წარმოგიდგენთ ფსიქოლოგების საუკეთსო რჩევებს იმის შესახებ, თუ როგორ მოიშოროთ არასასურველი თანამოსაუბრე ზრდილობიანად.

 

ადამიანის დამახასიათბელი თვისებაა ჭარბი ცნობისმოყვარეობა. ზოგჯერ ეს გადადის უტაქტობაში. ასეთ ადამიანებს არ ერიდებათ დასვან უხერხული შეკითხვები და შედარებით მორიდებული პიროვნებები ჩააყენონ უხერხულ მდგომარეობაში. ამ სტატიაში თავმოყრილია ფსიქოლოგების საუკეთესო რჩევები იმის თაობაზე, თუ როგორ უნდა მოიცილოთ თავიდან არასასურველი თანამოსაუბრე უხეშობის გარეშე.

 

1. სარკის პრინციპი - შეკითხვაზე შეკითხვით პასუხი

 

შემხვედრი შეკითხვის დასმა — ყველაზე გავრცელებული საშუალებაა თქვენს ცხოვრებაში შემოჭრის შესაჩერებლად. «რატომ გაინტერესებთ?», «რაში გჭირდებათ ასეთი დეტალების ცოდნა?», «ზედმეტი ინფორმაცია ხომ არ არის ერთი დღისთვის?» - არის შემთხვევები, როცა მეგობრების დედები ინტერესდებიან თქვენი პირადი ცხოვრებით და საქმიანობით. ასეთი ტიპის «პასუხები» მსგავს ადამიანებს უკარგავთ საუბრის გაგრძელების სურვილს და უკვე თავად ეცდებიან სხვა მიმართულებით წაიყვანონ თემა.

 

2. შეკითხვის ჩანაცვლების პრინციპი

 

ეს მექანიზმი მდგომარეობს იმაში, რომ თქვენ იწყებთ შეკითხვის დაზუსტებას და მის დასრულებას ისე ახდენთ, როგორც თავად გაწყობთ. თუმცა, უნდა გახსოვდეთ, რომ ასეთი ვარიანტი ყოველთვის არ მუშაობს. ზოგჯერ ჩაძიებას საზღვრები არ აქვს, განსაკუთრებით ახლობელი ადამიანების მხრიდან.

 

3. იუმორი

 

ეს ვარიანტი ყველაზე საზრიანებისთვის არის. კარგმა ხუმრობამ შეიძლება შეწყვიტოს ყველაზე დაჟინებული მოთხოვნაც კი. თუმცა, ფსიქოლოგები აღნიშნავენ, რომ ხუმრობის ფორმა შეკითხვის პირდაპირპროპორციული უნდა იყოს, რა თქმა უნდა თუ თქვენ ვინმეს წყენინება არ გაქვთ გამიზნული.

 

4. ოკეანის პრინციპი

 

ეს მექანიზმი კარგად არის ცნობილი სტუდენტებისთვის. პროფესიონალურად «დაღვარეთ წყალი». ეს შეიძლება იყოს გასაუბრება პრესტიჟული თანამდებობის ვაკანსიაზე ან თქვენი სამომავლო გეგმების შესახებ შეკითხვა. ფსიქოლოგები ამ შემთხვევაში გვირჩევენ მივმართოთ «ხმამაღალ ნათქვამებს», ანუ უნდა იყოთ ხმამაღალი ფრაზების მთქმელი ადამიანი. თუმცა, საჭიროა თავი აარიდოთ კონკრეტიკას,  გახსოვდეთ, რომ უნდა თქვათ «მე ჩავდებ ძალისხმევას» და არა «მე გავაკეთებ».

 

5. საკითხის იგნორირება

 

ეს მეთოდი კარგად მუშაობს აგრესიის ან პროვოკაციის შემთხვევაში. მთავარია არ გახდეთ მანიპულაციის მსხვერპლი. სჯობს გაჩუმდეთ, ან მოკლე პასუხი გასცეთ, რაც გაცილებით უსაფრთხოა თქვენი რეპუტაციისათვის, ვიდრე კამათში შესვლა.

 

 

 

გენეტიკა (ბერძ. genesis — წარმოშობა) - ეს არის მეცნიერება, რომელიც შეისწავლის წარმომავლობასა და ორგანიზმის ცვალებადობის კანონზომიერებებს.

 

1. ინტელექტი მამისგან არ გადაეცემა შვილს. ანუ, თუ თქვენ გენიოსი ხართ, თქვენი შვილი 100%-ით ვერ მიიღებს ამას მემკვიდრეობით.

 

2. იდიოტიზმი არ გადადის მამისგან შვილზე. თუ თქვენ სრული კრეტინი ხართ, თქვენი შვილი არ იქნება ისეთივე კრეტინი, როგორიც თქვენ (რაც ნამდვილად მოსალოცია).

 

3. ინტელექტი მამისგან მხოლოდ გოგოს გადაეცემა და ისიც სანახევროდ.

 

4. მამაკაცს ინტელექტის შთამომავლობით მიღება შეუძლია მხოლოდ დედისგან, რომელიც ამ უკანასკნელს მიღებული აქვს თავისი მამისგან.

 

5. გენიოსების ქალიშვილები არიან მამის ნიჭის ზუსტად ნახევრის მატარებლები, ხოლო მათი ვაჟიშვილები უკვე სრული გენიოსები იქნებიან. თუ მამა სულელია,  გოგოები ზუსტად სანახევროდ სულელები იქნებიან, მამებთან შედარებით.

 

6. სწორედ ამიტომ თითქმის არ არსებობენ სრულად გენიოსი და სრულად იდიოტი ქალები. სამაგიეროდ გენიოსი და სულელი მამაკაცები ძალიან ბევრია. სწორედ მათგან მოდიან წარუმატებელი და ლოთი ადამიანები, მარტოხელა დედები, ასევე ნობელის ლაურეატები (თითქმის ყველა მამაკაცი).

 

დასკვნები მამაკაცებისთვის:

 

1. იმისთვის, რომ განსაზღვროთ თქვენი ვაჟის გონებრივი შესაძლებლობები, დააკვირდით თქვენი ცოლის მამას (თუ ის აკადემიკოსია, თქვენი შვილიც ჭკვიანი ქინება).

 

2. თქვენი ქალიშვილი მიიღებს თქვენი გონებრივი შესაძლებლობების ზუსტად ნახევარს. ინტელექტით ის თქვენთან უფრო ახლოს იქნება. მისი ვაჟი კი მიიღებს თქვენს გონებრივ  შესაძლებლობებს სრულად. თუ გონიერი შთამომავლობა გინდათ — ინატრეთ ქალიშვილის გაჩენა.

 

3. თქვენი გონებრივი შესაძლებლობები გადმოცემული გაქვთ დედისგან, და ბაბუისგან - დედის მამისგან.

 

დასკვნები ქალებისთვის:

 

1. თქვენი ვაჟი გონებით თქვენი მამის ასლია, და ტყუილად ნუ დაიწყებთ მის ლანძღვას “შენ უნიჭო ხარ, შენ უტვინო ხარ” — ეს მთლად სწორი არ იქნება.

 

2. თქვენი ქალიშვილი აღზრდის მიხედვით თქვენ დაგემსგავსებათ, მაგრამ გონებრივი შესაძლებლობებით მამამისს. მათი ვაჟები კი თქვენი ქმრის ასლები იქნებიან გონებრივი შესაძლებლობებით.

 

 

ამ ორ დამოკიდებულებას შორის უდიდესი სხვაობაა: როცა შენ უნდიხარ მამაკაცს და როცა გაფასებს

 

ზოგჯერ ჩვენ იმდენად შეპყრობილი ვართ მომენტით, როცა ვგრძნობთ რომ სასურველი ვართ, საკუთარი თავის დაფასება გვავიწყდება. ზოგჯერ უფლებას ვაძლევთ სხვებს არასწორად მოგვექცნენ - ეს იმიტომ ხდება, რომ ადამიანებს დროდადრო ყურადღების ცენტრში ყოფნა გვსიამოვნებს. თუმცა, ეს არის კმაყოფილების მომენტალური შეგრძნება და მეტი არაფერი.

 

ქალებს მოსწონთ, როცა მამაკაცი მასთან ფლირტს აბამს. მაშინაც კი, როცა მამაკაცის მხრიდან ყურადღება სუსტია, ქალებს თვითშეფასების კოეფიციენტი ეზრდებათ.

 

მაგრამ იცით თუ არა რეალურად რა განსხვავებაა იმ დამოკიდებულებებს შორის, როცა მამაკაცს უნდიხართ და როცა გაფასებთ?

 

ამ სტატიაში შევეცდებით განვმარტოთ ზემოთ ხსენებული დამოკიდებულებები და მკაფიო გავხადოთ სხვაობა მათ შორის.

