რა არის მენინგიომა?

მენინგიომა ტვინის გარსის უჯრედებისგან წარმოქმნილი კეთილთვისებიანი სიმსივნეა და თავის ტვინის პირველადი სიმსივნეების რაოდენობის 15-20%-ს შეადგენს.

• მენინგიომათა 95% კეთილთვისებიანია და ხასიათდება ზრდის ნელი ტემპით, დანარჩენი 5% არის შედარებით აგრესიული ფორმის (ავთვისებიანობის ხარისხი - 2-3); 
• ხასიათდება ზრდის შედარებით სწრაფი ტემპით, ტვინის გარსისა და მიმდებარე სტრუქტურების ინფილტრაციით;
• ახასიათებს რეციდივი ქირურგიული ამოკვეთის შემდეგ; 
• შესაძლებელია განვითარდეს როგორც ქალა-ფუძეზე, ასევე ზედაპირსა და ჰემისფეროებს შორის; 
• ძირითადად ვლინდება 40-50 წლის პაციენტებში; 
• ქალები მამაკაცებთან შედარებით ორჯერ მეტად ავადდებიან; 
• შემთხვევების დაახლოებით 2% გვხდება ბავშვთა და მოზარდთა ასაკში; 
• ძირითადად დაკავშირებულია ნეიროფიბრომატოზის გამოვლინებასთან.

რა სიმპტომები ახასიათებს მენინგიომას?

 დაავადების სიმპტომები დაკავშირებულია სიმსივნის ლოკალიზაციაზე და შესაძლებელია იყოს შემდეგი:

• თავის ტკივილი;
• მოძრაობის და კოორდინაციის დარღვევა;
• თვალის მოძრაობის დაზიანება;
• მხედველობის დაზიანება - მხედველობის დაქვეითება, მხედველობის ველის შემცირება;
• მოძრაობისა და მგრძნობელობის დაზიანება კიდურებში;
• ეპილეფსიური შეტევები;
• ფსიქო-ემოციური დარღვევები და სხვ. 

დიდი ზომის მენინგიომები შესაძლებელია იწვევდეს ინტრაკრანიალური წნევის (ქალა-შიდა წნევის) სიმპტომებს: თავის ტკივილი გულისრევითა და პირღებინებით. ასევე შესაძლელებლია, იწვევდეს ლიქვოროცირკულაციის დარღვევებს კომპრესიის ხარჯზე. 

როგორ მიმდინარეობს მენინგიომის დიაგნოსტიკა?

დიაგნოსტირება ხდება თავის ტვინის კომპიუტერული ტომოგრაფიის ან მაგნიტურ-რეზონანსული ტომოგრაფიის საშუალებით.

როგორია მენინგიომის მკურნალობა?

 თანამედროვე ნეიროქირირგიაში გამოყოფენ მკურნალობის ორ ძირითად მეთოდს, ესენია:

ქირურგიული მკურნალობა და სტერეოტაქსიული რადიოქირურგია.

ქირურგიული მკურნალობა

ქირურგიული მკურნალობის წარმატება დამოკიდებულია რამდენიმე ფაქტორზე: 

• სიმსივნის ლოკალიზაციასა და ურთიერთობაზე მიმდებარე ფუნქციურად მნიშვნელოვან სტრუქტურებთან, სიხლხძარღვებთან ან კრანიალურ ნერვებთან;
• სიმსივნის ზომაზე.

ქირურგიული მკურნალობა ძირითად შემთხევევებში კეთილსაიმედოა, თუმცა გამნეორებითი ზრდის ალბათობა 20%-ზე მეტია. ასევე მაღალია გართულებების რისკი - დაახლოებით 2.5-3%-ია შანსი პოსტოპერაციული ჰემორაგიის. 2-3% პოსტოპერაციოული ინფექციის. 4-6% ნევროლოგიური მდგომარეობის გაუარესების. 2-5% ლეტალურად განვითარების ოპერაციიდან 1 თვის განმავლობაში. 

სტერეოტაქსიული რადიოქირურგია
 

ხოლო, რაც შეეხება სტერეოტაქსიულს რადიოქირურგიას, იგი 

• არ საჭიროებს ჰოსპიტალიზაციას;
• არ საჭიროებს ჭრილობას;
• არ აქვს გართულებები;
• შესაძლებელია ნებისმიერი ლოკალიზაციის სიმსივნის მკურნალობა;
• არ საჭიროებს რეაბილიტაციას.
   

თავის ტვინის სტერეოტაქსიული რადიოქირურგია არის ეფექტური, ზუსტი, უსაფრთხო და არაინვაზიური (უსისხლო) პროცედურა.