თვალის ლორწოვანი გარსის ანთება - საკმაოდ გავრცელებული დაავადებაა. ზაფხულში კონიუქტივიტის განვითარების რისკი იზრდება: სიცხე ხელს უწყობს ბაქტერიების უფრო სწრაფად გავრცელებას, რომლებიც ადვილად აღწევს თვალში ჭუჭყიანი ხელებით, მცენარეების მტვრით, რაც იწვევს ალერგიულ რეაქციას და ცრემლდენას. ამიტომ, მნიშვნელოვანია იმ სიმპტომების და პროფილაქტიკური მეთოდების ცოდნა, რაც უკავშირდება თვალის ანთებით დაავადებებს, რათა შესაძლებელი იყოს ჯანმრთელობის დაცვა.

 

რატომ არის საშიში კონიუქტივიტის თვითმკურნალობა?
 

თუ დილით გაღვიძებისას თვალები დაწებებული გაქვთ, დაწითლებული და ტკივილსაც გრძნობთ, ეს სავარაუდოდ კონიუქტივიტია. თვალის ანთებითი პროცესი შესაძლოა გამოწვეული იყოს ვირუსებით, ბაქტერიებით, ალერგენებით - ამიტომ, საჭიროა დადგინდეს დაავადების ზუსტი მიზეზი და მოხდეს მისი სწორი მკურნალობის დანიშვნა. არავითარ შემთხვევაში არ დაიწყოთ აღნიშნული პრობლემის დამოუკიდებლად მკურნალობა: თვალის ამორეცხვა ბალახეულის ნახარშით და ა.შ. ინფექციის არსებობის შემთხვევაში ეს ნამდვილად არ გიშველით. არც აფთიაქში თქვენით შერჩეული წვეთები იქნება ეფექტური, პირიქით, ასეთმა მიდგომამ, შესაძლოა სიტუაცია კიდევ უფრო გაამწვავოს. მკურნალობის გარეშე დატოვებული ან არასწორად ნამკურნალევი კონიუქტივიტი შესაძლოა გართულდეს და გადავიდეს თვალის რქოვანას ანთებით პროცესში, რაც საბოლოოდ იწვევს მხედველობის დაზიანებას.

 

თვალის ანთებითი დაავადებების სიმპტომები

ქრონიკული კონიუქტივიტის განკურნება გაცილებით რთულია, ამიტომ, თუ თქვენ გაგიჩნდათ შემდეგი სიმპტომები:

 

• ·         თვალიდან ჩირქოვანი ან გამჭვირვალე გამონადენი: წამწამები გეწებებათ და დილაობით თვალების გახელა გიჭირთ
• ·         თვალებში «ქვიშის» შეგრძნება
• ·         ტკივილი, წვა, ქავილი, ცრემლდენა
• ·         ქუთუთოების შეშუპება და თვალის ლორწოვანი გარსის სისწითლე (ჰიპერემია)
• ·         თვალის კონიუქტივიტზე მცირე რაოდენობით სისხლჩაქცევები – გარსზე, რომელიც ფარავს თვალის კაკალს

მაშინ აუცილებლად უნდა მიმართოთ ოფთალმოლოგს. თანამედროვე სამედიცინო მოწყობილობები და დიაგნოსტიკა დაგეხმარებათ თვალის ლორწოვანი გარსის ანთების მიზეზების დადგენაში.
 

ზაფხულის კონიუქტივიტის განვითარების ძირითადი მიზეზები

ალერგენები, ბაქტერიები, დაბინძურებულ წყალსაცავებში ბანაობა და სხვა ფაქტორები ახდენენ კონიუქტივიტის პროვოცირებას. ზაფხულის ანთებითი პროცესის ძირითადი პროვოკატორებია:  

 

• ·         მცენარეების და ყვავილების მტვრიანები
• ·         მკაფიო მზის სხივები: ის არამარტო აღიზიანებს თვალს, არამედ შეიძლება რქოვანას დამწვრობაც კი გამოიწვიოს
• ·         ბაქტერიები და ვირუსები, განსაკუთრებით წყალსაცავებსა და აუზებში არსებული
• ·         კონტაქტური ლინზები, რომლებიც ცხელ სეზონზე უფრო საგულდაგულო მოვლას საჭიროებს
• ·         გასარუჯი და მზისგან დამცავი საშუალებები, რომლებიც სხეულზე წასმისას ხვდება თვალში.

თვალის ანთებით დაავადების ასაცილებლად, დაიცავით პირადი ჰიგიენის წესები: თვალებს ნუ შეეხებით ჭუჭყიანი ხელებით, ისარგებლეთ ინდივიდუალური პირსახოცით და ხელსახოცით, დაიცავით თვალები მზისგან სათვალით. სიფრთხილით მოეკიდეთ წყალსაცავებში ბანაობას, სანამ ჩახვალთ გაარკვიეთ, საერთდ თუ არის დასაშვები მასში ბანაობა.

სეზონურ-ალერგიული კონიუქტივიტისას აუცილებლად დაგჭირდებათ ალერგოლოგის კონსულტაცია, რომელიც დაგეხმარებათ შეარჩიოთ თვალის წვეთები და მედიკამენტები ალერგიული რეაქციების დასათრგუნად.

 

თუ თქვენ ატარებთ სათვალეს ან კონტაქტურ ლინზებს, ნუ დაიზარებთ მათ საგულდაგოლოდ მოვლას, მხედველობის კორექციის ამ საშუალებებს უნდა მოუაროთ გულდასმით და სწორად იმისათვის, რომ თავიდან აიცილოთ ინფექციის შეჭრა თვალებში.

 

 

ზაფხულთან ერთად, მთელი მსოფლიოს მასშტაბით აკვაპარკები ბავშებისა და მოზრდილებისთვის საუკეთესო საშუალებაა ცხელ დღეებში გასაგრილებლად. ერთ-ერთი ახალი აკვა პარკი სახელწოდებით „Morgan’s Inspiration Island“ გაიხსნა სან-ანტონიოში, ტეხასის შტატში, სადაც ბავშვებს შეუძლიათ გაგრილდნენ და    გაერთონ!

სამწუხაროდ, აკვაპარკების უმრავლესობა შშმ პირებისთვის გათვალისწინებული არ აქვთ, მაგრამ „Morgan’s Inspiration Island“-ში ეს მიდგომა სრულიად შეცვლილია, რადგან ეს არის მსოფლიოში პირველი აკვაპარკი, რომელიც დაპროექტებულია სპეციალურად შშმ პირებისთვის.

 

“ჩვენი მიზანია სტუმრებს გავუწიოთ განსაკუთრებული ინკლუზიური მომსახურება დაცული, კომფორტული და გადაუტვირთავი გარემოს შექმნით“ - განაცხადა პარკის დამფუძნებელმა გორდონ ჰარტმანმა (Gordon Hartman), რომელიც მუშაობს ექიმებთან, მშობლებთან, მასწავლებლებთან, სპეციალური საჭიროების თერაპევტებთან და მომვლელებთან იმისათვის, რომ „Morgan’s Wonderland“-ში შეიქმნას კარგი გარემო შშმ პირებისთვის.

 

აკვაპარკში ბავშვებს უკეთდებათ საკონტროლო სამაჯურები, რომლითაც მშობლებს შეუძლიათ მათი ადგილსამყოფელის გაკონტროლება, ასევე აქ შესაძლებელია „PneuChairs“-ის გამოყენება, რომელიც შშმ პირებზეა გათვლილი, ჰაერით იმართება, წყალგამძლე და რაც მთავარია მომხმარებლებისთვის უფასოა.  ასეთი სავარძლების ნახვა შესაძლებელია პარკის ყველა ნაწილში. „სპეციალური საჭიროებების“ მქონე ბავშვებისთვის პარკში შესვლა უფასოა. აკვაპარკში რეგულირდება წყლის ტემპერატურაც, შესაძლებელია მისი გათბობა იმ ბავშებისთვის, რომლებიც სენსიტიურები არიან ცივი წყლის მიმართ!

 

“Morgan’s Inspiration Island-ი სთავაზობს ინდივიდუალურ პირობებსა და ადგილს შშმ პრირებს, რომლებსაც შეუძლიათ შეუზღუდავად იცურაონ და გაერთონ. ეს არ არის სპეციალური პარკი, ეს არის აქტივობისა და ჩართულობის ადგილი.” - განაცხადა გორდონ ჰარტმანმა.

მეტი ინფორმაცია: Morgan’s Wonderland

აკვა პარკები საუკეთესო დასვენების ადგილებია, მაგრამ სამწუხაროდ მათი უმეტესობა არ არის გათვლილი შშმ პირებზე

 

ეს ყველაფერი ცვლის სტანდარტულ მიდგომებს, მადლობა Morgan’s Inspiration Island-ს!