 

დაფასება უფრო რთულია, ამას უფრო მეტი დრო სჭირდება. ამისათვის საჭიროა ადამიანის ფასეულობები და ისიც იცოდე, თუ რატომ აქვს ეს კონკრეტული ფასეულობები მას. დაფასებისთვის საჭიროა უფრო ღრმა საუბარი, საჭიროა გარკვეულწილად და გარკვეული დროის მანძილზე ზრუნავდე ადამიანზე, საჭიროა განიცდიდე მას.

 

იყო სასურველი და დაფასებული — ორი სხვადასხვა რამეა, თუმცა, მეორე ყოველთვის უნდა იყოს პრიორიტეტული.

 

თქვენ შეიძლება მოგწონდეთ იმით მიღებული წამიერი კმაყოფილება, რომ სასურველი ქალი ხართ, მაგრამ ეს არაფრად არ ღირს, თუ მამაკაცი არ გაფასებთ.

 

ნუ იქნებით მამაკაცთან მხოლოდ იმის გამო, რომ მას ტკბილი სიტყვების თქმა შეუძლია, რომლებიც ასე ძალიან მოგწონთ და რომლებიც სხვების თვალში თქვენთვის ნასროლი ტალახია და მეტი არაფერი.

 

ყველა ქალს უნდა, რომ მამაკაცებს მოწონდეთ — ეს ქალის ბუნებაა, თუმცა ასეთ დროს თავის დაკარგვა ადვილია. ქალი გვერდით წევს საკუთარ პრინციპებს ერთი ან ორი ღამის გამო და საკუთარ სხეულს თავისუფლებას ანიჭებს. ასეთ დროს ქალი მარტივად აბამს რომანს შემთხვევით გაცნობილ მამაკაცთან, მარტივად იღებს გადაწყვეტლებას, როცა ალკოჰოლით გაბრუებულია, მაგრამ განცდილი აღფრთოვანების შემდეგ, როცა გათენდება, საკუთარ თავს ეკითხება: «ეს რა ჯანდაბაა?!» — ქალი სამწუხაროდ მოგვიანებით აცნობიერებს რამდენად დაუფასებელია მამაკაცისგან. ის ბოლოს ხვდება, რომ მამაკაცს მასთან მხოლოდ ფიზიკური სიახლოვის სურვილი ჰქონდა და ამის მისაღწევად ყველაფერი გააკეთა.

 

ნუ ჩაუვარდებით მკლავებში ისეთ მამაკაცს, რომელიც არ გაფასებთ და უფრო მეტად იმაზე ფიქრობს, როგორ გაატაროს ღამე თქვენს საწოლში და არა იმაზე, რას გრძნობთ როცა არ გირეკავთ და არ გკითხულობთ.

 

არასოდეს აიტანოთ ეს!

 

ნუ მისცემთ ასეთ მამაკაცს იმის საშუალებას, რომ თქვენგან საუკეთსო მიიღოს და დაგტოვოთ გამოყენებული და მიგდებული ადამიანის გრძნობით. დაიმახსოვრეთ - როცა მამაკაცი ქალს არ აფასებს, ეს ყოველთვის ასე ხდება. თქვენ გაგიჩნდებათ უამრავი შეკითხვა რა მოხდა? რა გააკეთეთ არასწორად, რომ მან თქვენთან დარჩენა არ ისურვა? - თუმცა, პასუხს ვერ იპოვით, რადგან მამაკაცისთვის ყოველთვის ადვილია ქალის მიტოვება, როცა მისდამი პატივისცემისა და დაფასების გრძნობა არ აქვს, ასეა სამწუხაროდ. ამიტომ, დაიმახსოვრეთ: პირველ რიგში თქვენ უნდა დააფასოთ საკუთარი თავი, რომ სხვებმაც დაგაფასონ!

 

შესაძლოა მოსწონდეთ მამაკაცს, მაგრამ მისი სიტყვები არაფერს არ უნდა ნიშნავდეს თქვენთვის, სანამ მისგან დაფასებას და პატივისცემას არ იგრძნობთ, როცა თქვენს ცხოვრებაში ისეთ ადამიანს უშვებთ, ვინც არ გაფასებთ და პატივს არ გცემთ, ამით პირველ რიგში უპატივცემულობას ამჟღავნებთ საკუთარი თავის მიმართ. თქვენ არასოდეს არ უნდა მისცეთ უფლება მამაკაცს, რომ გამოგიყენოთ, რადგან თუ ამას ერთხელ დაუშვებთ, მისი მხრიდან თქვენი გამოყენების მცდელობა ყოველთვის განმეორდება.

 

ისწავლეთ საკუთარი თავის სიყვარული და დაფასება. ამის შემდეგ დაინახავთ რამდენად ღირებული ადამიანი ხართ, კიდევ უფრო მეტი პატივისცემა გაგიჩნდებათ საკუთარი თავის მიმართ და სხვებისგანაც იგივეს მოითხოვთ.

 

თუ მამაკაცი არ გაფასებთ, მოიშორეთ ის თავიდან, რადგან მისი ყურადღება და ცარიელი სიტყვები არანაირად არ ღირს იმ ტანჯვად, რაც მისი მხრიდან გამოვლენილ უპატივცემულობას ახლავს თან.

 

 

ყველაზე დიდი აღმოჩენა არის ის, რომ რაიმეს ან ვინმეს შეკავება მხოლოდ გაშვებით შეიძლება. აი ასეთი პარადოქსია.

 

მთავარია – ეს თავად გაიაზროთ და რეალურად გაუშვათ. მიეცით მოვლენებს თავისთავად განვითარების საშაუალება, ნუ ჩაერევით. მიეცით სხვებს იმის უფლება, რომ მოიქცენენ ისე, როგორც თავად სურთ - მიიღეთ ეს შინაგანად და დაეთანხმეთ. თავად კი გააგრძელეთ საკუთარი ცხოვრება.

 

კასტანედას აქვს ასეთი გამონათქვამი: “ნუ მიეჯაჭვები ნურაფერს და ნურავის ”. ზოგი ადამიანი თვლის, რომ მიჯაჭვულობა კარგია და მის გარეშე უბრალოდ ვერ წარმოუდგენია ურთიერთობა. მაგრამ ცოტა თუ აცნობიერებს, რომ ხშირად მიჯაჭვულობა გადადის დამოკიდებულებაში, რაც საკუთარ თავს გაკარგვინებს. ეს ეხება დამოკიდებულებას ზოგადად: სიგარეტზე, ალკოჰოლზე, აზარტულ თამაშებზე და ა.შ. როცა ადამიანს ამ ყველაფრის გარეშე ცხოვრება ვეღარ წარმოუდგენია და კარგავს თავის რეალურ სახეს.

 

მიეცით ყველაფერს და ყველას თავისუფლად არსებობის უფლება, ხოლო საკუთარ თავს უთხარით, რომ ვინმეს ჯიბრზე ან „მერე რა“-ს გამო კი არა, უბრალოდ ამ რაღაცის ან ამ ვიღაცის გარეშე ნებისმიერ შემთხვევაში მშვენივრად იქნებით. 

 

მთავარია არ მიეჯაჭვოთ შედეგს. რადგან არავინ არის ვალდებული ყველაფერში დაგეთანხმოთ. რამდენად უადგილო, უაზრო და მიუღებელიც არ უნდა მოგეჩვენოთ სხვისი არჩევანი, გახსოვდეთ, რომ ეს მხოლოდ და მხოლოდ თქვენი შეფასებაა. ეს მხოლოდ და მხოლოდ თქვენი წინააღმდეგობრივი დამოკიდებულებაა სხვების მიმართ, რომ მათ არ ჰქონდეთ საკუთარი აზრის გამოთქმის, არჩევანის გაკეთბის და გადაწყვეტილების მიღების უფლება. თქვენ უნდა დაიმახსოვროთ ერთი მარტივი მოცემულობა - არასოდეს ვალდებული არ ხართ იყოთ იმ ადამიანთან ან ისეთ ვითარებაში, როგორიც არ მოგწონთ. თქვენ არ უნდა აიღოთ პასუხისმგებლობა სხვებისთვის აზრების და მოვალეობების შეცვლაზე, რამდენად მცდარი ან მიუღებელიც არ უნდა იყოს ეს გრძნობა.

 

ერთადერთი რისი გაკეთებაც თქვენ შეგიძლიათ, ეს არის საკუთარი ცხოვრების გაგრძელება, რაც ნამდვილად გევალებათ!

 

 

ურთიერთობები ზოგჯერ იმდენად რთულია, ქალი ფიქრობს, რომ სჯობს მარტო იყოს. რომ სიყვარული არ ღირს იმ ტკივლის ფასად, რომელსაც ის გვაყენებს.

თუმცა იცით რა? - ტკივილს სიყვარული არ გვაყენებს, ტკივილს გვაყენებს არასწორი მამაკაცი.

 

ჩვენ, ქალებს კი გონის დაკარგვამდე შეგვიძლია შეყვარება.

