდი, როდესაც არ არსებობს რეალური საფრთხე ან აშკარა მიზეზი. პანიკური შეტევის დროს ადამიანს შესაძლოა გაუჩნდეს საკუთარ თავზე  კონტროლის დაკარგვის განცდა და აქვს შემდეგი სიმპტომები:

 

  •  ტკივილი ან დისკომფორტი  გულმკერდის არეში

 

  • „გულის შეტევის“  შეგრძნება.

 

  • სუნთქვის უკმარისობა და გახშირებული გულისცემა.

 

  • ზოგადი სისუსტე და თავბრუსხვევა.

 

  • კანკალი, ოფლიანობა ან შემცივნება.

 

  • ყელში მოჭერის შეგრძნება და სპაზმები მუცელში

 

  • ჩხვლეტის და დაბუჟების შეგრძნება თითებში.

 

  • სიკვდილის შიში.

 

მსოფლიოს მასშტაბით და მათ შორის საქართველოში უამრავი ადამიანს აწუხებს მსგავსი სიმპტომები და უმრავლესობამ არ იცის რომ ასეთი ტიპის შეტევები განკურნებადია. კლინიკა ტვინის ჯანმრთელობის ცენტრი გთავაზობთ  უახლეს და ინოვაციურ  მეთოდს:  TMS თერაპია, Neurofeedback თერაპია, ასევე ფსიქოთერაპია და მედიკამენტოზური მკურნალობა.

 

დეპრესიის სიმპტომები:

 

  • აგზნებადობა და მოუსვენრობა.

 

  • უძილობა ან ზედმეტი ძილიანობა.

 

  • უუნარობის განცდა, ქრონიკული დაღლილობის და მოთენთილობის შეგრძნება.

 

  • მუდმივი მწუხარება ან შფოთვა.

 

  • უიმედობა, პესიმიზმი, უსუსურობის და სიცარიელის  შეგრძნება.

 

  • სირთულეები დეტალების გახსენებასა და გადაწყვეტილების მიღებაში.

 

  • უმიზეზო ტირილი ან ფიზიკურად გამოხატული სიმპტომები (როგორიცაა მუდმივი ტკივილები სხეულის სხვადასხვა ნაწილში, თავის ტკივილი, კუნთებში დაჭიმულობის შეგრძნება), რომელსაც არ შველის მედიკამენტები.

 

  • იმ აქტივობების მიმართ ინტერესის დაკარგვა რომელიც ადრე გიყვარდათ და სიამოვნებას განიჭებდათ.

 

  • ფიქრები სიკვდილსა და სუიციდზე.

 

კლინიკა ტვინის ჯანმრთელობის ცენტრი გთავაზობთ ამ სიმპტომების მკურნალობის ინოვაციურ მეთოდს tms თერაპია. ტრანსკრანიალური მაგნიტური სტიმულაცია (tms) არის არაინვაზიური პროცედურა რომლის დროსაც მაგნიტური ტალღები ასტიმულირებენ ტვინის ნერვულ უჯრედებს, რათა აღმოფხვრან დეპრესიის სიმპტომები. Tms თერაპია ასევე გამოიყენება ისეთი დეპრესიების დროს, რომელიც რეზისტენტულია  მედიკამენტების მიმართ.

 

სტატიის მომწოდებელია: ტვინის ჯანმრთელობის ცენტრი

 

 

0
8946

ერთი შეხედვით ეს შეკითხვა რიტორიკულია. მაგრამ გაიხსენეთ საკუთარი თავი მაშინ, როცა გიყვარდებათ.

 

თქვენ ბედნიერი ხართ და ამავდროულად სულელურად იქცევით. დიდი ხნის ლოდინის შემდეგ მამაკაცის მხრიდან მიღებული ტექსტური შეტყობინება გაბედნიერებთ. თქვენ იწყებთ სტრატეგიის და ტაქტიკის შემუშავებას ყველაფრის უკეთ განსახორციელებლად.

 

ამავდროულად თქვენ იცით, რომ ამის კეთება არ ღირს, მაგრამ მაინც ფიქრობთ ამაზე. აანალიზებთ ყველა წვრილმანს: მის მიერ გამოგზავნილ შეტყობინებაში დასმული სასვენი ნიშნებიდან დაწყებული იმ დრომდე, რომელიც უნდა გავიდეს პასუხის გაცემამდე. თქვენ ეს ყველაფერი მნიშვნელოვნად მიგაჩნიათ მაშინ, როცა რეალურად საერთოდ უმნიშვნელოა.  

 

ქვემოთ მოყვანილია 7 მიზეზი იმისა, თუ რატომ არ უნდა მოიქცეთ ასე, რატომ უნდა შეწყვიტოთ მამაკაცის დევნა, რამდენად ძლიერადაც არ უნდა იყოთ შეყვარებული:

 

1. ეს არაფერს არ მოგცემთ  - როცა თქვენ შესაფერის ადამიანს შეხვდებით, არ დაგჭირდებათ მისი კუდში დევნა, რადგან თქვენ ერთად ყოფნის თანაბარი სურვილი გექნებათ.  თქვენი სამყარო შეიცვლება და ამ მომენტიდან ერთად ივლით ერთი მიმართულებით. თუ ასე არ ხდება, მაშინ ტყუილად კარგავთ დროს იმაში, რომ ვინმეს აიძულოთ შეგიყვაროთ და თქვენს გვერდით იყოს.

 

2. თქვენ ივიწყებთ დანარჩენ ადამიანებს, ვინც თქვენს ცხოვრებაში არსებობენ - თქვენ უარს ამბობთ ძვირფას მომენტებზე, რომლებიც უნდა გქონდეთ მეგობრებისა და ოჯახის წევრების გარემოცვაში და ცდილობთ დაუვიწყარი მოგონებები შექმნათ დროებით გატაცებასთან. ნურასოდეს დაივიწყებთ მათ, ვინც სამუდამოდ თქვენს ცხოვრებაში უნდა დარჩეს უპირობოდ. 

 

3. თქვენ საკუთარ გულს სთავაზობთ იმას, ვინც ამას არ იმსახურებს.

 

4. თქვენ საკუთარ ენერგიას ხარჯავთ რაღაც წარმავალზე და არა რაიმე ხანგრძლივზე.

 

5. თქვენ ივიწყებთ იმას, რაც თქვენთვის იყო და არის მნიშნელოვანი - თქვენ სულ სხვა რამეზე ოცნებობდით და სხვა მოლოდინი გქონდათ, ახლა კი ზიხართ და ღამის 2 საათზე მის ტექსტურ შეტყობინებას ელოდებით. 

 

6. თქვენ აგიჟებთ საკუთარ თავს - ღამით ტელეფონზე მიღებული ტექსტური შეტყობინება თქვენი ღამის კოშმარია და ამასთანავე უდიდესი ბედნიერება. თქვენ ფიქრობთ, რომ მას ეთამაშებით, სინამდვილეში კი სახიფათო თამაში გაქვთ საკუთარ გულთან.

 

7. თქვენ მისდევთ ადამიანს - იმის ნაცვლად, რომ ცხოვრებას მისცეთ დინებით წასვლის საშუალება. საკმარისია ყოველი შეტყობინების გაანალიზება, მიანდეთ ყველაფერი ბედს. მიეცით მოვლენებს თავისთავად განვითარების საშუალება, ყოველგვარი ახსნა-განმარტებების ძიების გარეშე.

 

 

0
5751

სტატისტიკური მონაცემების თანახმად მსოფლიოში 66 მილიონ ადამიანს აქვს თვალის დაავადება, რომელიც გლაუკომის სახელით არის ცნობილი.

მათგან 5 მილიონზე მეტი დაბრმავდა, საიდაც ჩანს, რომ სამუდამოდ დაბრმავების გამომწვევ დაავადებათა შორის გლაუკომა მესამე ადგილზე დგას. 

 

გლაუკომა თვალის მულტიფაქტორული ქრონიკული დაავადებაა, რომელსაც თვალშიგა წნევის პერიოდული ან მუდმივი მატება ახასიათებს. ამ დაავადების დროს ზიანდება მხედველობის ნერვის ბოჭკოები, ვითარდება ოპტიკური ნეიროპათია, რაც მხედველობის ფუნქციურ  დარღვევას და სრულ სიბრმავეს იწვევს.

 

გლაუკომას შეუძლია მხედველობის 90% ისე წაგართვათ, რომ ამის შესახებ არც კი იცოდეთ. იგი ნელნელა და თანდათანობით ისე ვითარდება, რომ ყოველგვარი სიმპტომის გარეშე იწვევს თვალისა და ტვინის დამაკავშირებელი ნერვის დაზიანებას.

