სასიხარულო ინფორმაცია, 8 ივლისს, საქართველოს განმეორებით ეწვევა ცნობილი პედიატრი (ტერფის ქირურგი) ელი დანიელი (Elie C Daniel). რომელიც მოღვაწეობს ამერიკაში, მენდოტა ილინოისის შტატში და მკურნალობს ყველა სახის ტერფის პათოლოგიას: ბრტყელტერფიანობა, ვალგუსური დეფორმაცია, თანდაყოლილი ტერფმრუდობა, ვერტიკალური კოჭი და სხვა....

 

პროფესორი ელი დანიელი მარიჯანის ქუჩაზე N2-ში მდებარე დავით ტატიშვილის სამედიცინო ცენტრში გამართავს კონსულტაციებს და ჩააატრებს გეგმიურ ოპერაციებს.

 

დავით ტატიშვილის სამედიცინო ცენტრი გთავაზობთ ტერფის პათოლოგიების სრულ მართვას დიაგნოსტიკიდან სრულ რეაბილიტაციამდე.

 

ჩვენ ვუზრუნველყოფთ დისტანციურ დიაგნოსტიკას მსოფლიო დონის სხვადასხვა ქირურგებთან. რაც ითვალსიწინებს პაციენტის ანამნეზის და დიაგნოსტიკური კვლევების ელექტრონულ მიწოდებას და განხილვას.

 

•           გიჭირს სიარული?

•           გესაჭიროება სპეციალური ან/და ინდივიდუალურად მორგებული ფეხსაცმელი?

•           სიარული გიქმნის დისკომფორტს?

•           ყოველდღიურ მსუბუქი დატვირთვაც კი შენთის პრობლემას წარმოადგენს?

•           გაწუხებს წელის ტკივილი?

 

ტერფის სხვადასხვა ფუნქციურ პათოლოგიებთან დაკავშირებული პრობლემის მოგვარება შესაძლებელია როგორც კონსერვატიული ასევე ქირურგიული მეთოდით.

 

იმისათვის რომ პაციენტმა პროფესორ ელი დანიელთან ჩაიტაროს ოპერაცია საჭიროა დავით ტატიშვილში კლინიკაში წინასაოპერაციო კვლევების ჩატარება და ოპერაციისთვის მომზადება.

 

გახსოვდეთ, კვლევის და რეაბილიტაციის სწორი ტაქტიკა აუმჯობესებს მკურნალობის შედეგს.

 

ინფორმაციის მომწოდებელია: დავით ტატიშვილის ცენტრი

 

 

 

თუ თქვენ წესრიგი გიყვართ, კარადაში ტანსაცმელი ფერებისა და ფორმის მიხედვით გიკიდიათ, ხოლო თაროებზე წიგნები იდეალური სისწორით გილაგიათ - იცოდეთ, რომ ბავშვების გაჩენის შემდეგ, მოგიწევთ დაივიწყოთ უზადო სისუფთავე, წესრიგი და პერფექციონიზმი.

 

წარმოგიდგენთ რამოდენიმე ჩვევას, რომლებსაც თქვენი პატარა გოგონებისგან ისწავლით და მიეჩვევით კიდეც:

 

1. წვრილმან ნაგავზე ფეხის გადაბიჯება

2. ნიჟარაში გასარეცხი ჭურჭლის დატოვება - ზოგჯერ ამაზე მეტად მნიშვნელოვანი საქმეებიც არსებობს

3. თეფშზე კერძის მცირე ულუფის დადება

4. შემდეგ ამ ულუფის სანახევროდ დატოვება

5. საკუთარი გეგმების შეცვლა

6. საკუთარი გეგმების არქონა

7. სწრაფად ჩაცმა და ქუჩაში მაკიაჟის გარეშე გასვლა, მაშინაც კი, თუ მანამდე სხვა რამეს გეგმავდით

8. გასაწმენდი სარეკეებისა და ავეჯისთვის გულგრილად გვერდის ჩავლა

9. ასევე გულგრილობის გამოჩენა მაშინ, როცა თქვენი პატარა «გეხმარებათ» მათ დასუფთავებაში

10. სახლის ერთბლივი «დასუფთავების» გმირულად გადატანა - მგონი აქამდე არმაგედონის შესახება არც არაფერი იცოდით არა?

11. სახლიდან გასვლამდე დაუბანელ-დაუვარცხნელად ყოფნა. ასე ალბათ მანამდე არასოდეს მოქცეულხართ არა?

12. იატაკის იშვიათად მოწმენდა, მაქსიმუმ კვირაში ერთხელ. განსაკუთრებით ზაფხულში, როცა ფაქტიურად ქუჩაში ცხოვრობ.

13. გადასაფარებლის გარეშე გაწყობილ მაგიდასთან დაჯდომა - თუმცა, შეიძლება ეს ადრეც არ გაწუხებდათ...

14. საკუთარი ნივთების ყველაზე წარმოუდგენელ ადგილას ნახვისას სიმშვიდის შენარჩუნება: მაგალითად, მაისურების თოჯინებზე, ფეხსაცმელების საწოლის ქვეშ, მაკრატლის... - შესაძლოა ის საერთოდ ვერც ნახოთ

15. წიგნის კითხვა მულტფილმის ფონზე, ხოლო კითხვის შუა გზაზე გაწყვეტა, ერთი თავის ბოლომდე დაუსრულებლად.

16. ზოგადად საქმის შუაზე გაწყვეტა

17. საცვლების დაუთოვებაზე უარის თქმა!

18. ბავშვის ტანსაცმლის დაუთოვებაზე უარის თქმა, უბრალოდ ვერც კი მოასწრებთ მათ რეცხვა-უთოობას, ისეთი სისწრაფით დაგჭრდებათ გამოცვლა...

19. ჯერ ყველაზე გემრიელი რამის შეჭმა, თან რაც შეიძლება სწრაფად

20. ბევრი ტკბილეულის ჭამა - მათ გადანახვას უკვე აზრი არ აქვს...

21. კარის ღიად დატოვება. ზოგჯერ გასაღებით გარედან. სახლიდან გასვლა-შემოსვლა ახლა უფრო მეტ დროს და ენერგიას წაგართმევთ, ვიდრე გასეირნება და მაღაზიაში გასვლა.

22. ფეხსაცმლის გასუფთავება სახლიდან გასვლის წინ და არა რეგულარულად, რადგან უკვე აღარ გაინტერესებთ

23. კვირაში ერთხელ ახალი საპნის, კბილის პასტის და ტუალეტის ქაღალდის რულონის გამოღება, რადაგნ ამაზე მეტხანს უკვე აღარ გეყოფათ

24. სტრატეგიული მარაგის ქონა იმავე მიზეზის გამო სახლში გამოლეული მარაგის შესავსებად

25. ბავშვის ტანსაცმელზე ლაქებისთვის მშვიდად ყურება, მათ შორის საკუთარ სამოსზეც... ბავშვთა სამყაროში სხვანაირი „მოდაა“

26. მოულოდნელი სტუმრების დახვედრა და თავის მართლების დავიწყება დაულაგებელი სახლისა და მოუმზადებელი კერძების გამო

27. ძილის წინ საწოლთან ორი ჭიქა წყლის დადება - მერე სადაო რომ არ გახდეს ვინ დალია წყალი ბოლომდე

28. მშვიდად მიღება იმ ფაქტისა, როცა თქვენი პატარა გოგონა თავისით ჭრის პროდუქტებს და გაწვდით ყველაზე გემრიელ ნაჭრებს

29. კომოდზე აუარება საბავშო წიგნების ატანა, და არამარტო საბავშვო. ზოგჯერ ბავშვები ინტერესდებიან უფროსებისთვის განკუთვნილი წიგნებითაც - ამაზე საერთდ კრინტი არ უნდა დაძრათ!

30. კონსტრუქტორით აწყობილ სახლებსა და იატაკზე დაყრილ დარჩენილ ნაწილებს შორის მანევრირება ისე, რომ ფეხი არ დაგისხლტეთ

31. საწოლის ქვეშ წვრილმანი ნაგავის შეყრა

32. მშვიდად შეხვდეთ და დაივიწყოთ თავის მოვლისა და მაკიაჟის ის საშუალებები, რომლებიც დროულად არ გადამალეთ: საცხები, პომადები, მარკერები და ა.შ.

33. ზაფხულობით თოვლის ბაბუის ან ფიფქიას ფორმის ორცხობილების მომზადება

34. ხვევნა-კოცნას მაშინ, როცა წებვადი ხარ ტკბილეულის ჭამისგან

და რაც ყველაზე მთავარია: იმის მიღება, რომ ყველაფერი ისე აღარ იქნება, როგორც ადრე.

 

 

1 ივლისიდან დავით ტატიშვილის სამედიცინო ცენტრი ახალი ბრენდითა და ახალი სტრატეგიით წარსდგება მომხმარებლის წინაშე.  

 

სამედიცინო ცენტრის რებრენდინგი განაპირობა მმართველი გუნდისა და სტრატეგიის ცვლილებამ, რაც გულისხმობს საერთაშორისო სტანდარტების, მაღალი ხარისხის, პაციენტის ინდივიდუალურ საჭიროებებზე მორგებული სერვისის შეთავაზებას.

 

სამედიცინო ცენტრის სიახლეების ერთ-ერთი უმნიშვნელოვანესი ნაწილია მაღალი კვალიფიკაციის პერსონალი და ახალი მრავალპროფილური საერთაშორისო სტანდარტების სამედიცინო ცენტრის მშენებლობა, რომელიც უკვე დაწყებულია და დაახლოებით ერთ წელიწადში დასრულდება.  ეს იქნება საერთაშორისო სტანდართებთან   სრულიად ადაპტირებული კლინიკა, რაც თავისთავად ხელს შეუწყობს სამედიცინო ტურიზმის განვითარებას ჩვენს ქვეყანაში.  ყველაზე მნიშვნელოვანი კი ის არის, რომ  მოსახლეობას საშუალება ექნება  მიიღოს საერთაშორისო სტანდარტების სამედიცინო მომსახურება საკუთარ ქვეყანაში.

 

ერთად ვიზრუნოთ ჯანმრთელობაზე - ამ ლოზუნგით დავით ტატიშვილის სამედიცინო ცენტრი 1 ივლისიდან პერმანენტულად მოსახლეობას არაერთ საინტერესო სიახლეს და ხარჯთეფექტურ მომსახურებას  შესთავაზებს.