ჩვენ ხშირ შემთხვევაში ვერ ვხსნით, კონკრეტულად რამ მიგვიზიდა მამაკაცში. ზოგჯერ ყოველგვარი დაგეგმვის გარეშე ჩვენ გვიყვარდება ერთი და იგივე ტიპის მამაკაცები, მხოლოდ იმიტომ, რომ მივიღოთ ერთი და იგივე შედეგი. თუმცა არჩევანი - მხოლოდ ჩვენზეა. ჩვენ გვჭირდება ისეთი გამოცდილება, რომ ვისწავლოთ, განვვითარდეთ, გავიზარდოთ და გავიგოთ რას ვიმსახურებთ. უბრალოდ მკვეთრად შეაფასეთ რისკები.

 

წარმოგიდგენთ რჩევებს, სადაც მოცემულია მამაკაცების 7 ტიპი, რომელთაგან უკანმოუხედავად უნდა გაიქცეთ:

 

1. მამაკაცი, რომელსაც გამოსწორება სჭირდება

 

თქვენ ხედავთ, რომ მამაკაცს აქვს პოტენციალი და იცით, რომ რაც მას სჭირდება ეს არის ცოტაოდენი სიყვარული და ზრუნვა თქვენგან იმისათვის, რომ ამ პოტენციალის რეალიზება მოახდინოს.

შეიძლება ის ვერ უმკლავდება საკუთარ საქმეს. შეიძლება ბევრს ეწევა ან სვამს, შეიძლება ამბიცია არ ჰყოფნის იმისათვის, რომ ჩამოყალიბდეს რა უნდა ცხოვრებაში, შესაძლოა ის ზარმაცია. მნიშვნელობა არ აქვს კონკრეტულად რა მიზეზია, თქვენ გინდათ მის გვერდით ყოფნა, მასში ინვესტიციის ჩადება და მისგან იმის გაკეთება, რაც თქვენ გსურთ.  

მაგრამ თქვენ უნდა იცოდეთ, რომ აქედან არაფერი არ გამოვა მანამ, სანამ თავად არ იქნება მზად. თუ ახლა ის არ არის ისეთი, როგორიც თქვენ გინდათ რომ იყოს, მაშინ გაუშვით და მოძებნეთ ისეთი მამაკაცი, რომელიც ედეალური იქნება თქვენთვის უკვე დღესვე და არა სავარაუდო მომავალში.

 

2. მამაკაცი, რომელსაც არ უყვარს გულახდილი საუბარი

 

ასეთ მამაკაცს არ შეუძლია საკუთარი გრძნობებისა და ემოციების გაზიარება.

ის გვიან ბრუნდება სახლში და აზრადაც არ მოსდის დაგირეკოთ გაფრთხილების მიზნით. დღების მანძილზე არ გწერთ და არ გირეკავთ. ის უბრალოდ არ ფიქრობს, რომ ურთიერთობა მნიშვნელოვანია. თუ ის რაიმე ზოგად საკითხებზე მაინც არ საუბრობს თქვენთან, შეგიძლიათ არც არასოდეს ელოდოთ მისგან გულახდილობას.

 

3. მექალთანე

 

დიახ, მას შეიძლება უყვარდეთ, თუმცა პარალელურად რამოდენიმე სხვაც უყვარს. თქვენთან სექსი ისევე მშვენივრად გამოსდიოდეს, როგორც დანარჩენებთან. თქვენ არასოდეს იქნებით მისი ერთად-ერთი ქალი, იმიტომ, რომ მას ასე ცხოვრება არ შეუძლია. მისთვის აუცილებელია მრავალფეროვნება, მონოგამური ურთიერთობა საიმისო არ არის.

 

4. მამაკაცი, რომელიც არ იცნობს საკუთარ თავს

 

ასეთი მამაკაცის შეყვარება ადვილია. ის ცოტა დაბნეულია და ამის გამო უცნაურ-იდუმალი. მას აინტერესებს თქვენი აზრი, რითაც მოქმედებს თქვენს ეგო-ზე. ის ამბობს, რომ უნდა ერთი რამ, ხოლო საქმე სხვას ამბობს.

დროთა განმავლობაში თქვენ დაიღლებით იმის გამოცნობით, თუ რა უნდა მას. სანამ თავად არ ჩამოყალიბდება, მანამ თქვენ ვერ შეძლებთ მის გაბედნიერებას.

 

5. მამაკაცი, რომელსაც უყვარს დევნა და არა ნადავლი

 

ასეთ მამაკაცს უყვარს ურთიერთობების დასაწყისი: ფლირტი, მაცდუნებელი შეტყობინებები, თაყვანისმცემლის როლში ყოფნა. მაგრამ როგორც კი ის თქვენს ყუარდღებას იპყრობს, საწოლამდე მიყავხართ და ყველაფერს იღებს თქვენგან - მაშინვე იწყბს დისტანციის დაცვას. ის აღარ პასუხობს ტექსტურ შეტყობინებებს და ზარებს, თქვენი შეხვედრებიც იშვიათობა ხდება. დევნა დასრულებულია, ასე რომ, მას თქვენთან აღარაფერი ესაქმება. თქვენ კი უკეთესს იმსახურებთ.

 

6. მამაკაცი, რომელიც მუდმივად იტანჯება

 

ასეთი მამაკაცი გულნატკენია წარსული სიყვარულით ან ბავშვური ტრამვით, ან რაიმე სხვა ცხოვრებისეული ტრაგედიით. მას თავი მსხვერპლად მიაჩნია და მუდმივად შეცოდებას ითხოვს - და მისი შეცოდებაც ძალიან მარტივია, რადგან ის ძალიან გულახდილი და უსუსური ჩანს... თქვენ გიზიდავთ მისი თანადგომის სურვილი, თუმცა ფრთხილად იყავით, რადგან ის შეიძლება გახდეს თქვენი ემოციური ვაპირი და მთელი ენერგია გამოგაცალოთ. სჯობს მეგობრული ურთერთობა შეინარჩუნოთ მასთან და საშუალება მისცეთ თავად გაუმკლავდეს პრობლემებს. 

 

7. ნარცისი-მანიპულატორი

 

ასეთი მამაკაცი ყველაზე საშიშია. მან კარგად იცის, როგორ უნდა აცდუნოს ქალი და მას მუდმივად იმას ეუბნება, რისი მოსმენაც სურს.

მიუხედავად ყველა საგანგაშო ნიშნებისა, ქალები ასეთი მამაკაცისკენ მიფრინავენ ისე, როგორც პეპლები ცეცხლის ალისკენ. შესაძლოა მას უყვარდეთ კიდეც, მაგრამ საკუთარი თავი უფრო მეტად უყვარს. მას არ აქვს საკმარისი თანაგრძნობა სხვა ადამიანების მიმართ და თუ თქვენ მასში ეჭვს შიტანთ, გაიძულებთ იფიქროთ, რომ ისტერიკი, ეჭვიანი და პარანოიკი ადამიანი ხართ.

უბრალოდ მიაქციეთ ყურადღება, ამოიცანით ასეთი მამაკაცები და როგორ ძლიერადაც არ უნდა გიყვარდეთ, გაიქეცით მათგან რაც შეიძლება შორს.

 

 

 

შენ ღირსი ხარ იყო ისეთი მამაკაცის საყვარელი ქალი, რომელმაც სიგიჟემდე სიყვარული იცის.

 

შენ ღირსი ხარ იყო საყვარელი ქალი, უბრალოდ იმიტომ, რომ ამ მშვენიერ პლანეტაზე დაიბადე.

 

და არა მარტო ამის გამო.

 

შენ ღირსი ხარ იყო უსასრულოდ საყავარელი ქალი.

 

შენ ღირსი ხარ იყო ისეთი მამაკაცის საყვარელი ქალი, რომელიც ისე გიყურებს, თითქოს მსოფლიოს მერვე საოცრება იყო. თითქოს ჯადოქრობა და ზღაპარია, როცა შენ მის გვერდით ხარ.

 

შენ ღირსი ხარ იყო ისეთი მამაკაცის საყვარელი ქალი, რომელსაც უყვარს შენთან ერთად პაემანზე სიარული, მყუდრო გარემოში ბუხართან ყოფნა, გაუხდელად, როცა ერთმანეთს უკავშირდებით არამარტო სხეულით, არამედ სულიერადაც, და როცა იმ ღამით მთავარია თქვენი გულახდილი საუბრები.

 

შენ ღირსი ხარ იყო ისეთი მამაკაცის საყვარელი ქალი, რომელსაც უნდა შენი შიშის, შფოთის და ეჭვების გაგება, რის გამოც კიდევ მეტად უნდა რომ უყვარდე.

შენ ღირსი ხარ იყო ისეთი მამაკაცის საყვარელი ქალი, რომელსაც უყვარხარ უსასრულოდ იმის გამო, როგორიც ხარ.

