თიოგამა

თიოგამა
ანოტაციის მომწოდებელია
5
0
რეკომენდაცია
1შეფასება
35098ნახვა
პრეპარატის სავაჭრო დასახელება: თიოგამა
საერთაშორისო არაპატენტირებული დასახელება: თიოქტის მჟავა
წამლის ფორმა: კაფსულები, შემოგარსული ტაბლეტები, 3%-იანი საინექციო ხსნარი, 1,2%-იანი საინფუზიო ხსნარი.
პრეპარატის შემადგენლობა: 1 კაფსულა შეიცავს: ალფა-ლიპოინის მჟავა - 300 მგ; დამხმარე ნივთიერებები: გლიცერინი, სორბიტოლი, მყარი ცხიმი, ტიტანის დიოქსიდი (E 171), რკინის ოქსიდი ყვითელი (E 172), ქინოლინი ყვითელი (E 104). 1 შემოგარსული ტაბლეტი შეიცავს: ალფა - ლიპოინის მჟავა - 600 მგ; დამხმარე ნივთიერებები: მიკროკრისტალური ცელულოზა, ლაქტოზა, სალმანდი, სილიციუმის კოლოიდური ორჟანგი, მეთილჰიდროქსიპროპილი ცელულოზა. 1 ამპულა შეიცავს 10 მლ 3%-იან საინექციო ხსნარს (583.85 მგ ალფა -ლიპოინის მჟავის მეგლუმინის მარილი, რაც არის 300 მგ ალფა - ლიპოინის მჟავის შემცველობის ექვივალენტი). დამხმარე ნივთიერებები: მეგლუმინი, მაკროგოლი 300, საინექციო წყალი. 1 ამპულა შეიცავს 20 მლ 3%-იან საინექციო ხსნარს (1167,70 მგ ალფა -ლიპოინის მჟავის მეგლუმინის მარილი, რაც არის 600 მგ ალფა - ლიპოინის მჟავის შემცველობის ექვივალენტი). დამხმარე ნივთიერებები: მეგლუმინი, მაკროგოლი 300, საინექციო წყალი. 1 ფლაკონი შეიცავს 50 მლ 1,2%-იან საინექციო ხსნარს (1167,70 მგ ალფა -ლიპოინის მჟავის მეგლუმინის მარილი, რაც არის 600 მგ ალფა - ლიპოინის მჟავის შემცველობის ექვივალენტი). დამხმარე ნივთიერებები: მეგლუმინი, მაკროგოლი 300, საინექციო წყალი.
აღწერილობა: წაგრძელებული ფორმის უსუნო რბილი ჟელატინისმაგვარი კაფსულები. გარსი შეფერილია ორ ფერით - გაუმჭვირვალე თეთრი და ყვითელი. კაფსულოიდური ფორმის თეთრი წინწკლების მქონე ყვითელი ფერის შემოგარსული ტაბლეტები, აქვთ ერთი ნაზოლი. 10 მლ გამჭვირვალე ხსნარის შემცველი მუქი შუშის ამპულები. 20 მლ მოყვითალო-მომწვანო ელფერის მქონე ხსნარის შემცველი მუქი შუშის ამპულები. 50 მლ მოყვითალო-მომწვანო ელფერის მქონე ხსნარის შემცველი მუქი შუშის ფლაკონები.
ფარმაკოლოგიური თვისებები: ალფა - ლიპოინის მჟავა არის ნივთიერება, რომელიც ენდოგენურად არსებობს ორგანიზმში, მაღალი კონცენტრაციით სინთეზირდება ცოცხალი უჯრედების მიერ და ალფა-კეტომჟავების მჟავურ დეკარბოქსილირებაში ასრულებს კოენზიმების როლს. ექსპერიმენტული შაქრიანი დიაბეტის მქონე ცხოველებში ალფა-ლიპოინის მჟავა ამცირებს სისხლში შაქრის შემცველობას და ზრდის ღვიძლში გლიკოგენის შემცველობას, ხოლო ადამიანში ის იწვევს პიროყურძნის მჟავის კონცენტრაციის ცვლილებას.
ტოქსიკოლოგიური თვისებები: ცხოველებზე ჩატარებულ ცდებში მწვავე ტოქსიურობა დაბალია. სასიკვდილო დოზა ვენაში შეყვანის შემდეგ ვირთაგვებში შეადგენს დაახლოებით 400 მგ/კგ, ძაღლებში შიგნით მიღებისას კი 400-500 მგ/კგ. პრეპარატის მაღალი დოზები იწვევდნენ გულისრევას, ნერწყვის გამოყოფას და შეფერხებას. ლეტალურ გამოსავალს წინ უძღვის ტონიკო-კლონური კონვულსიები.
