მშობიარობის დაგეგმვისას ერთერთი მნიშვნელოვანი საკითხია, გადაწყვიტოთ, თუ ვინ დაესწრება ამ ამაღელვებელ პროცესს:  ოჯახის წევრი, მეგობარი თუ მეუღლე?  

ქალების უმრავლესობა თავის მეორე ნახევარს ირჩევს. 

 

წარმოგიდგენთ რამდენიმე ფოტოსურათს, რომელიც გადაღებულია ბავშვის დაბადებამდე რამდენიმე წუთით ადრე. 

 

 

 

 

 

 

 

 

 

როცა ადამიანს კუნთების ტონუსში მოყვანა, გახდომა ან უბრალოდ განწყობის გაუმჯობესება უნდა - ფიტნეს-კლუბი ამისათვის საუკეთესო ადგილია. სამწუხაროდ, არსებობს უამრავი ინფორმაცია, რომელიც ფიზიკურ აქტივობაზე ცრცელდება და ხელს უშლის ადამიანს მიზნის მიღწევაში, ან სულაც შესაძლოა მავნეც კი აღმოჩნდეს. მაგალითად, რა უფრო კარგია წონის დასაგდებად — ვარჯიში თუ დიეტა? მართალია, რომ მარათონი ჯანმრთელობისთვის სასარგებლოა? ჩვენს სტატიაში ნახავთ ამ და სხვა შეკითხვებზე გაცემულ პასუხებს, რომლებიც ნამდვილად გაგაოცებთ.

 

1.    სწრაფად გახდომისთვის აუცილებელია — ვარჯიში

 

ეს არ არის სიმართლე. კვლევის შედეგების მიხედვით, მოკლევადიან პერსპექტივაში დიეტას უფრო დიდი მნიშვნელობა აქვს, ვიდრე გაძლიერებულ სპორტულ ვარჯიშს. გრძელვადიან პერსპექტივაში, ვარჯიში კარგია იმისათვის, რომ ფორმაში იყოთ.

 

2.    ძალისმიერი ვარჯიში ცხიმებს კუნთებად გარდაქმნის

 

არა! სიმძიმის აწევა ვერ გაამკვრივებს თქვენს მოდუნებულ კუნთებს. სამწუხაროდ არც ცხიმი გარდაიქმნება კუნთებად. თუმცა, სიმძიმეების აწევა დაგეხმარებათ კუნთების ქსოვილის გაზრდაში.

 

3.    სავარჯიშოდ შესაფერისი დრო არის დილა

 

რამოდენიმე კვლევის შედეგის მიხედვით, ვარჯიში კარგია როგორც დილაადრიან, ისე დღის ნებისმიერ მონაკვეთში და საღამოსაც.

თუმცა, ზოგიერთი კვლევის მიხედვით მტკიცდება, რომ დილაადრიან ვარჯიში აჩქარებს წონის დაკლების პროცესს.

გარდა ამისა, დღის შუქი წონის დაკარგვაში მნიშვნელოვან როლს ასრულებს. შინაგანი დროისა და დღე-ღამის ბიორითმის ბუნებრივთან სიქნქრონიზაციით ჩვენ ხელს ვუწყობთ მეტაბოლიზმის დაჩქარებას. ახლახანს ჩატარებული ერთ-ერთი კვლევის მიხედვით, ადამიანები, რომლებიც გაღვიძებიდან პირველ ორ საათს მზის ქვეშ ატარებდნენ, უფრო გამხდრები იყვნენ, ვიდრე ისინი, რომლებიც ბუნებრივ სინათლეზე ნაკლებად გადიოდნენ - მიუხედავად იმისა, რა ტიპის საკვებს იღებდნენ.

 

4.    ქალებმა სიმძიმე არ უნდა აწიონ, თორემ მამაკაცური სხეული ჩამოუყალიბდებათ

 

იცით თუ არა, რომ სიმძიმის აწევა სრულიად უსაფრთხოა და კუნთების გასამკვრივებლად ძალიან კარგია? მუსკულატურის განვითარება პირდაპირ დამოკიდებულია ტესტოსტერონის გამომუშავებასთან, რომელიც ქალებს ჩვეულებრივ დაბალ მაჩვენებელზე ქვემოთ აქვთ. ასე რომ, თუ თქვენ ქალი ხართ, ნუ შეგეშინდებათ სიმძიმის აწევის, რადგან კუნთების სისტემის დაყენება ნამდვილად არ გაწყენთ.

 

5.    სარბენ ბილიკზე რამოდენიმე წუთის გატარება ხელს უწყობს ცხიმების წვას

 

იმისათვის, რომ ნახევარი კილოგრამი დაიკლოთ, თქვენ უნდა დაწვათ 3500 კალორია — იმაზე გაცილებით მეტი, რასაც ერთი ზრდასრული ადამიანი იღებს საკვებიდან მთელი დღის მანძილზე. შედარებისთვის: საშუალო აღნაგობის მამაკაცი სარბენ ბილიკზე 20 წუთიანი ნორმალური ტემპით ვარჯიშის შემდეგ დაწვავს მხოლოდ 330 კალორიას.

 

6.    კვების ჟურნალის წარმოება — საკვების მიღების კონტროლის საიმედო საშუალებაა

 

მთლად ასეც არ არის...

მაშინაც კი, როცა ძალიან გაცნობიერებულად ვცდილობთ საკვების მიღებას და აქტიური დღე გვაქვს, ჩვენ საკუთარ თავს საჭიროზე უფრო მეტად ვენდობით.

«ადამიანები, რომლებიც მიდრეკილნი არიან საკუთარი ფიზიკური აქტივობის გადაფასებისკენ და არ აფასებენ იმას, თუ რამდენ საკვებს იღებენ დღის მანძილზე, ფიქრობენ, რომ იმაზე მეტი ივარჯიშეს, ვიდრე ჭამეს» — აცხადებს ტეხასის უნივერსიტეტის მეცნიერი და ამავე უნივერსიტეტის ფიტნესის დირექტორი ფილიპ სტენფორტი.

 

7.    გასახდომად საჭიროა ნახშირწყლებისა და შაქრის მოხმარების შემცირება

 

მოდური დიეტების პრობლემა მარტივია: ისინი დროებითია. წონაში დასაკლებად და ფორმის შესანარჩუნებლად საჭიროა კვების ისეთი რეჟიმის მოძებნა, რომელსაც მთელი ცხოვრების მანძილზე დაიცავთ.

 

8.    მარათონის გარბენა — საუკეთესო საშუალებაა გასახდომად და გასაკაჟებლად

 

ნუ შეგრცხვებათ იმის, თუ ყბადაღებული მარათონის გასარბენად არ დარეგისტრირდით. სინამდვილეში მთელი მარათონის გასარბენი მანძლიდან მისაღები სარგებელი შეგიძიათ ნახოთ სულ რაღაც 8 კილომეტრის გარბენისას. 

ყოველდღიურად 5-დან 10 წუთამდე სწრაფ სირბილს შეუძლია იგივე შედეგი მოგცეთ, რაც საათობით ნელ სირბილს. ადამიანები, რომლებიც დღეში ერთ საათზე ნაკლებს დარბიან, იღებენ იგივე შედეგს გულისათვის, რასაც ადამიანები, რომლებიც კვირაში სამ საათზე მეტს დარბიან.

კვლევების შედეგების მიხედვით, მოკლე, ინტენსიური ვარჟიში ჯანმრთელობისთვის იგივე შედეგის მომტანია, როგორიც ხანგრძლივი ვარჯიში.

 

9.    კვირაში ერთხელ ან ორჯერ ვარჯიში ფორმის შესანარჩუნებლად საკმარისია

 

თუ უკვე კარგ ფორმაში ხართ, კვირაში რამოდენიმეჯერ ვარჯიში განსაკუთრებულ შედეგს არ მოგცემთ.