 

აღნიშნული  სიახლეები კლინიკის  20 წლის იუბილეს უკავშირდება. როგორც მოგეხსენებათ დ. ტატიშვილის სამედიცინო ცენტრი 1997 წელს პროფესორ დავით ტატიშვილის მიერ დაფუძნდა საქართველოში პირველი კერძო სამკურნალო-დიაგნოსტიკური მიმართულების სამედიცინო დაწესებულება „ულტრასონოგრაფიის სასწავლო-კველვითი ცენტრი“. შემდგომ წლებში მოხდა სწრაფი ზრდა და განვითარება. აბულაძის ქუჩაზე აშენდა ახალი მრავალპროფილიანი „დავით ტატიშვილის სამედიცინო ცენტრი“, დაფუძნდა „დავით ტატიშვილის სამედიცინო გამაჯანსაღებელი ცენტრი, მარიჯანის ქუჩაზე აშენდა ახალი ნაგებობა, დავით ტატიშვილის სამედიცინო ცენტრის ახალი კლინიკა 24 საათიანი სტაციონარული მომსახურებით მრავალპროფილური ბავშვთა და მოზრდილთა პედიატრიული და ქირურგიული კლინიკური მიმართულებებით,  სანდრო ეულის ქუჩაზე აშენდა შეზღუდული შესაძლებლობების პირებისთვის სრულიად ადაპტირებული ახალი ნაგებობა, დავით ტატიშვილის სპორტული მედიცინის და რეაბილიტაციის ცენტრი, რომელიც დღესდღეობითაც წარმოადგენს საქართველოში ერთადერთ სრულყოფილ სამედიცინო დაწესებულებას სპორტული მედიცინის და რეაბილიტაციის მიმართულებით.

 

 ინფორმაციის მომწოდებელია: დავით ტატიშვილის სამედიცინო ცენტრი

 

 

 

ხელოვნური განაყოფიერებისა და რეპროდუქციული ჯანმრთელობის კლინიკა ‘’ინ ვიტრო’’ საქართველოში, როგორც დამოუკიდებელი ერთეული 2010 წლიდან ფუნქციონირებს.ევროპის ემბრიოლოგთა და რეპროდუქტოლოგთა წევრი კლინიკა პაიენტებს  18წლიანი გამოცდილებით ემსახურება. კლინიკა ‘’ინ ვიტროს’’ საფუძველი ჩაეყარა ბ-ნი გია ცაგარეიშვილისა და ქ-ნი ნატალია ხონელიძის გუნდის მიერ და დღემდე ათასობით იმედგადაწურული ოჯახისათვის ბედნიერების მოტანის საწინდარი გახდა.

 

აქტულობა:

 

21–ე  საუკუნის სოციალური ცვლილებების გამო ქალების  არც თუ მცირე  ნაწილი   შვილოსნობის ფუნქციის  შესრულებას   არ ჩქარობს და  მოგვიანებით,  35 წლის შემდეგ,  გეგმავს.   მიზეზი ხშირად   არის  განათლების   მიღებისადმი  სწრაფვა, კარიერული მიზნები,   ფინანსური სტაბილურობის მიღწევა, შობადობის რეგულაციის მეთოდების  ხელმისაწვდომობა.  ერთი შეხედვით თითქოს  ამაში  ცუდი არაფერია, მაგრამ   უნდა გვახსოვდეს, რომ ასაკი (<38-40წ) გადამწყვედ როლს თამაშობს შვილოსნობის უნარზე! რადგან   ასაკის მატებასთან ერთად მცირდება  შვილოსნობის  ფუნქცია, რომელიც ერთ-ერთი უმნიშვნელოვანესია კაცობრიობისთვის.

   
  ამ თემასთან დაკავშირებით გვესაუბრა კლინიკა ‘’ინ ვიტროს’’ რეპროდუქტოლოგი, მეან - გინეკოლოგი ქეთევან კაკაშვილი.

             ქალის შვილოსნობის  ფუნქციის შემცირების  პროცესი  მთელი  რეპროდუქციული  პერიოდის განმავლობაში მიმდინარეობს ნელ-ნელა, მაგრამ შეუქცევადად .  ის შესამჩნევი ხდება უკვე  30 წლიდან, ხოლო 35-დან 40 წლამდე  პერიოდში ჩქარდება ისე   რომ უკვე 45 წლისათვის შვილოსნობის ფუნქცია თითქმის ნულს უახლოვდება. სტატისტიკურად თუ  ჯანმრთელი  ქალის  დაორსულების შანსი  ერთი მენსტრუციული ციკლის განმავლობაში 30 წლის ასაკისთვის  20%-ია,  40 წლის ასაკში ეს შანსი  5%-მდე მცირდება.

 

რა არის  გამომწვევი მიზეზი?

 

ასაკის მატებასთან ერთად დაორსულებისა და მშობირობის  სიხშირის შემცირების   პირველი და უმთავრესი მიზეზი არის    საკვერცხეში ფოლიკულური  მარაგის   ფიზიოლოგიური  შემცირება. 

საკვერცხეებში  ფოლიკულური აპარატი ჯერ კიდევ  მუცლად ყოფნის პერიოდში ყალიბდება და იმ დროისთვის დაახლოებით  5–7მლნ  ფოლიკულით არის წარმოდგენილი.  სქესობრივი მომწიფების  პერიოდისთვის  ეს რიცხვი მცირდება    300 000–400 000-მდე,  38-39 წლის ასაკში --25 000- მდე , ხოლო  მენოპაუზისთვის საკვერცხეში ფოლიკულების მიზერული რაოდენობა   რჩება .   რაც აიხსნება იმით, რომ   საშუალოდ ყოველ ციკლში  1 მომწიფებული ფოლიკულის პარალელურად დაახლოებით 500-დან 1000 - მდე ფოლიკული  განიცდის უკუგანვითრებას. გარდა ფიზიოლოგიური მიზეზისა, ფოლიკულური აპარატის შემცირება შესაძლოა განპირობებული იყოს  საკვერცხეზე  ქირურგიული  ჩარევით,   საკვერცხეების ნაადრევი განლევის სინდრომით, ქიმიოთერაპიით და ა.შ.

თუმცა, პრობლემა მხოლოდ ფოლიკულების რაოდენობის შემცირებაში არ არის. ასაკის მატებასთან ერთად  უარესდება კვერცხუჯრედის ხარისხიც, შესაბამისად მცირდება მისი   განაყოფიერების სიხშირე , ემბრიონის  განვითარების  შემთხვევაში მისი  იმპლანტაციის (საშვილოსოს შიდა გარსზე ემბრიონის მიმაგრება) სიხშირე   და  მატულობს ნაყოფის ქრომოსომული ანომალიების ალბათობა. უფრო კონკრეტულად,  თუ 20 წლის ასაკში ნაყოფის ქრომოსომული  ანომალების სიხშირე  500 -დან 1-ია,   45 წლის ასაკში  ეს თანაფარდობა  20-დან 1-ია.

ზედა ასაკობირივი ჯგუფის ქალებში უნაყოფობის ხელშემწყობ ფაქტორად მოიაზრება ასევე დაავადებები, რომლებიც  ხანგრძლივი პერიოდის განმავლობაში "აზიანებენ"  რეპროდუქციულ სისტემას. მათ  მიეკუთვნება -  მცირე მენჯის ღრუს ანთებითი დაავადებები,   ენდომეტრიოზი, მიომა, ოვულაციის პრობლემები და ა.შ.

     მცირე მენჯის ღრუს ქრონიკულად მიმდინარე  ინფექციებმა შესაძლოა გამოიწვიოს საშვილოსნოს მილების  დახურვა, ენდომეტრიუმის (საშვილოსნოს შიდა შრე, სადაც ხდება განაყოფიერებული კვერცხუჯრედის მიმაგრება) დაზიანება.

 ენდომეტრიოზი, რომლისთვისაც დამახასიათებელია მტკივნეული მენსტრუაცია, ყავისფერი გამონადენი  მენტრუაციამდე და/ან მენსტრუაციის ბოლოს,   იწვევს  შეხორცებების წარმოქმნას მუცლის ღრუში,  ხოლო ენდომეტრიოზული ცისტა ხელს უწყობს საკვერცხეში ფოლიკულების რაოდენობის შემცირებას, რომელიც განსაკუთრებით  დრმატულ ხასიათს იღებს მისი   ამოკვეთის  შემთხვევაში.

ოვულაციის პრობლემები ხელს უწყობს საკვერცხის   ცისტების წარმოქმნას, პოლიცისტოზის ჩამოყალიბებას, რომლისთვისაც   დამახასიათებელია  არ  მარტო მენსტრუაციული ციკლის დარღვევა, არამედ   ესთეტიური პრობლემებიც , როგორებიცაა  აკნე (ჩირქოვანი გამონაყარი), ჰირსუტიზმი (ჭარბთმიანობა), ჭარბი წონა  და ა.შ.

სწორედ  ამიტომ  მნიშვნელოვანია დროულად დიაგნოზის დასმა და შესაბამისი მკურნალობის  ჩატარება. რისთვისაც მოწოდებულია პროფილაქტიკური გასინჯვები. განსაკუთრებული ყურადღება უნდა მიექცეს ისეთ სიმპტომებს, როგორიცაა მტკივნეული მენსტრუაცია, არარეგულარული მენსტრუაციული ციკლი,  ჭარბთმიანობა, აკნე,  წონის  მატება ან მასის დეფიციტი,  ტკივილი მუცლის ქვედა და წელის  არეში და ა.შ. რომელიმე ზემოთ აღნიშნული სიმპტომის არსებობის შემთხვევაში   აუცილებელია ექიმთან დროული ვიზიტი, შემდგომი გართულებების თავიდან აცილების მიზნით.

 

ყოველივე ზემოთ აღნიშნულის გამო, ასაკის მატებასთან ერთად იზრდება როგორც უნაყოფობის სიხშირე , ასევე  დამხმარე  რეპროდუქციული ტექნოლოგიების გამოყენების აუცილებლობა.

 

რა მნიშვნელობა აქვს ასაკს ორსულობის მიმდინარეობაზე?

 

სამწუხაროდ, 35 წლის ზემოთ  ასაკობრივი ჯგუფის ქალებში   დაორსულების შემთხვევაშიც მატულობს  პრობლემები, როგორებიცაა თვითნებითი აბორტი ( 35–39 წლის ქალებში თვითნებითი აბორტის რისკი შეადგენს 24%–ს, 40–44 წლის ქალებში –  51%–ს), საშვილოსნოს გარე ორსულობა, მკვდრადშობადობა, მთელი რიგი სამეანო (ნაადრევი მშობიარობა, გესტაციური დიაბეტი, პლაცენტის  წინმდებარეობა, პლაცენტის ნაადრევი აცლა, ჰიპერტენზია, საკეისრო კვეთის აუცილებლობა) და ახალშობილთა პრობლემები.

 

აქვს თუ  არა   გავლენა ასაკს  მამკაცის შვილოსნობის ფუნქციაზე?

 

 ზოგადად მამაკაცების  შვილოსნობის ფუნქცია ასაკთან პირდაპირ კავშირში არ არის,  თუმცა  არსებობს მონაცემები, რომ   40 წლის შემდეგ   მცირდება  მათი ფერტილობის  (შვილოსნობის) უნარი, რისი მიზეზიც, სავარაუდოდ,  არის სისხლში ანდოგენების  კონცენტრაციის შემცირება, სექსუალური აქტივობის დაქვეითება, სათესლე ჯირკვლების დაზიანება,  სპერმის ხარისხის გაუარესება, სპერმატოზოიდების დნმ–ის ანომალია.  

 

როგორია მკურნალობის ტაქტიკა?

 

პირველ რიგში უნდა აღინიშოს , რომ  თუ ქალი არის 35 წლის ზემოთ  ასაკობრივ ჯგუფში   და  6  თვის განმავლობაში დაუცველი,  რეგულარული სქესობრივი ცხოვების ფონზე არ მოხდა  ორსულობა, უნდა მიმართოს ექიმს  გამოკვლვეისთვის.   ვინაიდან  საკვერცხეების  რეზერვი ყველა ქალისთვის ინდივიდუალურია, ხორციელდება  მისი  შესწავლა და კონკრეტული  პაციენტის  რეპროდუქციული  პოტენციალის პროგნოზირება, შესაბამისად მკურნალობის გეგმის შემუშავება.

35 წლის ზემოთ ასაკობრივ ჯგუფში უნაყოფობის კონსერვატული  მეთოდით  მკურნალობის    წარუმატებლობისას   დროულად უნდა მოხდეს   ინ ვიტრო განაყოფიერების შეთავაზება , რათა არ დაიკაგოს  დრო, რომელიც ძალიან  ძვირად ფასობს პაციენტისთვის. 

ხოლო 40 წლის ზემოთ ასაკის მქონე   ქალებში მოცდითი ტაქტიკა გამართლებული არ არის და არჩევის მეთოდს ინ ვიტრო განაყოფიერება წარმოადგენს  საკუთარი ან დონორის კვერცხუჯრედით, საკვერცხის რეზერვის გათვალისწინებით  ,  რადგან  IVF –ის  დროს  ცოცხალშობადობის  შანსის   მთავარი  განმსაზღვრელი  არის  ქალის ასაკი და საკვერცხეში ფოლიკულების მარაგი..

 

როგორ შეგვიძლია  ასაკთან   დაკავშირებული   უნაყოფობის თავიდან აცილება?

 

 ერთ-ერთი გამოსავალი  არის კვერცხუჯრედების გაყინვა.    თუ ქალი არის 35 წლის ზემოთ ასაკობრივ ჯგუფში და  სქესობრივ  ცხოვრებას არ  ეწევა, ან ქორწინებაში არ არის, მაგრამ მომავალში გეგმავს თავისი გენეტიკური შვილის ყოლას, ცივილურ სამყაროში რადგან  ზედა ასაკობრივ ჯგუფში საკვერცხეში ფოლიკულების რაოდენობა  დრამატულად მცირდება, რეკომენდირებულია კვერცხუჯრედების დროული გაყინვა, რადგან შემდგომში   ინ- ვიტრო განაყოფიერების  წარმატება   დამოკიდებულია  ქალის  ასაკზე, როდესაც განხორციელდა    კვერცხუჯრედების გაყინვა .  

ზოგადად  ასაკთან   დაკავშირებული   უნაყოფობის პრევენციისთვის, საჭიროა   მოსახლეობის ინფორმირებულობა, რომ  შვილოსნობისთვის ოპტიმალური ასაკი არის 20–დან 35 წლამდე პერიოდი.

 

სტატიის მომწოდებელია: კლინიკა ინ ვიტრო

 

 

ურთიერთშეთანხმების მემორანდუმი “საქართველოს სამედიცინო ტურიზმის ასოციაციისა” და სამედიცინო პორტალ Tsamali.ge -ს შორის

Memorandum of Understanding signed between Georgian Association of Medical Tourism (GAMT) and Medical Portal Tsamali.ge

 

2017 წლის ივნისში ხელი მოეწერა ურთიერთშეთანხმების მემორანდუმს საქართველოს სამედიცინო ტურიზმის ასოციაციის (GAMT)  და სამედიცინო პორტალ Tsamali.ge -ს შორის. მემორანდუმის ფარგლებში ორგანიზაციები იმუშავებენ სამედიცინო ტურიზმის სფეროს პოპულარიზაციაზე საქართველოში და მის ფარგლებს გარეთ. 

 

"დღეისათვის სამედიცინო ტურიზმი არის ერთი-ერთი სწრაფად მზარდი სფერო, რომელშიც გამოკვეთილია ორი ძირითადი მიმართულება: 

 

- შემომავალი სამედიცინო ტურიზმი, იგი ორიენტირებულია უცხო ქვეყნის პირების მოზიდვაზე საქართველოში სამედიცინო დახმარების მისაღებად.

 

- გამავალი სამედიცინო ტურიზმი, რომელიც მიზნად ისახავს საქართველოში მცხოვრები პირების საერთაშორისო კლინიკებთან დაკავშირებას. 

 

ორივე მიმართულება ატარებს ქვეყნისთვის სტრატეგიულ მნიშვნელობას და დადებით გავლენას ახდენს როგორც ქვეყნის საერთო ეკონომიურ დონეზე ასევე ხელს უწყობს სამედიცინო სფეროში კონკურენტუნარიანობის ზრდას, რაც პოზიტიურად აისახება ხარისხსა და შეთავაზებული სერვისების ჩამონათვალზე. ჩვენი ორგანიზაციის მიზანია ხელი შეუწყოს ორივე მიმართულების განვითარებას, დაეხმაროს სამედიცინო და მომიჯნავე სფეროებს სამედიცინო ტურიზმისთვის აუცილებელი სტრუქტურის შექმნაში, გაზარდოს მათი ცნობადობა საქართველოს ფარგლებს გარეთ. ამასთან ერთად, ჩვენ აქტიურ მონაწილეობას ვიღებთ საერთაშორისო ღონისძიებებში, სადაც ვაცნობთ საქართველოს სამედიცინო ტურიზმის პოტენციალს. აღნიშნული ურთიერთშეთანხმების მემორანდუმი არის ჩვენთვის სტრატეგიულად მნიშვნელოვანი, რადგან ეს ორგანიზაცია არის ჩვენი ასოციაციის პირველი ინტერნეტ სივრცეში მოღვაწე წევრი. ჩვენი თანამშრომლობის ფარგლებშში ვგეგმავთ მრავალი საინტერესო პროექტის განხორციელებას, რომლებიც ორიენტირებულები იქნება სამედიცინო ტურიზმის პოპულარიზაციაზე ინტერნეტ სივრცის მეშვეობით."- განაცხადა ასოციაციის პრეზიდენტმა, ქ-ნ ნინო გერზმავამ.

 

სამედიცინო პორტალ Tsamali.ge -ს ადმინისტრაციული დირექტორის  ქ-ნ ლიკა ლოჟანიძის განმარტებით “საქართველოს სამედიცინო ტურიზმის ასოციაციასთან“ თანამშრომლობის დაწყება ეს დიდი და წინ გადადგმული ნაბიჯია რადგან ამ სფეროს საკმაოდ დიდი პოტენციალი აქვს რაც მთლიანად უნდა აითვისოს ქვეყანამ. ასოციაცია თავის მხრივ ძლიერი პარტნიორია რომელიც აქტიურად შეგვიწყობს ხელს საერთაშორისო ტურიზმის განვითარებაში, რაც პირდაპირ აისახება ქვეყნის კეთილდღეობაზე და წინსვლაზე.

 

ყველაფერი საზღვარგარეთ მკურნალობის შესახებ იხილეთ ამ ბმულზე: https://tsamali.ge/medtourism  

 

 

რა კავშირშია ემოციური ფონი ორსულობის დადგომასთან და მის შემდგომ განვითარებასთან? როგორ ხდება ფსიქოლოგური პრობლემები ფიზიოლოგიური პროცესის გართულების ან შეწყვეტის საფუძველი?

 

გეშტალტთერაპია ადამიანს განიხილავს როგორც სხეულის, სულისა და გონების ერთობლიობას. ორგანიზმს აქვს თვისება მუდმივად აღიდგინოს მისთვის ჩვეული მდგომარეობა და ცდილობს ის, რაც უცხოა ან მიუღებელი, ის რაც იწვევს ამ შემთხვევაში ჰომესტაზის დარღვევას, მოიცილოს.

 

ორსულობა ქალის ორგანიზმისთვის სრულიად ახალი გამოცდილებაა. ზედმეტი მზრუნველობა, ფიქრი, ნერვიულობა, შფოთვა და დეპრესია არის ორსულობის დადგომის ხელის შემშლელი ფაქტორი. ემოციური ფონი აიძულებს ორგანიზმს ნეგატიურად შეხვდეს უკვე განაყოფიერებულ კვერცხუჯრედს და ხელი შეუშალოს მის ფიქსაციას საშვილოსნოში, რაც გამოიხატება ზედმეტად ძლიერი შეკუმშვებით ე.წ. მომატებული ტონუსით. ეს თავის მხრივ განაპირობებს ნაყოფის განვითარების პათოლოგიას, შეწყვეტას და აბორტს.