 

გლაუკომასთან არანაირი კავშირი არა აქვს იმას სველი თვალი გაქვთ თუ მშრალი, გარკვევით ხედავთ თუ არა. შესაძლოა თვალთან დაკავშირებით არაფერს უჩიოდეთ, მაგრამ ამ დროს ძალიან სერიოზული ფორმის გლაუკომა გქონდეთ. 

 

თუ დედას ან მამას აქვს გლაუკომა 3-5 ჯერ მეტია რისკი, რომ თქვენც დაგემართო, თუ თქვენს დას ან ძმას აქვს მაშინ ამ შემთხვევაში რისკი 5- 7 ჯერ იზრდება.

 

ყოველწლიურად გაიარეთ თვალის შემოწმება, თუ 40 წელს გადაცილებული ხართ ან აღგენიშნებათ ქვემოთ ჩამოთვლილი რომელიმე რისკფაქტორი:

 

  1. ოჯახის რომელიმე წევრს აქვს გლაუკომა
  2. ახლომხედველი ხართ
  3. გაქვთ შაქრიანი დიაბეტი, ჰიპოთირეოზი, ათეროსკლეროზი ან ჰიპერტენზია
  4. გადატანილი გაქვთ თვალის ტრამვა
  5. რეგულარულად იყენებთ სტეროიდებს ან ასთმის სამკურნალო პრეპარატებს

 

მაშინაც კი როდესაც არავითარი რისკ-ფაქტორი არ აღგენიშნებათ  და 40 წლისაც არა ხართ გირჩევთ ყოველ 4 წელიწადში მაინც გამოიკვლიოთ თვალი გლაუკომაზე.

თუ 40 წელს გადაცილებული ხართ, შემოწმება ყოველ 2 წელიწადში უნდა ჩაიტაროთ.

 

ვინაიდან გლაუკომა თვალში შეუქცევად პროცესებს იწვევს და გლაუკომატოზური ოპერაცია არ ემსახურება მხედველობის აღდგენას ამიტომაა საჭირო 40 წელს გადაცილებულმა პირებმა წელიწადში ერთხელ გაიზომონ თვალშიგა წნევა.

თვალის გამოსაკვლევად რეგულარული სიარული დაგეხმარებათ, რომ დროულად მოხდეს გლაუკომის ნიშნების აღმოჩენა და შესაბამისი მკურნალობის ადრეულ ეტაპზე დაწყება.

 

დროული და სათანადო მკურნალობით  შესაძლებელია გლაუკომით მიყენებული ზიანის მინიმუმდე დაყვანა.

 

სტატიის ავტორი: 

ოფთალმოლოგი, თამარ ცაბაძე

 

 

 

0
4167

ალბათ ყველას გიყვართ კაფე რესტორნებში მეგობრებთან ერთად სიარული. ეს ძალიან კარგია...

მაგრამ იცით რა ხდება ზოგიერთ რესტორანში? როგორ იცავენ სისუფთავეს? როგორია სანიტარული ნორმები?

რას გაჭმევენ?

 

ჩვენ გვინდა რომ ეს ინფორმაცია მაქსიმალურად გაავრცელოთ და გაუზიაროთ ეს სტატია/ვიდეო თქვენს მეგობრებს, რათა თქვენს და თქვენი მეგობრების ჯანმრთელობას საფრთხე არ შეექმნას. 

 

ერთი სიტყვით, ნახეთ ვიდეო და გაიგეთ რა ხდება თბილისის პრესტიჟული რესტორნების სამზარეულოებში - ფარულად გადაღებული შემაშფოთებელი კადრები

 

 

 

 

 

0
3468

ოსტეოპათია არის არამედიკამენტოზური, უმტკივნეულო მკურნალობის მეთოდი, რომელიც ეფუძნება ანატომიის, ფიზიოლოგიისა და ბიომექანიკის ცოდნას, ასევე  ეფუძნება ხელებით ზემოქმედებას ადამიანის ორგანიზმის სხვადასხვა ქსოვილზე. ოსტეოპათი ადამიანს განიხილავს  როგორც ერთიან თვითრეგულირებად სისტემას. ხელების საშუალებით  ოსტეოპათს შეუძლია შეაფასოს ქსოვილების  მოძრაობა, განლაგება, შეკუმშვის რითმი, სიმკვრივე და ტემპერატურაც კი. ასევე ხელების შესაძლებელია დადგენილი ცვლილებების კორექცია. მეთოდის ფასეულობა იმაშია, რომ შესაძლებელია დაავადების „გამოჭერა“ და შეჩერება მისი განვითარების ყველაზე ადრეულ სტადიებში

 

რამდენი ხანი გრძელდება სეანსი?

 

ყველაფერი ინდივიდუალურია,მაგრამ სვარაუდო დრო არის ბავშვებისთვის 10 წუთიდან 30-35 წუთი და დიდებისთვის 40- 60 წუთი

 

 

საჭიროა თუ არა კვლევების ჩატარება ოსტეოპატთან მისვლამდე?

 

უმჯობესია  თავად ექიმმა დაგინიშნოთ შესაბამისი კვლევა.

 

რისი განკურნებაა შესაძლებელი ამ მეთოდით:

 

  • ძილის დარღვევა

 

  • კუნთების ჰიპო- ან ჰიპერტონუსი

 

  • ფსიქომოტორული განვითარების შეფერხება

 

  • მომატებული ჭირვეულობა

 

  • კისერმრუდობა

 

  • სახსრების დისპლაზია

 

  • თავსი ქალის ძვლების ასიმეტრია

 

  • მეტეორიზმი, კოლიკები

 

  • ტვინის ჰიპოქსიური დაზიანებები.

 

  • ჰიპერაქტიურობა

 

  • ყურადღების დეფიციტი

 

 

 

სტატიის მომწოდებელია: პირველი ნაბიჯი საქართველო

 

 

 

0
6588

დაბადებიდან სკოლამდე პერიოდი ერთ-ერთი უმნიშვნელოვანესია ადამიანის ცხოვრებაში. არა მხოლოდ იმიტომ, რომ ბავშვი დგამს პირველ ნაბიჯებს, ამბობს პირველ სიტყვებს, არამედ იმიტომ, რომ ამ პერიოდში ვამყარებთ ურთიერთობას სხვებთან,  გვიყალიბდება წარმოდგენა საკუთრ თავსა და მათზე,  ვუზიარებთ ემოციებს გარშემომყოფებს  და  ზოგადად, გვექმნება წარმოდგენები ჩვენს ირგვლივ არსებულ სამყაროზე.

 

 გარემო, რომელშიც ვცხოვრობთ სავსეა ყოველდღიური შთაბეჭდილებებითა და ცვლილებებით, რომელთა განცდაც და ამ განცდის სხვებისთვის გაზიარება ადამიანის ბუნებრივი მოთხოვნილებაა. ბავშვს, ისევე როგორც ზრდასრულს, საკუთრი ემოციების გაზიარებისა და სოციალური ურთიერთობის სურვილი აქვს, რაც ასაკობრივ ზრდასთან ერთად იცვლება და ვითარდება. ბავშვის სოციალურ-ემოციური განვითარებაში იგულისხმება შემდეგი:

 

თვითგრძნობა - დადებითი განცდა იმის შეხებ, თუ ვინ ვარ და რა შემიძლია

 

სოციალური უნარები - როგორ ვამყარებ ურთიერთობას სხვა ადამიანებთან

 

ემოციური - რამდენად შემიძლია გავიგო,  გამოვხატო და ვმართო  ემოციათა ფართო სპექტრი.

 

ჩამოთვლილი უნარები, შეგვიძლია ვთქვათ, რომ შეუცვლელია, რადგან საფუძველს ქმნიან  ბავშვის განვითარებისათვის და გავლენას ახდენენ მის ფსიქიკურ ჯანმრთელობასა და კეთილდღეობაზე, როგორც ახლა, ისე სამომავლოდაც.

 

ადამიანის სოციალური-ემოციური განვითარება რამდენიმე ეტაპს მოიცავს, რომელიც ასაკის შესაბამისად არის დაყოფილი:

 

დაბადებიდან - 1 წლამდე პერიოდი

 

ბავშვებს დაბადებიდანვე აქვთ კომუნიკაციის უნარი. მაგალითად, ჩვილები  გამოხატავენ თავიანთ საჭიროებებს ტირილით. მათ შეუძლიათ განიცადონ და გამოხატონ ემოციათა ფართო სპექტრი. მომვლელთან ხშირი და პოზიტიური ურთიერთობით ჩვილები სწავლობენ იგრძნონ თავი უკეთ და ისიამოვნონ სხვებთან ურთიერთობით. ამ გზით, ისინი ასევე ისწავლიან მართონ თავიანთი განცდები და იურთიერთონ ეფექტურად სხვებთან, რათა თავიანთი საჭიროებები დაიკმაყოფილონ.