«სჯობს კვირაში როგორც მინიმუმ სამჯერ ივარჯიშოთ. ფაქტიურად თქვენ ყოველ დღე უნდა იაქტიუროთ ფიზიკურად იმისათვის, რომ რეალურად ფორმაში იყოთ და ვარჯიშს შედეგი ჰქონდეს» — აცხადებს რატგერის უნივერსიტეტის პროფესორი შონ არნეტი.

 

10. იზოტონური სასმელი Gatorade — საუკეთესო სასმელია ვარჯიშის შემდეგ

 

უკაცრავად Gatorade-ს მოყვარულებთან, მაგრამ ის ძირითადად შაქრისა და წყლისგან შედგება. 

ვარჯიშის შემდეგ ექსპერტების რეკომენდაციაა მივიღოთ 20 გრამი პროტეინი (ნებისმიერი წარმოშობის) და რაც შეიძლება მეტი წყალი დავლიოთ. 

 

11. თუ ვარჯიშს შევწყვეტთ, ორ კვირაში ფორმას დავკარგავთ

 

სამწუხაროთ, ყველა კუნთი, რომელიც ვარჯიშის პერიოდში გაგიმკვრივდათ და დაყენებული მუსკულატურა ვარჯიშის შეწყვეტიდან არა ორი კივირის, არამედ სულ რაღაც რამოდენიმე დღეში ქრება. 

უმეტეს შემთხვევაში მუსკულატურა ქრება ვარჯიშის შეწყვეტიდან ერთ კვირაში.

 

 

არავის სიამოვნებს როცა ხველა აწუხებს. თუმცა ბევრი ადამიანი იძულებულია აიტანოს ასეთი მდგომარეობა. ხველის მიზეზი შეიძლება იყოს გაციება, სიგარეტი, ქიმიკატების ზემოქმედება და ა.შ.

 

ალბათ ის ადამიანები, ვისაც ხველა აწუხებს მზად არის გააკეთოს ყველაფერი იმისათვის, რომ ამ შემაწუხებელი მდგომარეობიდან გამოვიდეს. წარმოგიდგენთ სრულიად უსაფრთხო მეთოდს, რომელიც დაგეხმარებათ ფილტების გაწმენდაში.

 

თუმცა, აქვე დავამატებთ, რომ ქვემოთ მოცემული სასმელი არამარტო ფილტვების გაწმენდისთვის არის კარგი, არამედ ის:

 

• აძლიერებს იმუნიტეტს;
• კურნავს გულის სხვადასხვა დაავადებებს;
• ადაბლებს „ცუდი“ ქოლესტერინის დონეს;
• აუმჯობესებს კანის ფერს;
• ორგანიზმიდან გამოდევნის ტოქსინებს.

 

სასმელის მოსამზადებლად საჭიროა:

 

• 500 გრ. სტაფილო;
• 3-4 ს/კ ნატურალური თაფლი;
• წყალი.

 

მომზადების წესი:

 

1. გაასუფთავეთ სტაფილო, შემდეგ საშუალოდ მოხარშეთ. სტაფილოს ნახარში არ გადაღვაროთ;
2. სტაფილო გააციეთ და მოამზადეთ მისგან პიურე;
3. სტაფილოს ნახარშში დაამატეთ თაფლი და კარგად მოურიეთ;
4. ბოლოს დაამატეთ სტაფილოს პიურე.

 

ფილტვების გამწმენდი სასმელი მზადაა. დალიეთ ის როცა გსურთ, მაგრამ დღის მანძილზე მინიმუმ 2 ჭიქა უნდა მიიღოთ. 7-10 დღის შემდეგ თქვენ ხველას სამუდამოდ დაემშვიდობებით, ხოლო თუ საქმე ეხება გაციებით გამოწვეულ ხველას, მაშინ შედეგს 2-3 დღეშიც მიიღებთ!

 

წარმოდგენილი რეცეპტი ძალიან ძველია და როგორც ამბობენ ეფექტური. გაგვიზიარეთ თქვენი აზრი, გამოცდილება აღნიშნული სასმელის ეფექტურობის თაობაზე კომენტარებში. 

 

ფოტოგრაფმა ტიმოთი არჩიბალდმა თავისი აუტისტი შვილის ფოტოების გადაღება დაიწყო და ამით შეეცადა ბრძოლა გამოეცხადებინა საშინელი დიაგნოზისთვის. თუმცა, უბრალო დოკუმენტირება უფრო მეტი გახდა. ტიმოთიმ შეძლო არამარტო დაახლოებოდა შვილს მისი შინაგანი სამყაროს შესწავლის დახმარებით, არამედ მიეჩვია მეტი თავისუფლება მიეცა ბავშვისთვის ინიციატივის აღებისას და არ ეკონტროლებინა მისთვის ყველაფერი.  

 

 

 

5-წლის ელაიჯა ჩამოკიდებულია მექანიკურ საგნებზე. ერთი და იგივე მას ბევრჯერ უნდა გაუმეორონ. ბიჭუნა ძალიან ჩაკეტილია.

 

 

 

ყოველი კადრი, რომელსაც ტიმოთი იღებს, ასახავს ელაიჯას ჩვევებს და ქცევას, თუ როგორ ურთიერთქმედებს ბავშვი მის გარემოცვასთან და იმ ნივთებთან, რომლებთანაც შეხება აქვს.

 

 

«მე არასოდეს მინდოდა ელაიჯას ეფიქრა, რომ ის ნორმალურია. მე უბრალოდ მინდოდა, რომ მას მეტი ყურადღება გამოეჩინა საკუთარი თავის მიმართ, რათა შეძლებოდა საკუთარ თავში გარკვეულიყო. მე ვცდილობდი მიმეტანა ბავშვამდე ის რეალობა, რომ სხვებისნაირი არ არის და სწორედ ამაშია მისი უპირატესობა», — აცხადებს ბავშვის მამა.

 

ტიმოთის ფოტოპროექტი გახდა მისი წიგნის Echolilia-ს შემადგენელი ნაწილი.

 

 

 

 

რით განსხვავდება ნამდვილი სიყვარული დამოკიდებულებისგან? რომელი გავრცელებული მითები ახდენენ მდედრობითი სქესის დეორიენტაციას და უშლიან ხელს სერიოზულ ურთიერთობებს? სწორედ ამ თემებზე ვისაუბრებთ ამ სტატიაში.

 

თმენა – არის ქალის ბედი

 

ქალების უმრავლესობა დარწმუნებულია, რომ ბედნიერება ეფემერული გაგებაა, ამიტომ, მთავარია ის, თუ როგორ გამოიყურები გვერდიდან. მთავარია (და არამხოლოდ ერთადერთი) მამაკაცისთვის სიამოვნების მინიჭება, სექსუალური მოთხოვნილების დაკმაყოფილება, ქალს კი ესეც არ სჭირდება. ქალის სატარებელი მძიმე ჯვარია ღალატის, დამცირების და სხვა მრავალი უმსგავსობის ატანა ცოლ-ქმრული ან მამაკაცთან ურთიერთობის პირობებში, სხვაბმა რამე ცუდი რომ არ იფიქრონ, ნებისმიერ სიტუაციაში ქალმა თავი ბედნიერად უნდა მოაჩვენოს ყველას და გაიღიმოს.

თუ ქალს ჩამოყალიბებული აქვს ასეთი წესი, ის მუდმივად ეჭვიანობს, უთვალთვალებს ქმარს, ცდილობს გააკონტროლოს ის, ფარულ ცხოვრებაში ამხილოს და ა.შ. ამ ქცევით ქალი კიდევ უფრო უბედურს ხდის საკუთარ ცხვორებას და რაც ყველაზე უარესია, შვილები, რომელბიც მშობლების ასეთი არეული ურთიერთობების მომსწრენი ხდებიან, ძალაუნებურად ემსგავსებიან მათ და სამომავლოდ მათ ცხოვრებაშიც იგივე მეორდება. დედა თითქოს მემკვიდრეობით გადასცემს უბედურებას შვილებს.

