საქართველოში სისხლძარღვთა და რეკონსტრუქცული ქირურგიის განვითარებაში უდიდესი წვლილი პროფესორმა ნოდარ ბოხუამ შეიტანა,რომლის უშუალო ხელმძღვანელობით და მონაწილეობით მოკლე დროში ჩვენს ქვეყანაში მძლავრი სამეცნიერო პრაქტიკული ცენტრი ჩამოყალიბდა, სადაც დღეს გადაუჭარბებლად შეგვიძლია ავღნიშნოთ რომ სრულდება პრაქტიკულად ყველა სახის ურთულესი რეკონსტრუქციული ოპერაციები აორტაზე და მის ვისცერალურ და ბრაქიოცეფალურ ტოტებზე, კიდურის მაგისტრალურ არტერიებზე. აღნიშნული ცენტრი ჩამოყალიბდა აკად კ. ერისთავის სახელობის ექსპერიმენტული და კლინიკური ქირურგიის ინსტიტუტის სისხლძარღვთა მიკროქირურგიის ლაბორატორიის ბაზაზე (შეიქმნა 1976) 1980 წლის მაისში და მისი შექმნიდან 1995 წლის მარტამდე მის ტრაგიკულ დაღუპვამდე მას ხელმძღვანელობდა პროფესორი ნ. ბოხუა. 1995 წლიდან ცენტრის ხელმძღვანელია პროფესორი კოტე ყიფიანი. 2011 წლამდე კლინიკას ეწოდებოდა საქართველოს ნ.ბოხუას სახელობის ანგიოლოგიისა და სისხლძარღვთა ქირურგიის ცენტრი, ხოლო 2011 წლის მაისში მას შემდეგ რაც კლინიკის არეალი გაფართოვდა დაემატა ახალი სამსახური, ინტერვენციული კარდიოლოგიის სახით რის შემდეგაც ცენტრს სახელი შეეცვალა და ეწოდა ნ. ბოხუას სახელობის სისხლძარღვთა და და გულის დაავადებათა ცენტრი.

კლინიკა დღეს

პაციენტზე ზრუნვა, მისი მოთხოვნების და სურვილების სრულყოფილად დაკმაყოფილება ჩვენი ცენტრის საქმიანობის მთავარი მიზანია. გუნდურობა,მეგობრული და ჰარმონიული თანამშრომლობა ქმნის სწორედ იმ ატმოსფეროს, სადაც ჩვენი კლინიკის პაციენტები უსაფრთხოდ გრძნობენ თავს. მაღალტექნოლოგიური სამედიცინო შესაძლებლობები, პროფესიონალური მოვლა, ფიზიოთერაპია და სოციალური მომსახურება ის ჩამონათვალია რომელსაც თავისი წვლილი შეაქვს პაციენტთა მზრუნველობის და მოვლის საქმეში. ნ. ბოხუას სახელობის სისხლძარღვთა და გულის დაავადებათა ცენტრის სამედიცინო პერსონალი პერმანენტულად გადის გადამზადების კურსს. წამყვანი ბრენდების მიერ წარმოებული უახლესი აპარატურა და თანამედროვე ტექნიკური აღჭურვილობა, საშუალებას გვაძლევს თითოეული პაციენტი უზრუნველყოფილი იყოს უმაღლესი ხარისხის სამედიცინო მომსახურეობით.

კლინიკისთვის მნიშვნელოვან პრიორიტეტს წარმოადგენს სოციალური ინფორმირებულობა, ეკონომიკური პასუხისმგებლობა და პარტნიორებთან კეთილსიდინსიერი თანამშრომლობა. ჩვენი ცენტრი მხარს უჭერს პროგრესს მედიცინაში და მონაწილეობას იღებს რეგიონალურ სამედიცინო საზოგადოებრივ აქტივობებში. თითოეული ასპექტი ხელს უწყობს ცენტრის უნიკალურობას რეგიონში, რომელიც მეზობელი ქვეყნების პაციენტებისთვისაც რიგით პირველი არჩევანია მათთვის საჭირო მკურნალობის მისაღებად.

ცენტრს გააჩნია სამეცნიერო და პრაქტიკული ურთიერთობები მსოფლიოს წამყვან კლინიცისტებთან,მათ შორის აღსანიშნავია MD. PhD, Eric Chemla (UK, London) MD, PhD, Sriram Iyer, (USA, NY), რომლებიც ხშირად მონაწილეობენ კლინიკის სამეცნიერო -პრაქტიკულ კონფერენციებში,მათთან ერთად როგორც ღია ქირურგიული ასევე ენდოვასკულარული ჩარევები.

ნ. ბოხუას სახელობის სისხლძარღვთა და გულის დაავადებათა ცენტრში წარმატებით ხორციელდება სისხლძარღვთა ქირურგიის ისეთი ისეთი მიმართულებები, როგორიც არის ბრაქიოცეფალური ტოტების, გულ-მკერდის და მუცლის აორტის ანევრიზმების, აორტისა და ქვემო კიდურების მაგისტრალური არტერიების მაოკლუზირებელი დაავადებების როგორც ღია ასევე ენდოვასკულარული ქირურგია. კლინიკას დაგროვილი აქვს დიდი გამოცდილება ვენური და არტერიული თრომბოზების ღია ქირურგიული და ენდოვასკულარული მკურნალობის, მათ შორის კათეტერმული თრომბოლიზისისი.

კლინიკას გააჩნია უნიკალური გამოცდილება წვივის და ტერფის არტერიების (მათ შორის დიაბეტის ფონზე) მაოკლუზირებელი დაზიანების დროს განვითარებული კრიტიკული იშემიის ენდოვასკულარული მკურნალობის, რამაც საგრძნობლად შეამცირა კიდურების ამპუტაციის შემთხვევები.

აღსანიშნავია ისიც რომ კლინიკის უდიდესი გამოცდილება ფლებლოგიის მიმართულებით კლინიკის ექიმებს საშუალებას აძლევს პაციენტებს შეთავაზონ ვენური პათოლოგიის მკურნალობის თანამედროვე მეთოდები, როგორიცაა: ლაზერული აბლაცია, ღეროვანი და კომპრესული სკლეროთერაპია, მინიფლებექტომია და ტროფიკული წყლულის განვითარების სხვადასხვა სახის პროფილაქტიკური და პრევენციული ღონისძიებები და მისი მკურნალობის თანამედროვე მეთოდები, როგორიცაა: ლაზერული აბლაცია, ღეროვანი და სკლეროთერაპია, მინიფლებექტომია, და ტროფიკული წყლულის განვითარების სხვადასხვა სახის პროფილაქტიკური და პრევენციული ღონისძიებები და მისი მკურნალობის თანამედროვე მეთოდები.