2018 წლიდან გუგა სიხარულიძე გახდა ნატო-ს პროგრამა - მეცნიერება მშვიდობისათვის და უსაფრთხოებისათვის ექსპერტთა ჯგუფის წევრი, რომელთა მიზანია ტერორიზმით გამოწვეული სტრესის რისკის მართვის გაიდლაინის შექმნა.

2018 წელს მან მიიღო საზოგადოებრივი ჯანდაცვის დოქტორის აკადემიური ხარისხი სამხედრო ფსიქიკური ჯანმრთელობის სერვისების მიმართულებით, რომელიც დააფუძნა და განახორციელა საქართველოს თავდაცვის სამინისტროში.

2005 წლიდან რეზიდენტური დამთავრების შემდეგ უწყვეტად ეწევა როგორც ამბულატორიულ, ასევე სტაციონარულ საექიმო საქმიანობას. არის პირველი კერძო ფსიქიკური ჯანმრთელობის ცენტრის თანადამფუძნებელი (2007 წლიდან). 2017 წლიდან სტრესის მართვის და მენტალური ჯანმრთელობის ცენტრის დამფუძნებელი.

2015 წლიდან ლეიდენის უნივერსიტეტის (ჰოლანდია) დოქტორობის კანდიდატი, სამეცნიერო კვლევითი მიმართულება - პოსტტრავმული სტრესი და მასთან დაკავშირებული ფსიქიკური პრობლემები.

2013 წელს მის მიერ მომზადებული სამხედრო ფსიქოლოგიური სისტემის შექმნის პროექტის მოწონების შემდეგ, 2014 წლიდან ხელმძღვანელობდა შესაბამის უწყებას თავდაცვის სამინისტროში, სადაც დაინერგა ფსიქოლოგიური შეფასების, დახმარების, მკურნალობის და რეაბილიტაციის პროექტები, წარმატებით განხორციელდა ფსიქოლოგიური შერჩევის (Psychological HR) სისტემის დანერგვა, დაიწყო სამეცნიერო მუშაობა და ფსიქოლოგიური საგანმანათლებლო პროგრამა, სუიციდის პრევენციის პროგრამა.

არის ევროპის ტრავმატული სტრესის ასოციაციის (ESTSS) წევრი. 20 ზე მეტი სამეცნიერო პუბლიკაციის ავტორი ORCID ID orcid.org/0000-0002-8778-122X  |Researcher ID L-3330-2016 |  Scopus Author ID: 14527751700