ყურადღება მიაქციეთ როგორი ინტონაციით ყვებით საკუთარი სიყვარულის ისტორიას. თუ ეს არის დამცირებისა და ტანჯვის უწყვეტი ჯაჭვი, უსამართლობისა და წყენის მუდმივი ატანა, მაშინ ზემოთ აღწერილი ქცევის მოდელი თქვენზეა...

 

ბედნიერი ვიქნები, თუ რაიმე ექსტრაორდინალურს გავაკეთებ

 

თუ ლამაზი, ტანადი ვიქნები, წარჩინებით დავამთავრებ სასწავლებელს, კოსმოსში გავფრინდები, წიგნს დავწერ და სახელს გავითქვამ - ბედნიერი ვიქნები...

ასე ფიქრობენ ის გოგონები, რომლებსაც მშობლები ბავშვობიდან უჩიჩინებენ: «ჯერ ისწავლე, დაამტკიცე, რომ ადამიანი ხარ, განათლება მიიღე და შემდეგ შეგიძლია პირად ცხოვრებაზე იფიქრო». ამ დროს, განვლილ ბავშვობას როცა იხსენებს ადამიანი ვერ პოულობს იმ მომენტს, როცა მშობლები გულახდილად თბილები იყვნენ და უბრალოდ უყვარდათ...

ფაქტია, მანამ, სანამ ქალი საკუთარ თავზე მუშაობს, იღებს განათლებას და ხდება სრულყოფილი - დრო გადის. ჩვევა, იცხოვრო ისე, რომ მუდმივად გადადო მთავარი გადაწყვეტილებების მიღება, ადამიანს სხვისი სურვილების კონვეირის წინაშე აყენებს, ის იძულებული ხდება სხვისი სურვილები შეასრულოს მანამ, სანამ თავისას მიხედავს. «ახლა ამის დრო არ არის!» ფიქრობს ადამიანი საკუთარ სურვილებზე, გავა ერთი საათი და ხვდება, რომ «უკვე გვიანია».

 

უკულტურობაა მამაკაცთან სიახლოვის სურვილის საჯაროდ გამოხატვა

 

როცა მამაკაცი, რომელიც ქალს აინტერესებს ნაკლებ ინტერესს იჩენს თავის მხრივ, ქალი ხშირად იმის საწინააღმდეგოდ რეაგირებს, რასაც სინამდვილეში განიცდის.  

ყურადღება მიაქციეთ საკუთარი სახის გამომეტყველებას, როცა რჩეულ მამაკაცს ესაუბრებით. ასევე გააკონტროლეთ ხმის ტემბრი. ნუ იქნებით არაადეკვატური.

 

მამაკაცი და ქალი – ერთი მთლიანის ორი ნაწილია

 

ამ თეორიის მიხედვით გამოდის, რომ მარტოხელა ადამიანი არასრულფასოვანია. არადა სინამდვილეში ბედნიერები არიან მხოლოდ სრულყოფილი, პოზიტიური და ჰარმონიული ადამიანები, რადგან ისინი ახდენენ საკუთარი ოცნებების და სურვილების რეალიზებას და არ ელიან რაიმე საბედისწეროს.  

მითი მეორე ნახევრის შესახებ მხოლოდ იმ შემთხვევაში შეიძლება გამოიყენოთ, როცა საქმე ეხება პასუხისმგებლობას, რომელსაც წყვილი ატარებს თანაცხოვრების დროს. მაგალითად, მამაკაცისა და ქალის წვლილი არათანასწორია, როცა კაცი ერთპიროვნულად წყვეტს სად და რა სიხშირით უნდა შეხვდნენ ერთმანეთს, სად იცხოვრონ, ხოლო ქალი მორჩილად მიყვება; ამით ქალი კარგავს თავის აქტივებს – საკონტროლო პაკეტი მამაკაცს რჩება. თეორია და იმის მტკიცება, რომ «ჩვენ – ერთნი ვართ!» - უნდა აღნიშნავდეს გარკვეულ ურთიერთობას და არა ერთმანეთში აღრევას, მითუმეტეს მონურ მორჩილებას.

 

შინაგანი ხმა მიკარნახებს ვინ არის ჩემი მამაკაცი

 

 

გული აგიჩქარდება და ეგრევე მიხვდები რომ ის შენი ადამიანია - ამ სიტყვებს ხშირად მოისმენთ, თუმცა გულის აჩქარებული ცემის ახსნა მარტივია: ამ შემთხვევაში მუშაობს სენსორულ-ემოციონალური ასოციაციების მარტივი მექანიზმი. «ის» გახსენებთ მაგალითად მშობელს - საერთო შთაბეჭდილებიდან გამომდინარე, ინტონაციით ან სხვა რაიმე დეტალით. მთელი სხეული რეაგირებს ამ დროს იმ დანახულ მსგავს წვირლმანზე და რა მერე?

მშფოთვარე ქალი ყოველთვის არიჩევს იმას, რაც უკვე იყო. ახალი ოჯახური თანაცხოვრება წარმოდგენაში ჩნდება, რადგან ის უკვე «ძველი» ცხოვრებაა. რისკიანი ქალი პირიქით, დაეყრდნობა კონტრასტულ ასოციაციებს და დაიწყებს ისეთი მამაკაცის ძებნას, რომელიც მამამისს არ ჰგავს. ასევე მოიქცევა ის გოგო, რომელიც სკეპტიკურად აფასებს დედის მიღწევებს და თვლის, რომ მის ადგილას დიდი ხნის წინ გახდებოდა ვარსკვლავი.

 

ჩემს მამაკაცს ნახევარი სიტყვიდან ესმის ჩემი

 

სამწუხაროდ, საზოგადოების კულტურაში დღემდე არ არის გამომუშავებული წყვილების, ოჯახების, მშობლებისა და შვილების ურთიერთობებში არსებული პრობლემების განხილვა. თუ მშობლებისგან საკუთარი განცდების გამხელის სანაცვლოდ დასჯა მიიღო ადამიანმა, ის ნაკლებად ეცდება ამ თემას ოდესმე კიდევ შეეხოს.

წყვილების უმრავლესობა შორდება ისე, რომ ერთმანეთს არც კი იცნობენ. მამაკაცების და ქალების უმრავლესობას ერთმანეთზე გული უცრუვდებათ ისე, რომ ერთმანეთის საუკეთესო პიროვნული თვისებების დანახვაც კი ვერ შეძლეს. როცა ადამიანს უყვარდება საკუთარი პროექცია, უსმენს მის ზურგსუკან არსებულ ჩრდილს, ამით პირადულ მარცხს აჩქარებს და ვერ ახერხებს მეტად გაერკვეს საკუთარ ცხოვრებაში.

 

და ბოლოს - სიყვარულის მთავარი პარადოქსი არის ის, რომ ჩვენ ინფანტილურ „მე“-ს უყვარდება ჩვენი იდეალური „მე“, რომლის პროეცირებასაც ვახდენთ მამაკაცზე. სინამდვილეში ადამიანს არ შეუძლია იმის გარეშე ცხოვრება, რაც უკვე მისი ნაწილია.  

 

წარსული ცხოვრებაში ხელს გიშლით? უსიამოვნო მოგონებები თავს არ განებებენ და მოსვენებას არ გაძლევენ? ამ სტატიაში მოგიყვებით როგორ უნდა გათავისუფლდეთ მათგან.

