საერთაშორისო დასახელება (აქტიური ნივთიერება): comb. drug

 

კლინიკურ-ფარმაკოლოგიური ჯგუფი: ბიოლოგიურად აქტიური დანამატები

 

მწარმოებელი კომპანია: აფლოფარმი

 

მწარმოებელი ქვეყანა: პოლონეთი

 

გამოშვების ფორმა: კაფსულა #60

 

გაცემის რეჟიმი: III ჯგუფი (ურეცეპტოდ)

 

შემადგენლობა:

1ტაბლეტი
ზვიგენის ხრტილისგან გამოყოფილი გლუკოზამინის სულფატი 2KCL . . . . . . . . . . . .500მგ.
ზვიგენის ხრტილისგან გამოყოფილი ქონდროიტინი . . . . . . . . . . . . . . . 100მგ.
არააქტიური ინგრედიენტები:
მიკროკრისტალური ცელულოზა,, სილიციუმის დიოქსიდი, პოლივინილპიროლიდონი, მაგნიუმის სტეარატი.

 

ფარმაკოლოგიური თვისებები:
- ზვიგენის ხრტილისგან გამოყოფილი ქონდროიტინი: ასტიმულირებს ჰიალურონის მჟავის და პრეგლიკანების სინთეზს, მონაწილეობს კოლაგენური ბოჭკოების შენებაში, ძვლოვანი ქსოვილის მინერალიზაციაში, გააჩნია ანთების საწინააღმდეგო მოქმედება;

- მონაწილეობს ხრტილოვანი ქსოვილის აღდგენასა და შენებაში, იცავს მას დაშლისგან, აუმჯობესებს სახსრების კვებას და მოძრაობას.
გლუკოზამინის სულფატი 2KCL:
- ააქტიურებს პროტეოგლიკანების, გლუკოზამინოგლიკანების, ჰიალურონის და ქონდროიტინგოგირდმჟავის, აგრეთვე იმ სხვა ნივთიერებების სინთეზს, რომლებიც წარმოადგენენ საშენ მასალას სახსრის გარსის, სახსარშიდა სითხისა და ხრტილოვანი ქსოვილისათვის;
- ავლენს ქონდროპროტექტორულ და ოსტეოტროპულ ეფექტს, ახდენს ძვლოვან ქსოვილში კალციუმის ჩალაგების ნორმალიზებას.
ზვიგენის ხრტილისგან გამოყოფილი ქონდროიტინის და გლუკოზამინის სულფატის კომბინაცია განაპირობებს ტკივილის სინდრომის გამოხატულების შემცირებას, სახსრის ფუნქციური შესაძლებლობების გაუმჯობესებას.

 

ჩვენებები:
- პირველადი და მეორადი ოსტეოართროზი, ოსტეოპოროზი, მხარ-ბეჭის პერიართრიტი, ოსტეოქონდროზი, სპონდილოზი, მუხლზედა ქონდრომალაცია;
- მოტეხილობები (შეხორცების ძვლოვანი კორძის წარმოქმნის დასაჩქარებლად);
- ხერხემლის დეგენერაციულ-დისტროფიული დაავადებები.
სტაბილ ფორტე რეკომენდებულია 12 წლის ზევით ასაკის ბავშვებსა და მოზრდილთათვის, აგრეთვე, ხანდაზმული ასაკის პაციენტებისთვის.

 

მიღების წესები და დოზები:
მოზრდილებსა და 12 წლის ზევით ასაკის ბავშვები: 1 კაფსულა 3-ჯერ დღეში-ღამეში. მკურნალობის რეკომენდებული ხანგრძლივობა შეადგენს 2 თვეს. მკურნალობის კურსები მეორდება 3 თვის ინტერვალებით ან ექიმთან შეთანხმებით.

 

უკუჩვენება:
მომატებული ინდივიდუალური მგრძნობელობა პრეპარატში შემავალი კომპონენტების მიმართ (ალერგიული რეაქციები), ფენილკეტონურია.

 

ორსულობა და ლაქტაცია:
პრეპარატი უკუნაჩვენებია ორსულობისა და ლაქტაციის პერიოდში.

 

სხვა წამლებთან ურთიერთქმედება:
პრეპარატი აუმჯობესებს ტეტრაციკლინების და ამცირებს პენიცილინებისა და ქლორამფენიკოლის შეთვისებას. სტაბილ ფორტეს მიღების ფონზე მცირდება მოთხოვნილება არასტეროიდულ ანთებისსაწინააღმდეგო საშუალებებზე.

 

შენახვის პირობები და ვადები:
ინახება არაუმეტეს +25oC ტემპერატურაზე, ბავშვებისთვის მიუწვდომელ ადგილას. შენახვის ვადა - 3 წელი. არ გამოიყენოთ შეფუთვაზე მითითებული ვადის გასვლის შემდეგ