დასავლეთ საქართველოს სამედიცინო ცენტრი (WGMC) ვიანის ქსელში შემავალი ერთ-ერთი ყველაზე მსხვილი ჰოსპიტალია, სადაც ნებისმიერი ასაკის პაციენტისთვის (ნეონატალური, პედიატრიული და მოზრდილთა) სრული ამბულატორიული და სტაციონარული სამსახურია ხელმისაწვდომი. ჰოსპიტალი ამერიკის საერთაშორისო კომისიის (AACI) მიერ აკრედიტებული სამედიცინო ცენტრია, სადაც დასავლეთ საქართველოს მოსახლეობას მაღალტექნოლოგიური სამედიცინო მომსახურების მიღება რეგიონიდან გაუსვლელად შეუძლია. ჰოსპიტალში წარმატებით ფუნქციონირებს საერთაშორისო სტანდარტების შესაბამისი ინსულტის მართვის ცენტრი, კარდიოქირურგიული, ანგიოქირურგიული და ნეიროქირურგიული სერვისები 24/7. ჰოსპიტალი ასევე უზრუნველყოფს მესამე დონის პერინატალურ სერვისს, რომელიც მაღალი რისკის ორსულების მართვასა და მცირე წონის ახალშობილთა ინტენსიურ მოვლას გულისხმობს. ხელმისაწვდომია გადაუდებელი დახმარების განყოფილება (ER).