 

ტოქსიკოზი - გახანგრძლივებული ან/და გართულებული ასევე ორგანიზმის პასუხია - ემოციური ფონის მიმართ.

 

გართულებული, გახანგრძლივებული ან ნაადრევი მშობიარობა - შედეგია არაადეკვატურად მიღებული ორსულობისა. რასაც თან სდევს მშობიარობის შემდგომი დეპრესია და დედა-შვილის ურთიერთობის გაუკუღმართება ცნობიერ თუ არაცნობიერ დონეზე.

 

გააცნობიერეთ თქვენი სხეულებრივი შეგრძნებები გეშტალტთერაპიის დახმარებით და მიეცით საკუთარ თავსა და ჯერ არ დაბადებულ შვილს ბედნიერი განვითარებისა და ცხოვრების საშუალება!

 

კლინიკა ტვინის ჯანმრთელობის ცენტრი გთავაზობთ ორსულთა ფსიქოლოგის მომსახურებას!

 

 

 

 

 

შერონ სთოუნი დიდი ხანია აღარ გვინახავს ეკრანებზე. მისი ეს თამამი ფოტოსესიაც მგონი უკავშირდება იმ ფაქტს, რომ ფართო საზოგადოებას და პრესას კვლავ შეახსენოს თავი. 

თქვენ ალბათ ფიქრობთ რომ შერონის გარეგნობით და ფინანსებით ის ეხლა უდარდელი ცხოვრებით ცხოვრობს, მაგრამ ეს ასე არ არის. შერონს ბევრი პრობლემა შეხვდა მათ შორის ჯანმრთელობის სერიოზული პრობლემებიც.

თუმცა ის ეხლა უკეთესად არის და მაინც ბოლომდე გვანახებს რომ დეპრესია და ნეგატივი არაფერს კარგს არ მოიტანს.

ასე რომ ისიამოვნეთ ფოტოსესიით და ნახეთ რა არის ნამდვილი სილამაზე

 

 

 

 

 

 

 

 

ვენის ვირუსოლოგიის ინსტიტუტის სამეცნიერო სპეციალისტებმა აღმოაჩინეს ვენერიული დაავადებების ახალი და საკმაოდ ეფექტური მკურნალობის მეთოდი. მათი მოსაზრებით, მიკროორგანიზმებს, რომლებიც ახდენენ ასეთი პათოლოგიური პროცესის პროვოცირებას, სწრაფად განდევნის დენის დარტყმა. მეცნიერები აღნიშნავენ იმასაც, რომ მკურნალობის ეს მეთოდი გამოიყენება მხოლოდ მამრობითი სქესის პაციენტებზე. დროთა განმვალობაში გათვალისწინებულია მისი გამოყენება მდედრობითი სქესის პაციენტების მკურნალობისთვისაც, თუმცა, მოცემულ მომენტში ეს შეუძლებელია გარკვეული ფიზიოლოგიური თავისებურებების არსებობის გამო.

დენის დარტყმით მკურნალობის პრინციპი შემდეგშია:

მამაკაცის სასქესო ორგანოს გარშემო მაგრდება სპეციალური ელექტროდი, რის შემდეგაც ექიმს ურეტრაში შეჰყავს გრაფიტის ჩხირი და რთავს აკუმულატორს. აღნიშნული პროცედურის შედეგად, დაავადების გამომწვევი მიკროორგანიზმები, რომლებიც ცდილობენ დამუხტონ გრაფიტის ჩხირი, უბრალოდ კვდებიან. რაც შეეხება აკუმულატორის სიმძლავრეს, ის სრულიად უსაფრთხოა ადამიანის ორგანიზმისთვის, რამდენადაც არ აჭარბებს მობილური ტელეფონის ბატარეის სიმძლავრეს.
უნდა აღინიშნოს, რომ ვენერიული დაავადებების დენის დარტყმით მკურნალობის იდეა დიდი ხნის წინ წარმოიშვა და გარკვეული კლინიკური გამოცდებიც გაიარა. თუმცა, როგორც კვლევის შედეგებმა აჩვენა, თერაპიის ასეთი მეთოდები ნაკლებად ეფექტური იყო, ვიდრე შესაბამისი მედიკამენტების მიღება. ბოლო ცდებმა უფრო ოპტიმისტური შედეგები დაანახა მეცნიერებს, მაგრამ აღნიშნულ საკითხზე მუშაობის გაგრძელება ჯერ კიდევ საჭიროა მისი სისრულეში მოყვანისთვის.
იმისდა მიუხედავად, თუ რა მეთოდები იქნება გამოყენებული სამომავლოდ ვენერიული დაავადებების მკურნალობისთვის, პირველ ადგილზე მაინც უნდა იდგეს პროფილაქტიკა. ყველაზე მარტივ და მოქმედ მეთოდად დღემდე მიიჩნევა კონტრაცეპცია.   

 

პრობლემა, რომელზეც ვისაუბრებთ სტატიში, აწუხებს ევროპის მოსახლეობის 40 %ს.

 

წლების სიმრავლის, რთული მშობიარობის, ოპერაციების, დაავადებების, დგომისა და ჯდომის ხანგრძლივი ზემოქმედების შედეგად, მენჯის შორისის კუნთები სუსტდება, და იწვევს:

 

• საშოს კუნთების ტონუსის მოდუნებას,  დაძაბუნებას და მათ დაშვება-დაწევას
• უნებლიე შარდვის (გაპარვის) პრობლემებს;
• სექსუალურ პრობლემებს („ფართო საშოს“სიმპტომი);
• საშვილოსნოს დაწევას - თიაქარს და სრულ გამოვარდნას.
• საშოს კუნთოვანი ქსოვილი წარმოდგენილია შიდა ცირკულარული და გარეთა გასწვრივი კუნთოვანი შრეებით. აღსანიშნავია, რომ საშოს სიგრძის (8-10 სმ) ზედა 2/3 წარმოდგენილია გლუვზოლიანი, ხოლო ქვედა 1/3 განივზოლიანი  კუნთებით, რაც შესაძლებლობას იძლევა მის აღდგენას სპეციფიური ვარჯიშების შემდეგ.
• საშოს დაზიანების, დეფორმაციის, მოდუნების და კუნთოვანი ქსოვილის კონსტრუქციის დარღვევის მიზეზთა შორის აღსანიშნავია: ადინამია, სისხლის მიმოქცევის დარღვევა და არაადეკვატური წნევა. რაც გამოწვეულია: 1. ფიზიკური დატვირთვით 2. მენოპაუზით 3. სიგარეტით 4. რთული მშობიარობებით 5. აგრესიული სამეანო ჩარევებით 6. გინეკოლოგიური ოპერაციებით 7. ხანგრძლივი ჯდომითი საქმიანობით 8. ანთებებით 9. არარეგულარული სქ. ცხოვრებით.

 

პაციენტს აწუხებს: 1. საშოს კედლებზე ზეწოლის ან უცხო სხეულის შეგრძნება 2. პატარა მუცლის შესიების შეგრძნება 3. უნებლიე შარდვა 4. ტკივილი სქესობრივი აქტის დროს 5. ანორგაზმია 6. „ფართო საშოს“ სიმპტომი 7. შეკრულობა, ჰემაროი.  8.  წელის ტკივილი

 

დიაგნოზი ისმევა ციფრული პერინეომეტრიით, რომლის საშუალებითაც ციფრებში იზომება საშვილოსნოს კუნთების ტონუსი. შორსწასული შემთხვევები იყოფა 4 სტადიად: 1. სასქესო ნაპრალი ღიაა 2. მოჩანს თაღები 3. საშვილოსნო დაწეულია კარიბჭემდე 4. სრული გამოვარდნა.

 

მკურნალობა ხდება სილიკონის კაფსულებით. თითო კაფსულას გააჩნია თავისი წონა 20-35-50-70 გრ. მათი შეკავება, გამოვარდნის გარეშე, საშოს წიაღში უნდა მოხდეს 15-20 წუთის განმავლობაში. მკურნალობისთვის მოწოდებულია კეგელის ვარჯიშის მეთოდიც.

 

 

 

შორსწასული შემთხვევებისათვის, დეფორმირებული საშოს კუნთოვანი ქსოვილების რეკონსტრუქციის მიზნით, გამოიყენება სილიკონის ფორმები. დიაგნოზის დასმის შემდეგ, იზომება საშოს მოცულობა (მოცულობის გასაზომი რგოლებით) და ირჩევა სილიკონის შესაბამისი ფორმა და ზომა. ფორმის ჩადგმა და გამოღება მარტივია. გამოღება შეიძლება ყოველ საჭირო შემთხვევაში. სამი თვის გასვლის შემდეგ საჭიროა კიდევ ერთელ გაიზომოს საშოს მოცულობა, ვინაიდან საშოს კუნთოვანი ქსოვილის კონსტრუქცია ექვემდებარება აღდგენას.

 

 

 

 

პროფილაქტიკა   1. მშობიარობიდან 2-4 თვის შემდეგ უნდა მოხდეს სამშობიარო გზების ტონუსის შემოწმება ციფრული პერინეომეტრით და საჭიროების შემთხვევაში ვარჯიში კოლპოტრეინის საშუალებით. 2. წელიწადში ერთხელ უნდა ჩაიტაროს მსგავსი პროფილაქტიკური გასინჯვა. საშოს და ზოგადად შორისის კუნთების ფორმაში მოყვანის მიზნით. 3. ყოველდღიური ცხოვრებიდან უნდა იყოს ამოღებული მისი მაპროვოცირებელი მიზეზები.

 

სამეანო პრაქტიკაში, ორსულების 3-5%-ში, გვხვდება ისეთი პათოლოგია, როგორიცაა საშვილოსნოს მოკლე ყელი ანუ ისთმიკო-ცერვიკალური უკმარისობა. საშვილოსნოს ყელის სიგრძე არ უნდა დამოკლდეს 30 მმ-ზე ქვევით, წინააღმდეგ შემთხვევაში მან შეიძლებაა ვეღარ გაუძლოს იმ მაღალ წნევას, რომელიც შექმნილია ორსულობის პერიოდში, გაიხსნას ყელი და მოხდეს  ნაადრევი მშობიარობა.

