• 3939 ექიმი საიტზე
  • 1035 კლინიკა საიტზე
  • 3486 ანოტაცია ბაზაში
0
13748

 

სხეულში მოდებული და მოძლიერებული კიბოს უჯრედები ძალიან სწრაფად იწყებენ ადამიანის ორგანიზმის მოკვდინებას. სამედიცინო სფერო ამ პროცესს ქიმიოთერაპიის დახმარებით ებრძვის. თუმცა, აღნიშნულ პროცედურას ყოველთვის არ აქვს დადებითი შედეგი. ამ სტატიაში წარმოდგენილია 7 პროდუქტი, რომლებიც ებრძვიან კიბოს უჯრედების გავრცელებას.


1. წითელი ღვინო
 

ცნობილია, რომ ალკოჰოლური სასმელის ჭარბი მოხმარება ზრდის გარკვეული სახეობების კიბოს განვითარებას ადამიანის ორგანიზმში. თუმცა, წითელი ღვინო გამონაკლისია. ამ სასმელში არის ძლიერი მოლეკულები, რომლებსაც ეძახიან "რესვერატროლებს" – ეს არის ძლიერი ანტიოქსიდანტები, რომლებსაც შეიცავს ყურძნის კანი. სოწრედ ეს ნივთიერება ებრძვის ბაქტერიებს, ვირუსებს და სოკოს. 225 მლ. გრ. წითელი ღვინო შეიცავს 640 მკგ როსვერატროლს, მისი მიღება საჭიროა დღის მანძილზე 200-600 მკგ. ოდენობით!


2. პომიდორი


ნივთიერება, სახელწოდებით ‘’ლიკოლენი’’, ცნობილია კიბოს უჯრედების წინააღმდეგ ბრძოლით. პომიდორი ამ ნივთიერების შემცველი ბუნებრივი პროდუქტია.


3. კურკუმა

კურკუმას შემადგენლობაში შედის აქტიური ინგრედიენტი სახელწოდებით ‘’კურკუმინი’’. ის აფერხებს კიბოს განვითარებას ქრონიკული დაავადების უჯრედულ-სასიგნალო ასპექტებში ჩარევით. კურკუმინი აფერხებს ისეთი კიბოს სახეობების განვითარებას, როგორიცაა ძუძუს, ფილტვის, კუჭის, ღვიძლის, ნაწლავის კიბო და ა.შ.


4. შავი მოცვი

შავი მოცვის წვენი ხელს უშლის კიბოს უჯრედების გავრცელებას, ხოლო მისი ექსტრაქტი ამცირებს სიმსივნეს და აფერხებს ავთვისებიანი უჯრედების გავრცელების პროცესს.

 

5. ჟოლო

ჟოლო ოდითგანვე ცნობილია ანთებისსაწინააღმდეგო ფიტონუტრიენტებით. ისინი მნიშვნელოვან როლს ასრულებენ მჟავა და ანთებითი პროცესების განვითარების შეფერხებაში, რითაც ასევე ხელს უშლიან კიბოს უჯრედების გავრცელებას ადამიანის ორგანიზმში.

 

6. ყავა და მწვანე ჩაი

ეს ორი პოპულარული სასმელი შეიცავს კიბოს საწინააღმდეგო ნივთიერებების მთელ კომპლექსს.


7. შავი შოკოლადი

შავი შოკოლადი ძალიან სასარგებლოა: ის შეიცავს ნივთიერებებს, რომლებიც ხელს უწყობენ გულის გაჯანსაღებას, ავთვისებიანი უჯრედების გავრცელებასთან ბრძოლას და ყველაფერთან ერთად ამაღლებენ განწყობას!

 

0
7974

წონის დაკარგვა გვერდითი მოვლენების გარეშე!

 

უხარისხო პროდუქტი, კვების რეჟიმის დარღვევა, სტრესი - ეს მხოლოდ რამოდენიმე ფაქტორია, რომელბიც ახდენენ ჭარბი წონის პროვოცირებას. ამიტომ, წონის დაკლების პრობლემა ჩვენს რეალობაში ძალიან აქტუალურია. გთავაზობთ დიეტას, რომელიც წონაში დაკლების შესაძლებლობას და ასევე ჯანმრთელობის შენარჩუნებაში დაგეხმარებათ. აღნიშნული დიეტა შეიმუშავა დიეტოლოგმა ალფრედ აბდულბაროვიჩ ზიგანშინმა.

შიმშილობის დროს, ზიგანშინის მეთოდის მიხედვით საჭიროა გარგარის ჩირის ნაყენის და წყლის დალევა. უმჯობესია გამოხდილი სასმელი წყლის მიღება, ან უგაზო მინერალური წყლის გამოყენება. თავად მინერალური გაზიანი წყალი არ გამოდგება, რადგან მასში ბევრი მარილებია!

შიმშილით მკურნალობა
 

დღე 1:

5-7 ც გამხმარ გარგარს დაასხით 500 მლ მდუღარე წყალი და მთელი დღის მანძილზე სვით. დარჩენილი ნაყოფი, რომელიც უკვე წყლისგან დარბილებული უჯრედისია დღის ბოლოს მიირთვით. ჩირის ნაყენის პარალელურად, მთელი დღის მანძილზე დალიეთ წყალი. დღის მანძილზე მისაღები სითხის მთლიანი რაოდენობა შეადგენს – 2-3 ლ.

ორგანიზმის მიკროელემენტებით უზრუნველყოფის მიზნით მიიღება 1 ჩ. კ. ზღვის კომბოსტოს ფხვნილი. ასევე, მთელი დღის მანძილზე აუცილებელია ერთი კბილი ნიორის ნაწილ-ნაწილ შეჭმა, რომელიც კარგად უნდა დაიღეჭოს. საყლაპავში გადასული ნივრის ნაყოფი არის ანტიმიკრობული, მათ შორის ანთების და ჩირქოვანი პროცესის საწინააღმდეგო საშუალება.
 

დღე 2:
 

გააგრძელეთ ჩირის ნაყენის დალევა და დღის ბოლოს დამბალი ნაყოფის ჭამა. მე-2 დღეს, დიეტას ემატება 1 ც ფორთოხალი, რომელიც შეგიძიათ გადაანაწილოთ დღის მანძილზე და ისე მიირთვათ ან ერთიანად. არ დაგავიწყდეთ ნიორი და 1 ჩ. კ. ზღვის კომბოსტოს ფხვნილი. როგორც სხვა დღეებში, მეორე დღესაც საჭიროა დღის მანძილზე პარალელურად წყლის მიღება.
 

3 და 4 დღეები:
 

შიმშილობა მხოლოდ წყალზე (2,5- 3,5 ლიტრი დღეში)
 

დღე 5-14:


ციკლი მეორდება.
 

დღე 15-21:
 

შიმშილობის დღეები გამოირიცხება, ყოველდღიურად სვამთ ჩირის ნაყენს, დღის ბოლოს მიირთმევთ დამბალ ნაყოფს და 1 ც ფორთოხალს ამატებთ. კვირის ბოლოსთვის ნელ-ნელა ამატებთ თხელ ფაფას და მოხარშულ, გახეხილ ბოსტნეულს. ეს საკმარისია იმისათივს, რომ მომდევნო დღეებში ჩვეულებრივ კვებაზე გადახვიდეთ. მსგავსი მიდგომა დაგეხმარებათ შიმშილობიდან გამოხვიდეთ სტრესისა და ორგანიზმის დაძაბულობის გარეშე.
 

მნიშნვნელოვანია შიმშილობით მიღწეული ეფექტის შენარჩუნება, რაც შესაძლებელია სწორი კვების რეჟიმით. ძირითადად საჭიროა მარილის გამოყენება შეზღუდოთ, რომელიც მთელი რიგი დაავადებების პირობებში იწვევს ორგანიზმში სითხის დაკავებას და შეშუპებას. ამის პარალელურად, ასევე შეამცირეთ ტკბილი საკვების, საფუარით მომზადებული ცომეულის და ცხოველური ცხიმების მიღება.

0
3615

ერთ საიდუმლოს გაგიმხელთ: პურს და წყალს შეგიძლიათ გემრიელ დესერტებთან უღალატოთ და ეს არანაირ ზიანს არ მოუტანს თქვენს სხეულს! მთელი საიდუმლო არის ინგრედიენტებში.

შოკოლადის მუსი

ეს დესერტი მართალია მთლად ბრაუნი არ არის, მაგრამ არაფრით ჩამოუვარდება მას.

აურიეთ კაკაო დანამატებისგან თავისუფალ იოგურტში. ცოტაოდენი ვანილი და ბანანი.

აურიეთ ბლენდერით ყველა ინგრედიენტი სანამ არ მიიღებთ ერთგვაროვან მასას, მოათავსეთ თავდახურულ ჭურჭელში და შედგით მაცივარში რამოდენიმე საათით, უმჯობესი იქნება თუ მთელი ღამით გააჩერებთ იქ. დილით მიიღებთ უგემრიელეს, ნაზ და ტკბილ დესერტს.

როცა დიეტას დაასრულებთ, შეგიძლიათ კომპონენტები შეცვალოთ: კაკაო - შოკოლადით, ხოლო იოგურტი - ცხიმიანი ნაღებით. ოღონდ აკონტროლეთ, რომ ხელახლა დიეტის დაცვა არ დაგჭირდეთ.

ჩიზქეიქი

თავიდანვე გეტყვით — ჩიზქეიქი, რომელსაც გთავაზობენ კაფეები და ბარები, დიეტის დროს არ გეჭმევათ. მაგრამ თუ მოამზადებთ თავად და საჭირო ინგრედიენტებით, შეძლებთ საკუთარი თავი გაანებივროთ კიდეც და სხეულის ფორმაც შეინარჩუნოთ.