 

ეს აკვა პარკი მსოფლიოში პირველია, რომელიც გათვლილია შშმ პირებზე

 

“ჩვენი მიზანია სტუმრებს გავუწიოთ განსაკუთრებული ინკლუზიური მომსახურება დაცული, კომფორტული და გადაუტვირთავი გარემოს შექმნით“ - განაცხადა პარკის დამფუძნებელმა გორდონ ჰარტმანმა (Gordon Hartman)

 

ტეხასში, სან ანტონიში გახსნილი შშმ პირებზე გათვლილი პარკი „Morgan’s Wonderland“-ის გაგრძელებაა

 

ჰარტმანმა პარკს სახელი თავისი ქალიშვილის მორგანის საპატივსაცემოდ დაარქვა, რომელიც ასევე შშმ პირია

 

აჰრტმანმა „Morgan’s Inspiration Island“-ი გახსნა ექიმების, მშობლების, სპეციალური საჭიროების თერაპევტებისა და მომვლელების დახმარებით

 

პარკი ემსახურება ნებისმიერი შეზღუდული შესაძლებლობის მქონე პირს

 

პარკის სერვისში ასევე შედის სამაჯურები, რომლებიც უკეთდება ბავშვებს და ეხმარება მშობლებს მათი ადგილსამყოფელის დადგენაში

 

პარკში შესაძლებელია „PneuChairs“-ით სარგებლობა, რომელიც განკუთვნილია შშმ პირებისთვის, ჰაერით იმართება, წყალგამძლე და რაც მთავარია მომხმარებლებისთვის უფასოა

შშმ პირებისთვის განკუთვნილი ასეთი სავარძელი ხელმისაწვდომია პარკის ნებისმიერ ადგილას

 

შშმ ბავშვებისთვის პარკში შესვლა უფასოა

 

„პარკი სთავაზობს ინდივიდუალურ პირობებსა და ადგილს ნებისმიერი სახის შშმ პირებს, რომლებსაც აქ შეუძლიათ შეუზღუდავად იცურაონ და გაერთონ“ - აცხადებს გორდონ ჰარტმანი

 

„ეს არ არის სპეციალური საჭიროებების პარკი, ეს არის აქტივობისა და ჩართულობის ადგილი” - აღნიშნავს ის.

 

 

 

 

 

 

 

 

 

 

 

 

9-10 დეკემბერს ქ. ბათუმში სამედიცინო ტურიზმის პირველი საერთაშორისო B2B (Business to Business) დღეები ტარდება, რომლის მიზანიც საქართველოში სამედიცინო ტურიზმის განვითარების ხელშეწყობაა ქართული კლინიკების აქტიური ჩართულობით.

 

B2B დღეები სამედიცინო ტურიზმის სერვისების შემსყიდველებისა და მიმწოდებლების შეხვედრების უნიკალური ფორმატია,  რომელიც სამედიცინო დაწესებულებებს მისცემს შესაძლებლობას შეხვდნენ სამედიცინო მომსახურების სფეროში მომუშავე უცხოურ შემსყიდველებს (სამედიცინო ტურიზმზე მომუშავე ტურისტული სააგენტოები, ასისტანს კომპანიები, სადაზღვევოები და ა.შ).  ბიზნესის წარმომადგენლების შეხვედრების ეს ფორმატი საუკეთესო პლატფორმაა სადაც ერთ სივრცეში ერთიანდება სფეროს წამყვანი დაწესებულებები და ხელმძღვანელები. სამედიცინო სერვისების შემსყიდველები წარმოდგენილი იქნება მსოფლიოს სხვადასხვა ქვყნებიდან მათ შორის რუსეთი, უკრაინა, მოლდოვა, ბელარუსია, აზერბაიჯანი, ყაზახეთი, უზბეკეთი, თურქმენეთი, ირანი, არაბეთი, იტალია და ა.შ. 2 დღის განმავლობაში ჩატარდება 1000 მდე შეხვედრა, 30 შემსყიდველსა (სტუმრები უცხოეთიდან) და 30 სერვისის მიმწოდებელს შორის (წარმოდგენილი ქართული კლინიკები).

 

ღონისძიების ორგანიზატორების აზრით ეს  ამ ფორმიტის შეხვედრები საინტერესო შესაძლებლობაა რომ პირველი ნაბიჯები გადაიდგას და საქართველო მოინიშნოს ამიერკავკასიაში სამედიცინო ტურიზმის სფეროში საინტერესო ქვეყნის სტატუსით ვინაიდან საქართველოში გარკვეული კლინიკები ყველა კრიტერიუმს აკმაყოფილებენ რომ უცხოეელ პაციენტს გაუწიონ შესაბამისი სამედიცინო მომსახურება.

 

B2B დღეების ჩატარების თარიღია 2017 წლის 9-10 დეკემბერი 

 

დამატებითი ინფორმაციის მისაღებად მოგვწერეთ:   info@tsamali.ge

 

 

გინდათ გაიგოთ, როგორია ადამიანი საწოლში? მაშინ ყურადღება მიაქციეთ მის დამოკიდებულებას საჭმელთან! რადგან ჭამასა და სექსს შორის ბევრი საერთოა.

ეს ძალიან მნიშვნელოვანი მოთხოვნილებებია, რომელთა დაკმაყოფილებისას, ფიზიოლოგიური სიამოვნების გარდა შესაძლებელია სხვადასხვა სახის სიამოვნების მიღებაც:დაწყებული  ხორციელით და დამთავრებული ესთეტიკურით. მნიშვნელოვანი აქ ის არის, რომ ადამიანი როგორც ერთ მოთხოვნილებას იკმაყოფილებს, ისე უდგება მეორე მოთხოვნილებასაც.

 

თუ ადამიანი ხარბად ეტანება საჭმელს და სწრაფად ჭამს

 

რთული არ უნდა იყოს იმის წარმოდგენა, როგორი შეიძლება იყოს ის საწოლში. შესაძლოა მან თავადაც ვერ მიიღოს სიამოვნება, რადგან მისთვის უმთავრესია რაც შეიძლება სწრაფად მოდუნდეს. მას არ აინტერესებს გემო, სიახლოვის განცდა. მისთვის მთავარია დაძაბულობის სწრაფად მოხსნა.

 

თუ ადამიანი ჭამის დროს კითხულობს ან ტელევიზორს უყურებს

 

და უფრო მეტად დაინტერესებულია არა გემოთი, არამედ რაიმე დამატებითი ინფორმაციით, მაშინ საწოლში ის პარალელურად რაიმე სხვაზე ფიქრით იქნება დაკავებული. ეს „სხვა რამ“ არის ქალები ან კაცები - ეს არც ისე ცუდია. თუმცა, სრულიად შესაძლებელია, რომ ის ფიქრობდეს მაგალითად დოლარის კურსზე, ან იმაზე, თუ რომელ ფერში აჯობებს ჭერის შეღებვა. ადამიანს, რომელსაც არ შეუძლია საკვების შეგრძნება და ამით სიხარულის განცდა,  სექსის დროს ვერ ტკბება პარტნიორთან სიახლოვით. ის, ვისაც არ შეუძლია კონტაქტში შესვლა, ვერასოდეს ახერხებს იყოს აქ და ახლა.

 

ის «ჭამისა» და «სმის» ნაცვლად ამბობს «ხვრეპა» და «თქვლეფა»?

 

ამ შემთხვევაში ის თქვენთან სიყვარულით არ დაკავდება - ის უბრალოდ ხორციელ მოთხოვნილებას დაიკმაყოფილებს. თუ ადამიანი აუხეშებს და აუფასურებს ერთ სიამოვნებას, ის ზუსტად ასე მოექცევა მეორეს.

 

ის ჭამს იმას, რაც არის, არჩევანზე დიდხანს არ ფიქრობს და არ ითხოვს იმას, რაც სურს?

 

მაშინ სექსუალური პარტნიორის შერჩევისას, ის არ იქნება წუნია - დათანხმდება იმას, ვინც პირველი იქნება. სამაგიეროდ ასეთ ადამიანს რანაირი სექსიც არ უნდა შესთავაზო, ყველაფერზე თანახმა იქნება.

 

ის ზედმეტად სწორად ჭამს?

 

მიუხედავად იმისა, რომ შესაძლოა ეს მისთვის უხერხული იყოს, ის მაინც იყენებს ყველანაირ სერვიზს, ჩანგლებს, დანებს, სხვადასხვა სამაგიდე ნაკრებს, ასრულებს ყველა მიღებულ რიტუალს, მის მოძრაობაში ნელი დაძაბულობა და თავშეკავებულობაა, მაგრამ ის მაინც აგრძელებს ეტიკეტის დაცვას? მაშინაც კი, როცა დანაყრებულია ყველაფერს ბოლომდე მიირთმევს? მაშინ საწოლშიც ყველაფერს ზუსტად ისე გააკეთებს, როგორც ასწავლეს და მიუხედავად იმისა, რომ შეიძლება ერთხელაც ვერ მიიღოს სიამოვნება, მოხარული იქნება, რომ ყველაფერი ისე გააკეთა, როგორც საჭიროა.

 

საჭმელს მაქსიმალური ეფექტურობის კუთხით უდგება?

 

ითვლის კალორიებს, ცილების რაოდენობას, ახსოვს სად უფრო მეტი კალციუმი, მაგნიუმი და В ვიტამინია, რომელი პროდუქტები არ შეეფერება ერთმანეთს და რომელი უნდა გამდიდრდეს აუცილებლად ცხიმით? მაშინ სექსის დროს ის რაც შეიძლება მეტი სარგებლის ძიებას დაიწყებს, აირჩევს პოზებს, სადაც უფრო მეტად პრესით არის სამუშაო ან პოზებს, რომელბიც კალორიებს წვავენ. სიამოვნებას კი მას შემდეგ მიიღებს, როცა სასწორი ნახევარი კილოგრამით ნაკლებს აჩვენებს.

 

ჭამის დროს ის მთლიანად საჭმელზეა კონცენტრირებული?

