სამშენებლო უსაფრთხოების თემაზე მობილური აპლიკაცია შეიქმნა

4507 ნახვა

საქართველოში მშენებლობაზე უსაფრთხოების კულტურის ხელშეწყობის მიზნით BG BAU-ს აპლიკაციის BAUSTEINE ქართული ვერსია - “მშენებლობის უსაფრთხოება“ შეიქმნა.

პროექტი „კერძო სექტორის განვითარება და პროფესიული განათლება სამხრეთ კავკასიაში“ (PSD TVET SC) პროგრამის დახმარებითა და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინიციატივით განხორციელდა.

BG BAU-ს აპლიკაციის ქართული ვერსია ქართული და გერმანული კანონმდებლობისა და ევროკავშირის სტანდარტების საფუძველზე შეიქმნა. წარმოდგენილი კონცეფცია ეფუძნება გერმანულ მოდელს, რომელიც მორგებულია ქართულ გარემოზე.

აპლიკაცია დატვირთულია გრაფიკული მაგალითებით და ადვილად გამოიყენება კონკრეტული უსაფრთხოების ზომების მისაღებად.

აპლიკაციის გამოყენება შესაძლებელია ყველა მოწყობილობისთვის offline რეჟიმში და განკუთვნილია სამშენებლო სექტორში ფუნქციონირებადი კომპანიებისთვის, მენეჯერებისთვის, უსაფრთხოების სპეციალისტებისთვის.