ბისკვიტისთვის დაფხვენით ორცხობილა ბლენდერის დახმარებით. ზეთის ნაცვლად დაამატეთ ვაშლის წვენი — თქვენ მიიღებთ პლსატელინის მსგავს მასას. გააბრტყელეთ ეს მასა საცხობი ფორმის ძირზე და შედგით მაცივარში.

სანამ ცომი ცივდება, ათქვიფეთ უცხიმო ხაჭო ლიმონის ცედრასთან და წვენთან ერთად. დაამატეთ შაქარი ან შაქრის შემცვლელი და 1 ს/კ სახამებელი. შემდეგ მიღებული მასა თანაბრად გადაანაწილეთ გაციებულ ორცხობილას ცომზე.

ახლა მთავარი: ჩიზქეიქიან ფორმას ათავსებთ წყლიან ქვაბში (წყალი ნახევრამდე რომ წვდებოდეს ფორმას). ამ რთულ კონსტრუქციას ათავსებთ 180 გრადუსამდე გაცხელებულ ღუმელში და აცხობთ 1 საათის მანძილზე. ნუ იჩქარებთ დესერტის დაგემოვნებას, ღუმელიდან გამოღების შემდეგ კარგად გააციეთ და შემდეგ დამატებით მაცივარში შედგით რამოდენიმე საათით.  

ნაყინი

გაითვალისწინეთ, რომ ამ დესერტის მომზადება თქვენგან მოთმიებას მოითხოვს, რადგან მოსამზადებლად რამოდენიმე საათი დაგჭირდებათ. 1 ჩ/კ შაქარი გახსენით წყალში და დადგით ცეცხლზე.

მუდმივად ურიეთ, შესქელებამდე მიიყვანეთ და შემდეგ ერთ წუთში გადმოდგით.

შეაგრილეთ და შედგით მაცივარში. სანამ მასა ცივდება ათქვიფეთ ბლენდერის დახმარებით 3 ც ბანანი. აურიეთ შაქრიანი წყალი და ბანანის პიურე. მიღებული მასა ხელახლა შედგით საყინულეში რამოდენიმე საათით.

ყოველ 1 საათში გამოიღეთ და ხელახლა ათქვიფეთ ბლენდერით, რათა ნარევი არამარტო გემრიელი, არამედ ჰაეროვანიც იყოს. მაგიდასთან მიტანისას ნაყინის კოვზით ამოიღეთ ბურთულები, რომლებიც შეგიძლიათ მორთოთ პიტნის ფოთლებით.

გამომცხვარი ვაშლი

ასეთი ვაშლი ნამდვილად მოგინდებათ, რადგან ის უბრალო არ არის, ის გამომცხვარია. თან ჩვენს ჩამონათვალში ერთადერთი პროდუქტია, რომლის დიეტურობა არავითარ ეჭვს არ იწვევს.

გარეცხეთ ვაშლი, ამოაცალეთ გული ლამაზად, მრგვალად. ხილს დაუტოვეთ ძირი, რადგან ასე გამოცხობისას ფორმას არ დაკარგავს. ამოჭრილ გულში ცოტაოდენი შაქარი ჩაყარეთ და დაამატეთ წყალი.

გამზადებული ვაშლები შედგით 180 გრადუსამდე გაცხელებულ ღუმელში და გამოაცხვეთ 15-20 წუთის მანძილზე. სასარგებლო დესერტი მზად არის!

0
4804

რატომ გტკივათ თავი ხშირად თქვენ და ვიღაცამ საერთოდ არ იცის რა არის თავის ტკივილი? რატომ ამტკიცებს ზოგიერთი ადამიანი, რომ მას ძლიერი ტკივილის გადატანა შეუძლია, ხოლო თქვენ უბრალო თავის წამოტკივებაზეც კი ცუდად ხდებით?

 

ჩვენი ტვინი ახდენს ტკივილის ინტერპრეტირებას, მაგრამ მას არ გრძნობს

 

მაგალითად თუ მტევანს იღრძობთ, ნერვული დაბოლოებები ტვინისკენ უშვებენ სიგნალებს, რომელბიც ამ უკანასკნელის მიერ აღიქმება როგორც ტკივილი. მაგრამ, როცა ტკივილიანი შეგრძენებები წარმოიქმნება თავად ტვინში — ეს უკვე სხვა ამბავია. ნერვული დაბოლოებები თავის ტვინში აგზავნიან ერთი და იგივე სიგნალებს იმ სიგნალებთან ერთად, რომლებიც წარმოიქმნება მაშინ, როცა მტევანს იღრძობთ, მაგრამ მათ გადამუშავებას ტვინი ვერ ასწრებს. სწორედ ამიტომ, ზოგჯერ საშინელი რამ ხდება — პაციენტებს ეღვიძებათ მაშინ, როცა მათ თავის ტვინის ოპერაცია უტარდებათ და ამ შემთხვევაში ნეიროქირურგების უმთავრესი ამოცანაა — არავითარ შემთხვევაში არ დაუშვან ნერვული დაბოლოებების გააქტიურება.

 

ადამიანებს ტკივილის განცდის განსხვავებული ზღვარი აქვთ

 

თითეული ჩვენგანი ტკივილს სხვადასხვაგვარად იღებს და ამაზე უამრავი ფაქტორი ახდენს გავლენას. მათ რიცხვში შედის სტრუქტურული და ქიმიური ცვლილებები თავის ტვინში, სხეულის სხვადასხვა ნაწილების გაღიზიანების დონე, ასევე ტკივილზე წარმოდგენა წინა გამოცდილებიდან გამომდინარე. სწორედ გამოცდილება და ტკივილზე წარმოდგენა გაიძულებთ გეშინოდეთ სტომატოლოგთან მისვლისას ან ნემსის დანახვისას.

 

თქვენ შეგიძლიათ აკონტროლოთ თქვენი ტკივილის განცდის ზღვარი

 

მეცნიერები და თერაპევტები სულ უფრო ხშირად მიუთითებენ იმაზე, რომ მედიტაცია და კოგნიტურ-ქცევითი თერაპია პრობლემის გადაწყვეტის საშუალებას იძლევა, რომელიც ადამიანის რწმენაშია და ამით ამსუბუქებს ტკივილს. მსგავსი თერაპია საშუალებას გვაძლევს ტკივილს სხვაგვარად მივუდგეთ და მისგან ნაკლებად დავიტანჯოთ. ტკივილის აღქმის დაბალი ზღვარის მქონე ადამიანების უმრავლესობა ღრმად არიან დარწმუნებული, რომ სწორედ ტკივილი უშლით სპროტულ პროგრესში ხელს. აუცილებელი თერაპია ახდენს შიშის ნეიტრალიზაციას და წინსვლის საშუალებას იძლევა.

 

თქვენ შეგიძლიათ ტკივილიდან ყურედღების გადატანა

 

საქმე იმაშია, რომ ჩვენი ტვინი ერთდროულად ბევრ სიგნალს ამუშავებს — ტკივილის პარალელურად უამრავი სხვა შეგრძნებაც შეიძლება განვიცადოთ. სწორედ ამიტომ, მენტალურად სწორი გადაწყვეტილებაა ტრამვის მიღებისას კანზე ყინულის დადება — ამ დროს ტვინი ყურადღებას ამახვილებს იმაზე, რომ გცივათ და არა იმაზე, რომ გტკივათ. რეფლექსებიც ზუსტად ასე მუშაობს — როცა რამეს იტკენთ, ეგრევე იწყებთ დაზიანებულ ადგილზე საფენების დადებას ტკივილის შესამსუბუქებლად.

 

წითურთმიან ადამიანებს ტკივილისადმი უფრო მაღალი მგრძნობელობა აქვთ

 

2009 წელს, აშშ-ს სტომატოლოგიური ასოციაციის მიერ გამოქვეყნდა კვლევა, რომლის თანახმადაც მტკიცდება, რომ წითურთმიან ადამიანებს სტომატოლოგის უფრო მეტად ეშინიათ, ვიდრე სხვებს. საქმე იმაშია, რომ კონკრეტული გენი, რომელიც თმის ფერზეა პასუხისმგებელი, იმავდროულად პასუხისმგებელია ორგანიზმის მდგრადობაზე სხვადასხვა ანესთეზიკების გამოყენებისას. ამიტომ, ასეთი ადამიანები ტკივილს გაცილებით მძაფრად შეიგრძნობენ, ვიდრე სხვები.

 

სექსმა შესაძლოა ტკივილი შეამსუბუქოს

 

შესაძლოა თქვენ ვერ ფიქრობთ სექსზე, როცა ტკივილს განიცდით, მაგრამ არსებობს მტკიცებულებები იმისა, რომ სქესობრივ აქტს შეუძლია ტკივილის შემსუბუქება. 2013 წელს მეცნიერებმა გაარკვიეს, რომ გამოკვლევის მონაწილეთა 60%-ს, რომლებსაც აწუხებდათ სხვადასხვა სახის ძლიერი ტკივილი, სქესობრივი აქტის დროს ეს განცდა შეუმსუბუქდათ. ენდორფინები, რომელბიც მიეწოდება ტვინს, ამ დროს მოქმედებენ, როგორც ტკივილგამაყუჩებელი საშუალება.

 

თქვენი რაციონი მოქმედებს ტკივილის განცდის ზღვარზე

 

ანთებითი პროცესებისკენ მიდრეკილი ორგანიზმი ტკივილს კიდევ უფრო მძაფრად განიცდის. ამ ყველაფერს ხელს უწყობს რაციონში შემწვარი საკვების, ტკბილეულის და ალკოჰოლის სიჭარბე. დაბალანსებული რაციონი ხელს უწყობს ტკივილთან გამკლავებას ფიტონუტრიენტების გამომუშავებით, რაც ადაბლებს ტკივილის დონეს.  