 

ის აუჩქარებლად ჭრის ნაჭერს და როცა მას პირში იდებს, სიამოვნებისგან თვალებს ხუჭავს, მისი სახე კმაყოფილებისგან იბადრება და იმ მომენტში ვერაფერი გადაატანინებს ფიქრს გემოსგან მიღებული სიამოვნების, გასტრონომიული ორგაზმის იქეთ, რომელსაც იმეორებს ერთანეთის მიყოლებით მანამ, სანამ არ დანაყრდება, ჭამის მერე თეფშს წმენდს და სიამოვნებით ეყუდება სკამის საზურგეს, ფიქრებში მადლობას უხდის მზარეულს, საკვებს, ტრაპეზს და ზოგაადად ცხოვრებას? მაშინ ეს ადამიანი სექსშიც ასე მოიქცევა . აირჩევს საუკეთესო პარტნიორს, იზრუნებს დროსა და ადგილზე, მოაწყობს გარემოს და ამის შემდეგ სიამოვნების მორევში გადაეშვება. ვისაც შეუძლია გარესამყაროსთან კონტაქტში შესვლა, ამის გაკეთებას ყოველთვის შეეცდება და სიამოვნებსაც მიიღებს.

თუ თქვენ ბოლომდე წაიკითხეთ ეს ტექსტი საღეჭი რეზინის, საუბრის და მუსიკის გარეშე, კონსპექტის რეშე, გაზეთის გარეშე, არ ახდენს განათლების დონის შეფასებას, ან კითხვას არ ასრულებს ბოლომდე და არ აიძულებს საკუთარ თავს ბოლომდე ჭამოს, მაშინ დარწმუნებული ყავით, რომ საჭმელთან და სექსთან თქვენც შეგიძლიათ სიამოვნებით იკონტაქტოთ.

 

 

 

ზაფხული, მზე, ზღვა, რუჯი - ყველაფერი ეს ძალიან მიმზიდველად ჟღერს,  განსაკუთრებით კი ქალებისთვის. მაგრამ რა უნდა გააკეთოს ქალმა, თუკი მისი  ზღვაზე ყოფნა კრიტიკულ პერიოდს დაემთხვა? რამდენად დასაშვებია რუჯის მიღება მენსტურაციის დროს?

 

რუჯი ეს არის კანის დამცველობითი რეაქცია ულტრაიისფერი (UV-B) სხივების ზემოქმედების საპასუხოდ,რის შედეგადაც წარმოიქმნება ყავისფერი პიგმენტი (მელანინი) რაც ჩვენს კანს ლამაზ ნამზეურს ანიჭებს.

 

კრიტიკულ დღეებში ორგანიზმში მიმდინარეობს ჰორმონული ძვრები, UV-B ზეგავლენით აქტიურდება ესტროგენული რეცეპტორების მგრძნობელობა, რაც გულისხმობს უმნიშვნელო ესტროგენულ დოზებზეც კი მათ გაათმაგებულ პასუხს.  გარდა ამისა, ქალის ორგანიზმი შესაძლოა ადვილად გადახურდეს, რის გამოც ფართოვდება სისხლძარღვები, რაც იწვევს მენსტრუაციული გამონადენის გაძლიერებას და ზოგჯერ სისხლდენასაც კი.

არსებობს მენსტრუაციის დროს გარუჯვის წინააღმდეგჩვენებები:

 

· საერთო სისუსტე, თავბრუსხვევები, თავის ტკივილები

· ჭარბი მენსტრუაციული გამონადენი

· გინეკოლოგიური დაავადებები (ენდომეტრიუმის ჰიპერპლაზია -  საშვილოსნოს შიგნითა შრის  გასქელება,  კვანძოვანი მიომა, მასტოპათია ან ფიბროადენომა).

 

საშიშია UV-B გავლენა ორსულებში , განსაკუთრებით  ორსულობის პირველი 12 კვირა,რადგან ზრდის ნერვული ღეროს განვითრების ანომალიების ალბათობას.

 

თუმცა, თუ ქალს არ აქვს არც ერთი  ზემოთ ჩამოთვლილი სიმპტომის გამოვლინება მენსტრუაციის პერიოდში, სამაგიეროდ აქვს გარუჯვის  დიდი სურვილი, აუცილებელია შემდეგი წესების დაცვა.

 

· მიიღეთ დიდი რაოდენობით ჩვეულებრივი  სასმელი წყალი, რაც თავიდან აგაცილებთ ორგანიზმის გადახურებას;

· გამოიყენეთ მზისგან დამცავი  საშუალებები, რადგან მელანინის შემცირება  ამ  დღეებში ზრდის დამწვრობის მიღების რისკს;

· ძირითადად გამოიყენეთ შეზლონგი, არ დაწვეთ ქვიშაზე ან ქვებზე;

· გაირუჯეთ დილით 11 საათამდე და საღამოს 17 საათის შემდეგ;

· გააკეთეთ ინტერვალი საკვების მიღებიდან   რუჯის მიღებამდე  1-1,5 საათი;

· რა თქმა უნდა, მენსტრუაციის   დღეებში  ზღვაზე  მოსახერხებელია  ტამპონის გამოყენება, თუმცა იზრდება აღმავალი ინფექციისა და ანთების განვითარების რისკი, ამიტომ ტამპონის გამოცვლა აუცილებელია რაც შეიძლება ხშირად   2-3 სთ-ში  ერთხელ, ხოლო ზღვაში ბანაობის შემდეგ - მაშინვე, თუნდაც მოკლე დროში აპირებდეთ ხელმეორედ ზღვაში შესვლას.;

· მოერიდეთ დეზოდორანტების,  სუნამოს ან ოდეკოლონის გამოყენებას, რადგან  ულტრაიისფერი სხივების გავლენით  შესაძლოა პარფიუმერული  პროდუქტების  დაშლა, რაც გამოიწვევს  ქიმიურ  დამწვრობას;

· ნუ  შეხვალთ  დიდი  ხნით  წყალში.

 

 

სტატიის ავტორები:

 

ნინო დავიდოვა - მეან-გინეკოლოგი

ქეთი ვარავა - მეან-გინეკოლოგი

 

 

ლეიკემია (ლეიკოზი, ჰემობლატოზი) – ეს არის ონკოლოგიური დაავადება, რომლის დროს ძვლის ტვინის უჯრედების მუტირება ხდება, არ ვითარდება ნორმალური მომწიფებული ლეიკოციტები და ისინი გარდაიქმნებიან კიბოს უჯრედებად. სხვა ტიპის კიბოს დაავადებებისგან ლეიკემია გამოირჩევა იმით, რომ მის დროს არ ვითარდება სიმსივნე რაიმე ერთ კონკრეტულ ადგილას - კიბოს უჯრედები არის სისხლში და ძვლის ტვინში, ზოგჯერ ლიმფურ კვანძებშიც, ლორწოვან გარსში და ორგანიზმის სხვა ადგილებში. ლეიკემია – ეს არის კიბოს ყველაზე გავრცელებული ფორმა ბავშვებში. ზოგიერთ მემკივდრეობით და თანდაყოლილი დაავადებებისას გენეტიკური მასალის აღდგენის მექანიზმი დარღვეულია და გაზრდილია ლეიკოზის მწვავე ფორმის გაჩენის რისკი.

მიმდინარეობის მიხედვით ლეიკემია იყოფა ორ ძირითად ფორმად: მწავე და ქრონიკულ ფორმებად.

მწვავე ლეიკემია (მწვავე ლეიკოზი) იყოფა მწვავე მიელობლასტურ ლეიკემიად (მწვავე მიელობლასტური ლეიკოზი, მწვავე მიელოლეიკოზი, მწვავე მიელობლასტოზი) და მწვავე ლიმფობლასტურ ლეიკემიად. მოცემულ ფორმებს, თავის მხრივ, გააჩნიათ ცალკეული ქვეტიპები. 

როდესაც საუბარია ქრონიკულ ლეიკემიაზე, მოიხსენიებენ ორ ყველაზე ხშირად გავრცელებულ ფორმას “ქრონიკულ ლიმფობლასტურ ლეიკემიას (ლეიკოზის ყველაზე გავრცელებული ფორმა, წელიწადში დაახლოებით 150 შემთხვევის დიაგნოსტირებით) და ქრონიკულ მიელობლასტურ ლეიკემიას. ლეიკოზის გაცილებით იშვიათ ქრონიკულ ფორმას მიეკუთვნება: Т-უჯრედოვანი პროლიმფოციტარული ლეიკოზი, თმის უჯრედოვანი ლეიკოზი და დიდი გრანულარული ლეიკოციტების ლეიკოზი.

დღეისათვის არსებობს ლეიკემიის მკურნალობის წამყვანი მეთოდები და დადგენილია ეფექტური თერაპია ამ დაავადების სხვადასხვა ფორმებისთვის.

ქრონიკული მეილობლასტური ლეიკემია გახდა სისხლის კიბოს პირველი სახეობა, მისი თერაპიისთვის შემუშავებულ იქნა მიზანმიმართული მკურნალობის კომპლექსი, რომლის წყალობითაც უმეტეს შემთხვევებში ლეიკოზის დროს შესაძლებელი ხდება რემისიის მიღწევა და კონტროლი. აღნიშნული ტიპის ლეიკემიით დაავადებული პაციენტების მკურნალობის პროგნოზი საგრძნობლად უმჯობესდება. სხვა ტიპის ლეიკემიის მკურნალობა ხდება ქიმიოთერაპიით და მასთან შეთავსებული ანტისხეულებით და მიიღწევა დადებითი შედეგები, ხოლო ღეროვანი უჯრედების ტრანსპლანტაცია, რომლებიც აღებულია ჯანსაღი ადამიანებისგან (ღეროვანი უჯრედების ალოგენური გადანერგვა, ძვლის ტვინის გადანერგვა), ყველაზე ხშირად იძლევა დადებით შედეგებს.

