ლალი ცხოვრებაშვილი, ქირურგი – ენდოსკოპისტი, მეან-გინეკოლოგი, რეპროდუქტოლოგი, ენდოკრინოლოგი, მედიცინის აკადემიური დოქტორი, კლინიკა „კარაპს მედლაინის“ რეპროდუქტოლოგი.

თსსუ-ს სამკურნალო ფაკულტეტის დასრულების შემდეგ სწავლა ი.ჟორდანიას სახ. ადამიანის რეპროსუქციის ს/კ ინსტიტუტის ასპირანტურაში – კლინიკური ენდოკრინოლოგიის განხრით გააგრძელა, საკანდიდატო დისერტაცია თემაზე: „ ჰიპოფიზ-ჰიპოთალამუსის გონადოტროპული ფუნქცია გონადების დისგენეზიის სხვადასხვა ვარიანტების დროს“ – მოსკოვის ექიმთა დახელოვნების საკავშირო ინსტიტუტში, ენდოკრინოლოგიის კათედრაზე დაიცვა. სამედიცინო მოღვაწეობის პირველი 10 წელი ი. ჟორდანიას სახ. ადამიანის რეპროდუქციის ს/კ ინსტიტუტში გაატარა, ამავდროულად პედაგოგიურ საქმიანობასაც ეწევა , გახლავთ სახელმწიფო სამედიცინო აკადემიის რეპროდუქტოლოგიის კათედრის დოცენტი.
მონაწილეობდა მსოფლიოს მასშტაბით დარგის უმნიშვნელოვანეს კონგრესებსა და კონფერენციებში, არის არაერთი სამედიცინო ნაშრომის ავტორი და თანაავტორი.

საქმიანობის სფერო: გინეკოლოგია, რეპროდუქტოლოგია, ქირურგიული ენდოსკოპია, ენდოკრინოლოგია
საექიმო საქმიანობის სტაჟი: 1975 წლიდან