დერმატიტი – ანთებითი რეაქციები, რომლებიც კანზე აისახება შინაგანი და გარეგანი გაღიზიანების დროს.

დერმატიტის სახეობები:

არსებობს დერმატიტის რამოდენიმე სახეობა:

·         კონტაქტური დერმატიტი – რეაქცია, რომელიც ჩნდება კანზე უშუალო ზემოქმედების შედეგად (გაყინვა, ქიმიური დამწვრობა).

·         ალერგიული დერმატიტი – რეაქცია, რომელიც ჩნდება კანზე ალერგენის ზემოქმედების შედეგად (სხვადასხვა ქიმიური და მცენარეული ნივთიერებები).

·         ატოპიური დერმატიტი – ქრონიკული ანთებითი დაავდებები, რომლებიც გადაეცემა გენეტიკური გზით.

·         საფენების დერმატიტი – გაღიზიანება, რომელიც ჩნდება ბავშვებში, რაც გამოწვეულია კანზე საფენის ქსოვილის მუდმივი შეხებით.

·         პერიორალური დერმატიტი – გამონაყარი პირის, ზოგჯერ თვალებისა და ლოყების გარშემო, რაც დაკავშირებულია კოსმეტიკურ საშუალებებზე, საცხებზე, კბილის პასტაზე ალერგიის ქონასთან.

სიმპტომები

დაავადების სიმპტომებია:

·         ანთებითი სიწითლე;

·         შეშუპება;

·         ქავილი;

·         აწეული ტემპერატურა, დაზიანებულ ადგილას კანის წვა;

·         კანზე ამობურცული წანაზარდები.

დიაგნოსტიკა

დაავადების დიაგნოსტიკისთვის ტარდება:

·         დიაგნოსტიკური სინჯების გამოკვლევა;

·         სხვადასხვა ტიპის ალერგენებზე ტესტირება;

·         იმუნური სისტემის საერთო გამოკვლევა.

მკურნალობა

დაავადების მკურნალობა მოიცავს:

·         სამკურნალო პრეპარატებს (ანტიჰისტამინური, ანტიალერგიული, ანთების საწინააღმდეგო და დეზინტოკსიკაციური საშუალებები);

·         საცხებს (მადეზინფიცირებელი და ანთების საწინააღმდეგო საშუალებები);

·         ქავილის საწინააღმდეგო საცხები.

საშიშროება

ნებისმიერი სახის დერმატიტის საშიშროება მდგომარეობს იმაში, რომ გაღვივებულ სტადიაზე მან შეიძლება დააზიანოს შინაგანი ორგანოები და ნეგატიურად აისახოს ნერვულ სისტემაზე, საჭმლის მომნელებელ ტრაქტზე და სასუნთქ ორგანოებზე.

პროფილაქტიკა

დაავადების პროფილაქტიკისთვის რეკომენდირებულია:

·         იმუნური სისტემის ხელშეწყობა;

·         ალერგენებთან კონტაქტის გამორიცხვა;

·         კოსმეტიკური საშუალებების შემადგენლობისთვის ყურადღების მიქცევა;

·         ნატურალური ქსოვილისგან შეკერილი ტანსაცმლის და საცვლების ტარება.