 

ლეიკემიის რისკფაქტორები

 

როგორც წესი, ლეიკემიის მიზეზის დადგენა ვერ ხერხდება. თუმცა ცნობილია, რომ თუ პაციენტს ადრე დაუდგინდა კიბოს სხვა ფორმა, ამან შეიძლება მოახდინოს ლეიკემიის პროვოცირება (მეორადი ლეიკოზი). ლეიკემიის წარმოქმნის კიდევ ერთი მიზეზი შეიძლება გახდეს სხვადასხვა გენეტიკური დარღვევა. ქრონიკული მიელობლასტური ლეიკემიის დროს (ქრონიკული მიელოლეიკოზი) სისხლის უჯრედების საწყისში, ღეროვან უჯრედში, მე-9 და 22-ე ქრომოსომების ადგილების მონაცვლეობისას წარმოიქმნება მუტანტური (ფილადელფიის) ქრომოსომა, რომელიც იწვევს სისხლის კიბოს. სხვა ტიპის ლეიკემიის წარმოშობის მიზეზები დღეისათვის ნაკლებად შესწავლილია. ზოგიერთი ფაქტორი, მაგალითად იონიზირებული დასხივება, გამხსნელებთან (განსაკუთრებით ბენზოლთან) და სხვა ქიმიკატებთან კონტაქტი, ქიმიოთერაპიის განსაზღვრული სახეობები, ზოგიერთი ვირუსი და იშვიათი თანდაყოლილი დაავადება - ზრდიან ლეიკემიის წარმოშობის რისკს.

 

ლეიკემიის სიმპტომები

 

ლეიკემიის სიმპტომები სხვადასხვანარია და როგორც წესი, ჩნდება ლეიკოზის მწვავე ფორმისას. ქრონიკული ლეიკემია შეიძლება გაგრძელდეს წლების მანძილზე, უსიმპტომოდ და მისი დიაგნოსტირება მოხდეს მხოლოდ სისხლის რუტინული ანალიზის საფუძველზე. მწვავე ლეიკოზის დროს სიმპტომები ყველაზე ხშირად ჩნდება სისხლის უჯრედების უკმარისობის გამო, ლეიკოზური უჯრედების დაშლის ან ადამიანის ორგანოების ფუნქციის მოშლისას, რაც გამოწვეულია ლეიკოზური უჯრედებით.

ლეიკემიის ქრონიკული ფორმები შესაძლოა გამოვლინდეს ერთგვარი და ხანგრძლივად მოქმედი სიმპტომებით. გარდა ამისა, შესაძლოა დაფიქსირდეს ტემპერატურის მატება, წონის კლება და ღამის საათებში ჭარბი ოფლიანობა. ზოგიერთ შემთხვევაში სიმპტომები შესაძლოა გამოვლინდეს ლიმფური კვანძების გაფართოვებით ან ლორწოვანი გარსის გაღიზიანებით.

ყველაზე მეტად, ზემოთ ნახსენები სიმპტომებისას ხდება ანემიის დიაგნოსტირება, რომლის დროს ჰემოგლობინის დონე ნორმის ქვევითაა, შემცირებულია ლეიკოციტები. ლეიკემიის მწვავე ფორმებისას ლეიკოციტები მომატებულია, ასევე დაწეულია ტრომბოციტების დონე სისხლში. ანემია ვლინდება დაღლილობით, უფერულობით, გახშირებული გულისცემით, ყურებში შუილით და მოთენთილობით. ლეიკოციტების დონის დაწევა იწვევს ინფექციებისადმი წინააღმდეგობის გაწევის დასუსტებას. თუმცა, ლეიკემიის ქრონიკული ფორმებისას, სისხლში ლეიკოციტები იმატებს, თეთრი ჯანსაღი უჯრედების დონე ძვლის ტვინში და სისხლში იკლებს, რაც იწვევს ინფექციებით დაავადების გაზრდის საშიშროებას.

 

ლეიკემიის დიაგნოსტიკა

 

ლეიკემიის მძიმე ფორმები ძალიან სწრაფად ვითარდება, რაც პაციენტს აიძულებს მიმართოს ექიმს. დაავადების დიაგნოსტირება ხდება ლაბორატორიული კვლევების ჩატარებით სისხლის შემცველობის დადგენის შედეგად. ხშირად, ქრონიკული ლეიკემიის გამოვლენა ხდება სრულიად შემთხვევითი გზით სისხლის რუტინული ანალიზით, რომლის საფუძველზე შესაძლებელი ხდება ლეიკოციტების რაოდენობის განსაზღვრა გრძელვადიან დინამიკაში. ფინეთში ლეიკემიის დიაგნოზის დასადგენად და ლეიკოზის ტიპის განსაზღვრისთვის ტარდება სპეციალური გამოკვლევა სასწავლო უნივერსიტეტის ჰემატოლოგიურ განყოფილებაში. კეთდება ძვლის ტვინის ბიოპსია: სპეციალური ნემსით ექიმი აკეთებს ნაჩხვლეტს და იღებს ძვლის ტვინის რამოდენიმე ნიმუშს ანალიზისთვის. დიაგნოზის და ორგანიზმის საერთო მდგომარეობის დასადგენად აუცილებელია სისხლის სხვადასხვა ლაბორატორიული ანალიზის ჩატარება.

ლეიკემიის მწვავე ფორმისას სისხლსა და ძვლის ტვინში წარმოიქმნება უმწიფარი უჯრედები. ლეიკემიის ქრონიკული ფორმებისას, ლეიკოზური უჯრედები ჯანმრთელ უჯრედებს ჰგავს, თუმცა მათი შემადგენლობა უფრო მეტია. ლეიკოზური უჯრედების ზედაპირული მარკერების განსაზღვრა საშუალებას იძლევა დადგინდეს ზუსტი დიაგნოზი უმოკლეს დროში. ქრომოსომული და გენეტიკური გამოკვლევა ადასტურებს დიაგნოზის სიზუსტეს და ასევე დაავადების მიმდინარეობის განსაზღვრის საშუალებას იძლევა. შესაძლო ქრომოსომული და გენეტიკური ცვლილებები ასევე განისაზღვროს ორგანიზმის რეაქციებზე დაკვირვებისას მკურნალობის პერიოდში.

 

ლეიკემიის მკურნალობა

 

ლეიკემიის მკურნალობა ხორციელდება ჰემატოლოგის დაკვირვების ქვეშ. ფინეთში ლეიკემიის მწავე ფორმების მქონე პაციენტებს ჩვეულებრივ ამისამართებენ სასწავლო უნივერსიტეტის ჰემატოლოგიურ განყოფილებაში სამკურნალოდ. ქრონიკული ფორმების თერაპია ჩვეულებრივ ტარდება სხვა სამკურნალო დაწესებულებების ჰემატოლოგიურ განყოფილებებში. მკურნალობა როგორც წესი ტარდება ამბულატორულად, სტაციონარში დარჩენა საჭირო არ არის. ლეიკემიის სტანდარტული მკურნალობა ითვალისწინებს სხვადასხვა ქიმიოთერაპიული პრეპარატებით მკურნალობას, რიგ შემთხვევებში ანტისხეულებთან ერთად, რომლებიც არიან კიბოს უჯრედების ამომცნობები. ამასთან ერთად ტარდება მხარდამჭერი თერაპია, მაგალითად, სისხლის პრეპარატების, ანტიბიოტიკების, ლორწოვანი გარსის დამცველი პრეპარატების მიღება.

ლეიკემიის მწვავე ფორმებისას პაციენტი ჯერ იღებს ქიმიოთერაპიის დიდ დოზას (ინდუქციურ თერაპიას) იმისთვის, რომ მოხდეს ლეიკოზური უჯრედების მოცილება სისხლიდან და ძვლის ტვინიდან. ამ ეტაპის წარმატებით გავლის შემთხვევაში მკურნალობისას ხდება სხვადასხვა ტიპის თერაპიის გამოყენება იმისათვის, რომ მოხდეს პაციენტის ჯანმრთელობის გაუმჯობესება. თუ ამ მეთოდით ლეიკემიის მკურნალობა ვერ ხერხდება, შესაძლოა გადაწყდეს დონორული ღეროვანი უჯრედების გადანერგვა. დონორის როლში ხშირად გამოიყენებიან ნათესავები, რადგან დონორსა და პაციენტს უნდა ჰქონდეთ ერთნაირი ქსოვილი, დონორის ნახვა ასევე შესაძლებელია მოხალისეთა შესაბამის რეესტრში.

ღეროვანი უჯრედების გადანერგვა წარმოადგენს ძალიან რთულ პროცედურას და ზოგიერთი პაციენტისთვის მისი ჩატარება შეუძლებელია, რადგან ამ პროცედურამ შესაძლოა გამოიწყვიოს სიკვდილი, რაც ხდება პროცედურის ტოქსიკურობის მიზეზით, უცხო უჯრედების შეუთავსებლობით და დაავადების რეციდივით.

განმეორებითი ლეიკემია ხშირად გვხვდება ზრდასრულ პაციენტებში. ბავშვების უმრავლესობას, რომლებსაც გადატანილი აქვთ ლეიკოზი - გამოჯანმრთელების მეტი შანსი აქვთ. მკურნალობის თანამედროვე მეთოდების წყალობით, ბავშვებში გავრცელებული ყველაზე მძიმე ლეიკემიის ფორმის - ლიმფობლასტური ლეიკოზის მკურნალობაც კი შესაძლებელია 80%-ით. 