 

 

 

 

რას უნდა მივაქციოთ ყურადღება ამ ეტაპზე:

 

  • გიყურებთ, როდესაც მასთან კონტაქტში  შედიხართ, ესაუბრებით ან ეთამაშებით?
  • გამოსცემს სხვადასხვა ხმას, რომ მიიქციოს თქვენი ყურადღება?
  • სიამოვნებს თქვენს პატარას ფიზიკური კოტაქტი? (ჩახუტება, მოფერება, კოცნა)
  • მშვიდდება, როდესაც ხელში აგყავთ, იხუტებთ, ელაპარაკებით ან უმღერით?
  • რეაგირებს როდესაც ეთამაშებით, ცდილობს აგყვეთ სხვდასხვა ხმების გამოცემით, გაგიღიმოთ, იცინოს ხმით?
  • აქვს რეაქცია, როდესაც თქვენ სხვდასხვა ემოციას გამოხატავთ, ცდილობს გაიმეოროს?
  • მოსწონს თქვენს პატარას „ჭიტას“ თამაში? გიწვევთ, რომ გაიმეოროთ ის კვლავ?

 

1-3 წლამდე პერიოდი

 

რაც უფრო იზრდება ბავშვი, მით უფრო უკეთ შეუძლია მართოს თავისი განცდები, თუმცა მაინც საჭიროებს მომვლელის მხრიდან  მხარდაჭერასა და დახმარებას. ბავშვებს უჩნდებათ სურვილი თავი მოაწონონ ზრდასრულებს და გავდნენ კიდეც მათ. ამიტომაც აქტიურად ცდილობენ მიბაძონ „დიდებს“ და საკუთარ შესაძლებლობებში დარწმუნების მიზნით, ეხმარებიან მათ ისეთ ყოველდღიურ საქმიანობაში, როგორიცაა საჭმლის მომზადება, დალაგება, საყიდლებზე წასვლა და ა.შ.  ბავშვები ასევე სწავლობენ, მოარგონ თავიანთი ქცევა უფროსების მოთხოვნებს, სწავლობენ კონფლიქტის გადაჭრისა და პრობლემის გადაწყვეტის გზებს.

 

 

 

 

რას უნდა მივაქციოთ ყურადღება ამ ეტაპზე:

 

  • ამობობს „არა“-ს როდესაც რაღაც არ სურს?
  • ცდილობს დამოუკიდებლად დაიკმაყოფილოს თავისი საჭიროებები? (ჭამა, ჩაცმას, ან ტუალეტის მოხმარება)
  • მოსწონს როდესაც რაიმეს ავალებთ?
  • გამოხატავს სითბოს საყვარელი ადამიანების მიმართ?
  • ინტერესდება სხვა ბავშვებით?
  • იყენებს სიტყვებს საკუთარი საჭიროებების გამოსახატავად?
  • ცდილობს მოგბაძოთ სხვადასხვა, ყოველდღიური საქმიანობის კეთებისას?

 

3- 5 წლამდე  პერიოდი

 

სკოლამდელები ავითარებენ  თავიანთ სოციალურ და ემოციურ უნარებს უფრო ფართო სოციალურ წრეში, მათ შორის სხვა ზრდასრულებთან და ბავშვებთან ურთიერთობით. გაზრდილი ლექსიკური მარაგის, ფიქრისა და დაგეგმვის უნარის დახმარებით, მათ მეტად შეუძლიათ დალოდება სასურველი ნივთის მისაღებად, უვითარდებათ სხვების აზრის გათვალისწინების უნარი, იღებენ „გადაწყვეტლებებს“  სხვებთან ერთად.

 

 

 

 

რას უნდა მივაქციოთ ყურადღება ამ ეტაპზე:

 

  • იჩენს ინიციატივას?
  • ცდილობს გამოიწვიოს თამაშში თანატოლი?
  • შეუძლია თვითდამშვიდება?
  • ინტერესდება სხვისი განცდებით, რეაგირებს მათზე?
  • ცდილობს დაიცვას რიგი, გაუზიაროს სათამაშო სხვას?
  • ამბობს ისეთ წინადადებებს, სადაც იყებებს სიტყვებს: მიხარია, მომწონს, არ მომწონს და ა.შ.?
  • დამოუკიდებლია  (იკვებება, იცმევს, მოიხმარს საპირფარეშოს და ა.შ.) და სიამოვნებს ეს პროცესი?
  • შეუძლია „დაამშვიდოს“ მეგობარი? „გადაჭრას“ კონფლიქტები?

 

ამრიგად, სოციალური და ემოციური უნარები ასაკის შესაბამისად იცვლება და ვითარდება. მნიშვნელოვანია იმის გათვალისწინება, რომ თითოეული ეტაპი განსაკუთრებული და განუმეორებელია ბავშვის ცხოვრებაში. თუკი ბავშვი ასაკის შესაბამისად არ ავლენს ჩამოთვლილი უნარებიდან რამდენიმეს მაინც, მიმართეთ კონსულტაციისათვის ბავშვთა ფსიქოლოგს ან ადრეული განვითარების პროგრამას, რათა დროულად მოხდეს მიზანმიმართული  ჩარევა და დახმარება.

 

 

გთავაზობთ რჩევებს, რომელთა სისტემატური გამოყენება,  დაგეხმარებათ ხელი შეუწყოთ ბავშვის სოციალურ-ემოციური უნარების განვითარებას:

 

  • იყავით მგრძნობიარე და თბილი
  • უზრუნველყავით ბავშვის უსაფრთხოება
  • იმხიარულეთ მასთან ერთად, დაამყარეთ კონტაქტი პირისპირ, ხშირად გაუღიმეთ და უყურეთ თვალებში
  • უპასუხეთ ბავშვის საჭიროებებს, დააკვირდით და დაფიქრდით, როდის არის ის მზად შეწყვიტოს თამაში, ან რაიმე აქტივობა და იმოქმედეთ შესაბამისად
  • წაახალისეთ ბავშვი თავად აღმოაჩინოს ახალი სათამაშოს/საგნის დანიშნულება და ფუნქცია. ზოგადად, წაახალისეთ სიახლეებით მისი დაინტერესება
  • ესაუბრეთ ბავშვს იმაზე რა ხდება ახლა და რა მოხდება შემდეგ
  • დაეხმარეთ ბავშვს მართოს თავისი გრძნობები, ნუ შეარცხვენთ, როდესაც ის ტირის ან იმედგაცურებულია
  • მოუყევით ბავშვებს თქვენი შეცდომების შესახებ, მიეცით მაგალითი, როდესაც რაღაც ისე არ გამოვა როგორც ეს თქვენ გსურთ, თქვით, რომ სწუხართ და სცადეთ შეცდომის გამოსწორება. აუხსენით ბავშვს, რომ შეცდომა ნორმალური მოვლენაა და მთავარია მისი გამოსწორება სცადოთ
  • აღწერეთ  და დაასახელეთ ემოციები რაც შეიძლება ხშირად ( „ძალიან ვისიამოვნე შენთან ერთად მანქანებით თამაშით,  ეს სასაცილო იყო!“ , „მოწყენილი ხარ, რადგან შენი თვითმფრინავი გაფუჭდა?“ და ა.შ.)
  • მოუყევით ზღაპრები, იმღერეთ, იცეკვეთ მასთან ერთად და ითამაშეთ წარმოსახვითი თამაშები
  • წაახალისეთ ბავშვი, ასაკის შესაბამისად გააკეთოს არჩევანი და მოძებნოს გამოსავალი  ( „წითელ მაისურს ჩაიცმევ თუ ლურჯს?“, „ რა გავაკეთოთ სადილად, შემწვარი კარტოფილი თუ წიწიბურა?“)
  • წაახალისეთ დამოუკიდებლობა
  • დაელოდეთ, მოგმართოთ დახმარებისათვის თავად, მათ მეტი დრო სჭირდებათ მაგალითად იმისათვის, რომ დაამთავრონ წვნიანი, ჩაიცვან ფეხსაცმელი და ა.შ.
  • ყოველთვის შეაქეთ მცდელობისათვის და არა მხოლოდ შედეგისათვის 

 

ბავშვის სოციალური და ემოციური უნარები მუდმივად ვითარდება. ყველა ბავშვი უნიკლაურია, მიეცით მათ მეტი გამოცდილება თქვენთან ურთიერთობის საშუალებით, რათა მან მეტი უნარი და შესაძლებლობა აღმოაჩინოს საკუთარ თავში!