 

არსებობს გენების იშვიათი ნაკრები, რომელიც ტკივილის განცდას საერთოდ ხსნის

 

აღსანიშნავია, რომ ასეთი გენის მატარებელი ადამიანები ძალიან ცოტაა — დღემდე დაფიქსირებულია სულ 20 შემთხვევა, — თუმცა ტკივილის განცდის არქონის თანდაყოლილი სინდრომი ნამდვილად არსებობს. სპეციფიური გენური მუტაციები ბლოკავენ  თავის ტვინში ტკივილის განცდას. ეს არ ნიშნავს, რომ მსგავსი პათოლოგიის ადამიანები განცდებს ვერ არჩევენ ერთმანეთისგან - არა. მათ თავისუფლად შეუძლიათ გაარჩიონ ცივი და ცხელი ერთმანეთისგან, მაგრამ, ამასთანავე,  ისინი არ განიცდიან ტკივილს თუ მაგალითად ხელს შეყოფენ გახურებულ ღუმელში.

0
5249

თაობიდან თაობას გადაეცემა სიბრძნე იმის შესახებ, რომ სიცილი სიცოცხლეს ახანგრძლივებს. არსებობს 5 ფაქტი, რომელიც მის ნამდვილობაში დაგარწმუნებთ, ესენია:

 

1. ანეკდოტი

რეგულარული და, ამავდროულად, გულწრფელი სიცილი დადებითად აისახება თქვენს მეხსიერებაზე. როდესაც თქვენ მხიარულობთ, მცირდება სტრესის ჰორმონის - კორტიზოლის გამომუშავება, აცხადებს ჰიურინდერ ბეინსი ლომა-ლინდას (აშშ) უნივერსიტეტიდან. ამისთვის კი აუცილებელია სიცილი.

 

2. სასაცილო პაციენტები

ფლორიდის საერთაშორისო უნივერსიტეტში ჩაატარეს კვლევა და დაადგინეს, რომ თუ ქირურგიული ოპერაციის შემდეგ პაციენტებს ვუჩვენებთ კლასიკურ კომედიებს, მათი გამოჯანმრთელების პროცესი უფრო სწრაფად მიმდინარეობს. ასეთ პაციენტებს უფრო ნაკლებად ჭირდებათ ტკივილგამაყუჩებელი საშუალებებიც.

 

3. მხიარულების სიხშირე

ხუთი ცნობილი უბნიდან, ერთ-ერთი ყველაზე მნიშვნელოვანი - გამა უფრო აქტიურდება, როცა თქვენ მხიარულად ხართ. გამა-რეჟიმი საშუალებას აძლევს ტვინს უკეთ იმუშაოს. მას უკავშირდება ყველაზე საპასუხისმგებლო და მნიშვნელოვანი ფუნქცია. პერიოდული მხიარულება და მისი სიხშირე დადებითად მოქმედებს თქვენზე.

 

4. სიცილის ძალა

სიცილისგან მუცლის არეში ტკივილი  არა მხოლოდ აბდომინალური კუნთების დაჭიმვაზე მეტყველებს, არამედ საუკეთესო მოსამზადებელი ეტაპია ვარჯიშის წინ. ოქსფორდის უნივერსიტეტში ჩაატარეს ექსპერიმენტი - ადამიანებს 15 წუთის მანძილზე შესთავაზეს, ეყურებინათ რაიმე ძალიან სასაცილოსთვის, შემდეგ იკვლევდნენ, შედეგი მხოლოდ დადებითი იყო.

 

5. გული სიხარულით ივსება

მხიარულების ყოველდღიური დოზა ახანგრძლივებს სიცოცხლეს და დადებითად აისახება გულ-სისხლძარღვთა სისტემაზეც. ის ამცირებს სტრესსაც, ასევე, სისხლის მიმოქცევაც უმჯობესდება.  საბოლოო ჯამში კი ამ ყველაფერს დადებითი შედეგი აქვს ორგანიზმსა და ჯანმრთელობაზე. 

 

0
16226

 თავის ტივნის სისხლძარღვების გაწმენდა ძალიან მნიშვნელოვანი პროცედურაა, რომელსაც შეუძლია მნიშვნელოვნად გააუმჯობესოს მდგომარეობა მთელი რიგი დაავადებების დროს, დაწყებული ოსტეოქონდროზით და დამთავრებული ათეროსკლეროზით. სისხლძარღვების რეგულარული გასუფთავება დაგეხმარებათ გათავისუფლდეთ თავის არეში სიმძიმის შეგრძნებისგან, გაქრება თავის ტკივილი, გაგიუმჯობესდებათ ცნობიერება, გამოგისწორდებათ ხასიათი.

სტატიაში მოცემულია 5 ეფექტური და გამოცდილი რეცეპტი, რომლებიც ხელს უწყობენ თავის ტვინის სისხლძარღვების გაწმენდას.


 მეთოდი 1: თაფლი და ნიგოზი

1 ულუფის მოსამზადებლად საჭიროა დააქუცმაცოთ ხუთი ცალი ნიგოზი და კარგად აურიოთ ერთ სუფრის კოვზ ნატურალურ თაფლში, დაამატეთ მწიკვი დარიჩინი და ჯინჯერი, აურიეთ კარგად და 24 საათით შედგით მაცივარში. მიღებული ნარევი მიირთვით დღეში სამჯერ, ჭამამდე ნახევარი საათით ადრე, 1 ს/კ ოდენობით.


მეთოდი 2: ხახვის წვენი და თაფლი
 

საჭიროა გამოწუროთ ხახვის წვენი წყლის ჭიქის მესამედი რაოდენობით, აურიოთ ნატურალურ თაფლში, მიიღეთ დღეში სამჯერ 1 ს/კ, ჭამამდე ნახევარი საათით ადრე. ეს ნარევი არამარტო ეფექტურად გაწმენდს თავის ტვინის სისხლძარღვებს, ასევე გაგიძლიერებთ იმუნიტეტს.


მეთოდი 3: ნატურალური წვენები
 

ყოველდღიურად, სადილობამდე და ვახშმობამდე ნახევარი საათით ადრე მიირთვით ერთი ჭიქა ბროწეულის წვენი, რომელიც შეგიძლიათ შეანაცვლოთ ვაშლის ან სტაფილოს წვენით — წვენის ყიდვისას დააკვირდით შემადგენლობას, რათა ის იყოს მაქსიმალურად ნატურალური, ან თავად დაწურეთ სახლში.


მეთოდი 4: ოროვანდის ნაყენი
 

ნაყენის მოსამზადებლად საჭიროა თერმოსში მოთავსებულ 10 გრ გამხმარი ოროვანდის ფესვებს დაასხათ ადუღებული წყალი და გააჩეროთ 8-10 სთ-ის განმავლობაში, რის შემდეგაც უნდა გადაწუროთ და შეინახოთ ცივ ადგილას. ნაყენი უნდა მიიღოთ საუზმობამდე ნახევარი საათით ადრე 4 ჩ/კ ოდენობით. პროცედურის ხანგრძლივობა შეადგენს ერთ თვეს.


მეთოდი 5: სასარგებლო პროდუქტები
 

ორგანიზმის ზოგადი გაჯანსაღებისთვის  და სისხლძარღვების გაწმენდისთვის საჭიროა ყოველდღე საუზმემდე ნახევარი საათით ადრე მიირთვათ ერთი ცალი მანდარინი, ქიშმიში და ნიგოზი, 15-20 წუთის შემდეგ დალიოთ ერთი ჭიქა ლიმნიანი წყალი, ხოლო 10-15 წუთის შემდეგ შეგიძლიათ ისაუზმოთ.


  

0
88812

აუცილებლად წასაკითხი!

ყოველთვის არსებობს ისეთი რამ, რის შესახებაც არაფერი ვიცით…
იცით თუ არა რატომ უნდებათ ადამიანებს ჭარბი რაოდენობით შარდვა ღამის პერიოდში?

ლარდიოლოგის პასუხი ამაზე ასეთია — სიმძიმის ძალა წყალს ორგანიზმის ქვედა ნაწილში აკავებს, როცა ვერტიკალურ მდგომარეობაში იმყოფება ადამიანი, დღისით კი ფეხები სივდება. როცა ადამიანი წვება და სხეულის ქვედა ნაწილი (ფეხები და ა.შ.) აღმოჩნდება თირკმელების დონეზე, ეს პოზიცია თირკმელებს აიძულებს ორგანიზმიდან სითხის გამოვდევნას, რადგან ასე უფრო მარტივია.

ადამიანის სხეულს აუცილებლად ესაჭიროება წყალი იმისთვის, რომ ორგანიზმიდან გამოდევნოს ტოქსინები. თუმცა რაზეც ახლა ვისაუბრებთ, ნამდვილად არ გეცოდინებათ... შეცვალეთ წყლის მიღების დრო … ეს ძალიან მნიშვნელოვანია.
კარდიოლოგის რჩევა!

განსაზღვრულ დროს მიღებული სასმელი წყალი ორგანიზმში თავის ეფექტურობის მაქსიმიზაციას ახდენს:

2 ჭიქა წყალი გაღვიძების შემდეგ — ახდენს შინაგანი ორგანოების აქტივაციას;

1 ჭიქა წყალი ჭამამდე 30 წუთით ადრე — ხელს უწყობს საკვების მონელებას;

1 ჭიქა წყალი აბაზანაში შესვლამდე — ხელს უწყობს არტერიული წნევის დაწევას;

1 ჭიქა წყალი დაძინებამდე — თავიდან აგაცილებთ ინსულტს და გულის შეტევას.

ღამე, ძილის წინ მიღებული წყალი ასევე შეგიმსუბუქებთ სახსრებისა და კუნთების დაძაბულობასა და ტკივილს, რადგან დაღლილი ფეხების კუნთებს ღამე სწორედ ჰიდრატაცია ესაჭიროება, რომლის მიღების გარეშე იწყება ტკივილი, რაც მოსვენებას არ აძლევს ადამიანს.

თუ თქვენ ამის შესახებ მოუყვებით მინიმუმ 10 ადამიანს, შესაძლოა ძალიან ბევრი სიცოცხლის გადარჩენა შეძლოთ!

