პროფესორ მამუკა მარგველაშვილის სტომატოლოგიური კლინიკა ფუნქციონირებს 1994 წლიდან.
კლინიკაში შესაძლებელია ყველა სახის სტომატოლოგიური მომსახურების მიღება- მკურნალობის თანამედროვე მეთოდებითა და უახლესი აპარატურების დახმარებით.
კლინიკის ერთ-ერთი პრიორიტეტული მიმართულებაა პედიატრიული ანუ ბავშვთა სტომატოლოგია, რაც გულისხმობს ბავშვთა ასაკში პირის ღრუს დაავადებების პრევენციასა და მკურნალობას. ბავშვთა მიმართულებას წარმატებით ხელმძღვანელობს ასოცირებული პროფესორი მანანა კალანდაძე.
კლინიკაში ასევე წარმატებით სრულდება: უმაღლესი კლასის ესთეტიკური რესტავრაციები, ენდოდონტიური მკურნალობა, მკურნალობა ფაიფურის, მეტალო-კერამიკის, ცირკონო-კერამიკის გვირგვინების, ვინირების, ელასტიური ბაზისის მქონე მოსახსნელი პროთეზების(VALPLAST, POLYPROPILEN, POLYURETHAN), ბიუგელის ტიპის მოსახსნელი პროთეზების და, რაც მთავარია, იმპლანტების გამოყენებით.
ორთოპედიულ მიმართულებას ხელმძღვანელობს მედიცინის მეცნიერებათა დოქტორი , პროფ. ვლადიმერ (მამუკა) მარგველაშვილი _ 80-ზე მეტიგამოქვეყნებული სამეცნიერო შრომის ავტორი და თანაავტორი, საქართველოში ორთოპედიული სტომატოლოგიის რეზიდენტურის პროგრამ-დირექტორი, საქართველოს შრომის, ჯანმრთელობის და სოციალური დაცვის სამინისტროს უწყვეტი პროფესიული განვითარების საბჭოს წევრი, ივ. ჯავახიშვილის სახელობის თბილისის სახელმწიფო უნივერსიტეტის სტომატოლოგიისა და ყბა-სახის ქირურგიის დეპარტამენტის ხელმძღვანელი, საქართველოს ჯანმრთელობის დაცვის სამინისტროს ექსპერტი, FDI _ სტომატოლოგთა მსოფლიო ფედერაციის კომუნიკაციების კომიტეტის წევრი(2006-2009წწ.), კომიტეტის თავმჯდომარე(2010-2013წწ), პირის ღრუს იმპლანტოლოგთა საერთაშორისო კონგრესის _ ICOI წევრი, ამავე ორგანიზაციის Fellow. 2007 წელს პროფ. ვ. მარგველაშვილმა საქართველოში დააარსა საერთაშორისო კონგრესის საქართველოს ფილიალი _ICOI- Georgia და არჩეული იქნა მის თავმჯდომარედ. 2007 წელს იგი არჩეული იქნა ICOI - ის ვიცე-პრეზიდენტად.
კლინიკაში ქირურგიულ მიმართულებას ხელმძღვანელობს ყბა-სახის ქირურგი, ექიმი-იმპლანტოლოგი _ გალაქტიონ მახვილაძე.