 

შენ ღირსი ხარ იყო ისეთი მამაკაცის საყვარელი ქალი, რომელსაც დილით ადრე უყვარხარ, როცა ნახევრადგახელილი თვალები გაქვს, თმა კი გაურკვევლად აჩეჩილი. მამაკაცის, რომელსაც უყვარხარ დილის ყავამდე, ყავის დალევისას და ამის შემდეგაც — და მნიშვნელობა არ აქვს მოგწონს იმ დღეს საკუთარი თავი თუ არა.

 

შენ ღირსი ხარ იყო ისეთი მამაკაცის საყვარელი ქალი, რომელიც თავს გადებს მკერდზე და ნეტარებას განიცდის. მამაკაცის, რომელიც გაღმერთებს.

ისეთ დროს, როცა მისი სიყვარული არარეალურად გეჩვენება, ის გახსენებს, რომ შენ ამას ნამდვილად იმსახურებ. 

 

რადგან მას არ შეუძლია რომ არ უყვარდე. რადგან ეს მარტივია. ეს ხომ შენ ხარ.

აირჩიე ისეთი მამაკაცი, რომელიც ყოველთვის შენს გვერდით იქნება, ყოველგვარი «მაშინაც კი»-ს გარეშე. შენს გვერდით იქნება, როცა მოიწყენ, როცა შენ მშობლებს არ მოეწონებათ... შენს გვერდით იქნება 10 კგ-ით როცა მოიმატებ, როცა სამსახურს დაკარგავ, როცა დეპრესია გექნება, როცა მასზე გაბრაზდები.

აირჩიე მამაკაცი, რომელიც ყოველთვის შენ გვერდით იქნება - ჭირსა და ლხინში.

აირჩიე მამაკაცი, რომელიც მოგისმენს როგორ ჩაიარა შენმა დღემ და ეცოდინება როგორ დაგავიწყოს რთული დღე.

 

აირჩიეთ მამაკაცი, რომელსაც ესმის, რომ სიყვარული ვლინდება წვრილმანებში.

მამაკაცი, რომელიც რეცხავს ჭურჭელს არა იმიტომ, რომ ეს მისი მოვალეობაა, არამედ იმიტომ, რომ ეს სიყვარულის გამოვლინებაა მისი მხრიდან. მამაკაცი, რომელიც ყურადღებას აქცევს შენს ავტომობილს იმის გამო, რომ იცის როგორ არ გიყვარს ამის გაკეთება შენ. მამაკაცი, რომელიც პატარა სასიყვარულო ჩანაწერს აკეთბს თქვენს ბლოკნოტში და ამას არა იმის გამო, რომ წმ. ვალენტინის დღეა, უბრალოდ იმიტომ, რომ ერთი ჩვეულებრივი დღეა.

 

აირჩიე მამაკაცი, რომელიც რთულ პერიოდში თვალებში შემოგხედავს და გეტყვის: «ჩვენ ამას გავუმკლავდებით, შენ სანერვიულო არაფერი გაქვს».

აირჩიე მამაკაცი, რომელსაც იმდენად უსაზღვროდ უყვარხარ, რომ ეს კი არ გბოჭავს, პირიქით - გათავისუფლებს. მამაკაცი, რომლის სიყვარულიც შთაგაგონებს და არ გზღუდავს.  

 

ასეთი მამაკაცი მთელ სამყაროს გახსნის შენს წინაშე და შენც ზუსტად იგივეს გააკეთებ მისთვის.

 

 

"პირველი ნაბიჯის" განვითარების პედიატრი - ნეონატოლოგი ირმა გოცირიძე გირჩევთ:

 

ხშირად ჩვენი პატარების მოქმედება და ხასიათი იცვლება კბილების ამოსვლის, ალერგიის გამწვავების, კუჭ-ნაწლავის პრობლემების, ინფექციების, რაქიტის ნიშნების გამოვლენის, ვაქცინის რეაქციის ან სხვა გარე ფაქტორების ზეგავლენით. მთავარია არ დავტოვოთ უყურადღებოდ ზოგიერთი სიმპტომი, განსაკუთრებით თუ ამ დროს ბავშვის შეცვლილი ხასიათი და ქცევა 3-4 კვირაზე მეტ ხანს გრძელდება. მაინც რას უნდა მივაქციოთ ყურადღება და როდის მივმართოთ პედიატრს?

 

 

 

 

1. უმიზეზო ტირილი და მოუსვენრობა

2 .შიშები, ბანაობის და წყლის პროცედურების შეძულება

3 .გაღიზიანება და ტირილი დაკავშირებული მკვეთრ სუნებთან

4 .უცხო პირების დანახვაზე ძლიერი რეაქცია,  ისტერიკა,  რომელიც უმიზეზოდ იწყება და თავისით წყდება, ზოგ შემთხვევაში თავად ვერ ახერხებს ბავშვი დამშვიდებას.

5. ხელში აყვანისას ბავშვი  იჭიმება ან ირკალება, განიცდის დისკომფორტს. 

 

- ნაკლებად აქტიური და უმოძრაოა

- არ ტირის ან ნაკლებს ტირის

- ინტერესს  არ იჩენს გარშემომყოფების მიმართ

- ძუძუს ან ბოთლიდან ჭამის დროს არ ამყარებს თვალი-თვალთან კონტაქტს დედასთან. 

- არ ითხოვს საკვებს (ძუძუს ) დროულად.

- იღვიძებს , მაგრამ არ ტირის ჭამისთვის

- ახლობლების მიახლოებისას არ აქვს  „გამოცოცხლების“  რეაქცია

- იგნორირებას უკეთებს  მშობლის მოფერებას არ რეაგირებს ხმაურზე და/ან სინათლეზე.

 

 

 

- ზოგჯერ  მშობელი გვიან  ამჩნევს შვილის  ტკივილის მაღალ ზღვარს, კერძოდ თუ პატარას ტკივილის შეგრძნება არ აქვს, მაგ. როდესაც იგი დაეცემა და  მუხლს იტკენს, არ ტირის და არც იმჩნევს, მაგრამ ამავე დროს მან შეიძლება ყურებზე ხელი  აიფაროს  ოთახში ხმამაღალი საუბრის ან მუსიკის გამო. 

 

- ასევე თუ დედას აშინებს  ბავშვის სმენადობა, რადგან იგი ყოველთვის არ რეაგირებს ხმებზე,  არ რეაგირებს  სახელზე, არ იხედება იქეთ  საიდანაც ხმა მოდის, იწყებს განმეორებით (სტერეოტიპულ) მოქმედებებს.

 

 

ზოგჯერ  გამოხატულია  მოტორული განვითარების დაგვიანება ( გვიანი დაჯდომა, დადგომა, ბუქნი), სხეულის ტონუსი მკვეთრად დაქვეითებულია. 

- თავის ზომები გაზრდილია  ტანთან შედარებით.

- საუბარი იწყება ნორმის ფარგლებში და შემდეგ წყდება სრულიად ან ამბობს ერთეულ წყვეტილ სიტყვებს-ერთმანეთთან დაუკავშირებელს.

- იმეორებს ერთიდაიმავე სიტყვას, შეიძლება საერთოდ ვერ საუბრობს, იყენებს ჟესტებს.

- არის შემთხვევები როდესაც  პატარებს 1,5-2 წლიდან ეწყებათ  აკვიატებული მოქმედებანი

- მაგიდის ქვემოთ, ან კუთხეში,  ან სხვა ოთახში განმარტოებით ჯდომა უყვარდებათ, განცალკევებით  მოკალათება.

 

 

 

- ხელების დასვრაზე ძლიერი რეაქცია აქვთ

- ტირილის ხასიათი იცვლება და მონოტონურ-ისტერიულ  ხასიათს იღებს

- ზოგჯერ გამოხატულია გემოვნების გაუკუღმართება, თუ ბავშვი ერთი თვის განმავლობაში მაინც ეტანება უცნაურ საკვებს, როგორიცაა ქვიშა, ქაღალდი, ცარცი, პლასტმასი, რომელიც  უმეტესად დროებითი მოვლენაა (ანუ დაკავშირებულია სომატურ მდგომარეობასთან), თუმცა მაინც საყურადღებოა! 

 

 

- დროულად ჯობს ასევე  მივმართოთ ფსიქოლოგს, თუ ბავშვს სურვილი აქვს  რაიმე ავნოს სხვა ბავშვს, თავის თავს, მოზრდილს ან ცხოველს

- იწყებს ტანსაცმლის გარეშე სირბილს, ეწყება შიშები, რომელიც  უცნაური ხასიათისაა:  მაგ.  მას  შეიძლება ეშინოდეს უწყინარი ობიექტის, როგორიცაა ბურთი, მაგრამ არ ეშინოდეს  სიმაღლეზე ასვლის, ან გადმოვარდნის

 

 

- პრობლემები გამოწვეული კუჭ-ნაწლავის სისტემიდან

- ვითარდება ე.წ. დისპეფსია : მუცლის შებერილობა და ტკივილი,

- მადის დაკარგვა, ახირებული კვება, ან შიმშილის შეუგრძნებლობა

- მოგვიანებითი ღებინების რეფლექსი  - დაკავშირებული მყარ საკვებზე გადასვლასთან.

