ირინე(ნატა) ლოგუა - განათლებით მხატვარი. მისი პროფესიული კარიერა საკმაოდ მრავალფეროვანი და მრავალპროფილიანია. აქვს სკოლის პედაგოგად მუშაობის გამოცდილება - 11 წელი მუშაობდა სხვადასხვა სკოლაში ხატვა-ხაზვის პედაგოგის პოზიციაზე; მისი კომპიუტერულ-გრაფიკული პროგრამების კომპეტენცია დიდად იყო მოთხოვნადი სხვადასხვა არქიტექტურულ ორგანიზაციაში. ქ-მა ნატამ 7 წლის წინ შეიცვალა პროფილი, გაიარა ორწლიანი ტრენინგი არტთერაპიაში და ბოლო 5 წელი მუშაობს სხვადასხვა საჭიროების მქონე ბავშვებსა და მოზრდილებთან. გავლილი აქვს შემდეგი სახის ტრენინგები: ხელოვნებით თერაპია და ბავშვის განვითარება, ტრავმა პედაგოგიკა, ბავშვები სულიერი ტრავმით, პედაგოგიური მუშაობის პრინციპები კონცენტრაციის, ყოფაქცევისა და აგრესიის პრობლემების მქონე ბავშვებთან და სხვა.