ფარმაკოკინეტიკა: პრეპარატის შიგნით მიღების შემდეგ, ალფა-ლიპოინის მჟავა სწრაფად და თითქმის მთლიანად აბსორბირდება და გამოიყოფა თირკმელებით, ძირითადად მეტაბოლიტების სახით. მეტაბოლიტების წარმოქმნა მიმდინარეობს გვერდითი ჯაჭვის დაჟანგვისა და კონიუგირების შედეგად. სისხლის პლაზმაში პრეპარატის ნაწილობრივი დაშლის პერიოდი შეადგენს 10-20 წთ.
გამოყენების ჩვენება: დიაბეტური პოლინეიროპათიით გამოწვეული დისთეზია (მგრძნობელობის დარღვევა).
უკუჩვენება: ჰიპერმგრძნობელობა ალფა-ლიპოინის მჟავის მიმართ. ორსულობისა და ლაქტაციის პერიოდი. ცხოველებზე ჩატარებულ კვლევებში ტერატოგენული მოქმედება არ აღმოჩენილა. ადამიანზე ანალოგიური კვლევა არ ჩატარებულა. უცნობია, აღწევს თუ არა პრეპარატი დედის რძეში. შესაბამისად, პრეპარატი არ გამოიყენება ორსულობისა და ლაქტაციის პერიოდში.
გამოყენების წესი და დოზირება: შიგნით მისაღებად ინიშნება 300-600 მგ (1-2 კაფსულა ან 1 ტაბლეტი) დღეში ერთხელ. ტაბლეტების და კაფსულების მიღება ხდება დაუღეჭავად, სითხის მცირე რაოდენობის დაყოლებით. ვენაში შესაყვანი სადღეღამისო დოზა შეადგენს 300-600 მგ (1-2 10 მლ-იანი ამპულა ან 3%-იანი ხსნარის 20 მლ 1 ამპულა ან 50 მლ-იანი 1 ფლაკონი). მკურნალობის დასაწყისში პრეპარატი ვენაში შეყავთ 2-4 კვირის განმავლობაში. შემდეგ, მკურნალობა შეიძლება გაგრძელდეს პრეპარატის შიგნით მიღებით დღე-ღამეში 300-600 მგ-ის დოზით.
უსაფრთხოების ზომები: თიოგამის საინექციო ხსნარის შეყვანა უმჯობესია მოხდეს ინფუზიით ფიზიოლოგიურ ხსნართან ერთად. 1-2 ამპულა (არის ალფა-ლიპოინის მჟავის 300-600 მგ-ის შემცველობის ექვივალენტი) იხსნება 50-250 მლ 0.9%-იან ფიზიოლოგიურ ხსნარში და შეიყვანება ინფუზიის სახით 20-30 წუთის განმავლობაში. პრეპარატის შეყვანა ხდება ნელა, წუთში არაუმეტეს 50 მგ ალფა-ლიპოინის მჟავისა (არის 1.7 მლ საინექციო ხსნარის ექვივალენტი). ფლაკონის გამოყენებისას, ინექცია წარმოებს უშუალოდ ფლაკონიდან. ამ დროს გამოიყენება შუქისაგან დამცველი საკიდი ფუტლიარი, რომელიც მას თან ახლავს.
ზემოქმედება სხვა სამკურნალო საშუალებებთან: ალფა-ლიპოინის მჟავა ინ ვიტრო ზემოქმედებს ლითონების იონურ კომპლექსებთან (მაგალითად, ცისპლასტინთან), შესაბამისად, თიოგამამ შეიძლება შეამციროს ცისპლასტინის ეფექტი. შაქრის მოლეკულებთან (მაგ. ლევულოზის ხსნართან) ალფა-ლიპოინის მჟავა წარმოშობს მძიმედ ხსნად კომპლექსურ ნაერთებს. შესაბამისად, ალფა-ლიპოინის მჟავის საინფუზიო ხსნარი შეუთავსებელია გლუკოზის, რინგერის ხსნართან და ისეთ ხსნართან, რომლებიც შეიძლება შევიდნენ რეაქციაში SH-ჯგუფებთან ან დისულფიდურ ხიდებთან. ინსულინის ან შიგნით მისაღები დიაბეტური პრეპარატების ზემოქმედების შედეგად სისხლში შაქრის შემცველობის შემცირების ეფექტი შეიძლება გაძლიერდეს. ამიტომ, საჭიროა სისხლში შაქრის დონის მუდმივი კონტროლი, განსაკუთრებით კი ალფა-ლიპოინის მჟავით თერაპიის საწყის ეტაპზე. ჰიპოგლიკემიის სიმპტომების თავიდან აცილების მიზნით, ზოგიერთ შემთხვევაში, საჭიროა ინსულინის ან შიგნით მისაღები შაქრის დამწევი ეფექტის მქონე პრეპრატების დოზის შემცირება.
