პრეპარატის სავაჭრო დასახელება:
სოლკოვაგინი

 

სამკურნალწამლო ფორმა:
ხსნარი ადგილობრივი გამოყენებისათვის

 

აღწერილობა:
გამჭვირვალე უფერო ხსნარი.

 

შემადგენლობა:
სოლკოვაგინის 1 მლ ხსნარი შეიცავს: აზოტმჟავა 70% 537.0მგ ძმრის მჟავა 99% 20.4მგ მჟაუნმჟავა დიჰიდრატი 58.6მგ ცინკის ნიტრატ ჰექსაჰიდრატი 6.0მკგ გამოხდილი წყალი 1მლ-მდე

 

ფარმაკოლოგიური ჯგუფი:

ადგილობრივ დამანეკროზებელი საშუალება ათქ კოდი DG02

ფარმაკოლოგიური თვისებები:
სოლკოვაგინის შემადგენლობა შემუშავებულია სპეციალურად საშვილოსნოს ყელის კეთილთვისებიანი დაზიანებების სამკურნალოდ და განსაზღვრავს საშვილოსნოს ყელის სხვადასხვა ტიპის ეპითელზე არაერთგვაროვან მოქმედებას. პრეპარატის ექტოპიურ ცილინდრულ ეპითელზე (ყელის ექტოპია და ტრანსფორმაციის ზონა) ან სუბეპითელურ სტრომაზე (ყელის ეროზია) წასმისას ხდება მათი მომენტალური ინ ვიტრო დევიტალიზაცია და ფიქსაცია. მეორე მხრივ საშვილოსნოს ყელის საშოსმხრივი ნაწილისა და საშოს მრავალშრიანი ბრტყელი ეპითელი სოლკოვაგინისადმი გამძლეა და რჩება დაუზიანებელი. პათოლოგიურად შეცვლილი ქსოვილების დევიტალიზაცია და ფიქსაცია ხდება რამდენიმე წუთის მანძილზე, რაც გამოიხატება ყვითელ-თეთრი ან ნაცრისფერი შეფერილობის გაჩენით. ეს მოვლენა არ უნდა იყოს აღქმული, როგორც მჟავების მომწველი გავლენა. ჩვეულებრივი წარმოდგენით დევიტალიზებული (დანეკროზებული) ეპითელი რჩება თავის ადგილას ინიცირებულ ფაზაში და ქმნის დამცავ ფენას, რომელიც აშრევდენა რამდენიმე დღეში მის ქვეშ ბრტყელი ეპითელის ახალი უჯრედების სპონტანური ზრდის გამო.

ფარმაკოკინეტიკა: ადგილობრივი მოქმედების პრეპარატი

 

ჩვენებები გამოყენებისათვის:
საშვილოსნოს ყელის ზედაპირული ქსოვილების კეთილთვისებიანი დაავადებები:
•ყელის ექტოპია;
•ტრანსფორმაცის ზონა:
•ნაბოტის კისტა (გახსნის შემდეგ);
•ყელის არხის პოლიპები (ენდომეტრიუმის პათოლოგიის არარსებობისას);
•ოპერაციის შემდგომი გრანულომა

 

წინააღმდეგჩვენებები:
1.ყელის ავთვისებიანი დაავადებები (ეჭვით მალიგნიზაციაზე).
2.უჯრედოვანი დისპლაზია;
3.ორსულობა;
4.პრეპარატის შემადგენლებისადმი მომატებული მგრძნობელობა

 

გამოყენების წესი და დოზირება:
პრეპარატი მოწოდებულია მხოლოდ ადგილობრივი გამოყენებისათვის საშვილოსნოს ყელის ზედაპირული ქსოვილების არეში. პროცედურა უნდა ჩატარდეს ექიმი-გინეკოლოგის მიერ კოლპოსკოპის გამოყენებით. პროცედურის დროს მუშავდება მხოლოდ დაზიანებული ზონა. უნდა მოვერიდოთ ხსნარის მოხვედრას გარეთა სასქესო ორგანოებზე და საშოს ეპითელზე 1.ბამბის ტამპონით უნდა მოცილდეს საშოს ლორწო. დაზიანებული ქსოვილების უკეთესი ვიზუალიზაციისათვის უნდა დამუშავდეს დაზიანებული არე ძმრის მჟავის 3% ხსნარით. 2.გაიჟღინთოს ჩხირზე დახვეული ბამბის მცირე ტამპონი ხსნარით და დამუშავდეს დაზიანებული არე; 3.1 -2 წუთის შემდეგ დაზიანებული არე უნდა დამუშავდეს სოლკოვაგინის ხსნარით გაჟღენთილი ახალი ტამპონით ხელახლა. როგორც გამოცდილებამ აჩვენა ასეთი ორჯერადი დამუშავება აძლიერებს თერაპიულ ეფექტს; 4.სოლკოვაგინით მკურნალობა ტარდება ამბულატორიულად და არ მოითხოვს რაიმე შეზღუდვას წყლის აბაზანების მიღებისა ან სქესობრივი ცხოვრების თვალსაზრისით; 5.საკონტროლო გასინჯვა ტარდება შემდეგი სქემით: I გასინჯვა - მე-10 დღეს პროცედურიდან, 2 გასინჯვა - 14 დღის შემდეგ I გასინჯვიდან, 3 გასინჯვა - 14 დღის შემდეგ 2 გასინჯვიდან არასაკმარისი შედეგის შემთხვევაში აუცილებელია ჩატარდეს მკურნალობის განმეორებითი კურსი ზემოთ მითითებული სქემის მიხედვით.

