ლიმფოგრანულემატოზი – ლიმფური ქსოვილის ავთვისებიანი დაზიანება.

მიზეზები

ზუსტი მიზეზები, რომლებიც დაავადებას იწვევს დღემდე დაუდგენელია, მაგრამ მეცნიერები ვარაუდობენ, რომ ეს შეიძლება იყოს:

·         ეპშტეინ-ბარის ვირუსით დაავადება;

·         მემკვიდრეობითი ფაქტორი;

·         გარკვეული ქიმიური ნივთიერებების ზემოქმედება.

სიმპტომები

დაავადებას ახასიათებს შემდეგი სახის სიმპტომები:

·         ლიმფური კვანძების გადიდება;

·         სუნთქვის გართულება, ხველა;

·         საერთო სისუსტე;

·         სხეულის წონის დაკარგვა;

·         ოფლიანობა;

·         საჭმლის მონელების დარღვევა.

დიაგნოსტიკა

დაავადების დიაგნოსტიკისთვის ტარდება:

·         ექიმის მიერ დათვალიერება პალპაციის, პერკუსიის და ასკულტაციის თანხლებით;

·         სისხლის საერთო და ბიოქიმიური ანალიზის ჩატარება;

·         ლიმფური კვანძის ბიოპსიის ჩატარება და შემდეგ, მიღებული მასალის იმუნოლოგიური და მორფოლოგიური გამოკვლევა;

·         ძვლის ტვინის გამოკვლევა მიელოგრამის ანალიზით;

·         გულმკერდის რენტგენოგრაფია ფილტვების ლიმფოგრანულემატოზის დასადგენად;

·         კომპიუტერული და მაგნიტო-რეზონანსული ტომოგრაფია.

მკურნალობა

·         ქიმიოთერაპია ციტოსტატიკური პრეპარატების გამოყენებით, განსაკუთრებული სქემის მიხედვით;

·         სხივური თერაპია, რომელიც მიმართულია სარძევე ჯირკვლების კონკრეტული კვანძებისკენ;

·         მაღალდოზიანი პოლიქიმიოთერაპია ძვლის ტვინის გადანერგვის თანხლებით.

თანამედროვე და ხარისხიანი მკურნალობის შემთხვევაში რემისიის მიღწევის შანსი არის 90%.

საშიშროება

ადეკვატური თერაპიის არარსებობის შემთხვევაში ხდება შინაგანი ორგანოების დაზიანება და მათი ფუნქციის მოშლა.

რისკის ჯგუფი

ამ ჯგუფში შედიან ადამიანები, რომლებსაც:

·         ჰყავთ მსგავსი პათოლოგიის მქონე ნათესავები;

·         გადატანილი აქვთ ინფექციური მონონუკლეოზი.

პროფილაქტიკა

სამწუხაროდ აღნიშნული დაავადების თავიდან ასაცილებლად რაიმე სპეციალური პროფილაქტიკური ღონისძიება არ არსებობს.