 

მედიცინაში სილიკონის მასალის დანერგვის შემდეგ, აღნიშნული პათოლოგიების სამკურნალოდ შემოღებული იქნა სილიკონის რგოლები, რომლებიც: 1. ეკვრის გარშემო ყელს და უშლის მის შემდგომ გახსნას. 2. ცვლის კუთხეს საშვილოსნოს ფუძიდან ყელის მიმართულებით გავლებული წრფისა, რათა სიმძიმის ცენტრმა არ გაიაროს ყელზე და არ  გაიხსნას იგი.

 

 

 

რგოლები სხვადახვა ზომისაა ნამშობიარევი და არანამშობიარევი საშოს მიხედვით. სხვადასხვა ზომისაა მისი შიდა დიამეტრიც, ნამშობიარევი და არანამშობიარევი საშვილოსნოს ყელის მიხედვით და სხვადასხვა სიმაღლისაა - საშვილოსნოს ყელის დარჩენილი სიგრძის მიხედვით.

 

რგოლის დადება ხდება 14-16 კვირის შემდეგ, როცა პროგესტერონით მკურნალობა დამთავრებულია და 18-20 კვირამდე. ამოღება ხდება მშობიარობის წინ.

 

რგოლი რბილია, ელასტიურია და დასვრეტილია სეკრეტის დრენირებისთვის

 

სილიკონის პესარიები მაღალეფექტურია ქისისებურ ნაკერთან შედარებით და საშვილოსნოს ყელზე ჩამოცმა შეიძლება ამბულატორიულ პირობებში.

 

სტატია მოგვაწოდა: კლინიკა ოჯახის ექიმი

 

 

 

«American Journal of Preventive Medicine»-ში გამოქვეყნებული გამოკვლევის თანახმად, ქრონიკული დაავადებები ფსიქიური პრობლემების არმქონე პაციენტებშიც კი მნიშვნელოვნად ზრდის თვითმკვლელობის ჩადენის რისკს.

 

გამოკვლევაში მონაწილეობას იღებდა 2674 ადამიანი, რომლებმაც სიცოცხლე თვითმკვლელობით დაასრულეს 2000 – 2013 წლების პერიოდში, ასევე 267 400 ადამიანი საკონტროლო ჯგუფებიდან.

 

მკვლევარებმა დაადგინეს, რომ კვლევას დაქვემდებარებული 19 ადამიანიდან 17 იყო თვითმკლელობის ჩადენის მაღალი რისკის ქვეშ. ამ ადამიანებს აწუხებდათ შემდეგი დაავადებები: ასთმა, ზურგის ტკივილი, ქალა-ტვინის ტრავმა, გულის უკმარისობა, ფილტვების ქრონიკული ობსტრუქციული დაავადება, დიაბეტი, ეპილეპფსია, აივ ინფექცია, გულის დაავადებები, ჰიპერტონია, შაკიკი, პარკინსონის დაავადება, ფსიქოგენური ტკივილი, თირკმლის უკმარისობა, ძილის დარღვევა და ინსულტი.

 

მეცნიერებმა აღმოაჩინეს, რომ ძილის დარღვევა და აივ ინფექცია ორჯერ ზრდის სუიციდის ჩადენის ალბათობას მაშინ, როცა ქალა-ტვინის ტრავმა ამ რისკს ცხრაჯერ უფრო ზრდის. «მიუხედავად იმისა, რომ თვითმკლელობის რისკი ფიქსირდება ქრონიკულად დაავადებული ადამიანების უმრავლესობაში, სუიციდის პროფილაქტიკის აუცილებლობა განსაკუთრებით მნიშვნელოვანია ქალა-ტვინის ტრავმის მქონე ადამიანებისთვის, რადგან მათი მხრიდან თვითმკლელობის ჩადენის რისკი ცხრაჯერ აღემატება დანარჩენი დაავადებების მქონე ადამიანებისას. ეს გამოკვლევა ძალიან მნიშვნელოვანია იმისათვის, რომ გავიგოთ, როგორ შეიძლება სუიციდით გამოწვეული სიკვდილიანობის შემცირება სამედიცინო-პროფილაქტიკური ღონისძიებებით», — აცხადებს კვლევის ავტორი, დოქტორი ბრაიან აჰმედანი (Brian K. Ahmedani).

 

აშშ-ში თვითმკლელობების სტატისტიკა საკმაოდ საგანგაშოა: სუიციდი რჩება სიკვდილიანობის ძირითად ფაქტორად და თვითმკლელობის გამო აშშ-ში წლის მანძილზე კვდება დაახლოებით 450 000 ადამიანი. ბოლო 17 წლის მანძილზე სუიციდის გამოწვეული სიკვდილიანობის მაჩვენებელი გაიზარდა 24%-ით.

 

პოსტსაბჭოთა სივრცის ქვეყნებში სუიციდით სიკვდილიანობის მაჩვენებელი ასე გამოიყურება: რუსეთი 17 ადამიანი 100 000-დან, განსაკუთრებით გამოირჩევა ამ მხრივ ალტაი, ბაიკალის რეგიონი, ბურიატია და ნენეცკის არ. ყველაზე დაბალი თვითმკვლელობის მაჩვენებელი ფიქსირდება მოსკოვში, სანქტ-პეტერბურგში, სამხრეთ რუსეთში და ჩრდილოეთ კავკასიის რეპუბლიკებში.

მსოფლიოში ყველაზე დაბალი თვითმკლელობების მაჩვენებლი არის გაიანეში (წელიწადში 44 ადამიანი 100 000-დან), ასევე საუდის არაბეთში და სირიაში (0,4 შემთხვევა 100 000-დან წლის მანძილზე). 

 

 

 

დღეისათვის მედიცინის ძირითად ამოცანას წარმოადგენს არა დაავადებების მკურნალობა, არამედ მათი დროულად გამოვლენა და პროფილაქტიკა. სწორად და დროულად დასმული დიაგნოზი დაავადებათა უმრავლესობის განვითარების შეწყვეტის საშუალებას იძლევა. სწორედ ამიტომ, ჯანდაცვის საერთაშორისო ორგანიზაცია (WHO- World Health Organisation) თვლის, რომ ჯანდაცვის ყველაზე ეფექტური მეთოდი არის გამოკვლევების რეგულარული პროგრამები - როგორც კომპლექსური, ისე სპეციალიზირებული.

 

დიაგნოსტიკა დიდი ხანია რაც სამედიცინო ტურიზმის სფეროს ერთ-ერთი ყველაზე პოპულარული მომსახურება გახდა. ყოველწლიურად ათობით ათასი ადამიანი მიემგზავრება საზღვარგარეთ იმისათვის, რომ გაიაროს ორგანიზმის ან კონკრეტული ორგანოების ხარისხიანი გამოკვლევა. ამიტომ, ბევრმა სამედიცინო დაწესებულებამ, განსაკუთრებით დასავლეთ ევროპაში, ასევე აშშ-შ, ისრაელსა და თურქეთში, რომლებიც უცხოელ პაციენტებს ემსახურებიან, თავის საქმიანობაში დიაგნოსტიკა გახადა ერთ-ერთ პრიორიტეტულ მიმართულებად.

 

დიაგნოსტიკის ხარისხიანად და სწრაფად ჩატარებისათვის, სამედიცინო დაწესებულებები ყიდულობენ ულტრათანამედროვე სამედიცინო მოწყობილობებს და იყენებენ უახლეს ტექნოლოგიებს. ზოგიერთ მოწყობილობის სახეობა შეიძლება საერთოდაც არ არსებობდეს პაციენტის საცხოვრებელ ქვეყანაში. 

 

სადიაგნოსტიკო პროგრამებს უცხოელი პაციენტებისთვის ჩვეულებრივ ადგენენ ისე, რომ ამქსიმალურად შეკვეცილი იყოს პაციენტის სამედიცინო დაწესებულებაში ყოფნის პერიოდი. გამოკვლევების შედეგები და ანალიზის პასუხები მზადდება ძალიან სწრაფად. სულ რაღაც რამოდენიმე დღეში შესაძლებელია დიაგნოსტიკის პასუხის მიღება, ხოლო ექიმ-დიაგნოსტიკოსის ან სხვა საჭირო სპეციალისტის კონსულტაციის მიღება შესაძლებელია მაშინვე.

 

სპეციალურად პაციენტებისთვის, რომლებიც საზღვარგარეთიდან ჩადიან, შემუშავებულია გამოკვლევების სხვადასხვა პროგრამები და თითოეულ მათგანს გააჩნია თავისი უპირატესობები და ღირებულება. პაციენტებს საშუალება ეძლევათ კომპლექსური (საერთო) გამოკვლევის შემდეგ გააგრძელონ დიაგნოსტიკა კონკრეტული ორგანოების გამოკვლევის ფარგლებში. მაგალითად, სპეციალიზირებული ონკოლოგიური დიაგნოსტიკის პროგრამაში, დასავლეთ ევროპის ქვეყნების კლინიკებში ხშირად შედის შემდეგი მომსახურებები:

 

ექიმის კონსულტაცია და შემოწმება;

ლაბორატორიული კვლევების კომპლექსი (სისხლისა და შარდის ანალიზები);

ონკომარკერები;

მუცლის ღრუს უბგ (ულტრა ბგერითი გამოკვლევა);

კოლონოსკოპია;

გასტროსკოპია;

 

შემაჯამებელი გასაუბრება ექიმ-დიაგნოსტიკოსთან, გამოკვლევის შედეგების განხილვა, რეკომენდაციების გაცემა და დასკვნის გაფორმება.

 

ასეთი პროგრამის ხანგრძლივობა შეადგენს 3-5 დღეს, ხოლო ღორებულება - რამოდენიმე ათას ევროს (2-დან 4,5 ათასამდე). შესაძლოა ვინმეს ძვირად მოეჩვენოს ეს ფასი, თუმცა დიაგნოსტიკაზე თანხის დაზოგვა ნამდვილად არ ღირს და არც მიღებულია. მკურნალობა და რეაბილიტაცია გაცილებით ძვირი ჯდება.

 

საზღვარგარეთ დიაგნოსტიკა პაციენტებს ასევე ეხმარება გარემოს შეცვლასა და უშუალოდ საკუთარ ჯანმრთლობაზე კონცენტრირებაში. დიაგნოსტიკური პროცედურები ტარდება სტრესისგან თავისუფალ გარემოში, რეგლამენტისა და ექიმის რეკომენდაციის სრული დაცვით. გამოკვლევის დროს სამედიცინო დაწესებულებები უზრუნველყოფენ არმარტო მაღალი ხარისხის სამედიცინო მომსახურებას, ასევე შესაბამის მოვლას.