 

სიფრთხილის ზომების სოლკოდერმის გამოყენებისას:
სოლკოვაგინი არის პრეპარატი, რომელიც შეიცავს კონცენტრირებულ მჟავებს, უნდა ავიცილოთ მისი მოხვედრა ტანსაცმელზე, კანზე, განსაკუთრებით თვალზე. გარეთა სასქესო ორგანოებზე ან საშოს ლოწოვანზე სოლკოვაგინის შემთხვევითი მოხვედრისას ეს ადგილები სასწრაფოდ უნდა მოიბანოს წყლით. კანზე ან თვალში სოლკოვაგინის მოხვედრისას სასწრაფოდ უნდა მოიბანოს დიდი რაოდენობით წყლით ან შესაძლებლობის შემთხვევაში გამანეიტრალებელი ხსნარით, როგორიცაა ნატრიუმის ბიკარბონატის 1% ხსნარი.

 

შეფუთვის გამოყენებისა და განადგურების წესი:
1.გაიხსნას ფლაკონის სახურავი;
2.ჩავუშვათ ფლაკონში ბამბის ტამპონი დახვეული ჩხირზე; ერთი ფლაკონი გათვალისწინებულია ორი პროცედურის ჩატარებისთვის;
3.პროცედურის ჩატარების შემდეგ ტამპონს ჩავუშვებთ ფლაკონში 1სმ სიღრმეზე და ჩხირს გადავტეხავთ;
4.ვახურავთ ფლაკონს თანხლებ რეზინის ხუფს, რათა ავიცილოთ დარჩენილი ხსნარის მოხვედრა სხვა საგნებზე და ვაგდებთ ფლაკონს ნაგავში.

 

გვერდითი მოვლენები:
დღემდე არანაირი გვერდითი ეფექტი სოლკოვაგინის გამოყენებისას აღწერილი არ ყოფილა. მკურნალობა არის უმტკივნეულო და არ იწვევს ნაწიბურების წარმოქმნას და საშვილოსნოს ყელის დეფორმაციას.
დოზის გადამეტება (ინტოქსიკაცია): პრეპარატის ზედმეტად გამოყენებისას შეიძლება განვითარდეს დამწვრობა, რომელსაც შეუძლია მიგვიყვანოს საშვილოსნოს ყელის პათოლოგიურ ცვლილებებამდე. მკურნალობა სიმპტომურია.

 

ურთიერთქმედება სხვა მედიკამენტებთან:
სოლკოვაგინის ურთიერთქმედება ადგილობრივ გამოსაყენებელ სხვა მედიკამენტებთან დადგენილი არ არის.

 

გამოშვების ფორმა:
0.5მლ ხსნარი უფერო მინის ფლაკონში ნომინალური ტევადობით 2მლ. დახურული ტეფლონის საფარიანი რეზინის საცობით, შემოკრული ალუმინისა და პლასტიკის სახურავით. 2 ფლაკონი 2 დამატებითი რეზინის საცობით მოთავსებულია პენოპლასტის კონტეინერში, რომელსაც აქვს ბუდეები დახურული და ღია ფლაკონებისთვის. კონტეინერი გამოყენების ინსტრუქციასთან ერთად ჩადებულია მუყაოს კოლოფში.
შენახვის პირობები: შეინახეთ +15 0 C-დან +25 0 C გრადუს ტემპერატურაზე ყურადღება: ხსნარს აქვს ძლიერი მღრნელი მოქმედება. მოეპყარით ფრთხილად. შეინახეთ ბავშვებისათვის მიუწვდომელ ადგილას შესაძლებელია გაჩნდეს კრისტალური ნალექი, რაც არის პრეპარატის უფრო დაბალ ტემპერატურაზე შენახვის შედეგი, მაგ. ტრანსპორტირების დროს. 1-2 წუთით პრეპარატის გათბობა 40 გრადუს ტემპარატურაზე საკმარისია მათი გაქრობისათვის

 

ვარგისიანობის ვადა:
3 წელი. არ გამოიყენოთ შეფუთვაზე მითითებული ვადის გასვლის შემდეგ.

 

გაცემის პირობები:
რეცეპტით

 

მწარმოებელი:
მედა ფარმაცევტიკალს სვირზერლანდ ჯმბჰ, შვეიცარია წარმოებულია: "ლეგასი ფარმაცევტიკალს შვეიცარია ჯმბჰ" შვეიცარია რურბერგშტრასე 21, 4127 ბირსფელდენი, შვეიცარია