 

გისურვებთ წარმატებებს!

 

 ავტორი: გვანცა კოპალიანი  

პირველი ნაბიჯი“-ს ბავშვთა ადრეული განვითარების ფსიქოლოგი

 

 

0
6251

ლალი ფხალაძე, მედიცინის აკადემიური  დოქტორი, ექიმი რეპროდუქტოლოგი, არჩილ ხომასურიძის რეპროდუქტოლოგიის ინსტიტუტის კლინიკური დირექტორი.

 

ორსულობა ქალის ცხოვრებაში ყველაზე ამაღლებული და მნიშვნელოვანი პერიოდია. დედა  სიხარულით ელის შვილის დაბადებას, მაგრამ, სამწუხაროდ, ყველა ორსულობა სასურველი შედეგით ვერ მთავრდება. არსებობს გარკვეული საფრთხეები, რაც ორსულობის შეწყვეტის მიზეზი ხდება. ეს დიდ ფსიქოლოგიურ და ემოციურ სტრესს იწვევს.  ერთ-ერთი ასეთი საფრთხეა  ქალებში მამაკაცური ჰორმონების-ანდროგენების სიჭარბე, იგივე ჰიპერანდროგენემია.

 

მამაკაცური ჰორმონები-ანდროგენები გარკვეული როადენობით ქალის ორგანიზმშიც გამომუშავდება. ანდროგენების წყარო, ძირითადად, საკვერცხეები და თირკმელზედა ჯირკვალია. სხვადასხვა დარღვევების დროს მათი ჭარბად გამომუშავება ქალის ორგანიზმში იწვევს პათოლოგიური ცვლლებებს, მათ შორის უშვილობას და ორსულობის შეწყვეტას-თვითნებით აბორტებს.

 

ქალებში მამაკაცური ჰორმონების სიჭარბეს ახასიათებს ჭარბთმიანობა, კანის ცხიმიანობის და ფორიანობის მატება, აკნეს ტიპის გამონაყარი, მენსტრუაციული ციკლის დარღვევა. ამ მდგომარეობას ხშირად თან ახლავს სიმსუქნე. ცხიმის გადანაწილება უპირატესად სხეულის ზედა ნაწილში, მუცლის არეში ხდება, რასაც მამკაცური ტიპის სიმსუქნეს ეძახიან. ხშირად ვითარდება ბარძაყის შიდა ზედაპირზე კანის მუქი პიგმენტაცია, რაც ინსულინის მომატების და ინსულინორეზისტენტობის ნიშანია,  ქალები  კი ამას კანის ხახუნს აბრალებენ.

 

ანდროგენების სიჭარბე ხელს უშლის საკვერცხეში ფოლიკულის მომწიფებას, რის გამოც არ დგება ორსულობა. ხშირია ორსულობის  თვითნებური შეწყვეტა- სპონტანური აბორტი.

 

მამაკაცური ჰორმონები ორსულობას საფრთხეს უქმნის ძირითადად 12 კვირამდე. ის იწვევს  ყვითელი სხეულის ნაკლებობას. ანდროგენები ასევე მოქმედებენ საშვილოსნოს სისხლძარღვებზე და უშლიან ხელს ჩანასახის  შემდგომ განვითარებას.  ორსულობის შეწყვეტის საშიშროებაზე მიუთითებს  სისხლიანი ჩამონაშალი სასქესო გზებიდან. საყურადღებოა მენსტრუაციისმაგვარი ტკივილის და მუცლის ქვედა არეში ძლიერი ქაჩვის შეგრძნება. ამ სიმპტომების არსებობისას, ქალმა აუცილებლად უნდა მიმართოს ექიმს. დროული ჩარევის შემთხვევაში, მაღალია ორსულობის შენარჩუნების ალბათობა.

 

მნიშვნელოვანია, რომ ანდროგენების სიჭარბე ორსულობამდე დადგინდეს. მკურნალობის ძირითადად დამოკიდებული იმაზე, თუ სად არის ქალის ორგანიზმში  ანდროგენების წყარო.

 

ორსულობა მეტად  სათუთი და გასაფრთხილებელი მდგომარეობაა, ამიტომ ფეხმძიმე ქალმა უნდა მიიღოს მხოლოდ აუცილებელი  მედიკამენტები. არის შემთხვევები, როცა  მკურნალობა გარდაუვალია. ასეთ დროს სასწორის მეორე მხარეს ის საფრთხეები იდება, რაც პრეპარატის არ მიღებამ შესაძლოა გამოიწვიოს. ასეთი საფრთხეა სწორედ მამკაცური ჰორმონების სიჭარბის დროს ორსულობის თვითნებური შეწყვეტა ანუ მუცლის მოშლა. 

 

ჰორმონული დარღვევების გამოვლინებას ხელს უწყობს უარყოფითი  გარემო ფაქტორების ზემოქმედება. ჩვენი თავის ტვინი ყველანაირ გარე ფაქტორზე რეაგირებს, მისგან კი ინფორმაცია მთელ ორგანიზმს გადაეცემა. ცხოვრების დაძაბული რიტმი, დარღვეული რეჟიმი, უმოძრაობა, არასწორი კვება და სხვა, ჩვენი ორგანიზმისთვის ერთგვარი სტრესია, რაც სხვადსხვა პათოლოგიების გამოვლინებით აისახება.

 

ამიტომ, განსაკუთრებით უნდა  გაესვას ხაზი ჯანსაღი ცხოვრების წესის მნიშვნელობას ქალის რეპროდუქციული ფუნქციის (გამრავლების, შთამომავლობის გაგრძელების) ნორმალური ფუნქციონირებისათვის.

 

ნორმალური ძილი, დაბალანსებული კვების რეჟიმი, თამბაქოსა და Lალკოჰოლზე უარის თქმა, ზომიერი ფიზიკური აქტივობა, დადებითი ემოციები- ჰორმონული დარღვევების  მოწესრიგების აუცილებელი  წინაპირობაა.

 

ამიტომაც, მნიშვნელოვანია ქალების მხრიდან საკუთრი ჯანმრთელობის მიმართ მეტი ყურადღება და  პრობლემების დროს  ექიმის პროფესიონალური მიდგომა.

 

სტატიის ავტორია: ლალი ფხალაძე

არჩილ ხომასურიძის რეპროდუქტოლოგიის ინსტიტუტი

 

 

 

0
11608

თუ თქვენ ძალიან გაწუხებთ მოწევისთვის თავის დანებების სურვილი და ჩვეულებრივი მეთოდები არ გშველით, მაშინ ეს სტატია არის თქვენთვის.

 

როგორც ცნობილია, ამ ჩვევასთან გამკლავება ძალიან რთულია. სიგარეტისთვის თავის დანებებას დიდი ძალისხმევა და ნებისყოფა სჭირდება, რადგან იმ მომენტში თუ გამოჩნდა ვინმე მწეველი, ადამიანს თავის შეკავება ძალიან უჭირს და ისევ იწყებს მოწევას. ის ფაქტი, რომ ადამიანი ვერ ანებებს თავს სიგარეტის მოწევას, უფრო არის მისი ფსიქოლოგიის და არა მავნე ჩვევის ბრალი.

 

ადამიანი არწმუნებს საკუთარ თავს, რომ მოწევა სჭირდება, რომ ქვეყანა არ დაიქცევა იმით თუ ერთ ღერ სიგარეტს მოწევს, თუმცა იმაზე აღარ ფიქრობს, რომ მის ჯანმრთელობას ამით არაფერი შეემატება.