დასაწყისისთვის საჭიროა თქვენთივის მკაფიო ფორმულირება მოახდინოთ იმისა, თუ რისგან გსურთ გათავისუფლება. ფორმულირება «მე მინდა წარსულის დავიწყება» - უნდა შედგებოდეს ძალიან კონკრეტული და გასაგები დეტალებისგან.

ბედნიერების წერილი

თუ თქვენი ნეგატიური გრძნობები ვინმეს მიმართ ძალიან ძლიერია, მიწერეთ იმ ადამიანს წერილი. შეგიძლიათ ისარგებლოთ კომპიუტერით, თუმცა კალამი და რვეული უკეთესია. დაწერეთ ყველაფერი, რასაც მასზე ფიქრობთ, მაქსიმალურად სრულად გადმოეცით თქვენი ემოციები. თუ წერილი ძალიან გრძელი გამოვა ეს ნუ აგაღელვებთ. გამონათქვამებშიც ნუ იქნებით მორიდებული, რადგან ამ ფურცლებს არსად არ გააგზავნით (სწორედ ამიტომ სჯობს ქაღალდის ფურცლები კომპიუტერულ ფაილს, რადგან დიდია ალბათობა, რომ ტექსტის ადრესატისთვის რეალურად გაგზავნის ცდუნება გაგიჩნდეთ). წერილი შეგიძლიათ რამოდენიმეჯერ წაიკითხოთ, რაიმე დაამატოთ ან ამოშალოთ, და ეს აკეთოთ მანამ, სანამ არ დარწმუნდებით, რომ სათქმელი იმ ადამიანისთვის მეტი აღარაფერი გაქვთ. ამის შემდეგ გაიტანეთ რვეული გარეთ , დაწვით და თვალი არ მოაშოროთ ცეცხლის ალში გახვეულ ტექსტებს, დააკვირდით როგორ იწვება, ქრება და იფერფლება, მერე კი ჰაერში მიდის თქვენი ბრაზი.

განშორების წერტილი

წარმოიდგინეთ დეტალებში იმ ადამიანის ფიგურა, რომელთანაც დამშვიდობება გსურთ. კარგად დააკვირდით, ხოლო შემდეგ მოახდინეთ იმის ვიზუალიზაცია, თუ რა ნელა ცილდებით მას. ამ შემთხვევაში ბევრი ვარიანტია: შეგიძლიათ ფეხით მოშორდეთ, მანქანით ან სხვა ფორმით და უყუროთ წარმოსახვაში იმას, თუ როგორ პატარავდება, შორს ჩანს და ბოლოს საერთოდ თვალსაწიერს ეფარება მისი სხეული და ქრება თქვენი ცხოვრებიდან. ყურადღება მიაქციეთ იმას, თუ რას იგრძნობთ იმ მომენტში, როცა ეს წერტილი საბოლოოდ გაქრება. თუ სიმსუბუქეს და გათავისუფლებას  — მაშინ ყველაფერი სწორად ხდება. ეს ტექნოლოგია დაგეხმარებათ ადამიანების ჯგუფთან დაშორებაშიც, თქვენ წარმოიდგინეთ რაიმე კონკრეტულ ადგილთან დაშორებაშიც კი, თუ რა თქმა უნდა თუ ეს ყველაფერი თქვენთვის უსიამოვნო მომენტების სიმბოლოა.

სულ მაღლა და მაღლა

იყიდეთ ჰელიუმით გაბერილი ბუშტი. დააწერეთ ზედ: «მე შენ გიშვებ, …» მრავალწერტილის ნაცვლად უნდა დაწეროთ იმ ადამიანის, ადგილის ან გრძნობის სახელი, რომლის დავიწყებაც გსურთ, რის შემდეგაც ბუშტი უნდა გაუშვათ. თუ მაგიური რიტუალები მოგწონთ, ამის გაკეთება ახალი წლის ღამეს შეგიძლიათ.

საავტორო სვეტი

ბლოკნოტის ერთ გვერდზე ჩაიწერეთ ყველა მნიშვნელოვანი მოვლენა, შეხვედრა, გრძნობა, გამარჯვება, მარცხი და პრობლემები, რომლებიც იმ პერიოდს უკავშირდება, რომლის დავიწყებაც გსურთ. მეორე გვერდი გაყავით ორად, ერთ სვეტს დააწერეთ «წარსულში ვტოვებ», ხოლო მეორეს «მომავალში მიმაქვს». შეავსეთ ეს ცხრილი. პირველ სვეტში სჯობს ადამიანების სახელების ნაცვლად ჩაწეროთ გრძნობები, რომლებსაც ისინი შენში იწვევენ, მაგალითად, არა «ალექსანდრე», არამედ «წყენა ალექსანდრეზე», «ზიზღი ალექსანდრეს მიმართ». შემდეგ, თუ მოგინდებათ, მოაჭერით «წარსული»-ს სვეტი და დაწვით, ფერფლი კი უნიტაზში ჩარეცხეთ.

რაზეა საუბარი

თუ თქვენ კარგი მეგობარი გოგო ან ბიჭი გყავთ, მათ შეუძლიათ დაგეხმარონ იმით, რომ უბრალოდ მოგისმინონ. მნიშვნელობა არ აქვს, რომ ეს უკვე ათასჯერ გააკეთეთ და მეგობრების მიერ მოცემული რჩევების გათვალისწინება აზრადაც არ მოგსვლიათ.  ამჯერად სთხოვეთ მეგობარს უბრალოდ ჩუმად იყოს და მოგისმინოთ. სიჩუმის გამო მსნენელის მიმართ შეიძლება ბრაზი და აგრესიაც კი გაგიჩნდეთ, მაგრამ თავიდანვე გააფრთხილეთ მეგობარი, რომ საწყენი რამ თუ წამოგცდათ, ყურადღებას ნუ მოგაქცევთ. როცა მონოლოგს დაასრულებთ ამ ფორმით, საგრძნობლად მოგეშვებათ. 

მაპატიე - ნახვამდის

აიღეთ ქაღალდის ფურცელი და დაწერეთ მასზე ყველას სახელი, ვინც ოდესმე გაწყენინათ. სახელების წერისას ხმამაღლა გაიხსენეთ რა გაგიკეთათ თითოეულმა მათგანმა. აიღეთ ახალი ფურცელი, ისევ ჩამოწერეთ იგივე სახელები და ყოველ სახელს ბოლოში მიუწერეთ და თან ხმამაღლა გამოთქვით შემდეგი სიტყვები: «მე შენ გპატიობ». მოუსმინეთ შინაგან გრძნობებს: ვიღაცის პატიება გამოგივათ, ვიღაცის არა, თუმცა, ნებისმიერი შემთხვევაში სია შემცირდება და ეს მთავარია. ამ მეთოდის გამოყენება სასურველია მხოლოდ მაშინ, როცა იმ ადამიანების უმრავლესობის მიმართ ძლიერ ბრაზს აღარ გრძნობთ და ნამდვილად მზად ხართ აპატიოთ. ამიტიომ, მისი გამოყენება სჯობს მას შემდეგ, რაც ზემოთ მოყვანილ სხვა მეთოდებს ცდით.

ლოდინის სწავლა

წარსული ისეა მოწყობილი, რომ ძალიან გვიან გვტოვებს თავისით. შინაგანად თქვენში მიდის იმაზე მუშაობა თუ რისი დავიწყება გსურთ და სანამ ეს პროცესი არ დასრულდება, წარსულთან განშორება ვერ მოხერხდება. წარსულის დავიწყების შეუძლებლობის მიზეზი შეიძლება დაკავშირებული იყოს ძალიან შორეულ მოვლენებთანაც კი, რომელთა გახსენება შეიძლება ძალიან გაგიჭირდეთ. ამიტომ, «წარსულის დავიწყების მეთოდები» შესაძლოა განახლების საწინდარი გახდეს თქვენთვის. თავდაპირველად საჭიროა დალოდება ისწავლოთ, რითაც წარსულს საშუალებას მისცემთ დაასრულოს მუშაობა და ამის შემდეგ დაგემშვიდობოთ. 