 

0
10600

იაპონელი ქალები ყოველთვის ახალგაზრდებად და ლამაზებად ითვლებიან, ასაკშიც კი. ამის მიზეზი არის სახის კანის მოვლის საიდუმლო, რომელიც ბრინჯის სასარგებლო თვისებებში იმალება. ბრინჯი შეიცავს ჯანსაღ მკვებამ ნივთიერებებს, როგორიცაა ლინოლის მჟავა, რომელიც ძლიერი ანტიოქსიდანტია. ის ხელს უწყობს კოლაგენის გამომუშავებას, რაც თავის მხრიმ ამცირებს და ხელს უშლის ნაოჭების გაჩენას. თამამად შეიძლება ითქვას, რომ ბრინჯი სახის კანის მოვლის სასწაულმოქმედი საშუალებაა. სცადეთ ეს თვითნაკეთი ნიღაბი და თავად დარწმუნდით. ეს ძველი იაპონური რეცეპტი გაასწორებს ნაოჭებს და გაგიახალგაზრდავებთ კანს როგორც მინიმუმ 10 წლით.

ექსპერტები ამბობენ, რომ არსებობს უამრავი რამ, რაც აჩქარებს დაბერების პროცესს და ნაოჭების გაჩენას უწყობს ხელს, ასეთია მაგალითად: მზე, კოსმეტიკური საშუალებების ჭარბი გამოყენება, ცუდი და არასწორი კვება, ჰორმონალური ცვლილებები და ბევრი სხვა ფაქტორი, რაც ძირითადი მიზეზია იმისა, რომ კანი ელასტიურობას კარგავს. მაშ ასე, ჩვენი რჩევა მდგომარეობს იმაში, რომ შეწყვიტოთ ძვირადღირებული კოსმეტიკური საშუალებები და მათ ნაცვლად სცადოთ ბუნებრივი ალტერნატივა. ბრინჯის ნიღაბის მომზადება ძალიან მარტივია. თქვენ უნდა მიყვეთ მარტივ ინსტრუქციას და დაიცვათ მისი მომზადების წესები:
საჭირო ინგრედიენტები:
1 ს.კ. თაფლი
3 ს.კ. ბრინჯი
1 ს.კ. რძე

მომზადების წესი:
ქვაბში მოათავსეთ ბრინჯი, წყალი დაასხით იმდენი, რომ დაიფაროს, მიიყვანეთ ადუღებამდე და დაბალ ცეცხლზე გააჩერეთ 3 წუთი. შემდეგ გადმოდგით, გააცივეთ და გადაწურეთ. წვენი მოათავსეთ მინის ჭურჭელში, ხოლო ბრინჯს დაუმატეთ თბილი რძე და თაფლი. კარგად აურიეთ.

გამოყენების წესი
კარგად დაიბანეთ სახე. მომზადებული მასა შეიზილეთ ნელი წრიული მოძრაობის სახის კანში. გაიჩერეთ 15 წუთი და ჩამოიბანეთ თბილი წყლით. ნიღაბი უნდა გამოიყენოთ კვირაში ერთხელ. შედეგით გაოცებული დარჩებით!

 

0
15928

საყვარელი ადამიანის დაკარგვა დიდი ტკივილის მომტანია, მითუმეტეს, როცა ადამიანი არის ახალგაზრდა, სიცოცხლით სავსე და უამრავი გეგმები აქვს სამომავლოდ...

 

ძალიან ბევრ ადამიანს შინაგანი ძალა არ ჰყოფნის იმისათვის, რომ ტკივილს მოერიოს და ცხოვრებისეულ გამოწვევებს ძველებური შემართებით გაუმკლავდეს. თუმცა, არიან ძლიერი ადამიანები, რომლებიც მიუხედავად იმისა, რომ უდიდეს დარტყმას და ტკივილს იღებენ, მაინც არ ნებდებიან, ცდილობენ სულიერი სიძლიერის შენარჩუნებას და ყოველი დაცემის შემდეგ ფეხზე დადგომას.

 

სწორედ ასეთი ადამიანების რიცხვს მიეკუთვნება Facebook-ის აღმასურელებლი დირექტორი შერილ სენდბერგი. ახლახანს, მან ბერკლის კურსდამთავრებულებს უამბო იმის შესახებ, თუ როგორ გადაიტანა მეუღლის დაკარგვა და ისწავლა იმის დაფასება, რაც აქვს ცხოვრებაში.

 

 შერილ სენდბერგი (Sheryl Sandberg)
 

Facebook-ის აღმასრულებელი დირექტორი და დირექტორთა საბჭოს წევრი, The Walt Disney Company-ის მმართველი გუნდის და Starbucks-ის დირექტორთა საბჭოს წევრი. 2011 წელს ის Forbes-ში გამოქვეყნებულ «მსოფლიოს 100 ყველაზე გავლენიან ქალს შორის» მე-5 ადგილზე აღმოჩნდა.

 
ბერკლის კურსდამთავრებულთა წინაშე გამოსვლისას, შერილი საუბრობდა იმის თაობაზე, თუ როგორ უნდა გავუძლოთ მძიმე ცხოვრებისეულ გამოცდებს. გასული წლის მაისში გარდაიცვალა მისი მეუღლე, სილიკონის ველის ბიზნესმენი - დევიდ ბოლდბერგი (David Goldberg). მექსიკაში ოჯახური შვებულების დროს მან თავის ტრავმა მიიღო და საავადმყოფოში გარდაიცვალა.

 

„დევიდის სიკვდილმა ძალიან შემცვალა. მე განვიცადე რას ნიშნავს ძვირფასი ადამიანის დაკარგვით გამოწვეული ტკივილი. თუმცა მივხვდი, როცა ცხოვრება ფსკერზე მიგექაჩება, შეგიძლია საკუთარ თავს უბიძგო, ამოცურო ზედაპირზე და ისევ ამოისუნთქო. ამ ყველაფერს გიზიარებთ იმ იმედით, რომ დღეს, იმ პირობებში, როცა თქვენ სიცოცხლით ხარობთ, გააცნობიერებთ ყველაფერ იმას, რაც მე სიკდვდილის დახმარებით გავაცნობიერე.  მე ვაცნობიერებ, რომ ტკივილისგან გავთავისუფლდი. თავიდან მე მადლიერი ვიყავი ყველაფრისთვის, ზოგადად ცხოვრებისთვის. ადრე საკუთარ დაბადების დღეს ხუთ წელიწადში ერთხელ აღვნიშნავდი და ზოგჯერ მეგობრების დაბადების დღეებზეც დავდიოდი. ახლა მე ყველა დღესასწაულს აღვნიშნავ.

 

ადრე ვიძინებდი დღის მანძილზე დაშვებულ შეცდომებზე ნერვიულობით. ახლა ვცდილობ ვკონცენტრირდე სასიხარულო მომენტებზე.

 

ირონია იმაშია, რომ მეუღლის დაკარგვა დამეხმარა შემეგრძნო ღრმა მადლიერება საკუთარი მეგობრების სიკეთის გამო, ჩემი ოჯახის მხრიდან მიღებული სიყვარულის გამო, ჩემი შვილების ღიმილის გამო. იმედი მაქვს, რომ თქვენც იპოვით ცხოვრებაში ისეთ რამეს, რის გამოც მადლიერი იქნებით და ეს მოხდება არამარტო კარგ, არამედ ცუდ პერიოდშიც, მაშინ, როცა თქვენ ამის საჭიროება ნამდვილად გექნებათ“ - განაცხადა თავის გამოსვლაში შერილმა.

 

პერიოდულად ყველა ადამიანს უწევს პრობლემებთან გამკლავება. მაგრამ სენდბერგის გამოსვლას შეუძლია უფრო რთული გამოწვევებისათვის მომზადებაში დაგეხმაროთ. 

 

0
9184

ყოველ ჩვენგანს ალბათ სმენია, რომ ყავა არც თუ ისე სასარგებლო სასმელია, თუმცა კონკრეტულად რა გავლენას ახდენს ადამიანის ორგანიზმზე მისი ჭარბი მოხმარება ბევრი ჩვენგანი ვერც კი ხვდება. ამ სტატიაში წარმოგიდგენთ ათ მიზეზს, თუ რატომ უნდა დაანებოთ თავი ყავის სმას.

წარმოგიდგენიათ ყავის გარეშე ცხოვრება? დილით საერთოდ რომ არ დალიოთ გაძლებთ? დილით დალეული ყავის გამამხნევებელი თვისების შესახებ ყველამ კარგად იცის, მაგრამ იცით თუ არა, რომ ყავამ შეიძლება უარყოფითად იმოქმედოს თქვენს ჯანმრთელობაზე? მოდი ზუსტად გავარკვიოთ, როგორ ახერხებს ყავა «გააფუჭოს ჩვენი ცხოვრება». იმედია ჩვენი სტატია დაგეხმარებათ მოძებნოთ ყავაში შემავალი კოფეინის «გამამხნევებელი» თვისების შედარებით უფრო ჯანსაღი ალტერნატივა.

1. ყავამ შეიძლება გამოიწვიოს განაყოფიერების პრობლემები

თუ თქვენ გსურთ ბავშვების ყოლა, სჯობს კოფეინი გამორიცხოთ თქვენი რაციონიდან — ეს კარგად ცნობილი ფაქტია. იცით რატომ? იმიტომ, რომ საქმე ეხება ჰორმონებს. ყავის მოხმარება ახდენს თირკმლისზედა ჯირკვლების მიერ კორტიზოლის ჭარბი დოზით გამოყოფას, რომელიც წარმოადგენს სტრესის ჰორმონს. მისი დოზის მომატება შეიძლება გახდეს ჰორმონალური დისბალანსის მიზეზი, რომლის შედეგადაც წარმოიშობა საკვერცხეების ყვითელი სხეულის ძირითადი ჰორმონის - პროჰესტერონის უკმარისობა, რომელიც თავის მხრივ ხელს უწყობს ფეხმძიმობის დადგომას და მის შემდგომ განვითარებას. თუ ფეხმძიმე ქალი დღეში მინიმუმ ოთხ ფინჯან ყავას მიირთმევს - ფეხმძიმობის შეწყვეტის რისკი შეადგენს 33%-ს. ყავის სმა განსაკუთრებით მავნებელია ფეხმძიმობის მე-20 კვირიდან.

