თამარ სვანიშვილი - კლინიკის ექიმი რეაბილიტოლოგი (სპეციალობა - ფიზიკური მედიცინა, რეაბილიტაცია და კურორტოლოგია). აქვს სახელმწიფო სერტიფიკატი სპორტულ მედიცინაში. 2006 წლიდან დღემდე გახლავთ თბილისის სახელმწიფო სამედიცინო უნივერსიტეტის სამედიცინო რეაბილიტაციისა და სპორტული მედიცინის დეპარტამენტის ასისტენტ-პროფესორი. აღნიშნული დეპარტამენტი განთავსებულია „კენ ვოლკერის სახელობის სამედიცინო რეაბილიტაციის საუნივერსიტეტო კლინიკაში“. ქ-ნი თამარი არის მედიცინის აკადემიური დოქტორი. აქვს სამეცნიერო-პედაგოგიური 18-წლიანი სტაჟი. 1995 წლიდან მუშაობდა სხვადასხვა სამედიცინო დაწესებულებაში, მათ შორის, 2015 წლიდან 2020 წლის მარტის ჩათვლით თსსუ-ის პირველ საუნივერსიტეტო კლინიკაში რეაბილიტაციის მიმართულებით პრაქტიკოს ექიმად . მისი ავტორობითა და თანაავტორობით გამოცემულია 2 მონოგრაფია, 84 სამეცნიერო სტატია და 17 სასწავლო-მეთოდური სახელმძღვანელო. იგი არის მრავალი პროფესიული ასოციაციის წევრი.