 

 

გესაუბრებათ ექიმი დერმატო-ვენეროლოგი, კანისა და ვენსნეულებათა ს/კ ეროვნული ცენტრის დირექტორი სამეცნიერო-სასწავლო დარგში, პროფესორი თინა ქიტუაშვილი

 

ფსორიაზი კანის ერთ-ერთი გავრცელებული ქრონიკული დაავადებაა. სამწუხაროდ, ზუსტი ცნობები საქართველოში დაავადების გავრცელების შესახებ  არ არსებობს, მაგრამ 2005-2015 წწ კანისა და ვენსნეულებათა ს/კ ეროვნული ცენტრის მიერ ჩატარებული ანალიზით დერმატოზებს შორის მისი ხვედრითი წილია 3,0-3,5%. აშშ-ში მოსახლეობის 2% არის ფსორიაზით დაავადებული. იგი თანაბრად გვხვდება კაცებსა და ქალებს შორის და ვლინდება 10-დან 40 წლამდე ასაკში, თუმცა მისი საწყისი გამოვლენა შესაძლოა ნებისმიერ ასაკში. დაავადების გამომწვევი მიზეზი უცნობია, მაგრამ არსებობს მეცნიერთა აზრი, რომ იგი განპირობებულია მემკვიდრული ფაქტორით (გენეტიკური განწყობილება). იმუნოსუპრესული პრეპარატების დადებითი ეფექტის გამო ვარაუდობენ, რომ დაავადების პირველადი პათოგენეზური ფაქტორი შეიძლება იმუნოლოგიური იყოს. გარემო ფაქტორებს შეუძლიათ ფსორიაზის პროვოცირება ან გამწვავება. მაგალითად, იგი შეიძლება განვითარდეს ტრავმის ადგილზე (კებნერის ფენომენი), როგორიცაა განაკაწრი, ტრავმის ან ოპერაციის შემდეგ განვითარებული ჭრილობა,  დამწვრობა, აგრეთვე, ვირუსული ინფექციის, წამლისმიერი ალერგიული რეაქციის, ზოგიერთი ადგილობრივი და სისტემური მედიკამენტის (მაგ. ანტიმალარიული პრეპარატები, ლითიუმი, ბეტა-ბლოკატორები, ინტერფერონ-ალფა), სისტემური კორტიკოსტეროიდების გამოყენების შემდეგ. ზოგიერთ პაციენტს (განსაკუთრებით ბავშვებს)  ფსორიაზული გამონაყარი შეიძლება გაუჩნდეს ზედა  სასუნთქი გზების სტრეპტოკოკული ინფექციების გადატანის შემდეგ. სხვა ფაქტორებს, რომელთაც შეუძლიათ ფსორიაზის გამწვავება, მიეკუთვნება სტრესი,  მუდმივი ემოციური დაძაბულობა, ალკოჰოლიზმი.

 

დაავადებას სხვადასხვა კლინიკური ფორმა ახასიათებს. ყველაზე ხშირია ბალთოვანი ფსორიაზი. ტიპური ფსორიაზული ბალთა წარმოადგენს შემოსაზღვრულ წრიულ ან ოვალურ ინფილტრირებულ ჰიპერემიულ გამონაყარს, რომელიც დაფარულია მოვერცხლისფრო-თეთრი ქერცლით.

 

იგი ლოკალიზებულია თავის თმიან მიდამოში (ყურების უკან), კიდურების მომხრელ ზედაპირებზე (უპირატესად იდაყვებზე და მუხლებზე), დუნდულებზე, გავის არეში და სასქესო ასოზე. შეიძლება დაზიანება აღინიშნებოდეს ფრჩხილებზე, წარბებზე, იღლიებში, ჭიპისა და ანოგენიტალურ მიდამოებში. იშვიათად დაავადება განიცდის გენერალიზაციას. ქავილი არ არის დამახასიათებელი.

 

ფრჩხილების დაზიანება აღენიშნება პაციენტთა 30-50% და კლინიკურად წააგავს სოკოვან ინფექციას.ფრჩხილის დაზიანება ხშირად წინ უსწრებს კანზე გამონაყარს და შეიძლება წარმოდგენილი იყოს ფრჩხილის ფირფიტაზე სათითესმაგვარი ჩანაჭდევებით, ონიქოლიზისით (ფრჩხილის ფირფიტის აცლა ფრჩხილის საწოლიდან), ფრჩხილქვეშა ჰიპერკერატოზით, დაზოლვით, სისხლჩაქცევებით და სხვ.

 

სხვა კლინიკური ფორმებიდან მნიშვნელოვანია ფსორიაზული ართრიტი, რომელიც პაციენტთა 5-10% აღენიშნება და შეიძლება გამოხატული იყოს ერთი ან რამოდენიმე სახსრის ანთებით.

 

ერითროდერმული ფსორიაზის (ექსფოლიაციური ფსორიაზული დერმატიტი) შემთხვევაში კანის მთელი საფარი წითელია და დაფარულია ნაზი ქერცლებით. ტიპური ფსორიაზული გამონაყარი შეიძლება არც იყოს. მას შეიძლება თან ახლდეს ზოგადი სისუსტე და საჭირო იყოს სტაციონარული მკურნალობა.

 

პუსტულოზური ფსორიაზი  ხასიათდება სტერილური პუსტულებით ხელის და ფეხის გულებზე (ბარბერის ფსორიაზი), ან მთელ სხეულზე (ვონ ცუმბუშის ტიპი), ტიპური ფსორიაზული გამონაყარი შეიძლება არ იყოს.     

 

ნაოჭების ფსორიაზი აზიანებს ინტერტრიგინოზულ არეებს იღლიის, საზარდულისა და სარძევე ჯირკვლის არეების ჩათვლით. იგი ჩვეულებრივ უფროსი ასაკის ავადმყოფებში გვხვდება.     

 

ხელისა და ფეხისგულების ფსორიაზი შესაბამისი ლოკალიზაციისაა და გამოხატულია ჰიპერკერატოზით, ან  შეიძლება შედგებოდეს პუსტულების ლოკალური ჯგუფებისაგან.

 

წვეთისებური ფსორიაზი გვხვდება ახალგაზრდა ასაკში, ვითარდება მწვავედ, განსაკუთრებით ყელის მწვავე სტრეპტოკოკული ინფექციის შემდეგ. იგი ლოკალიზებულია სხეულზე და კიდურებზე გაფანტულად მდებარე მცირე ზომის პაპულების სახით.

 

ტიპურ შემთხვევაში დიაგნოზის დასმა ადვილია მხოლოდ დათვალიერებით. კანის ბიოფსია არ იძლევა სპეციფიურ დამაჯერებელ დასკვნას. დიაგნოზის დასმაში გვეხმარება ფსორიაზული ტრიადის განსაზღვრა, ოჯახური ანამნეზის არსებობა და კებნერის დადებითი რეაქცია კანის ტრავმირების დროს.  დაზიანებული ფრჩხილები უნდა შემოწმდეს თანდართულ სოკოვან ინფექციაზე.

 

ფსორიაზის მკურნალობა დაავადების სიმძიმის შესაბამისად უნდა წარიმართოს. მსუბუქი შემთხვევების დროს საკმარისია ადგილობრივი კორტიკოსტეროიდული მალამოები, კერატოლიზური პრეპარატები (5-10% სალიცილის მჟავა), ტოპიკური ვიტამინი D-ს წარმოებულები (კალციპოტრიოლი), ანთრალინი. ზღვა და მზის მსუბუქი დასხივება კარგია, მაგრამ მზით დამწვრობამ შეიძლება გამოიწვიოს დაავადების გამწვავება. მძიმე შემთხვევებში იხმარება ციტოსტატიკები (მეტოტრექსატი, ციკლოსპორინი-A). სისტემური კორტიკოსტეროიდები უკუნაჩვენებია, რადგან მისმა ხმარებამ შეიძლება გამოიწვიოს მძიმე გამწვავება ან პუსტულოზური გამონაყარი. ნაჩვენებია PUVA-თერაპია (ფსორალენ + ულტრაიისფერი სხივები  -  330-360 nm სიგრძის), UVB-თერაპია. შეიძლება ფოტოთერაპიის კომბინაცია ზემოთ დასახელებულ ადგილობრივ თერაპიასთან ერთად. თავის თმიან არეში გამოიყენება ადგილობრივი გლუკოკორტიკოიდები ლოსიონების სახით, აგრეთვე სალიცილის მჟავას და კუპრის შემცველი შამპუნები და ხსნარები. მძიმე და შეუპოვარ შემთხვევებში (პუსტულოზური და ჰიპერკერატოზული ხელის და ფეხის გულების ფსორიაზი) გამოიყენება ეტრეტინატი და იზოტრეტინოინი, მხოლოდ გათვალისწინებული უნდა იყოს ამ პრეპარატების ტერატოგენული ეფექტი.

 

საერთოდ, ფსორიაზის მკურნალობა მკაცრად ინდივიდუალურია. იგი შეირჩევა ექიმი-დერმატოლოგის მიერ პაციენტის ზოგადი მდგომარეობის, დაავადების ფორმის, გავრცელების, ლოკალიზაციის მიხედვით, აგრეთვე ადრე ჩატარებული მკურნალობის შედეგის მიხედვით. მკურნალობა უნდა წარიმართოს პაციენტის სურვილისა და ექიმი-დერმატოლოგის კვალიფიციური რეკომენდაციების შეჯერებით. ავადმყოფს უნდა აეხსნას, რომ დაავადება ქრონიკულია და იგი გამწვავებებისა და რემისიის მონაცვლეობით მიმდინარეობს. ექიმბაშების მიერ ვითომცდა დაავადების განკურნებისკენ მიმართულმა რადიკალურმაზომებმა შეიძლება გამოიწვიოს უკურეაქცია და დაავადების დამძიმება, რასაც, სამწუხაროდ, არაიშვიათად ვხვდებით ჩვენს მოსახლეობაში.

