სარეგისტრაციო ნომერი: ЛСР-002522/07

პრეპარატის სავაჭრო დასახელება: სნუპი

საერთაშორისო არაპატენტირებული დასახელება: ქსილომეტაზოლინი

სამკურნალო ფორმა: ნაზალური სპრეი

შემადგენლობა: ნაზალური სპრეის 1 მლ შეიცავს: აქტიურ ინგრედიენტს - 0,5 მგ ან 1,0 მგ ქსილომეტაზოლინის ჰიდროქლორიდს და სხვა ინგრედიენტებს - ზღვის წყალს - 250,0 მგ, კალიუმის დიჰიდროფოსფატს - 0,45 მგ, გასუფთავებულ წყალს - 754,35 მგ ან 753,85 მგ. თეორიული საერთო მასა - 1005,3 მგ.

აღწერილობა: უფერო გამჭვირვალე ხსნარი.
ფარმაკოთერაპიული ჯგუფი: ანტიკონგესტური საშუალება.

ათქ კოდი: R01AA07

ფარმაკოლოგიური თვისებები: ქსილომეტადინი მიეკუთვნება ადგილობრივ სისხლძარღვთა შემავიწროებელ საშუალებათა ჯგუფს ალფა-ადრენომიმეტური აქტივობით, იწვევს ცხვირის ლორწოვანი გარსის სისხლძარღვების შევიწროვებას, ხსნის ცხვირის ლორწოვანი გარსის შეშუპებას და ჰიპერემიას, აღადგენს ცხვირის ღრუს გამტარიანობას, ამსუბუქებს ცხვირით სუნთქვას. პრეპარატის მოქმედება იწყება რამოდენიმე წუთში მისი გამოყენების შემდეგ და გრძელდება რამოდენიმე საათის განმავლობაში. ფარმაკოკინეტიკა: ადგილობრივად გამოყენებისას პრაქტიკულად არ შეიწოვება, ამიტომ მისი კონცენტრაცია სისხლის პლაზმაში ძალიან მცირეა (არ დგინდება თანამედროვე ანალიტიკური მეთოდებით).

გამოყენების ჩვენება: მწვავე რესპირატორული დაავადებები რინიტის (სურდოს) ნიშნებით, მწვავე ალერგიული რინიტი, პოლინოზი, სინუსიტი, ევსტაქიიტი, საშუალო ოტიტი (კომბინირებული თერაპიის შემადგენლობაში ცხვირ-ხახის ლორწოვანი შეშუპების შესამცირებლად), ცხვირის გზების რინოსკოპიის და სხვა დიაგნოსტიკური მანიპულაციების ჩატარების გასაადვილებლად.

უკუჩვენებები: ჰიპერმგრძნობელობა, არტერიული ჰიპერტენზია, ტაქიკარდია, გამოხატული ათეროსკლეროზი, გლაუკომა, ატროფიული რინიტი, თირეოტოქსიკოზი, ქირურგიული ჩარევა ტვინის გარსებზე (ანამნეზში), ორსულობა, 6 წლამდე საბავშვო ასაკი (0,1% ხსნარისთვის), 2 წლამდე საბავშვო ასაკი (0,05% ხსნარისათვის).

სიფრთხილით: ლაქტაციის პერიოდი, გულის იშემიური დაავადება (სტენოკარდია), წინამდებარე ჯირკვლის ჰიპერპლაზია, თირეოტოქსიკოზი, შაქრიანი დიაბეტი.

გამოყენების წესი და დოზირება: 2-დან 6 წლამდე ასაკის ბავშვებისათვის 0,05% ნაზალური სნუპ სპრეის 1 შეხსურება თითო ნესტოში (საჭიროების შემთხვევაში შეიძლება გამეორება), 3 ჯერამდე დღეში.
მოზრდილებისათვის და 6 წელზე უფროსი ბავშვებისათვის: 0,1% ნაზალური სნუპ სპრეის 1 შესხურება თითო ნესტოში (საჭიროების შემთხვევაში შეიძლება გამეორება), 3 ჯერამდე დღეში. პრეპარატი არ უნდა იქნას გამოყენებული დღეში 3 ჯერზე ხშირად, კურსის ხანგრძლივობა არაუმეტეს 5-7 დღისა.

გვერდითი მოქმედება: ხშირ და/ან ხანგრძლივ გამოყენებისას[/i] - ცხვირ-ხახის ლორწოვანი გარსის გაღიზიანება და სიმშრალე, წვა, პარესთეზია, ცემინება, ჰიპერსეკრეცია. იშვიათად ცხვირის ღრუს ლორწოვანი გარსის შეშუპება, გულისცემა, ტაქიკარდია, არითმია, არტერიული წნევის მომატება, თავის ტკივილი, ღებინება, უძილობა, მხედველობის დარღვევა; დეპრესია (მაღალი დოზების ხანგრძლივად გამოყენებისას).

ჭარბი დოზირება: სიმპტომები: გვერდითი ეფექტების გაძლიერება. მკურნალობა სიმპტომატური, ექიმის დაკვირვების ქვეშ. ურთიერთქმედება სხვა სამკურნალო საშუალებებთან შეუთავსებელია მაო-ს ინჰიბიტორებთან და ტრიციკლურ ანტიდეპრესანტებთან.

განსაკუთრებული მითითებები: გამოყენების წინ აუცილებელია ნესტოების გასუფთავება. ნუ გამოიყენებთ ხანგრძლივი დროის განმავლობაში, მაგალითად, ქრონიკული რინიტის დროს.

გამოშვების ფორმა: 0,05% ნაზალური სნუპ სპრეი ბავშვებისათვის 2-დან 6 წლამდე; 0,1% 6 წელზე ზევით ასაკის ბავშვებისათვის და მოზრდილებისათვის. 15 მლ ნაზალური სპრეი პოლიეთილენის ფლაკონში საფრქვევი ხუფით. 1 ფლაკონი პრეპარატის გამოყენების სამედიცინო ინსტრუქციასთან ერთად მოთავსებულია მუყაოს ყუთში.

ვარგისიანობის ვადა: 4 წელი. ნუ გამოიყენებთ ვარგისიანობის ვადის გასვლის შემდეგ.

შენახვის პირობები: ინახება ბავშვებისათვის მიუწვდომელ ადგილას, არაუმეტეს 25 C ტემპერატურაზე. გახსნის შემდეგ ფლაკონი უნდა იქნას გამოყენებული 3 თვის განმავლობაში.

აფთიაქიდან გაცემის პირობები: გაიცემა ურეცეპტოდ.

მწარმოებელი: "შტადა არცნაიმიტელ აგ", გერმანია წარმოებულია ურსაფარმ არცნაიმიტელ GmbH, გერმანია შტადაშტრასე 2-18 D-61118 ბად ფილბელ, გერმანია ტელ.: +49-6101-603-0 ფაქსი: +49-6101-603-259