 

პენსიონერების ქორწინებების ისტორიები — მოსაწყენია.

 

სტატიაში მოყვანილ კონკრეტულ შემთხვევაში ყველაფერი სხვანაირად არის, რამდენადაც 80 წლის ამერიკელი მარია ტერეზა კობარი პირველად გათხოვდა!

 

მისი რჩეული 95 წლის კარლოს ვიქტორ სუარეზია, რომელიც აცხადებს, რომ მარიას დანახვისთანავე გული აუძგერდა. მათ ერთმანეთი მოხუცთა ძვირადღირებულ თავშესაფარში გაიცნეს, რომელიც უფრო კურორტს ჰგავს, ვიდრე პანსიონატს. წყვილს სულ რაღაც 8 თვე დასჭირდათ იმისათვის, რომ გადაწყვეტილება მიეღოთ და დაქორწინებულიყვნენ. ქორწილმა ახლობლების, მეგობრებისა და პერსონალის ვიწრო წრეში ჩაიარა.

 

პატარძლის ქალწულობის საკითხით დაინტერესებულთათვის პასუხი მზადაა -მარიას ჰყავს ქალიშვილი ანა, რომლის მამამ მისი არსებობის შესახებ არაფერი იცის. მარია კობარი აშშ-ში საცხოვრებლად გადმოვიდა როცა 26 წლის იყო. მას ხელში ჩვილი ანა ეჭირა და ძალიან უჭირდა მარტო მისი გაზრდა. თუმცა პირადი ცხოვრების მოწყობაზე და ბედნიერების პოვნაზე არც ფიქრობდა. და ბოლოს, 80 წლის ასაკში ბედნიერება თავისით მოვიდა მასთან! «არასოდეს დანებდეთ, — აცხადებს კობარი. — მე დიდი ხნის მანძლზე ვიყავი მარტო, მაგრამ ჩემი ცხოვრების სიყვარულს ახლახანს შევხვდი».

 

 

საშიშია თუ არა ეს პროცედურა? ამ შეკითხვას სტომატოლოგებს ხშირად უსვამენ. ყველას უნდა კბილების გათეთრება, თუმცა ტკივილი აშინებთ. სტომატოლოგებს კი ეს შეკითხვა ღიმილისმომგვრელია, რადგან საშიშია სრულიადაც არ არის კბილების გათეთრება. პროცედურა არ აზიანებს არც კბილის ზედაპირს და არც აფუჭებს მათ.

 

სინამდვილეში მათეთრებელი საშუალებები გავლენას ახდენს არა თავად კბილის მინანქარზე, არამედ დენტინზე. რა ბუნებრივი ფერიც აქვს ადამიანს, გათეთრების შემდეგ იმ ფერს იღებს. ამიტომ მათი ფერი განსხვავდება ადამიანებში.

 

თუ გსურთ თვალის მომჭრელი ღიმილი გქონდეთ, უნდა მიმართოთ სტომატოლოგს. მხოლოდ სტომატოლოგს თუ შეუძლია უსაფრთხოდ და ყველა წესის დაცვით თქვენი კბილების გათეთრება.

 

სტომატოლოგი განსაზღვრავს, არსებობს თუ არა ამ პროცედურისადმი რამე უკუჩვენება, რაც მისი მხრიდან გამორიცხავს ყოველ შესაძლო გართულებას და თავადაც კმაყოფილი დარჩებით შედეგით. ამასთან, ექიმი არის ყველაზე კვალიფიციური ადაამიანი ამ პროცედურის ჩასატარებლად.

 

ზოგიერთ შემთხვევაში გაბედული ადამიანები თავად ითეთრებენ კბილებს საოჯახო პირობებში, რისთვისაც ეძებენ ინფორმაციას ინტერნეტის მეშვეობით და რისკსაც არ ერიდებიან, რაც ზოგჯერ სავალალო შედეგებს აღწევს.

 

განსაკუთრებით კბილების გათეთრების პროცედურა მათთვისაა აქტუალური, ვინც აქტიურად ეწევა სიგარეტს ან დიდი რაოდენობით კოფეინს იღებს, რაც გავლენას ახდენს კბილებსა და მათ შეფერილობაზე.

 

კბილების გათეთრებამდე უმჯობესია ყველა კბილის დათვალიერება, გამოკვლევა და დაბჟენა, კბილების მკურნალობა, არსებობს თუ არა რამე დაზიანება კბილის მინანქარზე. ასევე, მნიშვნელოვანია მგრძნობელობის გარკვევა. თუ ის მაღალია, ექიმმა შესაბამისად უნდა მიიღოს ზომები, რათა პროცედურა შედარებით უმტკივნეულო იყოს.

 

პერიოდულად აუცილებელია კბილების გაწმენდა ნადებისა და ქვებისგან.

 

იმ შემთხვევაში, თუ მაინც გადაწყვიტეთ საოჯახო პირობებში კბილების გათეთრება, მიმართეთ ნაცად და აპრობირებულ მეთოდებს, როგორიცაა სათანადო გელი, კაპები, სხვ. თუმცა არ დაივიწყოთ ინსტრუქცია და მიჰყევით დადგენილ წესებს. კბილების გათეთრება ესთეტიკურადაც მისაღებია და ამასთან, ლამაზ ღიმილს გაჩუქებთ, რაც წარმატების საწინდარია და მეტ თავდაჯერებულობას გმატებთ საქმეში.

უმეტეს შემთხვევაში უსიამოვნო სუნს პირიდან იწვევს პირის ღრუს სიმშრალე ან პირის ღრუში არსებული ბაქტერიები იწყებენ აქტიურად გამრავლებას. ღამის მონაკვეთში, როდესაც ადამიანს ძინავს, მცირდება ან საერთოდ წყდება ნერწყვის გამოყოფა, რაც იწვევს პირის სიმშრალეს და ,,დილის უსიამოვნო სუნთქვას“, - აღნიშნავს ჰაროლდ კატცი, სტომატოლოგი და ბაქტერიოლოგი, კალიფორნიის სუნთქვის კლინიკის დამფუძნებელი. თუმცა ეს დისკომფორტიც მოგვარებადია.

 

ზოგიერთ შემთხვევაში ამის მიზეზი შეიძლება იყოს ზოგიერთი სამედიცინო პრეპარატი, რომელსაც პაციენტები იღებენ რაღაც პერიოდის განმავლობაში. დაახლოებით 75 % წამლებისა, რომლებსაც ექიმები უწერენ თავიანთ პაციენტებს, მათ შორის ანტიდეპრესანტები, ანტიჰისტამინური საშუალებები, არტერიული წნევის მარეგულირებელი აბები იწვევენ პირის ღრუს სიმშრალეს, - ამბობს კატცი. თუ ამჩნევთ, რომ საუბრისას მოსაუბრე თქვენგან დელიკატურად თავს გარიდებთ ან ცდილობს დისტანცია დაიკავოს საუბრისას, გამოარკვიეთ, ექიმის მიერ თქვენთვის დანიშნული აბები ხომ არ იწვევენ პირის სიმშრალეს, როგორც გვერდით მოვლენა. ასეთის შემთხვევაში კი მეტი სითხე, წყალი სვით, საღეჭი რეზინი გამოიყენეთ ან სთხოვეთ ექიმს მკურნალობის შეცვლა.

 

თუმცა ზოგ შემთხვევაში უსიამოვნო სუნი პირიდან ზოგიერთ დაავადებაზე მიუთითებს.

