კლინიკას ზოგადად შევაფასებ დადებითად. რომ არა შიგადაშიგ ხარვეზები. ექიმებს შეიძლება ენდო, მაგრამ საკვების დამრიგებელს არა, რომელიც ახალ ნაოპერაციებს ცხელცხელ და მისთვის მავნე საკვებს მიართმევს და მდგომარეობას გაურთულებს. მოკლედ მისახედია პაციენტებთან დაავადების შესაბამისი დიეტის მირთმევის საკითხი. კიდევ ძალიან კარგი იქნება რაკიღა უცხოელი პაციენტებიც აკითხავენ. აიყვანოს ერთი პედაგოგი საავადმყოფომ და მედპერსონალს ჩაუტაროს ელემენტარული ტრენინგები ინგლისურ ენაში [ენის ცოდნის დეფიციტი ბევრ თანამშრომელში გამოიკვეთა]. რათა გაუადვილდეთ პაციენტს და ექიმს თუ მედდას ურთიერთკომუნიკაცია. ეს კლინიკის პრესტიჟია. ცალკეულ ექიმს, მედდას შეიძლება დაეზაროს ენის შესწავლა და თუ კლინიკაში იქნება ეგ სერვისი, უფრო დაინტერესდებიან
„ნიუ ჰოსპიტალსი“ ევროპული სტანდარტების დაცვით აშენებული, 150 საწოლიანი, მრავალპროფილური კლინიკაა, რომელიც 2011 წლიდან უმაღლესი ხარისხის სტაციონარულ და ამბულატორიულ სერვისებს სთავაზობს პაციენტებს. გამორჩეული ინფრასტრუქტურითა და ულტრათანამედროვე ტექნოლოგიებით აღჭურვილი ჰოსპიტალი ყოველდღიურად ასეულობით პაციენტს ემსახურება.
ჰოსპიტალი ორიენტირებულია უმაღლესი ხარისხის სამედიცინო მომსახურებაზე, ამიტომაც ჰოსპიტალში დანერგილია უახლესი ევროპული სტანდარტები პაციენტებზე ზრუნვისა და მათი მომსახურების პროცესებში. ჰოსპიტალის ინფრასტრუქტურა შექმნილია გერმანული სტანდარტების მიხედვით, რომლის ანალოგი საქართველოს მასშტაბით არ არსებობს. ვენტილაციის უმაღლესი ხარისხის სისტემა უზრუნველყოფს ჰაერის ნაკადების მართვას და ფილტრაციას, ასევე ტენიანობისა და ტემპერატურის რეგულირებას, რაც უმნიშვნელოვანესია სადიაგნოსტიკო და სამკურნალო წარმატებული ოპერირებისთვის. ჰოსპიტალი ასევე აღჭურვილია სახანძრო და საგანგებო სიტუაციების უსაფრთხოების სისტემით, რაც მნიშვნელოვნად ზრდის პაციენტებისა და ჰოსპიტალის თანამშრომლების დაცულობას საგანგებო სიტუაციის არსებობის შემთხვევაში. სისტემა დანერგილია ევროპული სტანდარტების გათვალისწინებით და მუდმივად გამართულია პოტენციური საფრთხის აღმოსაფხვრელად.
