სმოლენსკის სახელმწიფო სამედიცინო აკადემიის სამედიცინო ფაკულტეტის დამთავრების შემდეგ, კლინიკური სტაჟირება გაიარა ამავე აკადემიის ჰოსპიტალური ქირურგიის კათედრაზე, ხოლო მოგვიანებით - კლინიკური ორდინატურა უროლოგიაში, SSMA-ს უროლოგიის კათედრაზე, რასაც მოჰყვა სტაჟირება ზოგად უროლოგიაში, გერმანიაში, მიუნჰენის კლინიკაში. ბადრი გვასალია, შვიდი წლის განმავლობაში, ხელმძღვანელობდა რუსეთის ანდროლოგთა ასოციაციას, ამჟამად კი მამაკაცთა რეპროდუქციის ასოციაციის თანათავმჯდომარეა. საერთაშორისო პრესაში მას, როგორც ავტორსა და თანაავტორს, 200-ზე მეტი სამეცნიერო პუბლიკაცია აქვს გამოქვეყნებული. გარდა ამისა, უნიკალური ქირურგიული ტექნიკისთვის, დაჯილდოებულია საერთაშორისო ოქროს მედლით. რაც მთავარია, დღემდე, ბადრი გვასალიას გაკეთებული აქვს 7000-ზე მეტი უროლოგიური და ანდროლოგიური ოპერაცია.