 

ნაფტალინის სუნი - ალერგია იწვევს ხოლმე მსგავს სუნს ან სინუსიტიც შეიძლება იყოს ამის მიზეზი. ასეთ დროს ინიშნება ანტიალერგიული პრეპარატები, ანტიობიოტიკების მიღება, რომელსაც ნიშნავს ექიმი.

 

ხილის სუნი მიუთითებს დიაბეტის არსებობაზე. ასეთ დროს გამომუშავდება ნივთიერება კეტონი, რომელიც ხილისთვის დამახასიათებელ სუნს წარმოქმნის, - ხსნის შილპი აგარუოლი, ექიმი და თერაპევტი ვაშინგტონიდან - ასეთის შემთხვევაში სისხლში შაქრის დონის გადამოწმება აუცილებელია.

 

ამჟავებული რძის სუნი - ლაქტოზის გადამუშავებასთან დაკავშირებული პრობლემები გამოიკვეთა. რძის პროდუქტების მიღებისას აღინიშნება ხოლმე დიარე, სპაზმი ან შებერილობა, ასეთ შემთხვევაში.

 

მკვეთრი, სპეციფიკური და უსიამოვნო სუნი, რაც შეიძლება იყოს ნიშანი ფილტვებთან დაკავშირებული პრობლემებისა, რაც საჭიროებს შესაბამის სპეციალისთან მისვლას და გამოკვლევებს.

მენოპაუზის სიმპტომები, რომლებსაც ეჯახებიან საშუალო ასაკის ქალების

უმეტესობა, რომლებიც ჯერ კიდევ არ არიან ბიოლოგიური კლიმაქსის ასაკში,

შესაძლოა გულსისხლძარღვთა სერიოზული პრობელმების მიმანიშნებელი იყოს,

რაც მნიშვნელოვნად ზრდის ინფარქტით ან ინსულტით გამოწვეულ

სიკვდილიანობის რისკს. აღნიშნულ საკითხზე კვლევა ჩაატარეს პიტსბურგის

(აშშ) სამედიცინო სკოლის მეცნიერებმა.

 

"თუ საშუალო ასაკის ქალები (მაგალითად, 38-42 წლის) ეჯახებიან მენოპაუზას

ადრეულ ასაკში, მაშინ საეჭვოა, რომ ეს შეიძლება გამოწვეული იყოს

სისხძარღვებში სერიოზული ცვლილებებიდან გამომდინარე, რაც იწვევს

გულსისხლძარღვთა სისტემის ქრონიკულ დაავადებებს", — აცხადებენ კვლევის

ავტორები.

 

მენოპაუზის სიმპტომებში მკვლევარები გულისხმობენ ოფლიანობას ან

ცხელებას.

 

კლიმაქსის ძალიან ადრეული ნიშნების პროვოცირება ძირითადად ხდება

ენდოთელიუმის ზრდადი დისფუნქციით, რომელიც ქმნის სისხლძაღრვების შიდა

კედლებს.

 

მეცნიერები ასეთ დასკვნამდე მას შემდეგ მივიდნენ, რაც მოახდინეს

პოსტკლიმაქსური ასაკის 250 ქალის შესწავლა, რომლებსაც დასმული ჰქონდათ

გულის იშემიური დაავადების დიაგნოზი.

მეცნიერები არკვევენ, რომელი სექსი ჯობია: ალკოჰოლის თუ მარიხუანის ზემოქმედების ქვეშ და აი, რა დაადგინეს ნიუ - იორკის უნივერსიტეტის მკვლევარებმა:

 

ექსპერიმენტში მონაწილეობას იღებდა 24 ზრდასრული ჰეტეროსექსუალი წყვილი, რის შედეგადაც მეცნიერმა - ჯოზეფ პალმერმა და მისმა გუნდმა დაასკვნა, რომ ზემოქმედების ქვეშ სექსი შემდეგ გარემოებათა გამო არის კარგი:

 

- ალკოჰოლური თრობის დროს ადამიანს უქვეითდება სტანდარტები და შეუძლია სექსუალური კონტაქტი დაამყაროს მასთან, ვისთანაც ის ფხიზელ მდგომარეობაში არც კი მოისურვებდა ურთიერთობას. მარიხუანის შემთხვევაში კი სხვაგვარადაა. როგორც კვლევის ერთ-ერთმა მონაწილემ აღნიშნა: ,,მარიხუანის მოწევის შემდეგ ვიცი, ვისთანაც გავიღვიძებ, აი, ალკოჰოლის ზემოქმედების ქვეშ ყოფნისას - ნამდვილად არა.“

 

ექსპერიმენტში მონაწილე უმრავლესობისთვის მთვრალ მდგომარეობაში სექსი უფრო მეტ ნეგატიურ ემოციას იწვევდა, რასაც თან ახლდა შემდგომი სირცხვილის გრძნობა, სინანული და უარყოფითი განცდა. ,,როცა კაიფში ვარ, სექსის შემდეგ მინდა ჩვენ, ორივესთვის, რამე საკვები მოვამზადო, მაშინ როცა, ნაბახუსევზე მინდა რომ ან მე სასწრაფოდ გავეცალო იქაურობას ან ის წავიდეს.“

 

ალკოჰოლის ზემოქმედებისას ადამიანები უჩიოდნენ თავბრუსხვევას, გულისრევას და მეხსიერების დაკარგვასაც კი, აღარ ახსოვდათ, ვისთან ჰქონდათ სექსი და გაურკვევლობაში იყვნენ. ხოლო კაიფის ქვეშ კი ადამიანები განიტვირთებიან და ახალ შეგრძნებებს აღნიშნავენ. როგორც მეცნიერები აღნიშნავენ, ალკოჰოლი აქვეითებს შეგრძნებებს, ხოლო მარიხუანა მათ აძლიერებს. ექსპერიმენტის მონაწილეები აცხადებდნენ, რომ ალკოჰოლი მათ უბიძგებდათ რისკის შემცველი ქმედებებისკენ, ხოლო მარიხუანა - პირიქით, მისი პარანოიდული გავლენის გამო, უფრო მეტად სიფრთხილისკენ განაწყობდათ. 

 

გართობას და ხალისიან, სხვადასხვა ალკოჰოლური სასმელით გაჯერებულ საღამოს მოსდევს საკმაოდ მძიმე შედეგი „ბახუსი“-ს სახით, რასაც ზოგიერთი უმკლავდება შუშხუნა ასპირინის, ცხელი წვნიანის, ლუდის ან ძილის დახმარებით.  გაინტერესებთ როგორ უმკლავდებიან ამ მძიმე მდგომარეობას სხვადასხვა ქვეყნებში? მაშინ ეს სტატია დაგაინტერესებთ

1. ნამიბია

სამხრეთაფრიკულ ამ ქვეყანაში ადგილობრვი მოსახლეობა იყენებს 100%-იან (მათი აზრით) მეთოდს ბახუსთან ბრძოლისთვის — კამეჩის რძეს. ნამიბიელების ბახუსის საწინააღმდეგო სასმელი შეიცავს: ნაღებს, მუქ რომს, სანელებლებს და ლიქიორს. წარმოგიდგენიათ მსგავსი ნაზავის დალევა? ნამიბიელების აზრით, ეს ნაზავი ბახუსის მძიმე მდგომარეობიდან გამოსვლის კარგი საშუალებაა.

2. პერუ

პერუელებს გართობა ძალიან უყვართ, თუმცა ალკოჰოლის შემდეგ ბახუსისგან გათავისუფლებაც კარგად გამოსდით, რასაც თევზის სუპით და სპეციალურად მომზადებული ლიმონის, ლაიმის, ნიორი და ჯინჯერის წვენით ახერხებენ. ვერაფერს იტყვი, საკმაოდ გემრიელად ჟღერს და თან უალკოჰოლოა.

