თმის ცვენა  – დაავადება, რომელსაც ახასიათებს თმის ლოკალურად ცვენა სხვადასხვა ინტენსივობით, თავისა და ტანის ნაწილებში.

თმის ცვენა მამაკაცებში უფრო ხშირად აღინიშნება, ვიდრე ქალებში. დღის მანძილზე ყველა ადამიანი კარგავს დაახლოებით 50-100 ღერ თმას. თითოეული ღერი თმა ცოცხლობს 7 წლის მანძილზე. 

მიზეზები

დაავადების განვითარების ზუსტი მიზეზი დაუდგენელია, მაგრამ მეცნიერები ვარაუდობენ, რომ თმის ცვენა იწყება ორგანიზმში ტესტოსტერონის დონის დარღვევის გამო.

თმის ცვენის მიზეზებია:

·         მემკვიდრეობითი მიდრეკილება;

·         დაბერების ბუნებრივი პროცესი;

·         ჰორმონალური დარღვევები (ქალებში მენოპაუზისა დროს და მშობიარობის შემდეგ);

·         თმის მექანიკური დაზიანება (ხშირი შეღებვა, ქიმიურად დახვევა);

·         თავის ტრამვები;

·         სოკოვანი, ბაქტერიული დაავადებები;

·         აუტოიმუნური პროცესები;

·         რომელიმე სამკურნალო პრეპარატის ხანგრძლივად მიღება;

·         რადიოდასხივება;

·         ჩასახვის საწინააღმდეგო პრეპარატების მიღება;

·         ხშირი სტრესი;

·         კვების დარღვევა.

სიმპტომები

თმის ცვენას ახასიათებს შემდეგი სახის სიმპტომები:

·         თმის დათხელება;

·         ყოველდღიურად დიდი რაოდენობით თმის ცვენა;

·         გამელოტებული ადგილების გაჩენა, რომლებიც იწყება შუბლის ზონიდან და გადადის თავის სხვა ზონებში.

დიაგნოსტიკა

დაავადების დიაგნოსტიკისთვის ექიმი-ტრიქოლოგი ატარებს შემდეგი სახის ღონისძიებებს:

·         თავის თმიანი ნაწილის ზოგად დათვალიერებას;

·         სისხლისა და ჰორმონალურ ანალიზს;

·         ტრიქოსკოპიას (თმის კომპიუტერული დიაგნოსტიკა).

რიგ შემთხვევაში საჭიროა ენდოკრინოლოგის კონსულტაცია.

მკურნალობა

დაავადების აუცილებელი მკურნალობა მოიცავს:

·         ფიზიოთერაპიულ პროცედურებს;

·         გარე მოხმარების სამკურნალო პრეპარატებს;

·         ვიტამინოთერაპიას;

·         სტეროიდულ პრეპარატებს ნემსების ან ლოსიონის სახით;

·         თმის გადანერგვას.

საშიშროება

თუ არ მოხდება დაავადების დროულად მკურნალობა, შესაძლოა დადგეს სრულად გამელოტების საშიშროება.

რისკის ჯგუფი

რისკის ჯგუფში შედიან:

·         მემკვიდრეობითი მიდრეკილების ადამიანები;

·         ქიმიური წარმოების თანამშრომლები;

·         რადიოაქტიულ ზონებში მომუშავე ადამიანები.

პროფილაქტიკა

დაავადების თავიდან ასაცილებლად რეკომენდირებულია:

·         თმის დასაბანად ისეთი შამპუნის გამოყენება, რომელიც არ შეიცავს პარაბენს;

·         დასაბანად არაუმეტეს 35-40°-ზე გაცხელებული წყლის გამოყენება;

·         თმის ბუნებრივად გაშრობა;

·         სველი თმის დავარცხნისგან თავის შეკავება.