 

კანისა და ვენსნეულებათა ს/კ ეროვნული ცენტრის კვალიფიციურ ექიმთა ჯგუფი პაციენტებს სთავაზობს ფსორიაზის სამკურნალოდ მსოფლიოში აღიარებული და დანერგილი ყველა ტიპის მომსახურებას მაღალ პროფესიონალურ დონეზე.

 

 

 

 

კაცები უფრო მეტს აკუებენ ვიდრე ქალები.

 

“Fart” „გაკუება“ ეს სიტყვა 1962 წელს შემოვიდა ხმარებაში, მანამდე ეძახდნენ „ანუსის ქარებს“ „wind from the anus“.

 

საშუალოდ ადამიანი აკუებს დღეში 14-ჯერ.

 

ეს 14-ჯერ გაკუება საკმარისია იმისთვის რომ გავბეროთ ბუშტი.

 

გაზების ქონაში არაფერია სასირცხვილო. ეს ნიშნავს რომ ჯანმრთელი ხართ! თუ არ აკუებთ და არ გაქვთ გაზები, მიაკითხეთ ექიმს.

 

გაზები შედგება გოგირდწყალბადისგან რაც ამცირებს მითოქონდრიალურ დაზიანებას.  

 

ქალის გაზებს უფრო მძაფრი სუნი აქვს ვიდრე კაცისას, რადგან ქალებს უფრო მაღალი გოგირდწყალბადის ცონცენტრაცია გააჩნიათ.

 

გაკუების სიჩქარე არის 3 მეტრ/წმ.

 

თუ თქვენ გაქვთ ძალიან ვიწრო სფინქტერი მაშინ გაკუების ხმაც მაღალია.

 

ვინც ხშირი მომხმარებელია გაზიანი სასმელების და საღეჭი რეზინის ისინი აკუებენ უფრო მეტს. ასე რომ თუ იცნობთ ეგეთ ადამიანებს, დაუმალეთ მათ გაზიანი სასმელი და საღეჭი რეზინა.  

 

გაზების გამოყოფა უფრო ხშირია ღამე, როცა გძინავთ.

 

ტერმიტები გამოყოფენ ყველაზე მეტ გაზებს. ხოლო შემდეგ არიან: აქლემი, ზებრა, ცხვარი, ძროხა, სპილო და ძაღლები (გამოირჩევიან ლაბრადორები და მონადირე ძაღლები, ასევე ინგლისური ბულდოგი)

 

 

 

ზეითუნის ზეთის სამშობლოში, ძველ საბერძნეთში უხსვარი დროიდან მას არამრატო საკვებად, არამედ სხვადასხვა კოსმეტიკური და სამკურნალო მიზნით. მედიცინის ერთ-ერთი ფუძემდებელი - ჰიპოკრატე ზეითუნის ზეთს მრავალი დაავადების სამკურნალოდ იყენებდა.

 

ზეითუნის ზეთის სამკურნალო თვისებებზე ჯერ კიდევ უძველეს დროში საუბრობდნენ ექიმები, დღეს კი ეს ყველაფერი მეცნიერულად დამტკიცებულია მისი თვისებების ანალიზიდან გამომდინარე. კუჭ-ნაწლავზე ზეითუნის ზეთის დადებითი მოქმედება განპირობებულია მასში ოლეინის მჟავას დიდი შემცველობით, რომელიც ხელს უწყობს ცხიმების შეწოვას და მაით ამცირებს ქოლესტერინის დონეს სისხლში. ამიტომ, ზეითუნის ზეთის გამოყენება რეკომენდირებულია იმ ადამიანებისთვის, რომლებსაც აწუხებთ ათეროსკლეროზი და მაღალი არტერიული წნევა.

 

ზეითუნის ზეთის შემადგენლობაში ასევე შედის ლინოლინის მჟავა, რომელიც ხდელს უწყობს ნაიარევის სწრაფად მოშუშებას. გარდა ამისა, ზეთისხილში შემავალი სხვა მჟავები, ცხიმმჟავები და ანტიოქსიდანტები რეგულარული გამოყენების პირობებში ხელს უწყობენ ორგანიზმის განახლების პროცესს, რაც ებრძვის დაბერებას

 

ზეითუნის ზეთის მნიშვნელოვან თვისებებს მიეკუთვნება მისი თვისება დააკაოს კალციუმი ორგანიზმში, რაც ხელს უწყობს ძვლის ქსოვილის გამყარებას და ხელს უშლის ოსტეოპოროზის განვითარებას.

თუმცა, გასათვალისწინებელია, რომ ბევრი სასარგებლო თვისების მიუხედავად, ზოგიერთი ადამიანისთვის ზეითუნის ზეთის გამოყენება არ შეიძლება. პირველ რიგში მათთვის, ვისაც აწუხებს ნაღვლმდენი არხების პრობლემები, რადგან ზეითუნის ზეთს ახასიათებს გამოკვეთილი ნაღვლმდენი თვისებები. ამასთან, ზეითუნის ზეთი, ისევე როგორც ნებისმიერი სხვა მცენარეული ზეთი, წარმოადგენს ძალიან კალორიულ პროდუქტს, შესაბამისად, მისი გამოყენება უნდა მოხდეს ძალიან მცირე რაოდენობით.

 

აუცილებელია ყოველთვის გვახსოვდეს, რომ საკვებ რაციონში ზეითუნის ზეთის გამოყენებისას ის არავითარ შემთხვევაში არ უნდა გავათბოთ ან ტაფაზე გავაცხელოთ, რადგან ამ დროს მას ყველანაირი დადებითი თვისება ეკარგება და ხდება ჩვეულებრივი კულინარიული ცხიმი.

ზეითუნის ზეთი სასარგებლოა არამარტო მისი შინაგანი, არამედ გარეგანი მიღების დროსაც. რამდენადაც ზეითუნის ზეთს გამაახალგაზრდავებელი, დამარბილებელი და დამატენიანებელი თვისებები აქვს, მას აქტიურად იყენებენ სხვადასხვა კოსმეტიკურ საშუალებებში.

 

 

ვოშინგტონის უნივერსისტეტის მკვლევართა ჯგუფის მიერ აღმოჩენილ იქნა ის ფაქტი, რომ ისეთი ნივთიერება, როგორიც არის დისახარიდ ტრეგალოზა, დადებითად მოქმედებს იმუნური სისტემის უჯრედებზე, კონკრეტულად კი ზრდის მათ პოტენციალს. ეს საშუალებას იძლევა გააქტიურდეს ორგანიზმის ბუნებრივი თავდაცვის ფუნქცია ათეროსკლეროზთან ბრძოლის დროს. ტრეგალოზა წარმოადგენს ნატურალურ შაქარს, რომელიც შეიცავს გლუკოზის სულ რამოდენიმე მოლეკულას და დიდი ხანია ადამიანის საკვებში შედის. ამ ნივთიერების თვისებების ბოლო კვლევებმა აჩვენა, რომ ის გავლენას ახდენს ისეთ უჯრედულ პროცესზე, როგორიცაა აუტოფაგია, თუმცა, მიუხედავად ამისა, ბოლომდე ცნობილი არ არის როგორ აკეთებს ამას დისახარიდი. ვირთხებზე სპეციფიკური ექსპერიმენტის ჩატარების წყალობით დადგინდა, რომ ათეროსკლეროზის მქონე მღრღნელებს, ტრეგალოზას ინექციის შემდეგ შეუვიწროვდათ სისხლძარღვები. უნდა აღინიშნოს, რომ ასეთ დაავადების დროს, ტრეგალოზა ლოკალიზდება არტერიებში და დროული მკურნალობის არარსებობის პირობებში ვითარდება სამოძრაო ფუნქციის დარღვევა. ამის მიზეზის დასადგენად, საცდელი ცხოველები დაყვეს ჯგუფებად, საიდანაც მხოლოდ ერთი იღებდა დისახარიდს. ცნობილი გახდა, რომ  იმ ჯგუფის საცდელი ვირთხების სისხლძარღვები, რომლებიც არ იღებდნენ დისახარიდს, შეადგენდა - 0,35 მმ2-ს, ხოლო რომელი ჯგუფიც იღებდა მათი -0,25 მმ2-ს. აქედან გამომდინარე, დადგინდა, რომ ამ უკანასკნელთა სისხლძარღვები შვიწროვდა დაახლოებით 30%-ით. უფრო მეტიც, ამ კვლევის ავტორებს საშუალება მიეცათ გამოეკვლიათ, რომ ეს ეფექტი მიიღწევა დისახარის მიერ ტრეგალოზას სპეციფიკური მოლეკულების აქტივაცია, რომლებიც გავლენას ახდენენ დნმ-ზე, რასაც საბოლოოდ მივყავართ ორგანელის გამომუშავების გაზრდამდე. სწორედ ისინი ასრულებენ „მენაგვეების“ როლს.

 

მეცნიერების განცხადებით მომავალი კლვევები მიმართული იქნება ათეროსკლეროზის ისეთი წამლის შექმნაზე, რომლის შემცველობაშიც იქნება შაქარი. ამ პროცესში ორი პრობლემაა: პირველი - პერპრალური მიღებისას არაეფექტურობა, საჭმლის მომნელებელი ფერმენტების გავლენიდან გამომდინარე და მეორე - ინექციის შეყვანა, რომელიც წამლის მიღების არაკომფორტული ფორმაა.

 

 

 

მეან - გინეკოლოგი, რეპროდუქტოლოგი  თეონა ანთია 

 

- როდის შეიძლება ჩაითვალოს ქალი უნაყოფოდ?რა არის უშვილობის გამომწვევი მიზეზები და რა პრევენციულ ზომებს უნდა მივმართოთ ამ პრობლემების თავიდან ასაცილებლად?