 

სიგარეტისთვის თავის დანებების ეფექტური მეთოდი

 

მაშ ასე, ორგანიზმში მწეველებს დარჩენილი აქვთ გარკვეული გემოს რეცეპტორები, რომლებსაც სიგარეტის კვამლი არ შეხებია. იმისათვის, რომ ეს რეცეპტორები ამუშავდეს აქტიურად, საჭიროა შემდეგი რამის გაკეთება:

 

პირში ჩაიგუბეთ სიგარეტის კვამლი და თავი რაც შეიძლება მაღლა აწიეთ, შემდეგ უბრალოდ დაიწყეთ კვამლის ღეჭვა. უკვე მეხუთე დაღჭვაზე იგრძნობთ უსიამოვნო გემოს, ასე გააგრძელეთ მანამ, სანამ მსუბუქი გულისრევის შეგრძნება არ გაგიჩნდებათ (დაახლოებით 10-15-ჯერ). ყოველ ჯერზე, როცა მოწევა მოგინდებათ გამოიყენეთ ეს მეთოდი და თუ ნებისყოფასაც გამოიჩენთ, ზუსტად სამი დღის შემდეგ გაგიჩნდებათ შეგრძნება, თითქოს სიგარეტი ცხოვრებაში პირველად მოწიეთ. ხველებას დაიწყებთ როცა სიგარეტის მოწევა მოგინდებათ. ამ გზით ნამდვილად შეძლებთ სიგარეტის მოწევისთვის რეალურად თავის დანებებას. 

 

 

 

0
13342

მხოლოდ სუსტი ქალები აძლევენ სიყვარულს იმის უფლებას, რომ გავლენა იქონიონ მათზე. ძლიერ ქალებს ის ვერ ეხება.

 

ძლიერ ქალებს არ უყვარდებათ. ძლიერი ქალები ტკბებიან სიყვარულით, ფლირტს აბამენ, ფრთხილად უშვებენ მას ცხოვრებაში და უმტკივნეულოდ ტოვებენ მას. ეს ყველამ იცის. მხოლოდ სუსტი ქალები აძლევენ სიყვარულს მათზე გავლენის მოხდენის უფლებას. ძლიერ ქალებს ის ვერ ეხება. 

 

ძლიერი ქალები თავისი ცხოვრებით ცხოვრობენ

 

მათ შეიძლება ჰქონდეთ რომანი, ჰყავდეთ მეგობარი მამაკაცი, ან პარტნიორი, მაგრამ შეყვარებული - არასოდეს, რადგან სიყვარული გაფერხებს, ხელს გიშლის მიზნების მიღწევაში და ცხოვრებისგან იმის მიღებაში, რაც გსურს. ძლიერ ქალებს არ უყვარდებათ, რადგან სიყვარული - ეს არის ემოცია. ხოლო ნამდვილი ქალი არაფერს გრძნობს ბოლომდე. ძლიერ ქალს, როგორც გადამრთველს, შეუძლია ჩართოს და გამორთოს გრძნობები.  ნამდვილი ქალი – ძლიერია იმიტომ, რომ მან შეძლო გამხდარიყო მიუკერძოებელი.

 

საინტერესოა ამ ტრიადების მოსმენით თუ დაიღალა ვინმე?

 

წესით ყველა დაღლილი უნდა იყოს გამუდმებული და დაუსრულებელი წინააღმდეგობების მოსმენით, რომლებსაც ადამიანები ერთმანეთს ვუქმნით. უკვე ყველა დაღლილი უნდა იყოს კრიტიკით, რომელსაც ვეჯახებით როცა გვიყვარს ან როცა არ გვიყვარს. ყველა დაღლილი უნდა იყოს იმის მოსმენით თუ რას ნიშნავს იყო ძლიერი, რას უნდა განვიცდიდეთ და რას უნდა ვამბობდეთ. ჩვენ გვარცხვენენ როცა გვიყვარს, როცა არ გვიყვარს და მაშინაც კი, როცა გულახდილი ვართ საკუთარი სურვილების გამოხატვაში. ამიტომ ეს ვითარება უნდა შევცვალოთ.

ძალას არანაირი კავშირი არ აქვს მიუკერძოებლობასთან. ძალას არანაირი კავშირი არ აქვს იმასთან, თუ რამდენად სწრაფად/ხშირად/წარმატებით გვიყვარდება ან ვივიწყებთ. ძალა - ეს არის გულახდილობის საზომი, რომელიც თქვენ ცხოვრებაში შემოგაქვთ. ეს კი იმას ნიშნავს, რომ მხოლოდ თქვენ წყვეტთ საკუთარ ცხოვრებაში ყველაფერს.

ძალა — ეს ნიშნავს იმის ცოდნას, თუ რა გინდათ. ძალა — ეს ნიშნავს იმ ცხოვრებისთვის ბრძოლას, რომელიც გინდათ რომ გქონდეთ, იქნება ეს პრეზიდენტობა თუ დიასახლისობა. ძალა – ეს ნიშნავს იცხოვრო საკუთარი განსაზღვრებით. ძალა – ეს ნიშნავს დააიგნორო ისინი, ვინც სათანადოდ არ აფასებს თქვენს ძალისხმევას. ძალა – ეს ნიშნავს საკუთარი პრინციპების დაცვას და იმასთან შესაბამისობაში ცხოვრებას, რისიც გჯერა.

 

ადამიანები, რომლებიც მასხრად იგდებენ მიჯაჭვულობას, უპირატესობას ანიჭებენ თავისუფალ ურთიერთობებს, ამაყობენ საკუთარი დამოუკიდებლობით - ვერასოდეს გაიგებენ რამხელა ძალაა საჭირო იმისათვის, რომ გიყვარდეს.  



ისინი ვერასოდეს მიხვდებიან რამხელა ძალაა საჭირო საკუთარი სისუტეების საჩვენებლად, საკუთარი გულის გასახსნელად და პირადი ინტერესების დასათმობად ყოველგვარი პირობებისა და გარანტიების მიღების გარეშე. ძალა - ეს ნიშნავს ყველაფერი იმით გარისკვას, რაც გაგაჩნია, და როცა დარწმუნებული ხარ, რომ კარგად იქნები მაშინაც კი, თუ ყველაფერი ისე არ გამოვა, როგორც გინდოდა.  

 

შეიძლება დამწუხრებული იყო, მაგრამ იყო ძლიერი. შეიძლება შეშინებული იყო, მაგრამ იყო ძლიერი. შეიძლება საკუთარი ცხოვრების ხელახლა და ნაწილ-ნაწილ აწყობა დაგჭირდეს, მაგრამ იყო ურღვევი კედელი! ყველას თავისებური განმარტება აქვს და მის შესაბამისად უნდა ცხოვრობდეს.

«ძლირ ქალებს არ უყვარდებათ» — ეს გამოთქმა არის სრული სისულელე. ეს არასოდეს არ უნდა ვუთხრათ საკუთარ თავს. ძლიერ ქალებს ესმით საკუთარი თავის. ისინი ცხოვრების ყოველ მომენტში დადებითს და სასარგებლოს ნახულობენ, იქნება ეს რთული თუ ტრიუმფალური მომენტი. ძლიერი ქალები არიან გამარჯვებულებიც და დამარცხებულებიც, მაგრამ ისინი ნამდვილად არ არიან კერკეტი კაკლები, რომლის გატეხვაც შეუძლებელია.



ძლიერი ქალებიც ეცემიან, მაგრამ ყოველ ჯერზე ფეხზე დგებიან, იმაზე გაცილებით მეტჯერ, ვიდრე სხვები და მათსავით არ იწყებენ საკუთარი არჩევანის ან საქციელის ტრიბუნიდან გაკრიტიკებას ან ამის გამო მოთქმა-გოდებას.

 

არასასურველისთვის თავის ასარიდებლად ძალა არ არის საჭირო. არც იმისთვის არის საჭირო ძალა, რომ სხვები გააკრიტიკო. ძალა საჭიროა იმისათვის, რომ საკუთარ პრინციპებზე იდგე. რომ აღიარო ის, რაც ცხოვრებაში გინდა და იარო მიზნისკენ. ძალა საჭიროა იმისათვის, რომ სხვების აზრს ნაკლებად მიაქციო ყურადღება და ნაკლებად განიცადო.

 

ძლერ ქალებსაც უყვარდებათ. ზოგჯერ არც... ისინი იწყობენ კარიერას, ზოგჯერ კი სახლში სხედან, დიასახლისები არიან და შვილებს ზრდიან. ძლიერი ქალები არ ცხოვრობენ ერთი განსაზღვრების მიხედვით, მაგრამ რაც მათ აერთიანებთ ეს არის ის, რომ არჩევანს თუ როგორ იცხოვრონ თავად აკეთბენ, რისთვისაც ყველა საშუალებას იყენებენ.

 

 

0
13431

ზოგიერთ მამაკაცს არ შეუძლია ძლიერ ქალთან გამკლავება, ქვემოთ მოცემულია 10 მიზეზი თუ რატომ...