3. ველური დასავლეთი

ველურ დასავლეთში კოვბოებს ხელი არ მიუწვდებოდათ ბახუსთან ბრძოლის სხვადასხვა საშუალებებზე. როგორ ფიქრობთ, რით ახერხებდნენ ისინი თავის შველას სიმთვრალის მძიმე შედეგებისას? ვისკით? - არა, ისინი სვამდნენ გრანულირებული ჩაის ნაყენს. თითქოს ძალიან ჩვეულებრივად ჟღერს, მაგრამ მთავარი აქ ის არის თუ როგორ მზადდებოდა ეს ჩაი: კურდღლის ცურცლს ასხამდნენ მდუღარე წყალს და... მგონი გაგრძლება არც ღირს...

4. ავსტრალია

ავსტრალიელებს ძალიან უყვართ ვეჯიმაითი, ისინი ამ სასმელს იყენებენ არამარტო თრობის, არამედ ბახუსიდან გამოსვლისთვისაც. თუ არ იცით რა არის ვიჯიმაითი, აგიხსნით: ეს არის სქელი ფაფისებური მასა, რომელიც მზადდება საფუარის ექსტრაქტზე. დაახლოებით თხელი კონსისტენციის Nutella რომ წარმოიდგინოთ, მაგრამ გემო მას სულ სხვანაირი აქვს.

 

 

5. კანადა

თუ კანადელი წინა ღამით ბევრს დალევს, დილით ის მიირთმევს ძალიან ბევრ კარტოფილის ფრის, ყველის ნაჭრებთან და ცხარე კეტჩუპტან ერთად. ეს კერძი ისედაც მშვენივრად შეიძლება მიირთვას ნებისმიერმა ადამიანმა.

6. ბანგლადეში

ბანგლადეშელები ბახუსისას სვამენ ქოქოსის წვენს. ის ბევრ კალიუმს და სხვა სასარგებლო ნივთიერებებს შეიცავს, რომლებიც ხელს უწყობენ ბახუსიდან გამოსვლას.

7. უნგრეთი

უნგრელები — კატეგორიული ერია. თუ ამ ქვეყანაში მოხვდით და ბახუსი გაქვთ, სავარაუდოდ ბრენდის დალევას შემოგთავაზებენ, რომელიც ბეღურას სკლინტით მზადდება... როგორ მოგწონთ?

8. პუერტო-რიკო

პუერტორიკოელებმა ბახუსთან ბრძოლის თავისი მეთოდი შეიმუშავეს, რომლის დროსაც ისინი იყენებენ ლიმონის ან ლაიმის ნაჭერს. სასმლის დალევამდე მათ ხელისგულებში იზელენ და შემდეგ სვამენ — მართალია ამ მეთოდის სამეცნიერო დადასტურება არ გვაქვს, მაგრამ ცდა ნამდვილად ღირს, არა?

9. ჰაიტი

ჰაიტიზე ბახუსთან ხუმრობა არ უყვართ. მისგან თავის დაღწევისთვის ისინი მაგიას მიმართავენ - 13 ცალ შავთავიან ქინძისთავს არჭობენ იმ ბოთლის საცობში, საიდანაც წინა ღამით სვამდნენ და ბახუსი ასე ჯადოსნური გზით ქრება. საკმაოდ მარტივი მეთოდი ჩანს, რამდენად ეფექტურია ალბათ გამოცდის შემდეგ შეიძლება ითქვას.

10. ირლანდია

ირლანდიური ტრადიციის თანამხმად, ბახუსისგან თავის დაღწევის საუკეთესო საშუალებაა სანაპიროზე ყელამდე ქვიშაში ჩაფლობა. მეცნიერებას ჯერჯერობით არ დაუდგენია ამ მეთოდის ეფექტურობა, მაგრამ ის შეიძლება ჩაითვალოს ცივი შხაპის ალტერნატივად, რომელიც ზოგჯერ მართლაც შველის ბახუსს.

თითოეული ჩვენგანის ქცევაში შესაძლებელია ისეთი თავისებურების ნახვა, რომელიც ჩვენი აზრით პიროვნული მახასიათებელია, რადგან მეცნიერების თანამხმად, ყოველი ჩვენი ჩვევის, დამახასიათებელი ნიშნის ან სხვა წვრილმანის ახსნა არსებობს.

წარმოგიდგენთ რამოდენიმე სიმპტომს, რომლებსაც კაპრიზებად მიიჩნევენ, სინამდვილეში კი ფსიქიკური დაავადებებია და სერიოზულ ყურადრებას საჭიროებენ:

 

1. პარურეზი — სხვების თანდასწრებით მოშარდვის შიში

 

არსებობს ასეთი სიტუაცია, როცა ადამიანი საზოგადოებრივ ადგილებში განთავსებულ ტუალეტში შედის და თუ მასთან ერთად სხვა ადამიანიც იკმაყოფილებს ბუნებრივ მოთხოვნილებას მას ეწყება შიში, რის გამოც წყდება შარდვის პროცესი. იმის გამო, რომ ადამიანი ხვდება სხვამაც როგორ გაიგო რა პრობლემა აქვს, შიში და პანიკა კიდევ უფრო იზრდება. ამ ყველაფერს ემატება ადამიანების რიგი, რომლებიც ელოდებიან როდის გათავისუფლდება ადგილი, ყველა ხვდება, რომ იმ სიჩუმეში ვიღაც ზის და რაღაც პრობლემა აქვს, რაც შიშისა და პანიკური მდგომარეობის გართულებას კიდევ უფრო უწყობს ხელს.

 

2. ფრჩხილების კვნეტა

 

ონიქოფაგია — ერთ-ერთი ყველაზე გავრცელებული ფსიქიკური აშლილობაა, რომელიც ფრჩხილების აქტიური კვნეტით ხასიათდება. ამ საშიელი ჩვევით დაავადებულია 10-დან 18 წლამდე ადამიანების 45% (მათი უმრავლესობა ქალია). ონიქოფაგიით დაავადებულთა შორის გვხვდებიან ცნობილი ადამიანებიც, მაგალითად ბრიტნი სპირსი, ჟაკლინ კენედი, ევა მენდესი...

 

3. საკუთარი ემოციური მდგომარეობის გაცნობიერებისა და გამოხატვის შესაძლებლობის არქონა

 

რამდენად ხშირად გსმენიათ გოგონებისგან, რომ მათი შეყვარებული არასაკმარისად გულახდილია მათთან? - ისნი ხშირად ამბობენ მსგავს ფრაზებს: «ის არასოდეს არ მიზიარებს თავის განცდებს», «რაღაცნაირად სულ განზე დგას…», «მას საერთოდ არ ადარდებს რა ხდება ჩემ სულში!» — და ა.შ. პრობლემა სოწორედ იმაშია, რომ ამ ადამიანებს არ შეუძლიათ საკუთარი ემოციური მდგომარეობის გაცნობიერება და გამოხატვა, შესაბამისად ამ მხრივ არც სხვების ესმით...

სამედიცინო ენაზე ამ მოვლენას ეწოდება «ალექსიტიმია». ეს ტერმინი აღნიშნავს ადამიანის უუნარობას სტიყვებით გადმოსცეს საკუთარი განცდები და ემოციები. ალექსიტიმია გარკვეული დონით ყველა ჩვენგანშია. თუმცა რიგ შემთხვევებში ამ მდგომარეობამ შეიძლება ადამიანს სიცოცხლე მოუწამლოს. მეცნიერების აზრით, ალექსიტიმია მსოფლიოს მოსახლეობის 8-10%-ს ხელს უშლის ნორმალურ ცხოვრებაში, ამ ადამიანებს შორის უმეტესობა მამაკაცია.