- ქალი ითვლება უნაყოფოდ, როდესად 1 წელზე მეტი დაუცველი სქესობრივი კონტაქტის ფონზე არ დგება ორსულობა. ამ შემთხვევაში, წყვილმა  დაუყოვნებლივ უნდა მიმართოს ექიმს, ჩაიტაროს სათანადო გამოკვლევები, დაისვას დიაგნოზი და შეირჩეს ინდივიდუალური მკურნალობის სქემა. უნაყოფობის მიზეზი შესაძლებელია იყოს ქალის ან  მამაკაცის ფაქტორით გამოწვეული  ან აუხსნელი გენეზის ( იდიოპათიური), ზემოთ აღნიშნული ფაქტორების ერთობლიობა, რომელთა შედაგადაც არ ვითარდება ან ნაადრევად წყდება ორსულობა. საბედნიეროდ, უშვილობის დასაძლევად მრავალი უსაფრთხო და ეფექტური მკურნალობის მეთოდი არსებობს. ამ მკურნალობის შედეგად თუ პაციენტი დროულად მიმართავს ექიმს, საგრძნობლად იზრდება დაორსულების შანსი.

 

ქალის უშვილობის მიზეზები

 

ორგანული ,იმუნური,გენეტიკური,უცნობი გენეზის (იდიოპათიური)

·         ფალოპის მილების პათოლოგია 

·         ენდომეტრიოზი

·         ჰორმონალური დარღვევები – ანოვულატორული ციკლი, ოვულაციის დარღვევები

·         ასაკი: ქალის ასაკის მატებასთან ერთად იკლებს ოვარიული რეზერვი და კვერცხუჯრედების ხარისხი

·         სხვა მიზეზები: საკვერცხის ფუნქციის ნაადრევი დაქვეითება, საშვილოსნოს ფაქტორები, მოწევა, ალკოჰოლის მიღება, სხივური თერაპია, როგორიცაა, ქიმიოთერაპია

·         ორგანული მიზეზები: ანატომიური ანომალიები , რომლებიც გავლენას ახდენს ქალის უშვილობაზე.

 

მამაკაცების შემთხვევაში:

 

სპერმის ცუდი მაჩვენებელი (სპერმატოზოიდების დაბალი შემცველობა, სპერმატოზოიდების დაქვეითებული მოძრაობა, მორფოლოგიურად არასრულფასოვანი სპერმატოზოიდი)

გარკვეული ჰორმონალური პრობლემები

- როდის უნდა მიმართოს წყვილმა ექიმს?

- დაფიქრდით ექიმთან კონსულტაციაზე თუ თქვენ ერთ წელზე მეტია ცდილობთ ორსულობის მიღებას უშედეგოდ,  უფრო მალე ეწვიეთ ექიმს, თუ თქვენ ხართ ქალი და: 
 

• ხართ 35წლის ზემოთ და დაორსულებას ცდილობთ 6 თვეზე მეტია
• გაქვთ არარეგულარული მენსტრუაცია
• დასმული გაქვთ ენდომეტრიოზის ან მენჯის ანთებითი დაავადების დიაგნოზი
• ანამნეზში თვითნებითი აბორტი
• ქირურგიული ჩარევები.
• ფალობის მილები გაუვალია ან ფუნქციურად არააქტიურია
• მამაკაცის ფაქტორი(სპერმის ცუდი მაჩვენებლები )

 

მკურნალობის მეთოდის შერჩევისას უპირატესობა ყოველთვის ენიჭება იმ მეთოდს, რომელიც კონკრეტული პათოლოგიის დროს არის ნაჩვენები:-მედიკამენტოზურს, ქირურგიულს. (ფერტილოსკოპია,ლაპარასკოპია,ჰისტეროსკოპია)იმ შემთხვევაში, როცა კონსერვატიული  ან ქირურგიული მკურნალობა უშედეგოა, გამოიყენება თანამედროვე დამხმარე რეპროდუქციული მეთოდი საშვილოსნოს შიგა ინსემინაცია ან  In-Vitro განაყოფიერება ,რომლის დროსაც კვერცხუჯრედისა და სპერმის შერწყმა ხდება ორგანიზმის გარეთ , შემდგომში მიღებული ემბრიონის გადატანა საშვილოსნოს ღრუში. 
იმ პაციენტებთან , სადაც დიაგნოსტირებულია მყარი ორგანული დაზიანებები ან სახეზეა იმუნური და უცნობი გენეზის უნაყოფობა , დამხმარე რეპროდუქციული ტექნოლოგიები--- (In-Vitro  ( ხელოვნური ) განაყოფიერება, საშვილოსნოს შიგა ინსემინაცია ,  არჩევის მეთოდს წარმოადგენს.პაციენტთან შეთანხმებით, დროულად უნდა იქნეს მიღებული გადაწყვეტილება ხელოვნურ განაყოფიერებაზე, ვინაიდან ასაკთან ერთად საკვერცხის რეზერვი და კვერცხუჯრედის ხარისხი იკლებს რომელიც ორსულობის დადგომის წინაპირობაა.

სამწუხაროდ,ხშირია შემთხვევა, როდესაც ექიმთან დაგვიანებული ვიზიტი კიდევ უფრო ართულებს მდგომარეობას, ვინაიდან როგორც ზემოთ ავღნიშნეთ ქალის საკვერცხის რეზერვი ასაკთან ერთად ამოწურვადია. იგივე შეიძლება ითქვას მამაკაცის ფაქტორით გამოწვეულ უშვილობასთან,დრო ამ შემთხვევაშიც ძალიან მნიშვნელოვანია, დრო თქვენიწარმატების საწინდარია. 

 

სტატიის მომწოდებელია: კლინიკა ინ ვიტრო

 

 

ბაქტერიები დედამიწაზე ყველგან არსებობს — მიწაში, მჟავე ცხელ წყაროებში, რადიოაქტიურ ნარჩენებში, ზღვის წყალში და დედამიწის წიაღში. ჩვეულებრივ, ნიადაგის ყოველი გრამი 40 მილიონამდე ბაქტერიას შეიცავს, მტკნარი წყლის ყოველი მილილიტრი — მილიონს. ბაქტერიები მნიშვნელოვან როლს თამაშობენ ნივთიერებათა ცვლაში დედამიწაზე. ატმოსფერული ჰაერის აზოტის ფიქსაცია, მაგალითად, მთლიანად ბაქტერიებზეა დამოკიდებული. მრეწველობაში ბაქტერიები გამოიყენება ისეთ პროცესებში, როგორიცაა საკანალიზაციო წყლების გაწმენდა, ყველის და სხვა რძის პროდუქტების წარმოება.

 

ბაქტერიული უჯრედების რაოდენობა ადამიანის სხეულში 10–ჯერ აღემატება საკუთრივ ადამიანის უჯრედების რაოდენობას. განსაკუთრებით ბევრია ბაქტერიები კანზე და კუჭ–ნაწლავში. ამ ბაქტერიების დიდი უმრავლესობა ადამიანისთვის უსაფრთხოა, ზოგიერთი იმუნური სისტემისთვის სასარგებლოც კია, თუმცა არსებობს პათოგენური ბაქტერიებიც, რომლებიც იწვევენ ისეთ დაავადებებს, როგორიცაა ქოლერა, სიფილისი, კეთრი, შავი ჭირი, ციმბირული წყლული. ყველაზე მეტი ადამიანის სიცოცხლე რესპორატორულ ბაქტერიულ დაავადებებს მიაქვს. მარტო ტუბერკულოზით ყოველწლიურად 2 მილიონი ადამიანი იღუპება. ბაქტერიული დაავადებების სამკურნალოდ ანტიბიოტიკები გამოიყენება, თუმცა მათი ფართო გამოყენების შედეგად ბაქტერიები ანტიბიოტიკებისადმი მდგრადები ხდებიან და მათთან ბრძოლისათვის მუდმივად ახალი ანტიბიოტიკების მოძიებაა საჭირო. ბაქტერიების ბუნებრივი ანტაგონისტებია ბაქტერიული ვირუსები ანუ ბაქტერიოფაგები. 100-მდე ბაქტერიულ გვარს გააჩნია თავისი სპეციფიური ბაქტერიოფაგი.

 

მავნე ბაქტერიებთან ბრძოლის ერთ-ერთი საუკეთესო საშუალებაა - ჰიგიენა!

შესაბამისად, უდიდესი მნიშვნელობა აქვს ადამიანის მხრიდან ჰიგიენის ნორმების დაცვას. განსაკუთრებული ყურადღბის გამოჩენა საჭიროა ინტიმური ადგილების ჰიგიენის კუთხით როგორც ქალბატონების, ისე მამაკაცების მხრიდან, უშუალოდ სქესობრივი თანაცხოვრების დროს, რადგან ჰიგიენისა და სიფრთხილის დაცვის გარეშე დგება საშიშროება გაჩნდეს - სგგი (სქესობრივი გზით გადამდები ინფექციები, ასევე ვენერიული დაავადებები) — დაავადება, რომელიც გადაედება ერთი ადამიანიდან მეორეს სქესობრივი კონტაქტის/თანაცხოვრების დროს.