2. ვიტამინებისა და მინერალების ცუდი შეთვისება

კოფეინი (დღეში მინიმუმ სამი ფინჯანი ყავის მიღება ან კოფეინის შემცველი აბების მუდმივი მიღება) «კლავს» ვიტამინებს В, РР, ადაბლებს ორგანიზმში რკინის, კალიუმის, თუთიის, კალიციუმის შემცველობას. 150 მლ ფინჯანი ყავის დალევა სამი საათით აფერხებს კალციუმის შეთვისებას ორგანიზმის მიერ, გარდა ამისა, კოფეინი გამორეცხავს სხეულიდან კალციუმს და ყავის ჭარბი გამოყენება ძვლებს ასუსტებს.

3. კოფეინი იწვევს სიმსუქნეს

ჩვენ უკვე ვახსენეთ, რომ კოფეინი აძლიერებს კორტიზოლის გამოყოფას და მოქმედებს თირკმელზედა ჯირკვლების მუშაობაზე. შესაძლოა ბევრმა არც კი იცის, რომ თირკმელზედა ჯირკვლები სინქრონში მუშაობენ ფარისებრ ჯირკვალთან, რომელიც ზრუნავს ნივთიერებათა ცვლაზე. ამიტომ, ფარისებრი ჯირკვლის არასწორი ფუნქციონირება აფერხებს ნივთიერებათა ცვლის პროცესს, რის შედეგადაც შეიძლება ჭარბმა წონამ შეგაწუხოთ. თუ რამოდენიმე კილოგრამის დაკლება გსურთ ან სხეულის ფორმის შენარჩუნება და არ გამოგდით, იქნებ დაფიქრებულიყავით და დაგენებებინათ ყავის სმისთვის თავი?

4. უძილობა

ბევრი კოფეინს იმისათვის იყენებს, რომ ღამით არ დაიძინოს, მაგრამ თუ დაძინების პრობლემები დაგეწყოთ, ნამდვილად არ ღირს ყავის სმის გაგრძელება, უმჯობესია საერთოდ ამოიღოთ რაციონიდან. ძილის პრობლემების სიმწვავის არსებობა-არარსებობის მიუხედავად, გაითვალისწინეთ, რომ დღის მანძილზე სამ ფინჯანზე მეტი ყავის დალევა ნამდვილად არ ღირს, რადგან ვერ გამოიძინებთ - კოფეინი მოქმედებს ჩვენს ორგანიზმზე ძილშიც და მთელ ნერვულ სისტემას აღგზნებულ მდგომარეობაში ამყოფებს.

5. იმუნიტეტის პრობლემები

კოფეინი — ჩვენი იმუნური სისტემის საუკეთესო მეგრობად ნამდვილად ვერ ჩაითვლება, ისევ და ისევ ფარისებრი ჯირკვლის გამო, რომლის შეზღუდულად ფუნქციონირების პირობებში ხდება იმუნიტეტის დასუსტება, რაც დაავადებების მიზეზი ხდება. თუ თქვენ რაიმე სახის დაავადებებისკენ მიდრეკილი ხართ, სჯობს ყავის სმისგან საერთოდ შეიკაოთ თავი, მინიმუმ მანამდე მაინც, სანამ უკეთესად არ გახდებით.

6. პრობლემები ნეირომედიატორებთან, ბიოლოგიურად აქტიურ ქიმიურ ნივთიერებებთან, რომელთა დახმარებით ხდება ნერვული უჯრედიდან ელექტო იმპულსების გადაცემა

ყავის სმისთვის თავის დანებების ერთ-ერთი ყველაზე დამაჯერებელი მიზეზი მდგომარეობს იმ ფაქტში, რომ ის ნეგატიურად მოქმედებს ორგანიზმში არსებულ ნეირომედიატორებზე, რომლებიც თავის მხრივ აუცილებელია ბედნიერების ჰორმონის გამოსამუშავებლად, რომელიც ცნობილია სეროტონინის სახელწოდებით. თუმცა, ბევრი თვლის, რომ ყავა ადამიანს აბედნიერებს, სინამდვილეში კი პირიქით არის, ამიტომ, თუ დეპრესიაში ხართ ან მუდმივად შფოთავთ, სჯობს ყავის სმას შეეშვათ.

7. კოფეინი ცუდად მოქმედებს ენერგიის საერთო დონეზე

ყავის მოყვარულებს ეს სასმელი ბოლოს აღარ ეხმარება. ის უბრალოდ «არ მუშაობს». ეს ძალიან ცუდი ნიშანია, რადგან ფარისებრი ჯირკვალი აღარ რეაგირებს მასზე იმის გამო, რომ ყავა მუდმივად ახდენს ზეწოლას და «ანგრევს» მას. ყავა სხეულს აიძულებს გამოიმუშაოს ადრენალინი და თუ თქვენ მუდმივად სვამთ ყავას, ყოველ ჯერზე უფრო მეტი კოფეინი გჭირდებათ, რათა ორგანიზმმა იგივე ეფექტურობით უპასუხოს ამ ნივთიერებას.

8. კოფეინი ვნებს ღვიძლს

ყავის შეთვისება არც თუ ისე კარგი გზით ხდება. თქვენი ღვიძლი ზრუნავს ენზიმების გამომუშავებისთვის, რომლებიც შლიან ყავას და ახდენენ მის მეტაბოლიზაციას. ამიტომ, როცა ენზიმები აუცილებელია სხვა მავნე ქიმიკატების დასაშლელად, აღმოჩნდება, რომ ისინი მოდუნებული ან არასაკმარისია კოფეინის დაშლაზე მუშაობის გამო. ბევრ ადამიანს, რომლებიც ხშირად მიირთმევენ ყავას, «ზარმაცი» ღვიძლი აქვთ.

9. ყავაში ბევრი პესტიციდია

მცენარეს, რომელიც ყავის მარცვალს იძლევა უხვად რწყავენ პესტიციდებით. საეჭვოა, რომ რომელიმე სუპერმარკეტის თაროზე ორგანული, ქიმიური დამატების გარეშე მოყვანილი ყავა ნახოთ. კვლევების შედეგად აღმოჩნდა, რომ ყავაში ათასამდე ქიმიკატია, ამიტომ, თუ ეს არგუმენტიც არ არის თქვენთვის საკმარისი ყავის სმაზე უარის სათქმელად, ესეიგი საუბარი ზედმეტია.

10. ყავის გარეშე სექს-დრაივი იზრდება

და ისევ ფარისებრი ჯიკვალი - როგორც უკვე აღვნიშნეთ, ორგანიზმის ეს ნაწილი პასუხისმგებელია ჰორმონებზე, რომლებიც მართავენ ლიბიდოს, მაგალითად ტესტოსტერონს. ამიტომ, როგორც კი შეწყვეტთ ფარისებრ ჯირკვალზე კოფეინით ზეწოლას, დაინახავთ სექსუალურ ცხოვრებაში უკეთესობას.

0
4296

თუ გაინტერესებთ რომელი გასტრონომიული პროდუქტი გჭირდებათ სიჯანსაღისა და განწყობის ამაღლებისთვის, მაშინ ეს სტატია თქვენთვის არის.

იმის თაობაზე, რომ ჩვენს რაციონსა და ემოციებს შორის მჭიდრო კავშირია, ბევრი ექსპერტი საუბრობს, მათ შორის ინგლისელი დიეტოლოგი - პატრიკ ჰოლფორდიც (Patrick Holford), რომელიც ასევე არის წიგნის «The Feel Good Factor»-ის ავტორი. «საკვები – უძლიერესი ინსტრუმენტია, თუმცა ადამიანის ფსიქიკურ ჯანმრთელობაზე მისი გავლენა ხშირად ავიწყდებათ», – აცხადებს ის.

როგორ მოქმედებს საკვები ჩვენს მდგომარეობაზე? დამტკიცებულია, რომ ის მოქმედებს ორგანიზმში ნივთიერებათა ცვლაზე, ჰორმონებსა და ნეიროტრანსმიტერებზე (ქიმიური ნივთიერებები, რომელთა გამომუშავება ხდება თავის ტვინში და ზეგავლენას ახდენენ ჩვენს განწყობაზე). დოქტორ ნიშა დჰავანის (Nishi Dhawan) აზრით, ეს პროცესები განსაზღვრავენ ჩვენს ემოციებს, კონცენტრაციისა და ენერგიის დონეს.  

ცილები, ნახშირწყლები და ვიტამინები, რომლებიც პროდუქტების შემცველობაშია, მუშაობს მეტაბოლიზმის, ჰორმონების და ნეიროტრასმიტერების ორგანიზმში გამომუშავების მიზნით, ამ ნივთიერებების ნორმალური გამომუშავება-წარმოქმნა კი თავის მხრივ ქმნის მდოგმარეობას, რომელიც ადამიანს საკუთარი განწყობის გაკონტროლების საშუალებას აძლევს. «ალკოჰოლის, შაქრის და კოფეინის ჭარბმა გამოყენებამ შეიძლება ცუდი განწყობა გამოიწყვიოს, რადგან ეს პროდუქტები იწვევენ ნერვულ სისტემაში ანთებით პროცესებს», – აცხადებს დოქტორი დჰავანი.