 

4. ნაძალადევი ემოციური გამოხატვა

 

წარმოიდგინეთ: ხელმძღვანელი გსაყვედურობთ რაიმე შეცდომის ან საქმის არაჯეროვანი შესრულების გამო, თქენ კი გრძნობთ, რომ ცოტაც და მაგრად გაგეცინებათ და საკუთარ თავს ვერც კი მართავთ.

თუ ოდესმე რაიმე მსგავსი დაგმართნიათ, ეს იმას ნიშნავს, რომ შესაძლოა გაწუხებდეთ სინდრომი სახელად «ნაძალადევი ემოციური გამოხატვა», რომელიც ასევე ცნობილია როგორც  «ფსევდობულბარული აფექტი».

 

5. ზოგიერთი ხმის აუტანლობა

 

პრაქტიკულად ყველა ჩვენგანი ვერ იტანს მთელ რიგ ხმებს: მაგალითად პენოპლასტის ჭრაჭუნს, დაფაზე ცარცით წერის ხმას, საქანელების ხმას და ა.შ. ნორმალურია თუ არა ეს დამოკიდებულია იმაზე, რა ხმებზეა საუბრი და რამდენად ხელისშემშლელია ისინი ადამიანის ცხოვრებისთვის.

ფსიქიკური აშლილობა, სახელად «მოფიზოფონია» — ეს არის მდგომარეობა, როცა გაღიზიანებას იწვევს ჩვეულებრივი, არაფრით გამორჩეული ხმები. მაგალითად, ხმები, რომლებსაც გამოსცემენ სხვა ადამიანები როცა ჭამენ, სუნთქავენ, ახველებენ ან დაკავებული არიან სხვა ჩვეულებრივი საქმიანობით.

 

6. დაუმორჩილებლობის ოპოზიციური დარღვევა

 

დიდ კოლექტივში ყოველთვის მოიძებნება კადრი, რომელიც ყველაფერს ზეწოლად აღიქვამს, რაც მოდის «ზემოდან». ის თავის მთავარ მიზნად მიიჩნევს დაამხოს ხელმძღვანელობის ავტორიტეტი ყველაზე ხმაურიანი და უსიამოვნო საშუალებით. ის წუწუნებს და კამათობს ნებისმიერ წვრილმანზე. თუ თქვენს კოლექტივში შემჩნეული გყავთ მსგავსი დამახასიათებელი ნიშნების მქონე პიროვნება, იცოდეთ, რომ ეს სხვა არაფერია, გარდა ფსიქიკური აშლილობისა, სახელად - დაუმორჩილებლობის ოპოზიციური დარღვევა.

სიზმრების სპეციალისტი და ფსიქოლოგი იენ უოლესი ედინბურგიდან თავის ცნობილ წიგნში ,,100 ყველაზე გავრცელებული სიზმარი“ საუბრობს იმის შესახებ, რომ სიზმრები არსაიდან არ ჩნდებიან, ჩვენ თავად ვახდენთ გავლენას მათ წარმოქმნაზე. უფრო მარტივად რომ ვთქვათ, ჩვენ ვართ სიზმრის რეჟისორები, მოქმედი გმირებიც და პროდუსერებიც. მეცნიერები ამბობენ, რომ დაახლოებით ხუთ სიზმარს ვნახულობთ ერთი ღამის განმავლობაში, რომლებიც გრძელდება 15-დან 40 წუთამდე. იმისთვის, რომ სიზმარი ავხსნათ, მისი დამახსოვრებაა საჭირო და ყურადღების მიქცევა, რას გვეუბნება ის ჩვენი ცხოვრების შესახებ.

 

არსებობს ხუთი ყველაზე გავრცელებული სიზმარი, ესენია:

 

1. სადღაც დაგვიანება

 

თქვენ დაისახეთ მიზანი და ამავდროულად გეშინიათ, რომ ვერ შეძლებთ მის შესრულებას.

სიზმარი შემდეგნაირია: თითქოს სადღაც აგვიანებთ, არ გყოფნით დრო, რომ რაღაც მოასწროთ, შეასრულოთ. დარბიხართ ქალაქში, თითქოს დროულად სადღაც უნდა მიხვიდეთ, სხვ.

ამისთვის კი უმჯობესია, დაფიქრდეთ თქვენი ცხოვრების მიზნების შესახებ, რას ვერ ასწრებთ და რისი გაუმჯობესებაა სასარგებლო. მიიღეთ რჩევა მეგობრებისა და ახლობლებისგან და გადაწყვიტეთ.

 

2. პოულობთ ცარიელ ოთახს

 

რეალურ ცხოვრებაში თქვენ დიდი შესაძლებლობები გეძლევათ

სიზმარი: დადიხართ იმ ბინაში, რომელიც შესაძლოა გეცნობათ, იქ ბავშვობა გაქვთ გატარებული, თუმცა პოულობთ კარს, რომელიც იქამდე არ შეგიმჩნევიათ და აღმოაჩენთ ცარიელ ოთახს.

ბინა თავად თქვენ ხართ ამ შემთხვევაში, რომელიც განასახიერებს ცხოვრების სხვადასხვა ასპექტს (ჯანმრთელობა, სამსახური, სხვ.). როცა ცარიელ ოთახს გადააწყდებით, მაშინ დგებით რეალობის წინაშე, რამე შესაძლებლობა, რომელიც უნდა გამოიყენოთ.

დაფიქრდით, იქნებ ასეთი შანსი გეძლევათ ცხოვრებაში და მიიღეთ გადაწყვეტილება შესაბამისად, ყველაფრის გაანალიზებით.

 

3. საჭის მართვის კონტროლის დაკარგვა

 

ნერვიულობთ ან სტრესის ქვეშ იმყოფებით

სიზმარი: მანქანას მართავთ, თუმცა საჭეს და სიჩქარეს ვერ იმორჩილებთ, ვერც აჩერებთ მანქანას, ყვირით  ბავშვივით, რადგან არაფერი შეგიძლიათ.

იქნებ რაღაც სიტუაცია კონტროლს აღარ ექვემდებარება, ან გარემოებები შეიცვალა და თქვენს ყურადღებას უფრო მეტად საჭიროებს.

ნერვიულობა უფრო გაართულებს მდგომარეობას, უნდა მოძებნოთ მიზეზი, რაც გაწუხებთ და გადაწყვიროთ, როგორ გაუმკლავდეთ მას.

 

4. ვარდნა

 

კონტროლის დაკარგვა უკავშირდება ასეთი ტიპის სიზმრებს.

სიზმარი: რაღაც სიმაღლიდან ვარდნა, როგორც წესი, ასეთი სიზმრის ბოლოს გეღვიძებათ.

ეს შეიძლება უკავშირდებოდეს ჩაძინებისას თქვენი კუნთების მოდუნებასა და შემდგომ გააქტიურებასთან. ასევე, ღრმა ძილის დროს ვლინდება მსგავსი შეგრძნება და რეალურ ცხოვრებაში კონტროლის დაკარგვასთან არის ასოცირებული.

ამ ყველაფრის მიზეზი ხშირად გადაღლაა, რაც სტრესს უკავშირდება ხოლმე. ამისთვის კი განტვირთვაა საჭირო.

 

5. ფრენა

 

იზრდება თავდაჯერებულობა და მზადყოფნა ახალი შესაძლებლობების გამოსაყენებლად

სიზმარი: ჰაერში ფრენა, რომელიც სასიამოვნოა და საშიშიც კი, რომელიც შეგიძლიათ ფრენა.

ეს შეიძლება იმაზე მიუთითებდეს, რომ რაღაც სერიოზული დაბრკოლება გადალახეთ რეალურ ცხოვრებაში და ახლა სიმსუბუქის შეგრძნება თან გდევთ.

ეძებეთ ახალი შესაძლებლობები, ამბობს ფსიქოლოგი უოლესი. ახალი მიზნების მიღწევის დროა.