 

რისკ ჯგუფში შემავალ პაციენტებს (სტრესული და მავნე სამუშაო გარემო, მემკვიდრეობითი დაავადებები, გადამდები ონკოლოგიური და სხვა დაავადებები, ოპერატიული ჩარევა, არასასურველი კლიმატი და სხვა) და ასევე იმ პაციენტებს, რომელთა ასაკი 40 წელზე მეტია, ექიმები ურჩევენ გამოკვლევები ჩაიტარონ წელიწადში მინიმუმ ერთხელ.

 

 

 

პატარა იგავი, პრინციპულ სხვაობაზე გამარჯვებულებსა და ყველა დანარჩენს შორის.  

 

სიბერეში ფერმერმა გადაწყვიტა თავისი ფერმა გადაეცა თავისი ორი ვაჟისთვის. ფერმერმა ისინი შეკრიბა და გამოუცხადა: ფერმა დარჩება უმცროსს. უფროსი ვაჟი გაბრაზდა. «რას ამბობ?!», — ყვიროდა ის. მამამ უპასუხა: «კარგი, მე მინდა რაღაც გააკეთო ჩემთვის. პირუტყვის რაოდენობა უნდა გავზარდოთ, ამიტომ მეზობელ ფერმაზე წადი და იკითხე, ხომ არ ჰყავთ გასაყიდი ძროხები». მალე უფროსი ვაჟი დაბრუნდა და მამას მოახსენა: «მეზობელი ექვს ძროხას ყიდის». მამამ თავაზიანად მოუხადა მადლობა უფროს ვაჟს. შემდეგ დაუძახა უმცროსს და უთხრა: «რაღაც მინდა ჩემთვის გააკეთო. გთხოვ, წადი მეზობელ ფერმაზე და იკითხე ძროხებს ხომ არ ჰყიდიან». უმცროსი ვაჟი წავიდა მამის თხოვნის შესასრულებლად. გარკვეული დროის შემდეგ დაბრუნდა და მამას შეატყობინა: «მამა, მეზობელი ყიდის ექვს ძროხას, თითო 5000-ია, თუ უფრო მეტს ვიყიდით ფასს დაგვიკლებს. შემდეგ კვირას კარგი ჯიშის ძროხები უნდა მოუყვანონ, თუ არ გვეჩქარება შეგვიძლია დაველოდოთ. მაგრამ თუ ძროხები სასწრაფოდ უნდა ვიყიდოთ, მეზობელს შეუძლია ხვალვე მოგვიყვანოს». მამამ თავაზიანად მოუხადა მადლობა უმცროს ვაჟს შესრულებული სამუშაოსთვის. შემდეგ მიუბრუნდა უფროსს და უთხრა: «სწორედ ამიტომ მიიღებს ფერმას შენი უმცროსი ძმა» - წარმატებული ადამიანები იჩენენ ინიციატივას.

ადამიანების უმრავლესობა აკეთებს იმას, რასაც მათგან კონკრეტულად მოითხოვენ. რიგ შემთხვევებში მათ კონკრეტული მითითებები სჭირდებათ. და პირიქით, წარმატებული ადამიანები ჩართული არიან მთლიანად საქმეში. მათი მართვა საჭირო არ არის. ისინი არამარტო ასრულებენ სამუშაოს, არამედ აკეთებენ მას სწორად და სრუალფასოვნად. ისინი მართავენ იდეებს და აზრებს. რაც მთავარია, წარმატებული ადამიანები ინიციატივით გამოირჩევიან. ისინი ურთიერთბენ კოლეგებთან, სვამენ კითხვებს, იძლევიან რეკომენდაციებს, სთავაზობენ დახმარებას და ავითარებენ საკუთარ იდეებს. წარმატება დამოკიდებულია აქტიურ ქმედებებზე. არ ღირს იმაზე გათვლა, რომ ცხოვრება თავისთავად მოგართმევთ ყველაფერს ლანგრით.  იმოქმედეთ, ნუ დაელოდებით ნურაფერს!

 

ყველა ორგანიზაციაში არის რამოდენიმე შეუცვლელი თანამშრომელი. დანარჩენები უფროს ვაჟს ჰგვანან, რომელიც ზემოთ მოვყანილ ისტორიაშია. მათი შეცვლა ადვილია. ისინი პასიურები, ინერტულები არიან და საჭიროებენ კონკრეტულ მითითებებს. ისინი უნდა მართო. ინიციატივა რისკის გარკვეულ დონეს გულისხმობს. ყოველთვის არის მარცხის განცდის შანსი. მეორეს მხრივ, ადამიანი, რომელიც მხოლოდ იმას აკეთებს, რაც უთხრეს, არაფრით არ რისკავს და არანაირ პასუხისმგებლობას არ გრძნობს. ჰკითხეთ საკუთარ თავს, ხართ თუ არა ინიციატივიანი? ამის სწავლა ნებისმიერს შეუძლია. მათ, ვისაც არ სურს ინიციატივის გამოვლენა, შეიძლება ერთი რამ ვუთხრათ: ცხოვრება თქვენ ნამდვილად არ დაგიცდით!

 

 

შვრიით გაწმენდა

1 ჩ/ჭ შვრიის ფანტელს დაასხით 0,5 ლ ახალი რძე და მიიყვნეთ ადუღებამდე. ამის შემდეგ ნელ ცეცხლზე დაადუღეთ განახევრებამდე. შედეგად თქვენ უნდა მიიღოთ ნახევარი ჩ/ჭ თხელი ფაფა, რომელსაც ღია ყავისფერი უნდა ჰქონდეს. მიღებული ფაფა თბილ მდგომარეობაში უნდა დალიოთ ერთ ჯერზე. ასეთი ფაფა ყოველ დღე საკვების მიღებამდე 30 წუთით ადრე უნდა დალიოთ დღეში სამჯერ. დაახლოებით 5-7 დღის შმდეგ დაიწყება ფილტვების გაწმენდა: ამ დროს შეიძლება შეგაწუხოთ ხუთვამ და ხველამ, ასევე შესაძლოა გაგიჩნდეთ მომწვანო ან მონაცრისფრო სქელი ნახველი.

 

ორეგანოს და იის ნახარში

ამ ნახარშს შეუძლია მოახდინოს მოციმციმე ეპითელიუმის სტიმულირება, რომელიც სასუნთქ გზებში იმყოფება. მომზადების წესი: 1 ს/კ სამფეროვანი იის და 1 ს/კ ორეგანოს ფურცლებს დაასხით 0,5 ლ მდუღარე წყალი და გააჩერეთ დაახლოებით ერთი საათის მანძილზე შეფუთულ მდგომარეობაში. აღნიშნული ნაყენი უნდა მიიღოთ დღეში 2-3-ჯერ, შაქრის გარეშე. თუ ამ ნაყენს რეგულარულად მიიღებთ ჩაის სახით დღის მანძილზე, ფილტვები გაგეწმინდებათ ისე, რომ ნახველი და ხველა არ შეგაწუხებთ.

 

ინჰალაცია

ინჰალაციის ჩასატარებლად შეგიძლიათ გამოიყენოთ ისეთი ეთერზეთები, როგორიცაა: ფიჭვის, მაიორანის, ევკალიპტის. ინჰალაციის ჩატარების პირობები: ემალის ქვაბში ჩაასხით სუფთა წყალი და დადგით ცეცხლზე. ადუღების შემდეგ დაუწევთ გაზს და წყალში ჩაამატეთ 1 ჩ/კ ეთერზეთი, შემდეგ თავზე მოიხვიეთ პირსახოცი და წყლის არომატული ორთქლი ისუნთქეთ 10-15 წუთის მანძილზე. სუნთქვა საჭიროა პირით, აუჩქარებლად, რაც შეიძლება ღრმა ჩასუნთქვა-ამოსუნთქვით. ერთი კურსის ხანგრძლივობა შეადგენს 1-2 კვირას, პროცედურა უნდა გააკეთოთ ყოველ დღე. ყველაზე კარგია ინჰალაციის გაკეთება ძილის წინ, რათა პროცედურის შემდეგ პირდაპი დაწვეთ, ჩათბეთ და დაიძინოთ.

 

რძე

იმისათვის, რომ გაისუფთაოთ ფილტვები ნახველისგან, ხალხური მედიცინა გთავაზობთ ძილის წინ თბილი რძის დალევას. ეფექტის გასაძლიერებლად რძეში შეგიძლიათ 1 ჩ/კ თხელი თაფლი ან 1 წვეთი ფიჭვის ეთერზეთი ჩაამატოთ.
 

 

 

როგორ ავარიდოთ თავი ტყუილს და არ გავხდეთ აფერისტების მსხვერპლი? კარგი იქნებოდა ყოველთვის რომ შეგვეძლოს იმის ამოცნობა, გვატყუებენ თუ არა. ამ სტატიაში განვიხილავთ აღნიშნულ საკითხზე ჩატარებული ბოლო სამეცნიერო კვლევების შედეგებს. პირველ რიგში შევეხებით სიცრუის ექსპერტის, მარია კონიკოვას ნაშრომს, რომელიც არის ერთ-ერთი ბესტსელერის - «გამოჩენილი გონება: შერლოკ ჰოლმსივით აზროვნება»-ის ავტორი, ფსიქოლოგი და კოლუმნისტი გამოცემა The New York Times-ში. ცოტა ხნის წინ მან გამოსცა ახალი წიგნი სახელწოდებით «ნდობის თამაში» (The Confidence Game). მარიამ ჩაატარა ხანგრძლივი კვლევა თემაზე, თუ როგრო უნდა განსაზღვრო ტყუილი. მას დასჭირდა რეალურ თაღლითებთან საუბარიც კი, იმისათვის, რომ გაეგო თუ როგორ აზროვნებენ და მოქმედებენ ისინი. თავიდანვე უნდა აღვნიშნოთ, რომ ტყუილის გარჩევა ადვილი არ არის და არც არანაიარი მაგიური ხერხი არსებობს მის ამოსაცნობად. ყველაფერი მარტივად რომ ყოფილიყო, სიცრუის პრობლემა თავისთავად გაქრებოდა. ამასთან, თუ თქვენ გეჩვენებათ, რომ იცით როგორ უნდა გამოავლინოთ მატყუარა, იმედი უნდა გაგიცრუოთ - თქვენ არაფერიც არ იცით. აი რას წერს მარია: «მატყუარას არ ეზრდება ცხვირი ბურატინოსავით. არ არსებობს რაიმე კონკრეტული ნიშანი სიცრუის გამოვლენისთვის. მართალია ხალხური სიბრძნე სიცრუის გამოვლენის უამრავ გზას გვთავაზობს, მაგალითად, მას გადააქვს მზერა, წითლდება, ოფლიანდება და ა.შ. რეალურად კი, თუ საქმე ეხება გაწვრთნილ მატყუარას, მას არაფერი მსგავსი არ ემართება». რა უნდა ქნათ იმისათვის, რომ გაარკვიოთ გატყუებენ თუ სიმართლეს გეუბნებიან?

