იმპეტიგო – ეს არის დერმატოლოგიური დაავადება, რომელსაც ახლავს მტკივნეული წითელი გამონაყარი, რომლებიც მოგვიანებით ბუშტუკებში გადადის და დახეთქვის შემდეგ იკეთებს ქერქს. ყველაზე ხშირად ეს პრობლემა აქვთ ბავშვებს და მამაკაცებს. 

გამოყოფენ იმპეტიგოს რამოდენიმე ფორმას:

·         სტრეპტოკოკური;

·         სტაფილოკოკური;

·         ვულგარული (შერეული). 

ხშირად დაავადებას მოიხსენიებენ, როგორც ბავშვთა კოლექტივების პრობლემას. აღნიშნული დაავადება საშიშია იმით, რომ მოქმედებს შინაგან ორგანოებზე. ამიტომ, ბავშვი საჭიროებს გონივრულ და სრულფასოვან მკურნალობას. 

მიზეზები

დაავადების გამომწვევი ძირითადი მიზეზებია:

·         გამაღიზიანებელის მოხვედრა ორგანიზმში დაზიანებული კანიდან (განაღიზიანებელია ოქროსფერი სტაფილოკოკი, ბეტა-ჰემოლიტიკური სტრეპტოკოკი);

·         პირველადი დაავადების - დერმატოზის, ეგზემის - გართულება. 

იმპეტიგოს განვითარების ფაქტორებია:

·         წვიმიანი სეზონი;

·         ტროპიკული და სუბტროპიკული ჰავა;

·         კანის საფარის დაზიანება;

·         არადამაკმაყოფილებელი სანიტარული პირობები;

·         სუსტი იმუნიტეტი;

·         ოჯახის წევრის დაინფიცირება;

·         შარქიანი დიაბეტი;

·         ეკზემის, პედიკულესის გართულება;

·         კონტაქტური დერმატიტი. 

სიმპტომები

დაავადებას ახასიათებს შემდეგი სახის სიმპტომები:

·         მტკივნეული გამონაყარი კანზე;

·         ლაქები, რომლებიც ბუშტუკებად გარდაიქმნება;

·         ბუშტუკები ფირფიტებს ემსგავსება, რომლებიც ქრება წარმოქმნიდან 57 დღის შემდეგ;

·         გამონაყარი სხეულის სხვადასხვა ნაწილზე;

·         ბავშვებს ხშირად უზიანდებათ ტუჩების კუთხეები, ყურის ძირები, პრისი ღრუს ლორწოვანი გარსი;

·         გამონაყარის ადგილას შეიძლება განვითარდეს კანის პიგმენტაცია;

·         ბუშტუკები ფრჩხილების ნუნებთან;

·         ჩირქოვანი წერტილები თმის ცხიმიან ფოლიკულებთან;

·         ჩირქოვანი გამონაყარის ადგილას ხვრელების გაჩენა.

დიაგნოსტიკა

დიაგნოსტიკას ატარებს ექიმი-დერმატოლოგი, რისთვისაც ნიშნავს:

·         გამონაყარისა და წარმოქმნილი წყლულების დათვალიერებას;

·         წყლულების შიგთავსის გამოკვლევას;

·         სისხლის საერთო ანალიზს;

·         შარდის საერთო ანალიზს; 

მკურნალობა

დაავადების მკურნალობა მოიცავს:

·         ბუშტუკების დახეთქვას და ბრილიანტის მწვანით დამუშავებას;

·         ანტიბიოტიკების შემცველი მალამოების წასმას;

·         დაავადების გართულებული ფორმის დროს, ბავშვებში ინიშნება ანტიბიოტიკების ინექციები;

·         მკურნალობის შემდეგ დაზიანებული ადგილების სპირტიანი ხსნარით დამუშავებას;

·         მკურნალობის დროს პაციენტი უნდა იმყოფებოდეს დახურულ, მაგრამ კარგად განიავებად შენობაში.

საშიშროება

ხშირად დაავადება გართულებების გარეშე მიმდინარეობს, მაგრამ რიგ შემთხვევებში შეიძლება ადგილი ჰქონდეს თირკმლის და გულის პრობლემები. 

პროფილაქტიკა

რეკომენდირებულია:

·         პირადი ჰიგიენის წესების დაცვა;

·         მიკროტრავმების ანტისეპტიკებით დამუშავება;

·         ბავშვებისთვის რეგულარული სანიტარულ-ეპიდემიური შემოწმების ჩატარება.