საკვები პროდუქტის გარკვეული თავისებურებების ცოდნა და საკუთარი რაციონის შედგენა ამის გათვალისწინებით მარტივია და ხელს შეუწყობს თქვენი ემოციური განწყობის გაკონტროლებას. მაშ ასე, რომელი პროდუქტი უნდა მიირთვათ ჯანსაღი მდგომარეობისა და კარგი განწყობისთვის:

მშვიდი და მოშვებული რომ იყოთ

გამოიყენეთ გოგრის მარცვლები, მწვანილი და ნუში. მაგნიუმი, რომელსაც ეს საკვები პროდუქტი შეიცავს, წარმოადგენს უმნიშვნელოვანეს დამამშვიდებელ მინერალს, მაგრამ მისი მარაგები ორგანიზმში იცლება მაშინ, როცა ვნერვიულობთ. ადამიანებს, რომლებიც მუდმივად ძლიერი სტრესის ქვეშ არიან, Medical Hypotheses-ში ჩატარებული გამოკვლევის შედეგად ურჩევენ დამატებით გამოიყენონ 150 მლ.გრ. მაგნიუმი განწყობის ასამაღლებლად. ზემოთ აღნიშნული პროდუქტები ასევე ხელს უწყობს კარგ ძილის, რადგან კარგი დამამშვიდებელი ეფექტი აქვთ და ორგანიზმში ზრდიან გამა-ამინოზეთოვანი მჟავის და ტრიპტოფანის შემცველობას.

უარს ნუ ეტყვით საკუთარ თავს, დროდადრო ერთი ჭიქა ღვინო მიირთვათ. «ერთი ჭიქა თეთრი ან წითელი ღვინის მიღება კვირაში რამოდენიმეჯერ, ხელს უწყობს სისხლში ადრენალინის ჰორმონის დონის დაწევას, რაც ასევე იწვევს მოდუნებას და მეხსიერების გაუმჯობესებას», – აცხადებს დოქტორი ჰოლფორდი.

იმისათვის, რომ ბედნიერი იყოთ

სატაცური, ლობიო, ბარდა, კვერცხის გული, მზესუმზირა, ისპანახი, ხორცი, თევზი და ფრინველის ხორცი – ეს საკვები პროდუქტები მდიდარია ფოლიუმის მჟავით (განსაკუთრებით სატაცური, ლობიო, ბარდა, კვერცხის გული, მზესუმზირის მარცვლები, ისპანახი და ღვიძლი), B6 ვიტამინით (მწვანილი და მარცვლეული) და B12 ვიტამინით (დიდი რაოდენობით არის თევზში, ქათმის და საქონლის ხორცში). В ჯგუფის ვიტამინები მუშაობენ იმისათვის, რომ ორგანიზმში მოხდეს ჰომოცისტეინის დაბალი დონის შენარჩუნება, რომელიც თავის მხრივ წარმოადგენს ორგანიზმის მიერ გამომუშავებულ ამინომჟავას, რომლის მაღალი დონე იწვევს დეპრესიას, განსაკუთრებით ქალებში, რაც დადასტურდა Archives of General Psychiatry-ში გამოქვეყნებული კვლევის შედეგებით. გამოკვლევამ ასევე აჩვენა, რომ თუ ორგანიზმში ჰომოცისტეინის დონე 15-ზე მაღალია (ნორმა შეადგენს 7-ს და უფრო ნაკლებს), იმის შანსი, რომ ქალს დეპრესია და დათრგუნული ხასიათი ექნება, იზრდება ორჯერ. B6 ვიტამინი ხელს უწყობს თირკმლისზედა ჯირკვლებს ადრენალისნის გამომუშავებაში, რომელიც თავის მხრივ აკონტროლებს ორგანიზმის რეაქციას სტრესზე. ორგანიზმში სტრესის დროს მეტაბოლიზმისას ხდება გაცილებით დიდი რაოდენობის B6 გახარჯვა, ამიტომ, საჭიროა მისი მარაგის დროდადრო შევსება. ასევე, B6 ვიტამინს შეუძლია შეამსუბუქოს პრემენსტრუალური სინდრომები.

მწვანილი, პარკოსნები, თხილი და კვერცხი – მდიდარია В ვიტამინით, რომელიც ორგანიზმს ნეიროტრანსმიტერების შექმნაში ეხმარება და შფოთვის დონეს ადაბლებს. «ქალის ორგანიზმში, როგორც წესი, სეროტონინის დონე საკმაოდ დაბალია, რაც გამოწვეულია იქედან, რომ ქალის სხეული სტრესსა და დაძაბულობაზე უფრო მწვავედ რეაგირებს, ვიდრე მამაკაცის. ამიტომ, ქალის ორგანიზმში კარგი განწყობის შესანარჩუნებლად საჭიროა სეროტონინის მეტი დოზა, რადგან მისი მარაგი სწრაფად იცლება. განწყობის გასაუმჯობესებლად ასევე შესაძლებელია დამატებით B12 ვიტამინის მიღება, ოღონდ მკურნლ ექიმთან კონსულტაციის გავლის შემდეგ», – აცხადებს დოქტორი ჰოლფორდი.

ხახვი, სალათის ფოთლები და პომიდორი - ამ პროდუქტებში შემავალი ქრომი ხელს უწყობს ინსულინის გამომუშავებას, რომელიც თავის მხრივ არეგულირებს სისხლში შაქრის დონეს, რაც კარგი განწყობის ამოსავალი წერტილია. ქრომი ასევე ხელს უწყობს ორგანიზმში სეროტონინის დონის ამაღლებას. Biological Psychiatry-ში ჩატარებული კვლევის თანახმად, თუ თქვენ დაღლილობას გრძნობთ და ცუდ განწყობაზე ხართ, ეს დიდი ალბათობით ატიპიური დეპრესიის ბრალია, რაც ხშირ შემთხვევაში გამოწვეულია ქრომის ნაკლებობით. კვლევისას ადამიანების 70%-მა აღნიშნა, რომ მდგომარეობა გაუუმჯობესდათ მას შემდეგ, რაც რვა კვირის მანძილზე დამატებით იღებდნენ ქრომს.

თევზი, მარცვლეული და სხვადასხვა საზის ზეთები - ეს არის პროდუქტები, რომლებიც შეიცავენ ომეგა-3-ის ცხიმმჟავას, რაც თავის მხრივ ორგანიზმს იცავს დეპრესიისგან და ამ მდგომარეობიდან გამოსვლას უწყობს ხელს. «კვლევების შედეგად დადგინდა, რომ შესაძლებელია სხვადასხვა ქვეყნების მოსახლეობის დეპრესიის დონის განსაზღვრა მათ მიერ გამოყენებული ზღვის პროდუქტების რაოდენობიდან გამომდინარე. რაც უფრო მეტ თევზს მიირთმევენ, მით უფრო ნაკლებია თვითმკვლელობის ფაქტები, ასევე იკლებს მკლელობების მაჩვენებელიც. ჩვენი ტვინის 60% არის ცხიმები, რომელთა მნიშვნელოვანი ნაწილი წარმოადგენს «აუცილებელ ცხიმებს» და შემადგენლობით ახლოს დგანან თევზის ქონთან. ამ ცხიმების მარაგის შევსება საჭიროა იმ საკვებით, რომელსაც ჩვენ მივირთმევთ - ასეთ დროს დადებითი ემოციები უფრო ჭარბად გვექნება. გარდა ამისა, კვლევებით გაირკვა, რომ ორგანიზმში D ვიტამინის ნაკლებობაც ცუდი განწყობის მიზეზი შეიძლება გახდეს, თევზის ქონში კი ამ ვიტამინის კონცენტრაცია საკმაოდ მაღალია», – აცხადებს დოქტორი ბალ პავა (Bal Pawa)

ქათმის ხორცი, საქონლის მჭლე ხორცი, მოლუსკები და ფაფეულისთვის განკუთვნილი მარცვლეული შეიცავენ ამინომჟავა ტრიტოფანს, რომელიც ასევე ხელს უწყობს სეროტონინის წარმოქმნას ორგანიზმში. ყურადღება უნდა გაამახვილოთ იმ მხრივ, რომ ორგანიზმის მიერ წარმოქმნილი სეროტონინის სწორად ათვისებისთვის ფაფეულისთვის განკუთვნილი მარცვლეული უნდა მიირთვათ ისეთ პროდუქტებთან, რომლებიც მდიდარია ცილებით.

ენერგიულობისთვის

ისპანახი, ბულგარული წიწაკა, მოლუსკები და სხვა ზღვის პროდუქტები შეიცავენ რკინას და В12 ვიტამინს, რომელთა ნაკლებობაც იწვევს ანემიას, რაც თავის მხრივ სისუსტისა და ენერგიის უქონლობის მიზეზი ხდება. ამის თავიდან აცილების მიზნით, გაზარდეთ ცილების და B12 ვიტამინის შემცველი პროდუქტების რაოდენობა რაციონში - მოლუსკები, მიდიები, რვაფეხა და ღვიძლი, ასევე მწვანილი და განსაკუთრებით ისპანახი.

კვერცი, ცხვრის ხორცი და საქონლის მჭლე ხორცი – ყველა ეს პროდუქტი შეიცავს ტიროზინის ამინომჟავას, რომელიც ხელს უწყობს დოფამინის ნეიროტრანსმიტერების დონის გაზრდას ორგანიზმში. აღნიშნული ნივთიერება ტვინს ეხმარება გამოღვიძებასა და მთელი ძალით ფუნქციონირებაში. «ამასთან, თუ თქვენ კარგად გამოიძინებთ, დროულად შეჭამთ, დაუმატებთ ფიზიკურ ვარჯიშს, თავს იგრძნობთ მხნედ და ენერგიულად», – აცხადებს ექიმი-ჰომეოპათი ბრაის ვაილდი (Bryce Wylde).

 

 

 

ყურადღებისა და კონცენტრაციისთვის

ავოკადო, ბანანი, პარკოსნები და ქათმის ხორცი – ეს 4 პროდუქტი შეიცავს ტიროზინს, რომელიც ხელს უწყობს კონცენტრაციაზე პასუხისმგებელი დოფამინისა და ნორადრენალინის გამომუშავებას.