დღეისათვის ცნობილია 30-ზე მეტი სგგი, მათგან ყველაზე გავრცელებულია:

 

·         სიფილისი

·         გონორეა ანუ ტრიპერი

·         ტრიქომონიაზი

·         ქლამიდიოზი

·         სასქესო ორგანოების ჰერპესი

·         მახვილწვეტიანი კონდილომები (სასქესო ორგანოების მეჭეჭები)

·         მიკოპლაზმოზი

·         სოკოვანი ინფექცია

·         აივ/შიდსი

 

ზაფხულის ცხელ სეზონზე აქტუალურია ზღვაზე ან აუზზე დასვენება გაგრილების მიზნით. უნდა აღნიშნოს, რომ დასვენების ეს ფორმა რიგ შემთხვევებში წარმოადგენს საშიშორებას რაიმე სახის სოკოვანი ან ბაქტერიული დაავადების, განსაკუთრებით ინტიმური ზონის ბაქტერიული დაავადების გაჩენისთვის. ასევე, თუ ორგანიზმში მსგავსი პრობლემა არსებობს, ზღვის ან აუზის წყალმა შესაძლოა გამოიწვიოს მათი პროვოცირება და გააქტიურება,  აქედან გამომდინარე, ზემოთ აღნიშნული პრობლემებისა და გართულებების თავიდან ასაცილებლად, საჭიროა თანამედროვე ფარმაკოლოგიაში არსებული სპეციალური ანტისეპტიკური საშუალებების გამოყენება, რომლებიც შექმნილია სპეციალურად იმისათვის, რომ ადამიანმა მაქსიმალურად დაიცვას თავი ინფექციის გადმოდებისგან.

ერთ-ერთი ასეთი ანტისეპტიკური საშუალებაა - მირამისტინი.

ეს არის უფერო, გამჭვირვალე ხსნარი ადგილობრივი გამოყენებისთვის. ქაფდება შენჯღრევისას და მიეკუთვნება ანტისეპტიკურ  საშუალებათა ფარმაკოთერაპიულ ჯგუფს. მის შემადგენლობაში შედის აქტიური ნვთიერება ბენზილდიმეთილ 3(მირისტოილამინო)პროპილ ამონიუმის ქლორიდის  მონოჰიდრატი (უწყლო ნივთიერებაზე გადაანგარიშებით) – 0.1, დამხმარე ნივთიერებები: გასუფთავებული წყალი - 1 ლიტრამდე

 

მირამისტინს აქვს ანტიმიკრობული მოქმედების ფართო სპექტრი, ანტიბიოტიკებისადმი რეზისტენტული ჰოსპიტალური შტამების ჩათვლით.

პრეპარატს  გააჩნია  გამოხატული ბაქტერიოციდული მოქმედება. 

აქვს სოკოს საწინააღმდეგო მოქმედება. აქვს ვირუსის საწინააღმდეგო ზემოქმედება, აქტიურია რთულ ვირუსებთან მიმართებაში (ჰერპესი  ვირუსი, ადამიანის იმუნოდეფიციტის ვირუსი და სხვა). 

 

მირამისტინი მოქმედებს  სქესობრივი გზით გადამდები დაავადებების გამომწვევებზე (Chlamydia spp., Treponema spp., Trichomonas vaginalis, Neisseria gonorrhoeae და სხვა). 
 

მირამისტინი ასევე ეფექტურად იცავს დამწვრობას და ჭრილობას ინფიცირებისაგან. გამოიყენება სხვადასხა ლოკალიზაციისა და ეტიოლოგიის გართულებული ინფიცირებული ჭრილობების ადგილობრივი მკურნალობისთვის. გრანულირებადი ჭრილობების მეორადი ინფექციის პროფილაქტიკისთვის. ააქტიურებს  რეგენერაციის პროცესს. ასტიმულირებს დაცვით რეაქციებს გამოყენების ადგილზე, ფაგოციტების შთანმთქმელი და გადამამუშავებელი ფუნქციის აქტივაციის წყალობით, ხელს უწყობს მონოციტური-მაკროფაგული სისტემის აქტიურობას. აქვს გამოხატული ჰიპეროსმოლარული აქტივობა,  რის შედეგადაც ახდენს ჭრილობის პერიფოკალური ანთების კუპირებას, შთანთქავს ჩირქოვან ექსუდატს, ხელს უწყობს მშრალი ფუფხის ფორმირებას. არ აზიანებს კანის სიცოცხლისუნარიან უჯრედებს და გრანულაციას, არ თრგუნავს  ეპითელიზაციას. 

  

ცალკეულ შემთხვევებში დატანის ადგილას შეიძლება გამოიწვიოს მსუბუქი წვის შეგრძნება, რომელიც თავისთავად გაივლის 15-20 წამში და არ მოითხოვს პრეპარატის გამოყენების შეწყვეტას.   მისი ანტიბიოტიკებთან ერთდროული გამოყენებისას აღინიშნება მათი ბაქტერიების საწინააღმდეგო და სოკოს საწინააღმდეგო ზემოქმედების გაძლიერება.

 

გამოყენების პირობები:

ანტისეპტიკური ხსნარი, 7 ხელის დაჭერით იფრქვევა 1 მლ (ყველა გამფრქვევის სტანდარტი)

ზღვა და აუზი:

მირამისტინის ხსნარით, წყალთან კონტაქტამდე დაახლოებით 10 - 15 წთ ადრე და კონტაქტის შემდგომ არაუგვიანეს 1 - 2 საათისა აუცილებელია  25 - 30 გაფრქვევით (ან შესაძლოა უფრო მეტი) ჩაიტაროთ პროცედურა, რაც ამცირებს წყლიდან გადამდები ინფექციების რისკს.

სქესობრივი კავშირი:

მირამისტინის გამოყენება შესაძლებელია აქტამდე და აუცილებელია აქტის შემდგომ, რათა შემცირდეს სქესობრივი გზით გადამდები ინფექციების რისკი. აქტამდე 10 - 15 წთ ადრე უნდა მოხდეს სასქესო ორგანოების დამუშავება და ასევე აქტის შემდგომ, არაუგვიანეს 1 – 2 საათისა.

მირამისტინით სარგებლობს ორივე პარტნიორი!!!

ხშირად ჩნდება შეკითხვა, შეიძლება თუ არა  რაიმე მეთოდით თავის დაცვა ორალური სექსის დროს, პირის ღრუდან  გადამდები ინფექციებისგან. ამ შეკითხვაზე დღეს არსებობს მარტივი პასუხი:  მირამისტინი!!!

ორალური სექსის შემთხვევაში, აქტამდე 10 – 15 წთ ადრე სავალდებულა პირის ღრუს დამუშავება მირამისტინის ხსნარით, დაახლოებით 5 – 10 მლ პირის ღუში, 2 – 3 წუთიანი დაყოვნებით (როგორც პირის ღრუს სავლების შემთხვევაში).

 

გისურვებთ ჯანმრთლობას!

 

 

სამედიცინო ცენტრი "ლანცეტი" სარეზიდენტო პროგრამებში სპეციალობების მაძიებელთა მისაღებადაცხადდებს ღია კონკურსს

 

სამედიცინო ცენტრი "ლანცეტი" სარეზიდენტო პროგრამებში სპეციალობების მაძიებელთა მისაღებადაცხადდებს ღია კონკურსს

 

სამედიცინო ცენტრი „ლანცეტი“ 2017 წლის 7 ივლისიდან სარეზიდენტო პროგრამებში სპეციალობებისმაძიებელთა მისაღებად აცხადდებს ღია კონკურსს

 

☛ გასტროენტეროლოგია (2 მაძიებლის ოდენობით)

☛ კარდიოლოგია (1 მაძიებლის ოდენობით)

☛ გადაუდებელი მედიცინა (1 მაძიებლის ოდენობით)

 

ვაკანტურ ადგილებზე. ასევე ზემოთ აღნიშნული სპეციალობების მოდულების არსებულ ვაკანსიებზე.

 

საკონკურსო პირობები განისაზღვრა შემდეგნაირად:

 

► სარეზიდენტო პროგრამის კონკურსში მონაწილეობის უფლება აქვს ყველა იმ პირს, ვისაც აქვსდიპლომირებული მედიკოსის ხარისხი, ჩაბარებული აქვს საკვალიფიკაციო გამოცდა სპეციალობით“სამკურნალო საქმე”, და მოპოვებული აქვს რეზიდენტურის მაძიებლის სტატუსი (შემდგომში - "მაძიებელი").

 

► მაძიებელმა კონკურსზე დასაშვებად უნდა წარმოადგინოს შემდეგი საბუთები:

 

☛ უმაღლესი სამედიცინო განათლების დამადასტურებელი დიპლომი და დიპლომის დანართი;

☛ ერთიანი დიპლომის შემდგომი საკვალიფიკაციო გამოცდის ჩაბარების დამადასტურებელი მოწმობა/ სპეციალობის მაძიებლის სერთიფიკატი;

☛ პირადობის მოწმობა;

☛ რეზიუმე (CV);

 

► კონკურსი ჩატარდება 2 ეტაპად:

 

☛ კონკურსანტის საბუთების შეფასება;

☛ გასაუბრება საკონკურსო კომისიის წევრებთან.

 

► საბოლოო გადაწყვეტილება მაძიებლის სარეზიდენტო პროგრამაში ჩარიცხვის თაობაზე მიიღებაგასაუბრების შემდეგ. საბუთების მიღება იწარმოებს 2017 წლის 10 ივლისიდან - 28 ივლისის ჩათვლითყოველდღე, კვირის გარდა, 10:00 სთ-დან 17:00 სთ-მდე, სამედიცინო ცენტრ „ლანცეტში“ (თბილისი, დავით აღმაშენებლის ხეივანი მე-12-ე კილომეტრი, ტელ: 2 101 100; ელ. ფოსტა: info@mclancet.com).

 

► გასაუბრება ჩატარდება 29 ივლისს

 

► კონკურსის შედეგები გამოქვეყნდება 2017 წლის 4 აგვისტოს

 

კლინიკა ლანცეტი