ნინო ევგენიძემ უმაღლესი სამედიცინო განათლება თბილისის სახელმწიფო  უნივერსიტეტში მიიღო (1998-2003წ). დიპლომისშემდგომი განათლება (რეზიდენტურა) კი სტომატოლოგიის კლინიკასა და სასწავლო-კვლევით ცენტრ “დენტივერ XXI” გააგრძელა. ნინომ კვალიფიკაცია აიმაღლა პირის ღრუს ქირურგიაში და დაამთავრა ალბიუსის პაროდონტოლოგიის საერთაშორისო სკოლა კონსერვატიული და ქირურგიული პაროდონტოლოგიის მიმართულებით.

ნინო აქტიურადაა ჩართული პროფესიული საზოგადოებების საქმიანობაში; 2017 წელს იგი ალბიუსის პაროდონტოლოგიის საერთაშორისო სკოლის, პაროდონტოლოგთა კლუბის სამეცნიერო ხელმძღვანელად დაინიშნა. 2018 წელს კი აირჩიეს კლუბის ხელმძღვანელის მოადგილედ.

ნინოს კვალიფიკაციის ასამაღლებელი მასტერ-კლასები ევროპის სხვადასხვა ქვეყანაში აქვს გავლილი. იგი აქტიურადაა ჩართული უწყვეტი პროფესიული განათლების პროგრამებში.