 

რა აძლიერებს ქალს? - მისი მუდმივი ბრძოლა, მსხვერპლშეწირვა ან სრული უგულებელყოფა. მხოლოდ ძლიერ ადამიანურ ნატურას შეუძლია გადაიტანოს ტკივილის სინდრომი, ბოლომდე გადალახოს მწარე გამოცდილება და შეძლოს პატიება. თქვენს წინაშე არიან თვითკმარი დამოუკიდებელი და მოსიყვარულე ქალები. მათ სულაც არ ეშინიათ საკუთარი მოწყვლადობის დემონსტრირების. ასეთი რეალობის პირობებში ჩნდება შეკითხვა: «როგორ შეუძლია ასეთ ქალს, ხელი კრას მამაკცს?».

 

წარმოგიდგენთ იმ ათ პირველად მიზეზს, რომელთა გამო მამაკაცებს არ შეუძლიათ ძლიერ ქალთან გამკლავება:

 

1. ძლიერ ქალს არ სჭირდება მამაკაცი, რომელიც ბრძოლას გამართავს მის გამო

 

ყველა მამაკაცისთვის განსაკუთრებით მნიშვნელოვანია იმის შეგრძნება, რომ ვინმესთვის საჭიროა. მამაკაცებისთვის ასევე მნიშვნელოვანია იმის ცოდნა, რომ ბრძოლა იმართება მარადიული სიყვარულისთვის და მისი მხრიდან ქალის მოსახიბლად. ძლიერ ქალს ახასიათებს სიყვარულის გამოვლენა რჩეული მამაკაცის მიმართ, მაგრამ ამასთანავე იგი რჩება სრულიად დამოუკიდებელი და გადაწყვეტილების თავისით მიმღები. სწორედ ძლიერ ქალს შეუძლია იბრძოლოს ორისთვის და არ სჭირდება ისეთი მამაკაცი, რომელიც მის მაგივრადაც დაიწყებს ბრძოლას. ქალის ასეთ ტიპს შეუძლია თავად მოაგვაროს პრობლემები. მათ არ ახასიათბთ მსხვერპლის პოზიციაში ყოფნა. დაიმახსოვრეთ: ასეთ ქალებს არ სჭირდებათ მამაკაცი, რომელიც ყველა გადაწყვეტილებას მათ ნაცვლად იღებს.

 

2. ძლიერმა ქალმა ყოველთვის იცის, რა უნდა ყველაზე მეტად

 

ძლიერმა ქალებმა საკუთარი სურვილები კარგად იციან, და ასევე კარგად ესმით მათი რეალიზების შესაძლებლობები რამდენად აქვთ. მათ არ ავიწყდებათ განვლილი გზა, თუ რის ფასად დაუჯდათ სასურველის მიღწევა. როცა შეუყვარდება, ასეთი ქალი პირველ ნაბიჯსაც დგამს და არ იწყებს ლოდინს, როდის ეტყვის რამეს მამაკაცი. მათთვის დამახასიათებელია ურთიერთობების სიმყარე, რაც ძალიან ხშირად კაცობრიობის ძლიერ სქესად აღიარებულ წარმომადგენლებს საკმაოდ აშინებთ. ძლიერ ქალებს არ ახასიათებთ მორჩილება. მათ მთლი გულით უყვართ, მაგრამ ამასთანავე ინარჩუნებენ დამოუკიდებლობას. აღნიშნული ტიპის ქალი ენდობა მხოლოდ ისეთ მამაკაცს, რომელიც საკუთარ თავში დარწმუნებულია.

 

3. ძლიერი ქალი ურთიერთბებში ითხოვს გულახდილობას

 

მამაკაცებს არ მოსწონთ რთულ შეკითხვებზე პასუხების მოგონება. ძლიერი ქალის მიზანია გაარკვიოს სიმართლე მამაკაცის პიროვნებისა და განვილილი ცხოვრების შესახებ. მამაკაცი ურთიერთობებში მათი წარმოდგენით უნდა იყოს გულახდილი, რადგან თავიდანვე სწორად დაწყებულ ურთიერთბას ნაკლები გულის ტკივილი მოსდევს.

ძლიერ ქალებს უნდათ, რომ დარწმუნებული იყვნენ თავიან რჩეულში, რომელთან ერთადაც შეძლებენ ნაბიჯების გადადგმას სამომავლოდ.

მხოლოდ ძლიერ ქალებს არ აშინებთ წარსული. ისინი მუდმივად იმის ძიებაში არიან, თუ რამ გახადა ადამიანი ისეთი, როგორიც ახლა არის. მამაკაცებს კი ხშირ შემთხვევაში ახასიათებთ გულახდილობისთვის თავის არიდება, რადგან ეშინიათ სუსტები არ გამოჩნდნენ.

 

4. მხოლოდ ძლიერ ქალს არ შეაშინებს არასოდეს ინტიმური სიახლოვე

 

ის თავად იქნება გამოწვევის ინიციატორი მსგავს ურთიერთობებზე წასვლისას. ის მაქსიმალური კომფორტს გრძნობს საკუთარი ქალურობით და იმის მოლოდინით, მისი რჩეულიც ზუსტად ასევე გახსნილია იმისთვის, რაც თან სდევს ინტიმურ სიახლოვეს. დარწმუნებული იყავით, რომ ძლიერ ქალთან ველური ვნებაც დაგჭირდებათ, არამიწიერი ლტოლვა და უდიდესი მგრძნობელობის გამოვლენაც.

 

5. ძლიერი ქალი სიმართლეს ტყუილშიც ხედავს

 

ძლიერ ქალებს ახასიათებთ ურთიერთობებში გულახდილობა, ამიტომ, იგივეს მოითხოვენ რჩეულთაგან. ასეთი ტიპის ქალები ეგრევე იჭერენ ტყუილს, შესაბამისად, თქვენი ნებისმიერი მცდელობა რამენაირად მოატყუოთ მას, იქნება ფუჭი. ის ვერ იტანს დაპირებებს, რადგან თქვენს წინაშეა ქალის სხეულში ჩასახლებული სიცრუის დეტექტორი. იყავით გულახდილი, რადგან ის არ ეგუება მატყუარა და ანგარებიან ადამიანებს. თქვეინ ნეგატიურობის შემთხვევაში, ეჭვიც არ შეგეპაროთ, რომ ყოველგვარი ყოყმანისა და პრობლემის გარეშე გაგათავისუფლებთ საკუთარი არსებობისგან.

 

6. ძლიერ ქალს სჭირდება თქვენი მტკიცე ხასიათი და გონივრულობა

 

ძლიერი ქალები ვერ ეგუებიან სუსტი ნებისყოფის, მერყევ და წუწუნა მამაკაცებს. ისინი დარწმუნებული უნდა იყვნენ, რომ მათი რჩეული მტკიცე ხასიათის მატარებელი და საკუთარი სიტყვის დამცველია. თუ ოდნავ სისუსტეც კი შეამჩნიეს რჩეულს - ურთიერთობა სწრაფად წყდება, თან ისე, რომ არავითარ შემთხვევაში არ იწყებენ ადამიანის გრძნობებით თამაშს. ურთიერთბას წყვეტენ იმ შემთხვევაშიც, თუ მამაკაცის მხრიდან უპატივცემულობას დაინახავენ. ყველაზე საშინელი, რაც ასეთი ტიპის ქალთან მამაკაცმა შეიძლება გააკეთოს, ეს არის მისი ძალის დასუსტების მცდლეობა - ამას ის ნამდვილად არ გაპატიებთ.

 

7. დაძაბულობა

 

ძლიერ ქალს ბევრი სირთულის გადალახვა მოუხდა ცხოვრების გზაზე, რამაც რეალურად აქცია ის ძლიერ პიროვნებად. იმის გაცნობიერება, რომ ცხოვრებაში ნებისმიერ დროს შეიძლება დადგეს რთული მომენტი, ძლიერ ქალს მუდმივ დაძაბულობაში ამყოფებს. აი რატომ უჭირთ მამაკაცებს ასეთი ქალების მიღება. თუმცა, ასეთი ქალი ყოველთვის მზად არის გადაწყვეტილების მისაღებად, საკუთარი ტკივილისა და დარდის გასაზიარებლად, თავის მხრივ, მამაკაცისგან ელის იგივეს. მის სამყაროში საიდულოები ნაკლებად არის.