მარცვლეული, თხილი, პარკოსნები - ეს პროდუქტები შეიცავენ თუთიას, რაც ხელს უწყობს ომეგა-3 ცხიმმჟავას და ორგანიზმში არსებული სხვა მცენარეული ცხიმების გარდაქმნას პროსტაგლანდინად. ეს არის ნივთიერება, რომელსაც სასიცოცხლოდ მნიშვნელოვანი ფუნქცია აქვს კონცენტრაციის დონის შენარჩუნებაში.

წყალი - «გაუწყლოება შეიძლება იყოს ცუდი კონცენტრაციის და ენერგიის უქონლობის მიზეზი, ამიტომ შეეცადეთ ყოველდღიურად ბევრი წყალი დალიოთ, რათა მოხდეს ორგანიზმში წყლის უკმარისობის შევსება», – აცხადებს დოქტორი ბალ პავა.

დეპრესიის თავიდან ასაცილებლად

გვირილის ჩაი ლიმნით  - «ბალახეული ჩაი გვირილით ადაბლებს შფოთვის დონეს, ხოლო А და С ვიტამინები, რომლებსაც ლიმონი შეიცავს, ეხმარებიან თირკმლისზედა ჯირკვლებს და იმუნურ სისტემას სტრესთან მარტივად გამკლავებაში», – აცხადებს დოქტორი ნიშა დჰვანი

ძლიერი სტრესის პერიოდში, С ვიტამინი ორგანიზმის მიერ აქტიურად გამოიყენება და მისი მარაგი სწრაფად იცლება. ამიტომ, ამ ვიტამინის ნაკლებობის მქონე ადამიანები უფრო მეტად არიან სტრესისადმი მიდრეკილნი და ხშრად შფოთავენ.

ზღვის პროდუქტები, ბრაზილიური კაკალი, საქონლის მჭლე ხორცი, მარცვლეული და პარკოსნები შეიცავენ სელენს, რომელიც ეხმარება ორგანიზმს გაუმკლავდეს დაძაბულობას, სტრესს, შფოთვას და მსუბუქი ფორმის დეპრესიას. ეს ხდება იმიტომ, რომ ამინომჟავა ტიროზინი, რომელიც ამაღლებს «ბედნიერების» ჰორმონის - დოფამინის დონეს ორგანიზმში, ვერ ფუნქციონირებს სრულფასოვნად ორგანიზმში სელენის ნაკლებობის პირობებში. ტეხასის უნივერსიტეტში ჩატარებულმა გამოკვლევებმა აჩვენა, რომ ექსპერიმენტის 16 მონაწილეს, რომლებიც 7 კვირის მანძილზე იღებდნენ სელენის შემცველობის დანამატებს, შეუმცირდათ შფოთვისა და დეპრესიული მდგომარეობის დონე.

სწორად შედგენილი რაციონი ნამდვილად დაგეხმარებათ დეპრესიული და სტრესული მდგომარეობის დაძლევაში. ყურადღება მიაქციეთ რით იკვებებით და მიეცით საშუალება საკუთარ თავს, რომ ყოველი დილა იწყებოდეს ღიმილით!

0
5640

რატომღაც ყველა ფიქრობს, რომ გასაოცარი ისტორიები ხდება მხოლოდ სამედიცინო სერიალებში, არადა სამედიცინო რეალობა ნამდვილად სავსეა უცნაური და რეკორდული ფაქტებით.

წარმოგიდგენთ ყველაზე ფანტასტიურ და დოკუმენტურად დაფიქსირებულ სამედიცინო რეკორდების ჩამონათვალს.

 

1. სხეულის ყველაზე მაღალი ტემპერატურა დაუფიქსირდა უილი ჯონსს 1980 წელს (აშშ). მისი ჰოსპიტალიზაციის მიზეზი გახდა თბური დარტყმა. მისი სხეულის ტემპერატურა იყო 46,5 °C. საავადმყოფოდან პაციენტი 24 დღის შემდეგ გაწერეს.

 

2. 1994 წლის 23 თებერვალს მსოფლიოში სხეულის ყველაზე დაბალი ტემპერატურა — 14,2 °C დაუფიქსირდა  2 წლის კანადელ გოგონას, რომელმაც
-22 °С ყინვაში ექვსი საათი გაატარა. ბავშვი ექიმებმა გადაარჩინეს.

 

3. ყველაზე მოცუხი ადამიანი, რომელსაც ქირურგიული ოპერაცია ჩაუტარდა, იყო ჯეიმს ჰენრი ბრეტ უმცროსი ჰიუსტონიდან (აშშ). ის 111 წლის და 105 დღის იყო, როცა მენჯის ოპერაცია გაუკეთეს.

 

4. აბების ყველაზე დიდი რაოდენობა მიიღო ზიმბაბველმა  კ. კლინერმა. 21 წლიანი მკურნალობის პერიოდში, რომელიც 1967 წლის 9 ივნისიდან 1988 წლის 19 ივნისამდე გრძელდებოდა, მან დალია 565 939 ც. აბი.

 

5. ყველაზე მეტი ნემსი გაუკეთდა ბრიტანელ სემუელ დევიდსონს — 78 900 ინსულინის ინექცია.

 

6. სისხლის რეკორდული რაოდენობით გადასხმა გახდა საჭირო მაშინ, როცა ოპერაციას უკეთებდნენ ჩიკაგოელ, 50 წლის უორენ ჯირიჩს. მას ჰემოფილია აწუხებდა. 1970 წლის დეკემბერში, გულის ოპერაციის დროს მას გადაუსხეს 2400 დონორული ერთეული (1080 ლ) სისხლი.

 

7. 1954-დან 1994 წლამდე ამერიკელ ჩარლზ იენსენს გაუკეთდა 970 ოპერაცია წანაზარდების მოსაცილებლად.

 

8. ათი წლის მანძილზე, 1979-დან 1989 წლამდე, ამერიკელ ნორმა უიქვაიერს, ათი მსხვილი სახსრიდან ყველა შეეცვალა ხელოვნურით. მას აწუხებდა რევმატოიდული ართრიტი.

 

9. გულის ყველაზე ხანგრძლივად გაჩერება გადაიტანა ნორვეგიელმა მეთევზე იან რევსდალმა მას შემდეგ, რაც ბერგენის რაიონში გემის ბორტიდან გადავარდა. გადაციების გამო მისი გული ოთხი საათის მანძილზე არ ფეთქავდა.

 

10. 1977 წელს, «ფორმულა-1»-ის შეჯიბრზე მომხდარი კატასტროფის შედეგად, ბრიტანელმა დევიდ პერლიმ მიიღო 29 მოტეხილობა და 3 ამოვარდნილობა, ხოლო გული ექვსჯერ გაუჩერდა საავადმყოფოში გადაყვანისას. როცა გამოკეთდა, მან განაგრძო ავტორბოლაში მონაწილეობა. დევიდ პერლი გარდაიცვალა  1985 წლის 2 ივლისს, ბოჰნორ-რეჯისში თვითმფრინავის ავიაკატასტროფის შედეგად.

 

0
4713

პროდუქტიულობის საიდუმლო — არც ისეთი რთული საიდუმლოა. ამ სტატიაში წარმოგიდგენთ რჩევებს, რომლებიც დაგეხმარებათ გაუმკლავდეთ მთელი დღის მანძილზე შესასრულებელ საქმეს, აკონტროლოთ სიტუაცია და ზედმეტად არ გადაიღალოთ.
ცოტა ხნის წინ სტენფორდის უნიერსიტეტში ჩატარებულმა კვლევამ აჩვენა, რომ პროდუქტიულობა მკვეთრად ეცემა 50 საათიანი სამუშაო კვირის დროს, ხოლო ისინი, ვინც კვირაში 70 საათს მუშაობს, დამატებით 20 საათში მხოლოდ მცირედის გაკეთბას ახერხებენ. ამრიგად, პრობლემა არის არა იმაში, რომ საქმის საკეთებლად მეტი დრო გამოვნახოთ, არამედ იმაში, რომ რაციონალურად გამოვიყენოთ ის დრო, რომელიც გვაქვს. ქვემოთ მოყვანილი ხუთი სასარგებლო რჩევა დაგეხმარებათ პროდუქტიულობის გაზრდაში და ყოველდღიურ რუტინასთან გამკლავებაში.

1. დაიწყეთ დღე სწორად
ის, თუ როგორ იწყებთ დილას, ქმნის მთელი დღის განწყობას. თუ დილით ადრე გაიღვიძებთ და სრულ სამუშაო მზადყოფნაში მოიყვანთ თავს, დღის მანძილზე უფრო მეტს მოასწრებთ. გარდა ამისა, საჭიროა დღე პოზიტიური ნოტით დაიწყოთ. ყველაზე მეტად ადამიანები ფოკუსირებული არიან იმაზე, თუ რისი მოსწრება ვერ შეძლეს წინა დღეს, მაგრამ საკუთარი დროის გაცილებით წარმატებულად გამოყენებისთვის, საჭიროა პრიორიტეტები თავიდან დასვათ და შეუდგეთ მიმდინარე დღისთვის დასახული მიზნების მიღწევას. გადადეთ ტელეფონი, ელ-ფოსტა და დაიწყეთ გონებრივი საქმიანობის მასტიმულირებელი რაიმე ვარჯიშით ან ფიტნესით. ფიზიკური ვარჯიში ასხდენს სისხლის მიმოქცევის სტიმულაციას და დაგმუხტავთ, იოგა კი თავს გაგითავისუფლებთ.