- ზოგჯერ უჭირს საკვების გადაყლაპვა

მოგვიანებით  ადგილი აქვს უკვე გაშავებულ კბილებს ან კბილების დაშლას

 

 

- აქვს განმარტოების სურვილი

- არ ითხოვს ხელში აყვანას, ურჩევნია მარტო ყოფნა

- არ უყვარს მოფერება- იწყებს ტირილს მიახლოვების დროს

- აღგზნებულია  და აწყნარებს მხოლოდ საწოლში დაბრუნება რასაც მყისიერად მისი  დამშვიდება და ძილი მოჰყვება. ან ზოგჯერ  ადგილი აქვს თვით სტიმულაციას (ტანის ქანაობა, ხტუნვა, ტრიალი) .

- შეიძლება გამოხატული იყოს ძილის დარღვევა, ჩაძინების სირთულე, ზერელე  და წყვეტილი ძილი, 

- თავზე რამე ნაჭრის  ან ქუდის ჩამოცმის სიყვარული.

 

 

ძვირფასო მშობლებო, მნიშვნელოვანია  გახსოვდეთ, თუ ჩამოთვლილი ნიშნებიდან ბავშვს ერთ-ერთი ასეთი ნიშანი აქვს, ეს ჯერ კიდევ არაფერს არ ნიშნავს! ხოლო თუ თქვენ ხედავთ ორ ან მეტ გამოხატულ სიმპტომს, ფრთხილად დააკვირდით ბავშვს 3-4 კვირა, იურთიერთეთ მასთან ყველა სიტუაციაში. თუ სიმპტომები მატულობს და  4 კვირაზე მეტ ხანს გრძელდება, აუცილებლად მიმართეთ დახმარებისთვის  სპეციალისტს.

 

 

 

ერთი ქალბატონის ძალიან ემოციური წერილი, რომლისთვისაც ნაცნობია ღალატის ორივე მხარე...

 

«არცერთ ქალს არ აქვს სხვის მამაკაცზე არანაირი უფლება, განსაკუთრებით ცოლიანზე, მხოლოდ იმის გამო, რომ ის მოსწონს» - ასე იწყება ემოციური წერილი, რომელიც ქალებს გვაიძულებს დავფიქრდეთ ერთმანეთის მხარდაჭერის აუცილებლობაზე.

 

«მანამ, სანამ გადავალ საკუთარი პოზიციის განმარტებაზე, მინდა ვაღიარო: მე ვიწექი ცოლიან მამაკაცებთან. პირველად ეს მოხდა როცა პარიზში ვცხოვრობდი. ჩვენ ერთმანეთი ბარში გავიცანით და მერე ჩემთან წავედით. რამდენიმე საათის შემდეგ მან გამომიცხადა, რომ სახლში, ცოლთან უნდა წასულიყო. მე ვერ აგიღწერთ როგორი შოკირებული ვიყავი იმ მომენტში. მან ამიხსნა, რომ მათ ურთიერთობაში დროდადრო პარალელური კავშირები დასაშვები იყო. თუმცა ეს არ იყო დასაშვები ჩემთვის! რამდენიც არ უნდა ვისაუბროთ იმაზე, რომ ბევრი ადამიანი მართლაც აპრაქტიკებს თავისუფალ ურთიერთობებს, მიუხედავად იმისა, რომ დაქორწინებულია - მე თავს საშინლად ვგრძნობდი.  როგორ შემეძლო სხვა ქალს ასე მოვქცეოდი? ამის გამო საკუთარ თავს რამდენიმე თვე ვადანაშაულებდი.

 

რამდენიმე ხსნის შემდეგ ასეთი სიტუაცია კიდევ განმეორდა. მე დავინახე ქუჩაში ცოლთან და შვილთან ერთად ხელჩაკიდებული მამაკაცი, რომელთანაც წუთიერი ინტრიგა მქონდა. მე შინაგანად ყველაფერი ამომიტრიალდა. სინდისის ქენჯნა მოსვენებას არ მაძლევდა. მე რა თქმა უნდა ვხვდებოდი, რომ არც პირველი ვარ და არც უკანასკნელი, ვისთანაც ამ მამაკაცებმა საკუთარ ცოლებს უღალატეს, მე ვხვდებოდი, რომ ეს ჩემი ბრალი არ იყო, მაგრამ ამით ჩემი მდგომარეობა არ შემსუბუქებულა.

 

რამდენიმე წლის შემდეგ მე აღმოვჩნდი ღალატის სხვა მხარეს. მე ვიყავი ცოლი, ვისაც ქმარმა  28 წლით უმცროს გოგოსთან უღალატა. ის გოგო ჩვენ პარიზულ ბინაში გადასახლდა მაშინ, როცა მე აშშ-ში დავბრუნდი. ქმარს საქმეები უნდა მოეგვარებინა და ჩემთან ჩამოსულიყო რამდენიმე კვირით.  

 

საყვარელი არამარტო იწვა ჩემს ქმართან, არამედ შეუყვარდა ის. მას დიდი ხნის წინ შეყვარებია ჩემი ქმარი და მხოლოდ შესაძლებლობას ელოდა მასთან ახლო ურთიერთობის დასამყარებლად. გაინტერესებთ რით იმართლა იმ ქალმა თავი? - მარტივად განაცხადა, რომ მას ჩემი ქმარი უყვარდა და ეს აძლევდა მისი სიყვარულისთვის ბრძოლის უფლებას.

 

ამ გოგოს დაავიწყდა, რომ სამყარო სხვანაირად არის მოწყობილი. ჩვენ არ შეგვიძლია რაც გვსურს ყველაფრის კეთება მხოლოდ იმიტომ, რომ ეს ასე გვინდა! ფემინიზმი უსაფუძვლოდ არ ჩამოყალიბებულა. ჩვენ ჯერ კიდევ იმ დროში ვცხოვრობთ, როცა მამაკაცისა და ქალის უფლებები გათანაბრებული არ არის. ამიტომ, ძალიან მნიშვნელოვანია, რომ ჩვენ, ქალებმა ერთმანეთს დავუჭიროთ მხარი, იმის ნაცვლად, რომ ერთმანეთი ჩავქოლოთ და წავართვათ ყველაზე ძვირფასი. ნუთუ ეს ასე რთულია - არ დაწვე იმ მამაკაცთან, რომელიც სხვას ეკუთვნის?

 

რა თქმა უნდა ეს არ ნიშნავს, რომ მამაკაცის ბრალეულობას ვამსუბუქებ, მაგრამ დარწმუნებული ვარ, რომ საყვარლებისთვის, რომლებიც გაცნობიერებულად წვანან ცოლიან მამაკაცებთან, არსებობს ცაკლე ადგილი ჯოჯოხეთში. ასეთი ქალები არიან ეგოისტები, რომლებიც სამყაროსთვის არაფერ კარგს არ აკეთებენ, ისინი მხოლოდ ტკივილს აყენებენ სხვებს მაშინ, როცა ყოველთვის აქვთ სხვა არჩევანი.

 

არ ვიცი ჯოჯოხეთის ის ადგილი გამოიყურება თუ არა ისე, როგორც დანტეს ნაწარმოებებშია, მაგრამ სასიამოვნო ნამდვილად არ იქნება და იქ მისვლამდე კარმაც აუცილებლად გადაგიხდით სამაგიეროს».

 

 

 

კომუნიკაციის ერთ-ერთი უდიდესი პრობლემა - ეს არის იმის შიში, რომ არ გამოიყურებოდე გაუგებრად, სულელად.

 

თქვენ რაღაცას გეუბნებიან და ეთანხმებით მხოლოდ იმის შიშით, რომ თუ გულახდილად იტყვით რომ არ გესმით - ზურგს შეგაქცევენ.

ასეთ დროს მოსაუბრე ცდება და საკუთარ ქცევაში თქვენგან შემდგომშიც ელის გაგებას. ანუ ის თქვენთან კი არ საუბრობს, არამედ იმ სახესთან, რომელიც თქვენ შექმენით, ე.ი. თქვენ უარყოფილი ხართ ყველა ვარიანტში - კომუნიკაციიდან საკუთარი თავი თავად ამოაგდეთ.

 

უარყოფის შიშს მანამდე აქვს მნიშვნელობა, სანამ თავად არ გჭირდებათ საკუთარი თავი, სანამ თქვენს ცხვორებაში აზრი ნაკლებია ან საერთოდ არ არის, მანამ, სანამ თავად არ დაიწყებთ პრობლემების მოგვარებას.