 

8. ძლიერი ქალური ნატურა არავის არ ელის

 

ასეთი ტიპის ქალი ნათელი მაგალითია იმ პიროვნების, რომელიც მზად არის ჯოჯოხეთშიც კი წავიდეს მაშინაც კი, როცა დარწმუნებულია საკუთარი რჩეულის ერთგულებაში. თუმცა, როცა თქვენ უკან დახევას გადაწყვეტთ, დარწმუნებული იყავით, რომ მისი მხრიდან არანაირ ზეწოლას ადგილი არ ექნება. მისი ქცევის მოდელში არ დევს მამაკაცის მხრიდან გადაწყვეტილების მიღების ლოდინი: ვისთან უნდა მას ყოფნა. ძლიერ ქალებს არაფერში სჭირდებათ სუსტებისთვის დამახასიათბელი თამაში და როლის მორგება. აი რატომ სჯობს თავიდანვე გადაწყვიტოთ და თან გააცხადოთ, ვისთან გსურთ ყოფნა - მან უნდა იცოდეს თქვენი სურვილისა და არჩევანის შესახებ. თუ თქვენი პასუხი მისთვის უარყოფითი იქნება და მას ამით გული ეტკინება, ის მზად არის იარები მოიშუშოს და ფეხზე ადგეს ახალ სირთულეებთან შესახვედრად.

 

9. ძლიერი ქალი უპირობოა თავის სიყვარულში

 

ძლიერ ქალებს ახასიათებთ ერთგულება, რომელიც კომბინირებულია მკვეთრ აღმზრდელობით ქმედებებთან და რაღა თქმა უნდა რჩეულის მიმართ ძლიერ სიყვარულთან. ეს მოიცავს მზრუნველობით დამოკიდებულებასაც. ძლიერი ქალი ყველანაირად მხარში უდგას რჩეულ მამაკაცს, ეხმარება და მხარდაჭერას უცხადებს ნებისმიერ საკითხში. გასაოცარია, მაგრამ სწორედ ამ ნიშან-თვისებების გამო, ბევრ მამაკაცს უჭირს ძლიერ ქალთან ურთიერთბის აწყობა, თუმცა არ შეგეშინდეთ, რადგან ის თავად გაგიშვებთ, რამდენად მტკივნეულიც არ უნდა იყოს ეს მისთვის, რადგან ძლიერმა ქალმა ყოველთვის იცის საკუთარი თავის ფასი.

 

10. ძლიერი ქალი თვალს აგიხელთ საკუთარი თავის დასანახად

 

ძალიან რთულია საკუთარი ნაკლის დანახვა, განსაკუთრებით გვერდიდან. ძლიერი ქალი საკუთარ რჩეულს მიუთითებს ნაკლზე, რომელიც მისი აზრით გადასახედი და გამოსასწორებელია. ამასთან, მისი არსებობა თქვენს ცხოვრებაში კიდევ ერთხელ მოწმობს იმას, რომ უნიკალური, თავდაჯერებული და ბევრი სხვა დადებითი ნიშნის მატარებელი ადამიანი ხართ.  

 

ასეთი გამოცდის ჩაბარება მამაკაცების უმრავლესობის ძალებს აღემატება. გამოდის, რომ ნატურით ძლიერ ქალს, ასევე ძლიერი მამაკაცი სჭირდება, რადგან სუსტები გაცნობის პირველ ეტაპსაც კი ვერ გაივლიან.

 

 

 

0
10493

ის ჩაიკეტა თავის თავში და არ გიხსნით რატომ...

 

რაღაც შეიცვალა. რაღაც ძველებურად აღარ არის, ან შეიძლება გეჩვენებათ.

ის სხვანაირი გახდა. აღარ არის ძველებურად ხალისიანი გოგონა, რომელიც შეგიყვარდა, ძველებურად აღარ ასხივებს, აღარ გამოხატავს სურვილს დაგეხმაროს რთულ მომენტებში.

 

ის ჩაიკეტა საკუთარ თავში და არ გიხსნით რატომ.

 

ის ძველებურად გეხვევა, მაგრამ ვეღარ გრრძნობს. ის გიყურებს, მაგრამ ვერ გხედავს. ის გესაუბრება, მაგრამ აღარ ესმის შენი. ის შენს გვერდით არის, მაგრამ შენთან აღარ არის.

შენ ის დაკარგე.

 

შენ ფიქრობ, რომ ეს დასასრულის დასაწყისია, მაგრამ სიმართელე ისაა, რომ ყველაფერი დიდი ხნის წინ დამთავრდა.

 

ყველაფერი დამთავრდა მაშინ, როცა შენ არ უყურებდი, როცა შენ არ აქცევდი ყურადღებას.

ყველაფერი დასრულდა მაშინ, როცა მან შეწყვიტა შენს შეტყობინებებზე პასუხის სწრაფად გაცემა. როცა მან შწყვიტა საუბრის დაწყება. როცა თქვენი დუმილი უხერხული გახდა. ყველაფერი დასრულდა მაშინ, როცა მან შეწყვიტა შენთან იმაზე საუბარი თუ რას ფიქრობს, რადგან შენ არ ეკითხებოდი.

შენ მისი გესმოდა მაგრამ არ უსმენდი. თქვენ უფრო მეტად დუმდით. ეს გახდა თქვენი ახალი რეალობა. შენ ფიქრობდი, დუმილი იმის ნიშანი იყო, რომ მას სათქმელი არაფერი ჰქონდა, სინამდვილეში კი ეს იყო დახმარების თხოვნა მისი მხრიდან, დახმარება იმის გამო, რომ რაღაც ისე არ არის, როგორც აქამდე იყო.

 

შენ ეუბნებოდი მას რომ გიყვარს, მაგრამ ამას არ აჩვენებდი.

 

შენ არ აფასებდი მის სიყვარულს, მის დროს, და რაც ყველაზე უარესია - მის გულს. შენ მას ემოციურად აშიმშილებდი. შენ დაგავიწყდა, რომ სიყვარულს მუდმივი მხარდაჭერა სჭირდება - ყოველდღურად და არა დროდადრო...

შენ დაგავიწყდა, რომ ის მაშინაც უნდა გიყვარდეს, როცა დაღლილი ხარ, როცა რთული დღე გქონდა, როცა გაბრაზებული ხარ... შენ დაგავიწყდა, რომ უნდა გიყვარდეს, როცა ის არის გაბრაზებული, დაღლილი, როცა რთულია მისი სიყვარული...

 

აი ასე დაკარგე ის...

 

როცა მას უყურებ, მხოლოდ ქალის ვიზუალს ხედავ, რომელიც დატოვა ქალმა, ვინც გიყვარდა. ის არ შეცვლილა - ეს შენ შეიცვალე, უბრალოდ ეს ვერ შეამჩნიე.

 

ცვლილებები, რომელსაც მასში ხედავსხვა არაფერია, თუ არა შენი გაუფრთხილებლობის მიერ გამოწვეული გვერდითი მოვლენები.

 

სავარაუდოდ ამ ყველაფრის გაცნობიერება სულიერად გაგტეხავს, და ეს მოხდება მაშინ, როცა ის სამუდამოდ წავა შენგან... ეს სამწუხარო დღე და მოვლენა იქნება შენს ცხოვრებაში. ყველაზე სამწუხარო კი ის იქნება, როცა მიხვდები, რომ საერთოდ ვერ ხვდებოდი როგორ ახლოვდებოდა ეს დღე, ან ხვდებოდი და არაფერი გააკეთე იმისათვის, რომ ის შეგეჩერებინა.

აი რატომ დაკარგე ის...

და როცა ეს დღე დადგება, ეს იქნება სრულად შენი დანაკარგი...

 

0
11608

გთავაზობთ ცნობილი საოჯახო კონსულტანტისა და გამოცემა The Huffington Post-ის კოლუმნისტის - მეგ კონლის ინსტრუქციას აქტიური სექსუალური ცხოვრების ჩამოყალიბებასთან დაკავშირებით.

 

1.    დედობაქალურობის გამოხატვის ერთ-ერთი ბოლო საშალებაა

 

და ამ როლმა, შესაძლოა ქალს დააკარგვინოს განცდა, რომ არის სექსუალური ობიექტი. დროის უდიდეს ნაწილს დედა ატარებს ბავშვთან, უვლის და ზრუნავს მასზე. პარკში ასეირნებს და ამ დროს სპორტულ ფორმაშია, თავის მოვლას ფაქტიურად ივიწყებს.