2. გამოიყენეთ აივი ლის მეთოდი პროდუქტიულობის ასამაღლებლად
ეს არის პროდუქტიულობის ამაღლების ძველი სტრატეგია, სადაც ყოველი დღის ბოლოს რეკომენდირებულია შეადგინოთ იმ ექვსი მნიშვნელოვანი საკითხის სია, რომელთა გაკეთებაც მომდევნო დღეს გინდათ. დავალებები სიაში უნდა ჩამოწეროთ მნიშვნელოვნების შესაბამისად, ბოლოს უნდა იყოს ყველაზე ნაკლებ მნიშვნელოვანი. ამ მეთოდის არსი არის არა იმაში, რომ რაც შეიძლება მალე გაუმკლავდეთ ყველა საკითხს, არამედ იმაში, რომ მობილიზდეთ სიაში პირველ ადგილზე ჩაწერილი საკითხის მოსაგვარებლად. შემდეგ გადადით მეორე საკთხზე, ოღონდ პირველი უკვე მოგვარებული უნდა გქონდეთ. ასე გააგრძელეთ მანამ, სანამ ყველა საკითხს არ შეასრულებთ.

ჯეიმს კლირმა, რომელიც არის პროდუქტიულობის საკითხზე გამოცემული წიგნის ავტორი, განაცხადა, რომ 1918 წელს აივი ლიმ, რომელიც შემდგომში პროდუქტიულობის დარგში კონსულტანტი გახდა, ერთხელ კომპანია Bethlehem Steel-ის პრეზიდენტს ჩარლზ შვაბს შესთავაზა რომ ეს მეთოდი შეეტანა თანამშრომლების პროდუქტიულობის გაზრდის მიზნით სამუშაო პროცესში. შვაბმა დაუჯერა და როცა ძალიან კარგი შედეგი დაინახა, კონსულტანტს მაშინვე გამოუწერა 25 000 დოლარიანი ჩეკი - ეს იმ დროისთვის ძალიან დიდი თანხა იყო.

3. შეეცადეთ პოლიფაზური ძილით იძინოთ
ჩვეულ რეჟიმში ადამიანს მხოლოდ ღამით უნდა ეძინოს, მაგრამ თუ თქვენ მოახერხებთ სამუშაო დღის მანძლზე წათვლიმოთ მაგალითად შესვენებისას, ეს ნამდვილად დაგეხმარებათ დარჩენილი სამუშაო დრო უფრო პროდუქტიულად გაატაროთ. პოლიფაზური ძილი — არის მეთოდი, რომლის დროსაც ჩვეულებრივ 7 საათიან მონოფაზურ ძილს ანაწილებენ და ყოველ ექვს საათში იძინებენ 30 წუთით. ამასთან, თქვენ გაგიჩნდებათ დამატებით ხუთი საათი ძილისთვს მთლი დღის მანძილზე, სცადეთ, იქნებ ასეთი რეჟიმი უფრო სასარგებლო იყოს თქვენთვის.

4. ცხოვრებას უყურეთ ოპტიმისტურად
უორიქსის უნივერსიტეტში ჩატარდა კვლევა, რომელმაც აჩვენა, რომ ბედნიერი თანამშრომლები გაცილებით უფრო ენერგიულად მუშაობენ. მეცნიერებმა დაადგინეს, რომ ხალისიან ადამიანებთან ერთად მუშაობისას დანარჩენების პროდუქტიულობა იზრდებოდა 12%-ით. თუ გინდათ, რომ საქმიანობის სფეროში მაღალპროდუქტიული მაჩვენებელი გქონდეთ, აუცილებლად იმუშავეთ ხალისიან თანამშრომლებთან ერთად და მოერიდეთ მათ, ვინც ნეგატივზეა მომართული. გარდა ამისა, თქვენც შეგიძლიათ სხვების პროდუქტიულობის ამაღლება კარგი განწყობის შენარჩუნებით და გამოვლენით - ეს ყველასთვის სასარგებლო იქნება.

5. სვით ყავა
სიახლე ყველა ყავამანისთვის: კვლევები აჩვენებენ, რომ ყავა პროდუქტიულობის დონეს ამაღლებს. ჯეფ ბეკლი, რომელიც არის ექსკლუზიური ყავის ბრენდის Gayo Kopi-ს დამფუძნებელი, აცხადებს: «ყავა უდიდეს დახმარებას გაგიწევთ პროდუქტიულობის გაზრდაში. დღის მანძილზე, ნეირონების აქტივაციისას ტვინში ხდება ადენოზინის გამომუშავება, რომლის მუდმივი გამომუშავების შედეგად ადამიანი თავს დაღლილად და მოტეხილად გრძნობს. ყავა დაგეხმარებათ ამ ეფექტთან გამკლავებაში და შეასრულებს ადენორეცეპტორების როლს, რომლებიც ახდენენ ადენოზინის ბლოკირებას».


 

0
9217

თუ ღია ფერის კონსილერს ყიდულობთ, მაკიაჟს პუდრის დახმარებით ისწორებთ და თვლით, რომ ცხიმიანი კანის მაკიაჟისთვის მთავარია გლუვი ეფექტის მიღება, ამ სტატიაში გასაოცარ ინფორმაციას ნახავთ, რომელიც ნამდივლად გამოგადგებათ.

 

1. არ «აწამოთ» ტუში

არ არის საჭირო ტუშის ფუნჯის ზედმეტად ტრიალი კოლოფში — ამით ფუნჯზე დამატებითი პიგმენტების დატანის ნაცვლად კოლოფში ჰაერს შეუშვებთ, რაც მას გამოაშრობს. უბრალოდ მოხსენით კოლოფს თავი, ამოიღეთ ფუნჯი და გადაისვით წამწამებზე. ერთი ამოსმით ამოღებულ ფუნჯზე საკმარისი პიგმენტია იმისათვის, რომ ორივე თვალის წამწამები აიპრიხოთ!

 

2. კონსილერი არ უნდა იყოს ღია ფერის

მაშინაც კი, როცა ის მუქი ადგილების და თვალების ქუთუთოების დასაფარად გჭირდებათ, ნუ შეიძენთ ღია ფერს, აირჩიეთ ისეთი, რომელიც მაქსიმალურად ემთხვევა თქვენი კანის ფერს. კონსილერს ისედაც სქელი ტექსტურა აქვს და პრობლემებს იდეალურად დაგიფარავთ. თუ კანზე უფრო ღია ფერს იხმართ, დიდი შანსია მიიღოთ „პანდა-ეფექტი“: თვალის ქუთუთოების ნაწილი მკვეთრად გამორჩეული იქნება სახის სხვა ნაწილისგან.

 

3. ასაკის მატებასთან ერთად სჯობს უფრო ნათელ ტექსტურებზე გადახვიდეთ

ახალგაზრდა და სწორ სახის კანზე გლუვი (მატირებული) «ფინიში» კარგად გამოიყურება, მაგრამ თუ სახეზე მცირედი ნაოჭები მაინც გაქვთ, გლუვი ეფექტის მქონე პუდრა ან ტონი ამ ყველაფერს კიდევ უფრო გამოკვეთს და თვალშისაცემს გახდის. ასაკის მატებასთან ერთად საჭიროა უფრო ღია ფერებზე გადახვიდეთ, უნდა აირჩიოთ ისეთი საშუალებები, რომელთა შემცველობაში არის მიკრომბზინავი პიგმენტები და ბზინვის ეფექტი — წვრილმანი ნაოჭები ასეთი მაკიაჟის ფონზე კიდევ დიდხანს შეუმჩნეველი დარჩება!

 

4. ცხიმიან კანსაც სჭირდება მკვებავი საცხი

მცდარია მოსაზრება, რომ ცხიმიანი კანისთვის უმჯობესია თეხელი ფაქტურის მქონე სახის მკვებავი საცხების გამოყენება, მაგალითად გელების ან გელ-საცხების. ცივ სეზონზე ცხიმიან კანსაც სჭირდება კვება და დაცვა, ისევე როგორც მშრალს, ამიტომ, სხვადასხვა მკვებავ ზეთებზე დამზადებული საცხების გამოყენება შესაძლებელი და საჭიროა.

 

5. არ არის საჭირო მაკიაჟის პუდრით კორექტირება

მაშინაც კი, თუ თქვენი Т-ზონა ზედმეტად ცხიმიანია, ნუ გადაისვამთ მასზე პუდრას, წინააღმდეგ შემთხვევაში, საღამოსთვისი კანზე უამრავი ზედმეტი მაკიაჟი გექნებათ, ფორები გაიჭედება, ხოლო კანი კიდევ უფრო მეტი რაოდენობით სებუმის გამოყოფას დაიწყებს, რადგან პუდრა მას აშრობს. ოპტიმალური ვარიანტი არის პრობლემური ზონის ჩვეულებრივი ქაღალდის ხელსახოცით ნაზად და ფრთხილად გამშრალება.  

 

6. ჯერ მაკიაჟი მოიცილეთ, შემდეგ დაიბანეთ

პოპულარული შეცდომა იმის ფიქრი, რომ დასაბანი საშუალება მაკიაჟსაც მოაცილებს. ვიზუალურად კი, მოაცილებს, მაგრამ ტონალური კრემი ფორებში რჩება. თუ გაღიზიანებული სახის კანი არ გინდათ რომ გქონდეთ, მაშინ ჯერ სპეციალური საშუალებით მოიშორეთ მაკიაჟი და შემდეგ დაიბანეთ სახე.  


7. თქვენი კანის ფერი ტონალური კრემი არ არსებობს

სამწუხაროდ, თქვენი კანის ფერთან ძალიან მიახლოვებული ტონიც რომ აარჩიოთ, ის მაინც განსხვავებული იქნება. თუ პერფექციონისტი ხართ, გირჩევთ ცდებისა და შეცდომების მეთოდით შეიმუშაოთ თქვენი ტონის ფორმულა, რომლის მიღებაც შეგიძლიათ 2 ან 3 ტონალური საშუალების არევით, რომლებიც ახლოს არიან თქვენი კანის ფერთან ტონალობით და ასე მიიღოთ უნიკალური ფერი.