 

და უარყოფის შიში — ეს არის სწორედ იმ მეორე სახის დაკარგვის შიში, რომელიც თქვენს ნაცვლად ეთანხმება გაუგებარ საუბარს. ანუ, თქვენ უნდა უარყოთ ის, რადაგნ საერთოდ არაფერში არ გჭრდებათ.

თუ თქვენ თავად წყვეტთ საკუთარ პრობლემებს, განსაზღვრავთ საკუთარ აზრებს და ჭირდებით საკუთარ თავს, არ არის არანაირი პრობლემა იმაში, რომ გულახდილად თქვათ: «არ მესმის», ან «ეს ჩემთვის უცხოა», ან «ამაზე საუბარი არ მსურს».

 

ამგვარი მიდგომით თქვენ მეორე მე-ს და თქვენს შორის ურთიერთობის ფორომატი შეიცვლება.  ხოლო იმ ადამიანთან კავშირი დასრულდება, ვისიც არ გესმით. დიახ, ასე იქნება და ამაში ტრაგიკული არაფერია. თითოეულ თქვენგანს თავის გზა აქვს.  

 

როცა ცეკვის დროს წყვილი სულელურ ილეთებს აკეთბს, პრობლემა შეიძლება იყოს შემდეგი ოთხი რამ:

 

• მათ არ იციან ცეკვა
• მათ შორის არ არის კავშირი
• პარტნიორი მამაკაცი ვერ უხნის
• პარტნიორ ქალს არ ესმის

 

ცხოვრებაშიც ზუსტად ასეა.

 

 

ყელა ქალისთვის დასაზეპირებელი წესები!

 

1. დაელოდეთ!

 

მომენტის სწორად შერჩევა! არ არის აუცილებელი პირდაპირ თათბირის დროს დარეკვა ან დაღლილს და მშიერს დაუწყოთ რაიმე საკითხზე სერიოზული საუბარი.

 

2. ესაუბრეთ პირდაპირ!

 

ამოიღეთ ხმარებიდან სიტყვები «შეგიძლია რომ...?», ან «დიდი ხანია არსად წავსულვართ..», ან «დიდხანს გვექნება ეს ნაგავი სახლში?»:
– ძვირფასო, გაიყოლე თან ნაგავი!
– გამიმასპინძლდი რამით ძვირფასო!
– გამიხსენი ძვირფასო ეს ქინა, ვერ ვხვსნი.

 

3. ესაუბრეთ გასაგებად!

 

არანაირი მინიშნება – ესაუბრეთ გასაგებად რა გინდათ და როდის! მისამათი, ზომა, ფერი, რაოდენობა, თარიღი, დრო და ა.შ. ყველა დეტალი! ნუ გექნებათ იმის იმედი, რომ მას თქვენი გაცნობის თარიღი ახსოვს ან პირველივე დღიდან დაიმახსოვრებს თქვენს დაბადების დღეს. მას საქმეც საკმარისი აქვს, ამიტომ შეახსენეთ ზოგჯერ მნიშნელოვანი თარიღები, ოღონდ ეს ბრაზით არ გააკეთოთ!

 

4. იყავით მხიარული!

 

ემოციურად, მორიდების გარეშე აჩვენეთ გულიდან წამოსული სუფთა გრძნობები! სიხარულს და აღფრთოვანებას ნუ დამალავთ. გულახდილად დაანახეთ თუ როგორ გაგახარებთ მისი მხრიდან გადადგმული კონკრეტული ნაბიჯი!

 

5. აპატიეთ!

 

აპატიეთ მაშინვე, თუ მას დაავიწყდა, ვერ შეძლო, დააიგნორა (თან არაერთხელ) თქვენი თხოვნა. თქვენ ყველაფერი გააკეთეთ, რაც გევალებოდათ! გაუშვით, საშუალება მიეცით საყვედურების მოსმენის გარეშე გამოასწოროს შეცდომა! 

 

 

დამატებით:

თხოვნა უნდა იყოს ძლიერი და გულახდილი! ნუ თხოვთ ისეთ რამეს, რაც რეალურად არ გჭირდებათ. გჯეროდეთ საკუთარი მამაკაცის და ის ყველა ამოცანას თავს გაართმევს, ყველა პრობლემას გაუმკლავდება!

და იმ შემთხვევაშიც კი, თუ მას ეს არ გამოსდის, ჩუმად, სიყვარულით და გაგებით მიუდექით ბოლომდე, არასოდეს არ წამოაძახოთ, რომ ის ზარმაცი და ცუდია.

 

მაგალითები:

 

მაგალითი 1:

 

– ძვირფასო, შენ რა თქმა უნდა გახსოვს, რომ ხვალ ჩემი დაბადების დღეა. მე მაგარი ფეხსაცმელი შევარჩიე, გავიზომე და გადავდე. ძალიან მიხდება! იმ ფეხსაცმელებში ძალიან სექსუალური ვიქნები შენთვის და ყველაზე ბედნიერი ქალი ამ სამყაროში (ამ დროს ხტუნაობთ, თვალებს აფახულებთ, შემოკრავთ ტაშს და გულახდილად აჩვენებთ თქვენ აღფრთოვანებას). ეს არის მისამართი, წამოღება შესაძლებელია ნებისმიერ დღეს 10:00-დან 21:00 სთ-მდე! ან შეგიძლია შენი გემოვნებით აარჩიო. მე ნებისმიერი საჩუქარი გამახარებს შენი მხრიდან! შენ საუკეთესო ხარ.

 

მაგალითი 2:

 

– საყვარელო, გამომიარე სამსახურში 8-ის შემდეგ. მისამართს შეტყობინებით გამოგიგზავნი. ძალიან-ძალიან-ძალიან მომენატრე... თუ ვერ მოახერხებ არაუშავს, ჩემით მოვალ. 

 

ქალი, რომელიც ამ მომენტებზე ყურადღებას ამახვილებს, არის ის, რომელთან ერთად ცხოვრებაც მინდა.

ეს არის იმ საკითხების ჩამონათვალი, რომელთა გაკეთბაც ქალს შეუძლია მამაკაცის გულის მოსაგება. შეგიძლიათ დარწმუნებული იყოთ, რომ ძალიან ბევრი მამაკაცი ფიქრობს ასე.

მაშ ასე:

 

1. ის უნდა მცნობდეს

 

ერთ-ერთი ყველაზე დიდი საჩუქარი, რომელიც შეგვიძლია ადამიანს მივცეთ - ეს არის მის გვერდით ყოფნა მთლიანად და მთელი გულით. მისი მოსმენა, თვალ-ყურის დევნება, ჩვენება, რომ ყველაფერს ხედავთ და ცდილობთ გაუგოთ, რომ აფასებთ იმის გამო, რასაც აკეთებს. თუ გსურთ მამაკაცის გული მოიგოთ, შეეცადეთ შეიცნოთ და გაიცნოთ ის - დაინახოთ, მოუსმინოთ და დაანახოთ, რომ მის სულსა და გულს ხედავთ.

თქვენ გაოცებული დარჩებით რამხელა სულიერ სიახლოვეს და სინაზეს გამოიწვევს ეს მასში.

 

2. ის უნდა დატკბეს იმით, რასაც და როგორც აკეთებთ

 

მამაკაცისთვის ყველაზე მეტად სასიხარულოა საკუთარი სხეულის, ძალის, უნარისა და ცოდნის გამოყენება რაიმეს გასაკეთებლად. შეიძლება ის კარგ კერძებს ამზადებდეს, ვარჯიშობდეს, ან უბრალოდ ავეჯის გადაადგილებაში გეხმარებოდეთ — თვალყური ადევნეთ, აჩვენეთ, რომ მოგწონთ ის, რასაც აკეთებს. უთხარით, რომ სექსუალურია, როცა რამეს აკეთებს. მამაკაცებს ძალიან აკლიათ კომპლიმენტები.

 

3. უთხარით როგორ მოქმედებს მისი დანახვა თქვენზე

 

თუ მუცელში პეპლები დაფრინავენ, როცა მის გვერდით ხართ, თუ გული უფრო ხშირად გიცემთ, როცა ის რამეს ამბობს ან აკეთებს, თუ აღგაგზნებთ მისი კოცნა - აუცილებლად უთხარით ამის შესახებ. არ დაუმალოთ თქვენი გრძნობები, როცა მის გვერდით იქნებით, ასე მამაკაციც მეტ სიახლოვეს და სითბოს გამოხატავს. მან უნდა იცოდეს, რომ თქვენთვის ბევრს ნიშნავს და ამის შემდეგ თქვენთან გატარებული ყოველი წამი დაამახსოვრდება.

 

4. იყავით ყოველთვის მის გვერდით

 

ყოველთვის კარგი სიტუაცია არ იქნება და სწორედ რთულ პერიოდში არის საჭირო, რომ მის მიმართ მხარდაჭერა და თანადგომა გამოხატოთ. არასოდეს მიატოვოთ. სავალდებულო არ არის რჩევებით და დახმარებით თავი მოაბეზროთ, უბრალოდ გამოხატეთ ზრუნვა და ყურადღება.

