შემადგენლობა

1 პასტილი შეიცავს:
ბენზალკონიუმის ქლორიდი 1.0 მგ
მენთოლი 1.2 მგ
მწარე პიტნის ეთერზეთი 1.0 მგ
ევკალიფტის ეთერზეთი 0.6 მგ

თიმოლი:
0.6 მგ

სხვა ინგრედიენტები:
მალტიტოლი, მალტიტოლის სიროფი, გლიცეროლი, მანიტოლი და ა.შ.

ფარმაკოლოგიური მოქმედება
სეპტოლეტე დ-ს პასტილები წარმოადგენს ამონიუმ-ქლორიდ-ბენზალკონიუმის მეოთხედური ნაერთების ჯგუფის ანტისეპტიკისა და ბუნებრივი აქტიური ნივთიერებების - მენთოლის, მწარე პიტნის ეთერზეთის, ევკალიფტის ეთერზეთის, თიმოლის კომნინაციას, რომლებიც ანტისეპტიკის აქტივობას და აუმჯობესებენ მის გემოს.
ანტისეპტიკი - ბენზალკონიუმის ქლორიდი ეფექტურია უპირველესად გრამდადებითი ბაქტერიების მიმართ. ასევე ახდენს ფუნგიციდურ მოქმედებას ჩანდიდა ალბიცანს და ზოგიერთი ლიპოფილური ვირუსის მიმართ.
მაღალი ზედაპირული აქტივობის გამო ბენზალკონიუმის ქლორიდი სწრაფად აღწევს ლორწოვანას მიუწვდომელ ადგილებშიც კი, მაგალითად ნუშისებრი ჯირკვლების ხორკლიან ზედაპირზე, რაც ძალიან მნიშვნელოვანია პირის ღრუსა და ყელის ინფექციების მკურნალობისას და მეორადი ინფექციების პროფილაქტიკისათვის.
მენთოლი და მწარე პიტნის ეთერზეთი ამსუბუქებენ ტკივილს და დისკომფორტის სუბიექტურ შეგრძნებებს, როგორებიცაა ყლაპვის დროს წვისა და ტკივილის შეგრძნება. პასტილებს სასიამოვნო გამაგრილებელი გემო აქვთ. თიმოლი იგივე მოქმედებას ახდენს, რასაც ბენზალკონიუმის ქლორიდი. მას გააჩნია ანტისეპტიკური მოქმედება, რომელიც აძლიერებს პრეპარატის ეფეტქს. ევკალიფტის ეთერზეთი ამცირებს ლორწოს სეკრეციას სასუნთქი გზების ზედა ნაწილებში და აადვილებს სუნთქვას.
სეპტოლეტე დ-ს პასტილები შეიცავენ მანიტოლსა და მალტიტოლს, რომლებიც რომლებიც აუმჯობესებენ პასტილების გემოს.
პასტილების გამოყენება შეუძლიათ ავადმყოფებს, რომლებისთვისაც უკუნაჩვენებია ან შეზღუდულია შაქრის შემცველი პრეპარატების მიღება.
სეპტოლეტე დ-ს პასტილები სპეციალური ტექნოლოგიით მუშავდება, რომელიც უზრუნველყოფს პირის ღრუში აქტიური ნივთიერებების ნელა გამოთავისუფლებას, და ამგვარად, გარანტირებული ხდება პრეპარატის ეფექტური მოქმედება.

 

გამოყენების ჩვენებები:
სეპტოლეტე დ-ს პასტილები რეკომენდებულია შემდეგ შემთხვევებში:
- პირის ღრუსა და ყელის მსუბუქი ინფექციები (ფარინგიტები, ლარინგიტები, არასტრეპტოკოკური ბუნების ანგინა),
- დაცვისათვის გრიპისა და გაციების პერიოდებში,
- ღრძილებისა და პირის ღრუს ლორწოვანი გარსების ანთება.

 

სიფრთხილის ზომები:
სეპტოლეტე დ-ს პასტილების მიღება არ შეიძლება, თუ ადრე აღინიშნა ჰიპერმგრძნობელობის (ალერგიის) რეაქცია პრეპარატის რომელიმე ინგრედიენტის მიმართ.
ბავშვები: პასტილები რეკომენდებული არ არის 4 წლამდე ასაკის ბავშვებში.
ორსულობა და ლაქტაცია: ორსულობისა და ლაქტაციის პერიოდში შეიძლება სეპტოლეტე დ-ს პასტილების მიღება, ოღონდ მხოლოდ ექიმის რჩევით.
შაქრიანი დიაბეტით დაავადებულები: გასათვალისწინებელია, რომ თითოეული პასტილი შეიცავს 0.6 გ მალტიტოლს. მალტიტოლის მეტაბოლიზმისათვის აუცილებელია ინსულინი, მაგრამ ვინაიდან ჰიდროლიზი და შწოვა კუჭ-ნაწლავის ტრაქტში ნელა ხდება, ამიტმ შაქრის შემცველი პრეპარატების დოზის კორექცია საჭირო არ არის.
პასტილები 0.6 გ მალტიტოლოლს შეიცავენ, თუ პასტილები ინსტრუქციების შესაბამისად მიიღება, ისინი გვერდით მოვლენებს არ იწვევენ. მაგრამ რეკომენდებულზე მეტი რაოდენობით პასტილების მიღებისას შეიძლება დიარეა განვითარდეს.

 

დოზირების რეჟიმი:
სეპტოლეტე დ-ს პასტილი ნელა გაიწუწნება პირის ღრუში.
მიიღება 1 პასტილი ყოველ 2-3 საათში.
- მოზრდილებში არა უმეტეს 6-8 პასტილი დღეში,
- 4 წელზე უფროსი ასაკის ბავშვებში არა უმეტეს 4 პასტილი დღეში,
- 10 წელზე უფროსი ასაკის ბავშვებში არა უმეტეს 6 პასტილი დღეში.

 

გვერდითი მოქმედება:
თუ პასტილები ინსტრუქციის შესაბამისად მიიღება, მაშინ გვერდითი მოვლენები არ აღინიშნება. ადამიანბეში ჰიპერმგრძნობელობით რეკომენდებულზე მეტი რაოდენობით პასტილების მიღებამ შეიძლება გამოიწვიოს საჭმლის მონელების დარღვევები. გვერდითი მოქმედების გამოვლინების შემთხვევაში აუცილებელია ექიმთან მიმართვა.

 

შენახვის პირობები:
ინახება მშრალ, სინათლისაგან დაცულ, ბავშვებისათვის მიუწვდომელ ადგილას არა უმეტეს 250C ტემპერატურაზე.
პრეპარატის გამოყენება არ შეიძლება შეფუთვაზე მითითებული ვარგისიანობის ვადის გასვლის შემდეგ.

 

 

გაცემის წესი:
რეცეპტის გარეშე.

 

გამოშვების ფორმა:
30 პასტილი.

 

მწარმოებელი:
კრკა, დ.დ., ნოვო მესტო, ნოვო მესტო, სლოვენია.