 

1. აიძულეთ ოპონენტი იფიქროს

ტყუილის თქმა საკმაოდ რთულია. ასეთ დროს საჭიროა აკონტროლოთ სიმართლისა და გამოგონილის საზღვარი და ასევე ეცადოთ, რომ არ გამოგიჭირონ სიცრუეში. ეს მიუთითებს იმას, რომ ტვინი მუდმივად მუშაობს. წარმოგიდგენთ ნაწყვეტს რობერტ ტრივერსის წიგნიდან - «მოატყუე საკუთარი თავი. როგორ გვეხმარება თავის მოტყუება გადარჩენაში»: «ტყუილს სჭირდება დიდი გონებრივი დანახარჯი. თქვენ აკურატულად უნდა მოიშოროთ ცნობიერებიდან სიმართლე მის ნაცვლად დადგათ სიცრუის კონსტრუქცია, აქედან არცერთი ნაწილი არ ეწინააღმდეგება იმ მოცემულობას, თუ რა იცის უკვე მსმენელმა ან რას გაიგებს მომავალში. თქვენ სათქმელი უნდა გადმოსცეთ დამაჯერებელი ტონით და ისტორიის დეტალები კარგად დაიმახსოვროთ. როგორც წესი, ამ პროცესს დიდი დრო მიაქვს და მოითხოვს გარკვეულ კონცენტრაციას, რაც არსებითად ამცირებს პროდუქტიულობას და არ იძლევა პარალელურად რაიმეს კეთების საშუალებას ». თუ თქვენ გინდათ, რომ მატყუარა გამოტყდეს თავისთავად, გაზარდეთ მისი ე.წ. «კოგნიტური დატვირთვა», აიძულეთ ის იფიქროს. რაც უფრო მეტი ფიქრი მოუწევს, მით უფრო სწრაფად დაუშვებს შეცდომას. როგორ უნდა გააკეთოთ ეს? პოლიციელები ჩვეულებრივ სვამენ შეკითხვებს, რომლებსაც არ აქვთ  შეთავაზებული სავარაუდო პასუხები, რათა ადამიანს მუდმივად ლაპარაკი სჭირდებოდეს. სჯობს ისეთ რამის შეკითხვა, რის მოსმენასაც ოპონენტი არ ელის. ყველაფერი მისაღებია, რაც ადამიანის გონებას თრგუნავს. გამოცდილი მატყუარები ყოველთვის ცდილობენ თქვენი ყურადღება გადაიტანონ ფაქტებიდან. არ მისცეთ მათ ამის გაკეთების უფლება. დაუსვით მარტივი შეკითხვები იმისათვის, რომ გქონდეთ ყველაზე მთვარზე მობილიზების საშუალება. მარია თავის წიგნში წერს: «გონებრივი დატვირთვის დონე მნიშვნელოვან გავლენას ახდენს ტყუილის განსაზღვრის შესაძლებლობაზე, ამიტომ, როცა ჩვენ ყველაფერზე ფიქრი გვიხდება ერთდროულად, ჩვენ ვეღარ ვამჩნევთ დეტალებს. რისი გაკეთებაც შეგვიძლია, ეს არის ტვინის განტვირთვა. მატყუარა აგავსებთ ათასგვარი სიტყვებით, რათა მოახდინოს თქვენი დეზორიენტაცია და უფრო მეტად ემოციებზე დაგაყრდნოთ, ვიდრე გონებაზე». თავი არ უნდა მოვიტყუოთ და უნდა ვაღიაროთ, რომ სხვისი გონებრივი დატვირთვის გაზრდა არაფორმალურ ვითარებაში საკმაოდ რთულია. ამ მეთოდს კიდევ ერთი პრობლემა აქვს: ის არ მუშაობს «პროფესიონალ» მატყუარებზე. სამწუხაროდ, როცა საქმე გვაქვს აფერისტებთან, უნდა გვესმოდეს, რომ მათთვის არ არსებობს გონებრივი დატვირთვის გაგება, რადგან ისინი ამით ცხოვრობენ. სიცრუე - ეს არის მათი ცხოვრების არსი. ისინი არ გატყუებენ, მათთვის უბრალოდ სხვა რეალობა არ არსებობს». ამიტომ, საკუთარი კოგნიტური დატვირთვის შემცირება და პირიქით, მისი გაზრდა მატყუარასთან ურთიერთობისას, დაგეხმარებათ გაარჩიოთ მოყვარული-მატყუარა, თუმცა ეს არ იმუშავებს პროფესიონალ-მატყუარასთან ურთიერთობისას. რა უნდა ვქნათ ასეთ დროს? უბრალოდ მათ უნდა ვებრძოლოთ თავიანთ იარაღით.

2. შეეცადეთ მთელი ძალით

 

აღიარეთ, რომ ჩვეულებრივ, თქვენ არც კი ცდილობთ ტყუილის გარჩევას. თქვენ უბრალოდ გინდათ ნორმალურად საუბარი. თაღლითები და გამოცდილი მატყუარები კი საკმაოდ მონდომებით ცდილობენ თქვენს მოტყუებას. საბედნიეროდ, თქვენ შეგიძლიათ ტყუილის გამოვლენის შანსები გაზარდოთ მარტივად, თუ მოინდომებთ მის გარჩევას. შემდეგ ჯერზე, როცა საქმე გექნებათ ისეთადამიანთან, ვიზეც ეჭვობთ, რომ შესაძლოა გატყუებდეთ, ყურადღება მიაქციეთ იმას, თუ რას და როგორ საუბრობს. მარტივი შინაგანი მოტივაციით მატყუარას დაჭერა შესაძლოა საკმაოდ ადვილი იყოს: «როცა თქვენ რეალურად გსურთ იმის გაგება ვინ გატყუებთ, გაცილებით უფრო ფრთხილი ხდებით ადამიანების განსჯისას. ხშირ შემთხვევაში არ ვიციკლებით ადამიანის ამოცნობაზე, მაგრამ, საკმარისია ამით დავინტერესდეთ და მაშინვე გვეცვლება მისდამი დამოკიდებულება. ნათქვამს უფრო ღრმად ვაანალიზებთ და სიმართლისა და ტყუილის გარჩევის შესაძლებლობაც იზრდება». მარტივია არა? ისევე, როგორც ყველაფერი გენიალური. კიდევ რას უნდა მიექცეს ყურადღება, როცა გეჩვენებათ, რომ ვიღაც თქვენს მოტყუებას ცდილობს? უმეტესობა თვლის, რომ საჭიროა დეტალებზე დაკვირვება - არადა ეს არასწორია. თუ თქვენ რეალურად გსურთ სიცრუის გამოვლენა, უფრო მეტი ყურადღება უნდა მიაქციოთ საკუთარ თავს.

3. აკონტროლეთ საკუთარი ემოციები

როცა ჩვენ ემოციების ქარცეცხლში ვართ, ყურადღება იფანტება. ტვინი მიჰყვება გაკვალულ გზას და ჩვენ ვებმებით ხაფანგში. ფოკუსირდით იმაზე, რომ ნებიესმიერ ვითარებაში დარჩეთ ობიექტური და არ აყვეთ ემოციებს. მარია ამის შესახებ წერს:
«ემოციები — ადამიანის ქცევის ყველაზე მძლავრი ძრავია, ამიტომ, როცა გაღიზიანებული ვართ, ტვინი წყვეტს განსჯას და მიდის ჩვეული გზით საბოლოო გადაწყვეტილების მიღებამდე, მიუხედავად იმისა, რომ ჩვენ არ ვიცით რა გზაა ეს ან რატომ ხდება ასე. სწორედ ამაზე აკეთებენ გათვლას თაღლითები, ისინი ცდილობენ თქვენში მაქსიმალური რაოდენობის ემოციები გამოიწვიონ იმისათვის, რომ შეწყვიტოთ შეკითხვების დასმა და მოხვდეთ მათ მიერ გაბმულ ქსელში». ჩვენ ეჭვს ქვეშ ვაყენებთ ფაქტებს, ლოგიკას. მაგრამ ჩვენ არასოდეს გვეპარება ეჭვი საკუთარ გრძნობებში. და როგორც კი მივენდობით ემოციებს, ვიღაც მაშინვე იწყებს ამით მანიპულირებას, რასაც მივყავართ ჩვენი მხრიდან არასწორი გადაწყვეტილების მიღებამდე. რატომ? იმიტომ, რომ გულის სიღრმეში ყველა ჩვენგანს სჯერა, რომ სასწაულს ვიმსახურებთ. როცა ვინმე იმის საშუალებას გვაძლევს, რომ რამე დავიჯეროთ, თუნდაც არარეალური, დიდი სიხარულით ვეგებით მის მახეში. ჩვენ ხშირად წარმოვთქვამთ სიტყვებს: „ძალიან ლამაზად ჟღერს საიმისოდ, რომ სიმართლე იყოს“ - მხოლოდ ამას სხვებთან მიმართებაში ვაკვირდებით და გვავიწყდება გავაკონტროლოთ საკუთარი თავი. წარმოიდგინეთ, რომ თქვენ მიყევით ბერნარდ მედოფის საინვესტიციო რჩევებს, რომელიც მოგვიანებით დაადანაშაულეს ისტორიაში ყველაზე მსხვილი ფინანსური პირამიდის შექმნაში. თქვენ ხომ არ გიკითხავთ საკუთარი თავისთვის, თუ როგორ მიაღწია მან ამხელა შემოსავლის მიღების შესაძლებლობას? ამის ნაცვლად, თქვენ საკუთარი თავი შეაქეთ სწორი ადამიანის არჩევისთვის, რომლის რჩევების გათვალისწინებაც ჭკვიანურია. დაიმახსოვრეთ - არასოდეს მიიღოთ გადაწყვეტილება და არ დაიჯეროთ ნათქვამი მანამ, სანამ ყველა ფაქტს არ შეისწავლით.  