თუმცა, ყოველთვის უნდა გახსოვდეთ, რომ ბავშვის გაჩენის, მოვლისა და აღზრდის გარდა, ძველებურად გვერდით გყავთ საყვარელი მამაკაცი, რომელსაც რაც უფრო ხშირად აკოცებთ, მით უფრო მალე მიხვდებით, რომ თქვენ პირველ რიგში ხართ ქალი! რომ ძველებურად შეგიძლიათ ცხოვრების სხვა მხარეებითაც დატკბეთ და მხოლოდ ბავშვის ან სახლის მოვლით არ დაკავდეთ. თუმცა, გაითვალისწინეთ, რომ ამას ვერასოდეს გააცნობიერებთ, თუ არ ფიქრობთ სექსზე და თქვენთვის სულ ერთია ქმართან ამ მხრივ საკითხი როგორ გაქვთ დალაგებული.

 

2.    თუ თქვენ გსურთ, რომ ქმარი იქცეოდეს ნამდვილი მამაკაცივით, მას უნდა მოექცეთ როგორც მამაკაცს!

 

ქალებმა მამაკაცებს თავი უნდა აგრძნობინონ სიყვარულის ობიექტად: ამის შემდეგ ისინი უფრო მარტივები გახდებიან და თქვენდამი დამოკიდებულებაც გამოუსწორდებათ. ამის შეგრძნების შემდეგ მათაც ძლიერ მოუნდებათ თქვენთან ყოფნა. თუ თქვენ დაღლილი ხართ, ძალა და ენერგია არ გყოფნით, სადილი დაუკვეთეთ რესტორანში და ნუ დაიწყებთ მის მომზადებას, რათა ბავშვის დაძინების შემდეგ განმარტოებისას, შეძლოთ ქმართან სითბოსა და ალერსის გამოხატვა.

უპრიანი იქნება ურთიერთბის სხვა მომენტებშიც ადეკვატურად მოქცევა, მაგალითად რაც შეიძლება ხშირად გაუღიმეთ, მოეფერეთ, გააცილეთ სამსახურში წასვლისას და თბილად შეხვდით როცა სახლში დაბრუნდება. ხშირად დაენახვეთ შიშველი. მომენტი, როცა კარგ ადამიანს შეუძლია იყოს კარგი და სასურველი ქალიც - ძალიან მნიშვნელოვანია ცოლ-ქმრულ ურთიერთბებში. თუ ყურადღებიანი გახდებით, რამოდენიმე კვირაში გაგიკვირდებათ კიდეც, რატომ აქამდე არ გინდებოდათ ქმართან ფიზიკური სიახლოვე ყოველდღიურად.

 

3.    თქვენ ისევ მოგეწონებათ დროის ერთად გატარება

 

თუნდაც 2 საათით, მას შემდეგ, რაც ბავში დაიძინებს, მაგრამ ერთად გატარებული დრო ნამდვილად სასიამოვნო იქნება თქვენთვის! გახსოვთ ის ამბიციური და მეოცნებე ბიჭი, რომელსაც ცოლად გაყევით? გახსოვთ როგორ გრძნობდით, რომ ეს იყო დიდი თავგადასავლის დასაწყსი? - არანაირი მიზეზი არ გაქვთ ამ ემოციების დასავიწყებლად.

 

4.    სექსი ხსნის სტრესს

 

ნებისმიერ დედას პანიკა ეწყება საუზმით. რამდენადაც თქვენ ბევრი რამის მოთმენა გიწევთ, გაქვთ არჩევანიც: სასოწარკვეთლებისგან კედელზე თავის რტყმევა ან „კვამლის გამოშვების“ სხვა საშუალების პოვნა (უფრო სწორად გახსენება), თუ დაფიქრდებით მეორე ვარიანტი უკეთესია.

 

5.    სექსი ამარტივებს ცხოვრებას

 

როცა თქვენ რეგულარუად გაქვთ სექსი, სულერთი იქნება დადიხართ თუ არა კინოთეატრში, წვეულებებზე ან შოპინგზე.

ბოლოს და ბოლოს, სექსით უნდა დაკავდეთ იმიტომ, რომ ეს დაიმსახურეთ. დიახ, თქვენ ეს დაიმსახურეთ!

ასე რომ, დღეს საღამოს ბავშვები ცოტა ადრე დააძინეთ. დატოვეთ ნიჟარაში გასარეცხი ჭურჭელი და იატაკის წმენდასაც ნუ დაიწყებთ, არაუშავს, იყოს დასვრილი. გამონახეთ დრო იმისათვის, რომ გაიხსენოთ - თქვენ ხართ ქალი!

ამის შემდეგ შედით ოთახში იმ ბიჭთან, რომელზეც ყურებამდე ხართ შეყვარებული. შემდეგ რა უნდა ქნათ, ეგ თავად უკეთ იცით...

 

0
10252

ოქსფორდის უნივერსიტეტის მეცნიერბმა აღმოაჩინეს, რომ დიდი უკანალის მქონე ქალები არამარტო უფრო ჭკვიანები არიან გამხდარ ქალებთან შედარებით, არამედ უფრო მდგრადი ჯანმრთელობა აქვთ ქრონიკული დაავადებების მიმართ.
 

«გამოკვლევის შედეგები გვიჩვენებს, რომ დიდი უკანალის მქონე ქალებში ქოლესტერინის დაბალი დონეა და მათი ორგანიზმი შაქრის მეტაბოლიზმისთვის ჰორმონებს უკეთსად გამოიმუშავებს. გარდა ამისა, ასეთ ქალებში დაბალია დიაბეტით დაავადების რისკი და გულის პრობლემები» - წერს ABC NEWS-ი.  

 

ასევე აღსანიშნავია, რომ მასიური ფორმების მქონე ქალბატონებში ჭარბი რაოდენობით არის OMEGA-3 ცხიმები, რომელიც ხელს უწყობს თავის ტვინის განვითარებას. მკვლევარები აცხადებენ, რომ განიერი თეძოების მქონე ქალების მიერ გაჩენილი ბავშვები, ინტელექტუალურად უფრო განვითარებულები არიან, ვიდრე გამხდარი ქალების მიერ გაჩენილი ბავშვები.

 

გამოკვლევაში მონაწილეობა მიიღო 16 000-მა ქალმა.

 

ABC News წერს:

 

«პროფესორი კონსტანტინ მანოპულოსი, რომელიც ხელმძღვანელობდა ოქსფორდის უნივერსიტეტის გუნდს, აცხადებს, რომ უკანალის ზონაში ნორმაზე მაღალი დონის ცხიმების მატარებელ ქალს აღენიშნება ქოლესტერინისა და გლუკოზის უფრო დაბალი დონე»

 

 

ასევე, დიდი უკანალის მქონე ქალებს ორგანიზმში აღენიშნებათ ლეპტინის (ქალის წონაზე პასუხისმგებელი ჰორმონი) და დინოპეკტინის (დიაბეტთან აქტიურად მებრძოლი და ანთების საწინააღმდეგო ჰორმონი) ნორმალური დონე.

 

დუნდულების ცხიმოვანი ქსოვილი აკავებს მავნე ცხიმოვან ნაწილს და აფერხებს გულ-სისხლძარღვთა დაავადებებს.

 

ანალოგიური კვლევები ჩატარდა კალიფორნიისა და პიტსბურგის უნივერსიტეტებში, რომელთა შედეგების მიხედვით ქალები, რომლებსაც აქვთ განიერი თეძოები, დიდი უკანალი და ვიწრო წელი - გაცილებით დიდხანს ცხოვრობენ.

 

 

 

0
4780

იტელიელი მილიონერის ჯან ლუკა ვაჩის შესახებ ბევრმა ადამიანმა იცის. მისი ფიზიკური ფორმა და მოქნილი მოძრაობა ყველაში აღფრთოვანებას იწვევს. თუმცა, ცოტა ხნის წინ, ინტერნეტ-ქსელის მომხმარებლები დააინტერესა კიდევ ერთმა ლამაზმანმა მამაკაცმა, რომელიც ზემოთ ხსენებულ მილიონერ იტალიელზე 30 წლით უფროსია! მისი სახელია ვან დეშუნი, ის 79 წლისაა და სწორედ ამ ასაკში გადაწყვიტა ახალი ცხოვრება დაეწყო მოდელის კარიერით. მოულოდნელად ვან დეშუნი მოდის კვირეულის ვარსკვლავი გახდა!

ვან დეშუნი ჰოლანდიელი, ჩინური წარმოშობის მოდელიერის ხუ შეგუანის მოდელი გახდა. შემოდგომა ზამთრის კოლექციის ჩვენებაზე ვან დეშუნი თავიდან ქურთუკით გამოვიდა, შემდეგ კი გაიძრო და წელს ზემოთ შიშველი დადიოდა პოდიუმზე. დარბაზი აღფრთოვანებული დარჩა მისი სხეულის ფიზიკური ფორმით!