მამაკაცების უმრავლესობას არ უყვარს ბევრი საუბარი და მითუმეტეს პრობლემების განხილვა. მაგრამ ეს სუალაც არ ნიშვნავს, რომ მას არ სურს ქალი ჰყავდეს გვერდით. პირიქით, მას უნდა იცოდეს, რომ ის ყოველთვის გვერდით იქნება, მაშინაც კი, როცა პრობლემები აქვს და ყველაფერს თავს ვერ ართმევს. თუ ქალი ბოლომდე მხარდაჭერას გამოხატავს მამაკაცის მიმართ, თუ ეტყვის, რომ ზოგჯერ სისუსტე ნორმალურია - მამაკაცი გულს გადაუშლის.

ეს ძალიან რთულია, საჭიროა მოთმინება, მაგრამ თუ თავს გაართმევთ აუცილებლად მოიგებთ მამაკაცის გულს.

 

5. გაიგეთ რა აინტერესებს

 

დიახ, მამაკაცი და ქალი სამყაროს სხვადასხვაგვარად აღიქვამენ და ეს მშვენიერია. ქალის სამყარო უფრო მგრძნობიარე, ნაზი, დინამიური და ხშირად ცვალებადია. მამაკაცს უჭირს ამის სწრაფად გაგება. თუმცა, ის ძალიან მოინდომებს როცა დაინახავს, რომ მისი საყვარელი ქალიც ინტერესდება კაცური სამყაროთი. დაუსვით მას შეკითხვები, სთხოვეთ აგიხსნათ რამე, მაგალითად ექსტრიმი საბრძოლო ხელოვნებაში ან ავტომობილებში - თქვენ გაოცებული დარჩებით, რამდენად გაახარებთ მას და როგორ გაიხსნება თქვენთან! 

 

 

 

ეს გაცილებით ეფექტურია.

 

ადამიანების ჩვევაა სიბინძურეში ჩაგფლონ მაშინაც კი, როცა შენს იქედან ამოყვანას ცდილობენ. როცა სხვებს უყვები საკუთარ პრობლემებზე, ისინი არ ცდილობენ გაგიგონ, მათ უბრალოდ მოსმენა უყვართ.

 

ადამიანებს ყოველთვის არ შეუძლიათ ნუგეშის ცემა როცა ცუდად ხარ ან გტკივა, უბრალოდ იმიტომ, რომ ვერ წარმოუდგენიათ შენი ტკივილის სიღრმე და არ იციან რა ხდება შენში.

 

ღმერთმა ყველაფერი იცის. ღმერთს ესმის სიტყვის, რომლის გამოთქმაც არ შეგიძლია, გრძნობის, რომელიც შენშია, რომელიც გკლავს და ხვდება შენი ტკივილი რამდენად ღრმაა. ღმერთმა იცის რას მალავ და რის გამო იტანჯები.

 

ღმერთმა იცის ის, რაც შენ ჯერ არ იცი.

 

ადამიანები გეუბნებიან როგორ უნდა იგრძნო თავი. გიხსნიან, რომ შენ ზედმეტად ემოციური ხარ ან ზედმეტი მოლოდინი გაქვს.

ბედავენ, რომ გითხრან, თითქოს შენ უფრო ჭკვიანი, უფრო დაფიქრებული და უფრო გაცნობიერებული, უფრო ძლიერი რომ ყოფილიყავი ეს პრობლემები არ გექნებოდა და არ აღმოჩნდებოდი მსგავს სიტუაციაში.

 

ღმერთი არ განგსჯის, ღმერთი გისმენს, ღმერთს ესმის შენი.

 

ღმერთი თითს არ დაგიქნევს, რადგან მან იცის შენს გულში რა ხდება.

 

როცა ცუდად ხარ, ადამიანები წარმოთქვამენ ისეთ ფრაზებს, რომელთა გამო უკეთესად ნამდვილად არ ხდები, სჯობს საერთოდ არაფერი გითხრან. შემდეგ მიდიან ისე, რომ შეიძლება ერთხელაც არ დარეკონ და იკითხონ როგორ ხარ.

 

ღმერთი ყოველთვის შენთან არის, ის არ გეუბნება უაზრო და უსარგებლო სიტყვებს.

 

ღმერთი გაძლევს დროს და სივრცეს იმისათვის, რომ აღიდგინო შინაგანი ძალები, შემდეგ კი გლოცავს. ღმერთს შენგან რაიმე მიაქვს მხოლოდ იმიტომ, რომ უფრო მეტი მოგცეს სანაცვლოდ.

 

როცა ადამიანებს ესაუბრები საკუთარ პრობლემებზე, უფრო ცუდად ხდები. იბნევი, თითქოს გულახდილობის გამო სასჯელი გევლინება და შეზღუდული ხარ საკუთარი ემოციების გამოხატვაში.

 

ადამიანებს უყვარხარ მხოლოდ ბედნიერი და ხალისიანი, მაგრამ როგორც კი მოიწყენ და სერიოზული იქნები - თითქოს არც გიცნობენ.

 

ადამიანები შენს დასახმარებლოად დროებით მოდიან, სხვის იმედად არასოდეს არ უნდა იყო.

ღმეთს უყვარხარ ნებისმიერ მდგომარეობაში. ღმერთს ყოველთვის უყვარხარ - ბედნიერი და მოწყენილი, სულელი და სერიოზული, გაბრაზებული და მშვიდი, ძლიერი და სუსტი... ღმერთი არ ანსხვავებს არავის.

 

ღმერთისთვის მისაღები ხარ ისეთი, როგორიც მოევლინე სამყაროს.

 

ის გიზიდავს თავისკენ, რადგან უნდა დაგანახოს, რომ ადამიანებს რაც არ უნდა ძლიერ უყვარდეთ ადამიანები, მათზე ბოლომდე იმედები არ უნდა დაამყაროთ, განსაკუთრებით მაშინ, როცა ნამსხვრევებისგან თავმოყრა, გაძლიერება და ფეხზე დადგომა გჭირდებათ.

ერთადერთი მხსნელი და შინაგანი ძალების აღმდგენი — ეს არის მხოლოდ ღმერთი.

მხოლოდ ღმერთს შეუძლია გადაწყვიტოს ჩვენი პრობლემები და ეს გამოიხატება მისი მხრიდან ჩვენ სიყვარულში, შინაგანი ძალის მოცემაში. ღმერთი - არის შველა და ხსნა!

 

თქვენ როგორ ფიქრობთ? ეთანხმებით ამ მოსაზრებას? გაგვიზიარეთ თქვენი აზრი კომენტარებში.

 

 

როგორ ახერხებენ ებრაელები ქონების დაგროვებას? რაში მდგომარეობს მათი ფინანსური წარმატებისა და სიბრძნის საიდუმლო? რა გზით ახერხებენ ებრაელები ფულის მარტივად შოვნას და სიმდიდრის დაგროვებას? ჯერ კიდევ ძველ წმინდა წერილებში საუბარი იყო ებრაელების ფულთან დამოკიდებულებაზე და მიუხედავად ასწლეულების გასვლისა, ეს კულტურა არ შეცვლილა, მხოლოდ განვითარდა და გაიზარდა მასშტაბებში.

გთავაზობთ 22 წესს, რომლებიც ამოკრეფილია მიხაილ აბრამოვიჩის წიგნიდან «ბიზნესი ებრაულად - 67 ოქროს წესი» - ეს წესები ყველა მეწარმემ უნდა დაიცვას.

 

1.    თანამოძმეთა ქონებას მიუდექით იგივენაირად, როგორც საკუთარს 
მიუხედავად ყველაფრისა, ებრაელი ბიზნესპარტნიორი ერთ-ერთი ყველაზე წესიერია. ჩემი და ჩემი ახლობლების გამოცდილებიდან შემიძლია გითხრათ, რომ ის ებრაელები, რომლებთანაც საქმიანი შეხება მქონია, ყოველთვის დიდი პატივისცემით ეპყრობოდნენ ჩემ ქონებას, უხაროდათ ჩემი და ჩემი ოჯახის წარმატება ისევე, როგორც საკუთარი.

 

2.    ნუ დაკარგავ დროს ფუჭად
რომ დავფიქრდეთ რამდენ დროს ვკარგავთ მოლოდინში, ტრანპორტში, ონლაინში უაზორდ ჯდომაში, ძალიან დიდი დრო გამოვა- ყოველი წუთი ეს არის საჩუქარი და ამ წუთებს სასარგებლოდ გამოყენება უნდა. გუშინ მთლი დღე ვფიქრობდი ამ ფრაზაზე და რამოდენიმე ხასიდური იგავიც წავიკითხე ამ თემაზე. ამიტომ, შემდეგი კვირიდან დავიწყებ საკუთარ დროზე ერთი ექსპერიმენტის ჩატარებას.
 

