კარგი კლინიკა,პროფესიონალები და ყურადღებიანი მედ პერსონალი.
ჩემი ჯანმრთელობის პრობლემების გამო მივაკითხე თქვენს კლინიკას-მრტ კვლევაში მქონდა მითითებული ინფექციონისტის კონსულტაცია. რეგისტრატურაში ვიზიტი დამინიშნეს ექიმ ნიკა ზუბადალაშვილთან. მადლობა ღმერთს, რომ შემახვედრა ამ ახალგაზრდა, მეტად გულისხმიერ ექიმს... მაგრამ, ყველაზე მეტად მისმა გვარმა მიიქცია ჩემი ყურადღება, რადგან ღრმა ბავშვობიდანვე ეს გვარი მესმოდა ჩვენს დიდ ოჯახში - ჩემს ბაბუას, ახალგაზრდობის ასაკში დამართნია ნაწლავების გადახლართვა. ბორჯომში, ქირურგმა ზუბადალაშვილმა ჩაუტარა ურთულესი ოპერაცია. გადაარჩინა და თანაც ისე გამოაჯანმრთელა, რომ დიდი ოჯახის თავკაცი, ექვსი შვილის მამა , მთელი დატვირთით, ფიზიკურად შრომობდა და 84 წლის ასაკში გარდაიცვალა. ყოველთვის მადლიერებით იხსენიებდა მის გადამრჩენელ ექიმ ზუბადალაშვილს. სანამ ნიკა ექიმს ჩემს პრობლემას გავაცნობდი, პირველ რიგში მისი გვარით დავინტერესდი და ... როგორი სიხარული განვიცადე - თურმე მისმა დიდმა ბაბუამ გადაარჩინა ჩემი ბაბუ. ნიკა ექიმი არის ადამიანი, რომელიც მთელი გულისყურით უსმენს პაციენტს, წვდება დეტალებში (,,ხრიკები ხომ დეტალებშია") და აძლევს სწორ მიმართულებას. ამიტომაა, რომ ჩვენ დღესაც ვაგრძელებთ მეგობრობას. მადლობა მას, უმრავლოს ჩვენს სამშობლოს ასეთი პროფესიონალები. პაციენტი დარეჯან ტაბატაძე, 66 წლის.
დიდი მადლობა ზოგადი ქირურგიის განყოფილებას, საუკეთესო ექიმები, ექთნები, სანიტრები. განსაკუთრებული მადლობაექიმებს ავთო დგებუაძეს, გიორგი სიჭინავას და გიორგი ბაბუნიძეს, მადლობა რომ არსებობთ და ნამდვილად გამიმართლა თქვენთან რომ მოვხდი, უფალი გფარავდეთ!
აკადემიკოს ვახტანგ ბოჭორიშვილის სახელობის კლინიკა 1979 წელს დაარსდა, თავდაპირველად სეფსისის საწინააღმდეგო ცენტრის სახელით, რაც იმ დროისთვის ინოვატორული იყო მთელს საბჭოთა კავშირში.
გამოცდილ ექიმთა კონსულტაციით მოხერხდა ის, რომ საქართველოში სეფსისით სიკვდილიანობის მაჩვენებელი 65%-დან 5%-მდე შემცირდა.
გაწეული წარმატებული საქმიანობისთვის 1984 წელს, ცენტრის დამაარსებლებმა მიიღეს სახელმწიფო პრემია, ხოლო 1987 წელს კლინიკა განთავსდა სპეციალურად აშენებულ ხუთსართულიან შენობაში. დღეს ვახტანგ ბოჭორიშვილის კლინიკა განახლებული სახით კვლავ იმავე შენობაში, ალექსანდრე ყაზბეგის 16 ნომერში მდებარეობს.
მრავალპროფილური, სრულიად განახლებული და უახლესი ტექნიკით აღჭურვილი კლინიკა 24 საათის განმავლობაში მოემსახურება პაციენტებს.
ბოჭორიშვილის მრავალპროფილურ კლინიკაში წარმოდგენილია:
