ონისე ნამჩევაძე არის სამედიცინო ცენტრ აილაინის დამფუძნებელი, მთავარი ქირურგი ოფთალმოლოგი. დაამთავრა თბილისის სახელმწიფო სამედიცინო უნივერსიტეტი. 2012–2014 წლებში სწავლობდა ბელორუსიის სამედიცინო აკადემიაში.

2016 წელს გაიარა ვიტრეორეტინალური ქირურგიის კურსი ქ. მინსკში. 2019 წელს მონაწილეობა მიიღო ევროპის რეტინოლოგთა ასოციაციის კონგრესში ქ. პარიზში (საფრანგეთი). 2019 წელს კვალიფიკაცია აიმაღლა ვიტრეორეტინალური ქირურგიის მიმართულებით ინდოეთში, არასანის თვალის ჰოსპიტალში (Arasan Eye Hospital).

2021 წელს ევროპული ოფთალმოლოგიური საზოგადოების (SOE) საგანმანათლებლო გრანტის ფარგლებში, მონაწილეობდა ქ. ზაგრებში (ხორვატია) გამართულ ვიტრეორეტინალური ქირურგიის პრაქტიკულ კურსში.

2016 წელს დაარსა თვალის კლინიკა "აილაინი".

ექიმი ნამჩევაძე აქტიურადაა ჩართული უწყვეტი პროფესიული განვითარების პროგრამებში და პროფესიული საზოგადოების აქტივობებში. მონაწილეობა აქვს მიღებული ათეულობით საერთაშორისო ღონისძიებაში, პრაქტიკულ მასტერ-კლასსა და სასწავლო პროგრამაში, როგორც  ქვეყნის შიგნით, ისე ქვეყნის გარეთ.

ონისე ნამჩევაძე გამოირჩევა განსაკუთრებული შრომისმოყვარეობით და მიზანდასახულობით, არასდროს წყვეტს განვითარებას და მუდმივად ახალი გამოწვევების ძიებაშია.