3.    ცუდი მეზობლისგან თავი შორს დაიჭირე
რატომ ღირს ქალაქის ცენტრში საცხოვრებელი ფართი ძვირი? იმიტომ, რომ ღრებულების 50% არის სამეზობლოს საფასური. როგორ დაიწყება დღე კარგად - როცა ლიფტში კლიჩკოს შეხვდები, თუ 10 კატასთან ერთად მყოფ დეპრესიულ მოხუცებულ ქალს?!
 

4.    ნურაფერს იტყვი, თუ სათქმელი არაფერი გაქვს.
 

5.    იმუშავე სანამ სანთელი ანთია
თუ ჩვენი სანთელი (ცხოვრება, მუშაობისა და რაიმეს შექმნის სურვილი) ჯერ კიდევ ანთია, გაჩერება არ შეიძლება — საჭიროა წინსვლა.
 

6.    რთულ მომენტში გაეცით ფული
ეს არის ადამიანის მომავალში ინვესტიცია, თან ისეთ ინვესტიცია, რომელსაც დიდი ამონაგები ექნება.
 

7.    ყოველთვის მიესალმეთ შემხვედრ ადამიანებს
 

8.    ყველა ადამიანი იმსახურებს მადლიერების სიტყვებს
 

9.    ებრაელებმა იციან რა არის სიმდიდრე
ამ თემას მთელ თავს ვუთმობ, რადგან პირველ რიგში საკუთარი თავისთვის მინდა გავარკვიო თუ რა არის სიმდიდრე. მოცემულ მომენტში ვთვლი, რომ იყო მდიდარი, ეს ნიშნავს გქონდეს 5 მლნ აშშ დოლარი, მაგრამ მე სხვა ვარიაცია მომეწონა ამ თემაზე - ებრაული სიბრძნე - «მდიდარია ის, ვინ ბედნიერია იმით, რაც აქვს».
 

10. დროის ქურდი ისეთივე ქურდია, როგორიც ფულის ქურდი
მე შევზღუდე ისეთ ადამიანებთან ურთერთბა, რომლებიც დროს მართმევდნენ. შესაძლოა ეს ცოტა უხეშად ჟღერს, შესაძლოა, რომ ეს ცუდია, მაგრამ დროის მართვა მილიარდების მართვის ტოლფასია.
 

11. თანამშრომლებს ხელფასი გადაუხადეთ დროულად.
 

12. არ ღირს ყველაფრის თქმა, რასაც ფიქრობთ.

 

13. ზოგჯერ უფრო მეტი უნდა გასცე, ვიდრე საჭიროა, თუ ნამდვილად გინდა საკმარისად გასცე.
 

14. დამქირავებელმა უნდა იცოდეს როგორ ცხოვრობს მისი თანამშრომელი.
 

15. თუ ვინმეს თქვენი მოკვლა უნდა, მოკალით პირველმა.
 

16. უთხარით საკუთარ თავს – რომ სიამაყის გადალახვა გჭირდებათ.
 

17. მიუხედავად იმისა, რომ თქვენი სიტყვა ფიცი არ არის, ყოველი სიტყვის გამო ვალდებულებას და პასუხისმგებლობას უნდა გრძობდეთ.
 

18. არასოდეს მიაყენოთ შეურაცხყოფა სხვას.
 

19. დაგეგმეთ საკუთარი ცხოვრება.
 

20. დააჯილდოვეთ საკუთარი თავი კარგი მუშაობისთვის.
 

21. დაავალეთ საქმე სხვებსაც
 

22. ცხოვფრებაში ეძებეთ წონასწორობა.

 

ზოგჯერ ნერვული დაძაბულობა პიკს აღწევს და ადამიანების უმეტესობა ვერ უმკლავდება მას. შესაბამისად, ქრონიკული გადაღლილობა და სტრესი იზრდება. ამასთან, ყველა ადამიანში სხვადასხვა ფორმით ვლინდება სტრესზე რეაქციები. ზოგჯერ ისინი უჩვეულო სახისაა.

 

1. მოულოდნელი თავის ტკივილი

 

შესაძლებელია თქვენ დაგეწყოთ თავის ტკივილი და ამის მიზეზს ვერ მიხვდეთ, რა გამღიზიანებელი მოქმედებს, რაც იწვევს გაუსაძლის თავის ტკივილებს. ხშირად კი ის სტრესთანაა დაკავშირებული.

ამისთვის აუცილებელია 8-9 საათიანი ძილი და ჯანსაღი კვება.

 

2. ყბის მიდამოში ტკივილი

 

ამის მიზეზად სახელდება ის, რომ ძილის დროს ყბების მოჭერა დასაშვებზე მეტია. შესაბამისად, დღის განმავლობაში გაწუხებთ ყბების არეში აუხსნელი ტკივილი. ამისთვის მეცნიერებმა გამოიგონეს ე.წ. Mouth Guard, რომელსაც ძილის წინ დაიმაგრებთ ორივე ყბაზე და ეს დაგიცავთ ყბების ზედმეტი მოჭერისგან. თუმცა უმჯობესია, სტრესისთვის თავის არიდება.

 

3. გაწუხებთ ცუდი სიზმრები

 

თუ უმეტესად ცუდი სიზმრები გაწუხებთ და ძილის საშუალებას არ გაძლევთ, ხომ არ არის ეს ნიშანი იმისა, რომ თქვენ ძალიან გადაიღალეთ და სტრესის მაჩვენებელიც მაღალია. იქნებ, დაფიქრდეთ და შეცვალოთ ცხოვრების წესი ან მეტად დაისვენოთ. გაზარდეთ ძილის ხანგრძლივობა 8-9 საათამდე.

 

4. ღრძილებიდან სისხლდენა

 

ბრაზილიელმა მეცნიერებმა 14 შედეგი აჩვენეს, რომლებიც ცხადყოფენ იმ ფაქტს, რომ ადამიანები, ვინც მუდამ სტრესშია, უფრო ხშირად აწუხებთ ღრძილებიდან სისხლდენა. სტრესის ჰორმონის კორტიზოლის რყევები უარყოფითად აისახება იმუნურ სისტემაზე, რომელიც ჩვენს სხეულს იცავს ბაქტერიებისა და პარაზიტებისგან. თუ დიდი დატვირთვით მუშაობთ, იკვებებით სწრაფად, სამსახურიდან მოწყვეტის გარეშე, გადარბენებზე. თან იქონიეთ კბილის ჯაგრისი. თუმცა უმჯობესია მეტი სპორტი და ფიზიკური დატვირთვა.

 

5. გამონაყარი

 

სტრესი უკავშირდება ანთებით პროცესსაც, რომელიც ვლინდება გამონაყარის სახით, მიუხედავად იმისა, რომ თქვენ შესაძლებელია მოზარდი არც იყოთ. ასეთ შემთხვევაში ეცადეთ მეტად მიიღოთ წყლის აბაზანები და გამოიყენეთ დამარბილებელი კრემი.

 

6. გამუდმებული ქავილი

 

2000 ადამიანზე ჩატარებული კვლევებით იაპონელმა მეცნიერები დაადგინეს, რომ ქრონიკული ქავილი აღენიშნებათ იმ ადამიანებს, ვინც მუდამ ნერვიულობს, სტრესშია და მშვიდი ცხოვრების წესი არ გააჩნია. არსებობს ნეიროდერმიტი, რომელიც აერთიანებს კანის დაავადებებს, როგორიცაა: დერმატიტი ან ეგზემა, რომელიც ნერვულ ფონზე ვლინდება.

 

7. უჩვეულო ალერგიული გამოვლინება

 

ოჰაიოს უნივერსიტეტში 2008 წლის კვლევაში მონაწილეობას იღებდნენ ალერგიული პაციენტები, ვინც ასრულებდნენ ორი სახის დავალებას: ერთი, ნერვული დაძაბულობის მომატება, მეორენი - ინარჩუნებდნენ სიმშვიდეს. სტრესულ მდგომარეობაში მყოფნი ალერგიის გამოვლინება გაძლიერდა, რაც მიუთითებს იმაზე, რომ სტრესის ჰორმონები აძლიერებენ იმუნოგლობულინი E-ს გამოყოფას, რომელიც თავის მხრივ ალერგიას აძლიერებს.

 

8. მუცლის ტკივილი

 

უძილობას თან ახლავს მუცლის ტკივილიც, თავის ტკივილი, აკნეს გამოვლინება, ალერგია და კანზე გამონაყარი, რაც დაკავშირებულია სტრესთან. ზუსტი გამომწვევი მიზეზი დაუდგენელია. თუმცა უამრავი ადამიანი უჩივის ამ სიმპტომებს, რომელსაც ,,დათვის დაავადებასაც“ კი უწოდებენ.