გაფრთხილება: პრეპარატი თიოგამით მკურნალობის დროს აკრძალულია ალკოჰოლური სასმელების გამოყენება, ვინაიდან, მათი ზემოქმედების შედეგად მცირდება ალფა-ლიპოინის მჟავის თერაპიული აქტივობა.
გვერდითი მოქმედება: შეიძლება განვითარდეს ადგილობრივი ალერგიული რეაქციები კანის მხრიდან, მაგალითად, ჭინჭრის ციება ან ეგზემა საინექციო ადგილას. ასევე, შესაძლებელია მოხდეს ანაფილაქსიური შოკის გამომწვევი სისტემური რეაქციების განვითარება. პრეპარატის ვენაში შეყვანის შემდეგ, იშვიათ შემთხვევებში, შეიძლება განვითარდეს კრუნჩხვა, დიპლოპია, ჰემორაგიული გამონაყარი (პურპურა) და თრომბოფლებიტი. სისხლიდან გლუკოზის უკეთესი უტილიზაციის გამო შეიძლება შემცირდეს შაქრის დონე.
ჭარბი დოზა: ჭარბი დოზის დროს შეიძლება განვითარდეს ღებინება, გულისრევა, თავის ტკივილი. მკურნალობა არის სიმპტომატური.
გამოშვების ფორმა: შემოგარსული ტაბლეტები და კაფსულები 30, 60 და 100 კაფსულის ან ტაბლეტის შემცველი ბლისტერი გამოყენების ინსტუქციასთან ერთად მოთავსებულია მუყაოს კოლოფში. 3%-იანი საინექციო ხსნარი ამპულებში 10 მლ-ის შემცველი 5 და 10 ამპულა გამოყენების ინსტრუქციასთან ერთად მოთავსებულია მუყაოს კოლოფში. 20 მლ-ის შემცველი 5 და 10 ამპულა გამოყენების ინსტრუქციასთან ერთად მოთავსებულია მუყაოს კოლოფში. 1,2%-იანი საინექციო ხსნარი ფლაკონებში 50 მლ-ის შემცველი 1 ან 10 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები: შემოგარსული ტაბლეტები და კაფსულები ინახება 15-25C ტემპერატურის ფარგლებში. ამპულებში 3%-იანი საინექციო ხსნარი და ფლაკონებში 1,2%-იანი საინექციო ხსნარი ინახება შუქისაგან დაცულ ადგილას, ტემპერატურა 15-25C. ფლაკონები და ამპულები გამოყენებამდე ინახება პირველად შეფუთვაში.
პრეპარატი ინახება ბავშვებისათვის მიუწვდომელ ადგილას.
შენახვის ვადა: კაფსულები - 4 წელი. შემოგარსული ტაბლეტები - 3 წელი. 3%-იანი საინექციო ხსნარი - 4 წელი. 1,2%-იანი საინექციო ხსნარი - 3 წელი. არ გამოიყენება შეფუთვაზე მითითებული ვარგისიანობის ვადის გასვლის შემდეგ.
აფთიაქიდან გაცემის წესი: რეცეპტით
მწარმოებელი: Solufarm Pharmazeutische Erzeugnisse GMbH Industriestrasse 3 34212 Melsungen tel: + 49 7031 62 04-0 fax: + 49 7031 62 04-31
რეგისტრაციის უფლების მქონე სუბიექტი: ,,ვერვაგ ფარმა გმბხ და კო., კგ' ბებლინგენ, გფრ

დავით ბოლქვაძე
2019-09-06

ფასი მაღალია...

ფასი
ეფექტურობა
ხელმისაწვდომობა
შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.