დასკვნა: თუ თქვენ თვლით, რომ ვინმე გატყუებთ, საჭიროა ლოგიკის ჩართვა. ქვემოთ საუბარს გავაგრძლებთ იმაზე, თუ რა ფორმებს იღებს ტყუილი, რომელთა გამოცნობა ყველაზე რთულია.

4. უფრთხილდით ისტორიებს

როცა ადამიანები საკუთარ ისტორიებს გვიყვებიან, ჩვენ გამორთული გვაქვს გადამოწმების ფუქნცია და არ ვაკეთბთ დაშვებას, რომ შეიძლება გვატყუებდნენ. ჩვენ ვუსმენთ და უბრალოდ ვტკბებით მონათხრობით. ეს უდიდესი შეცდომაა, რადგან კვლევები აჩვენებენ, რომ სწორედ კარგად მოყოლილმა ისტორიამ შეიძლება გვაიძულოს დავიჯეროთ ის, რაც დაუჯერებელია და შეგვაცვლევინოს აზრი. დავუბრუნდეთ რობერტ ტრივერსის წიგნს: «როცა ფსიქოლოგები მელანი გრინი და ტიმოტი ბროკი ამოწმებდნენ მონაყოლის დამარწმუნებელ ძალას, მათ აღმოაჩინეს, რომ რაც უფრო იზიდავს ისტორია ადამიანს თავის სამყაროში, მით უფრო მეტი შანსი აქვთ მატყუარებს. რაც უფრო ჩაფლულია მკითხველი ტექსტში, მით უფრო ნაკლებად ამჩნევს ფარსს. ასეთ დროს გაბრუებული ადამიანი კარგავს ლოგიკური განსჯის უნარს. უფრო მეტიც, ისტორიით გართული მკითხველები მზად იყვნენ დათანხმებოდნენ ისეთ მოსაზრებებსაც კი, რომლებსაც იგივე ავტორი მანამდე უარყოფდა...». ეს სერიოზული პრობლემაა. ჩვენი ტვინი დაპროგრამებულია ისტორიებზე რეაგირება მოახდინოს საკმაოდ განსაზღვრული ფორმით. არაფერი ისე კარგად არ არწმუნებს, როგორც გასართობი ისტორია. კლერმონის უნივერსიტეტის ნეიროეკონომიკის სფეროს სპეციალისტი და ნეიროეკონომიკური კვლევების ცენტრის ხელმძღვანელი პოლ ზაკი, ნარატივის ძალას განიხილავს ადამიანების ყოველდღიურ ურთიერთქმედებაში, იქნება ეს სამეგობრო წრე, უცხო ადამიანები თუ საგნები (წიგნები, ტელევიზია და ა.შ.). მან აღმოაჩინა, რომ არაფერი ისე არ ამაღლებს ემოციურ და ქცევით მიმღეობას ისე, როგორც გონივრულად გადმოცემული  მონათხორბის ნაკადი. ჯონს ჰოპკინსის უნივერსიტეტის წარმომადგენელმა კიტ კეზენბერმა დაახლოებით 100 სარეკლამო რგოლზე მოახდინა დაკვირვება, რომლებიც გადიოდა სუპერთასის დროს, რათა გამოევლინა მათი საერთო მახასიათებელი. იცით რა გაარკვია მან? ყველა ეს სარეკლამო რგოლი გადმოსცემდა რაღაც ისტორიას. რომელია ყველაზე ძლიერი ინსტრუმენი ჩვენს არსენალში იმისათვის, რომ თავი დავიცვათ მატყუარებისგან?

5. შეიცანით საკუთარი თავი

მარია კონიკოვამ გამოკითხა ადამიანები, რომელთა გადაბირებას ცდილობდნენ სექტები მანიპულაციისა და ტყუილის ყველაზე ექსტრემალური მეთოდების გამოყენებით. გაინტერესებთ როგორ მოახერხეს მათ თავის დაცვა? ყველა მათგანს პირველ რიგში ჰქონდა საკუთარი პიროვნების აღქმის მკაფიო უნარი. მათ არ ესაჭიროებოდათ სხვებისგან იმის ახსნა, თუ რას წარმოადგენენ. მათ იცოდნენ რას ჰქონდა მათთვის მნიშვნელობა, რა სურდათ, რისი იმედი შეიძლება ჰქონოდათ, რაზე ოცნებობდნენ. საკუთარი იდენტურობის მკაფიოდ გამოკვეთილი გრძნობა - ეს არის ყველაზე ძლიერი იარაღი თავსმოხვეული აზრებისა და მატყუარებისგან თავის დაცვისთვის. მარიას წიგნში ვკითხულობთ: «თაღლითების მსხვერპლების საერთ მახასიათებელი ნიშანია ემოციური მოწყვლადობა. თაღლითები ყოველთვის გრძნობენ სად არის თქვენი ყველაზე სუსტი და დაუცველი ადგილები და სწორედ მათ უმიზნებენ. მოწყვლადობა ხშირად გავლენას ახდენს საკუთარი ღირსების გრძნობაზე, ის მიუთითებს იმაზე, რომ დარწმუნებული არ ხართ საკუთარ თავში, რომ გსურთ სხვა დასაყრდენის პოვნა. ამიტომ, საჭიროა სრულიად დარწმუნებული იყოთ საკუთარ თავში და არასოდეს შეიტანოთ ეჭვი. თქვენ არ უნდა იყოთ სხვების აზრზე დამოკიდებული. როცა თაღლითები თქვენს დოსიეს ადგენენ, ისინი ცდილობენ განსაზღვრონ თქვენი სუსტი და ძლიერი მხარეები, რა არის თქვენი მამოტივირებელი, რა გამოძრავებთ. ჩვენც უნდა შევადგინოთ საკუთარ თავზე მსგავსი დოსიე, რასაც სამწუხაროდ იშვიათად ვაკეთებთ, არადა ეს აუცილებელია საკუთარი თავის უკეთე შეცნობისთვის. ჩვენ უნდა დავჯდეთ და საკუთარ თავს ვუპასუხოთ რამოდენიმე შეკითხვაზე: ვინ ვარ მე? რა არის ჩემთვის ყველაზე მნიშვნელოვანი? რა მიზიდავს? რა მინდა? რაზე ვოცნებობ? - ამგვარად თქვენ ზუსტად ჩამოყალიბდებით იმ საკითხში, თუ რა ტიპის ადამიანი ხართ და გეცოდინებათ როგორ იმოქმედოთ მათთან, ვინც თქვენი სუსტი მხარეების გამოყენებას და ამით მანიპულირებას შეეცდება. ვინ არის უფრო მოწყვლადი? - ის ადამიანი, ვინც ცდილობს ცხოვრებაში დიდ ცვლილებებთან გამკლავებას - მნიშვნელობა არ აქვს კარგია თუ ცუდი ეს ცვლილებები. ასეთ დროს აუცილებლად გამოჩნდება ვინმე, ვინც სიტუაციის სარგებლობას და თქვენს არჩევანზე გავლენის მოხდენას ეცდება. ასეთ დროს, თქვენ ადვილად მოსაპოვებელი ნადავლი ხდებით, ამიტომ გაითვალისწინეთ, რომ რთულ პერიოდში, როცა მაგალითად დაკარგეთ სამსახური, ან პირიქით ნახეთ, დაქორწინდით ან განქორწინდით - თქვენ ემოციურად გაუწონასწორებელ მდოგმარეობაში იმყოფებით და სწორედ ამ მომენტით ცდილობენ თაღლითები სარგებლობას.

 

რომ შევაჯამოთ: როგორ უნდა გამოვავლინოთ, რომ გვატყუებენ:

 

•  - აიძულეთ ოპონენტი იფიქროს.
•  - საჭიროა შეამციროთ თქვენი საფიქრალი და ამასთან დატვირთოთ თქვენი ოპონენტის გონება.
•  - შეეცადეთ მთელი ძალით: თავისთავად იმის მცდელობა, რომ ტყუილი და მართალი გაარჩიოთ, უკვე ამაღლებს თქვენი წარმატების შანსებს სიცრუის გამოვლენისას.
•  - აკონტროლეთ საკუთარი ემოცია: როცა გრძნობთ, არ ფიქრობთ. შეინარჩუნეთ ნათელი გონება.
•  - მოერიდეთ ისტორიებს: ეს მატყუარების ყველაზე ძლიერი იარაღია.
•  - შეიცანით საკუთარი თავი: საკუთარი პიროვნული თვისებების კარგად მცოდნე ადამიანებს გაცილებით მარტივად შეუძლიათ სიცრუის გამოვლენა და თაღლითების გავლენისა და მანიპულაციისგან თავის დაცვა.  

 

კიდევ გრძნობთ, რომ ვერ შეძლებთ სიცრუის დეტექტორის გავლას? არაუშავს, ეს ყველაზე უარესი ამბავი არ არის. დამტკიცებულია, რომ სიცრუის გამოვლენის შესაძლებლობის ქონა ან არქონა ადამიანს არც უფრო ბედნიერს და არც უფრო წარმატებულს არ ხდის. კვლევები აჩვენებენ, რომ ადამიანების მიმართ ნდობის ქონა და სამყაროს უფრო ნათელ ფერებში დანახვა გაცილებით სასარგებლოა. თუმცა, თუ თქვენ მაგალითად ესაუბრებით მეორადი ავტომობილების გამყიდველს, რაღა თქმაუნდა ზემოთ მოყვანილი მაგალითების გათვალისწინება არ გაწყენთ. თუმცა, უმეტესწილად სწჯობს გარშემომყოფების მიმართ იქონიოთ ნდობა. გაეცით ნდობის კრედიტი ადამიანებზე. სწორედ ეს მოგიტანთ ბედნიერებას და წარმატებას ცხოვრებაში.