მოქმედი ნივთიერება: რისპერიდონი 1 მგ

რას წარმოადგენს რისპერიგამა 1 მგ ტაბლეტები და რისთვის გამოიყენება?

ფარმაკოლოგიური ჯგუფი:
რისპერიდონი არის ე . წ . ატიპიური ნეიროლეფსიური საშუალება გრძნობათა ორგანოების მიერ ფსიქიური დარღვევების სამკურნალოდ .

პრეპარატი გამოიყენება:
რისპერიგამა 1 მგ ტაბლეტები ბლისტში გამოიყენება
· ფსიქიური სფეროს ხანმოკლე გაუარესების და ისეთი დაავადებების სამკურნალოდ , რომლისთვისაც დამახასიათებელია სიმპტომები , როდესაც პაციენტი გრძნობათა ორგანოების მიერ აღიქვამს ისეთ საგნებს და მოვლენებს , რომლებიც რეალობაში არ არსებობს , რაც შეხამებულია არასწორ შთაგონებასთან , უჩვეულო უნდობლობასთან და სამყაროსგან გარიყულობასთან ; პრეპარატი ასევე გამოიყენება სტაბილური მდგომარეობის პაციენტებისათვის , რათა თავიდან იქნას აცილებული დაავადების რეციდივი .
· ასევე გამოიყენება მოჭარბებული ენერგიის დროს , როდესაც პაციენტს აღენიშნება მოჭარბებული ენერგიის მოზღვავება და უძილობა , სწრაფი მეტყველებით , სწრაფად ცვალებადი იდეებით და ხანდახან გაღიზიანებით .
· მძიმე დემენციის და აგრესიულობის ხანგრძლივი მკურნალობისთვის , რომლის დროსაც პაციენტი საფრთხეს უქმნის როგორც თავის თავს , აგრეთვე გარე პირებს , ან დემენციის დროს არსებული ფიქიური სიმპტომებისას , რომლის დროსაც პაციენტი ძალიან დათრგუნულია .
რას უნდა მიაქციოთ ყურადღება რისპერიგამა 1 მგ ტაბლეტების მიღების წინ ?
რისპერიგამა 1 მგ ტაბლეტები ბლისტერულ შეფუთვაში არ შეიძლება მიიღოთ :
თუ გახასიათებთ რისპერიდონის ან მისი შემადგენელი ნივთიერებების მიმართ მომატებული მგრძნობელობა;
ლაქტოგენური ჰორმონის არამედიკამენტური ჰიპერპრპოდუქციის დროს

სანამ დაიწყებთ რისპერიგამა 1 მგ ტაბლეტების მიღებას გთხოვთ აცნობოთ თქვენს ექიმს ამის შესახებ და თუ თქვენ გაგაჩნიათ შემდეგი დაავადები:
ღვიძლისა და თირკმლის ფუნქციის დაზიანება,
პარკინსონის დაავადება,
დემენციის გარკვეული ფორმა ( Lewy-Body-Demenz),
ეპილეფსია
ჰორმონდამოკიდებული რიგი სიმსივნური დაავადებები ( პროლაქტინ - დამოკიდებული სიმსივნე ),
გულ - სისხლძარღვთა სისტემის მძიმე დაავადებები,
ცვლილებები სისხლის მხრივ ,
შაქრიანი დიაბეტი ან დიაბეტის განვითარების რისკ - ფაქტორები .

რისპერიდონით მკურნალობისას განსაკუთრებით მკურნალობის დასაწყისში, შესაძლოა პაციენტს აღენიშნოს დაბალი წნევა . რისპერიდონი განსაკუთრებით სიფრთხილით უნდა გამოვიყენოთ პაციენტებში , რომელთაც ახასიათებთ გულ - სისხლძარღვთა სისტემის ( მაგ . გულის დაავადებები , გამოხატული ბრადიკარდია , გულის შეკუმშვის ძალის სისუსტე , გულის ინფარქტი , გამტარებლობის დარღვევა , დეჰიდრატაცია , სისხლნაკლებობა ან თავის ტვინის მკვებავი სისხლძარღვთა დაავადებები , ჰიპოკალიემია ან ჰიპომაგნიემია , აგრეთვე გულის რითმის დარღვევისათვის განკუთვნილი მედიკამენტების ერთდროულად მიღება . გაურკვეველი სიტუაციის შემთხვევაში მიმართეთ თქვენს ექიმს . რისპერიგამა 1 მგ ტაბლეტების ხანგრძლივი გამოყენებისას შესაძლოა გამოვლინდეს უნებლიე მოქმედებები , უფრო მეტად სახის ტიკები . ( ტარდიული დისკინეზია ). ამ შემთხვევაში მიმართეთ ექიმს , რათა შემცირდეს რისპერიგამა 1 მგ ტაბლეტების დოზა . სიცხის , სახსრების შეზღუდული მოძრაობის , სუნთქვის გახშირების , ოფლიანობის და ცნობიერების მოშლის ( მალიგნური ნეიროლეფსიური სინდრომი ) შემთხვევები უკავშირდება ანტიფსიქოზური აქტიური მედიკამენტების გამოყენებას . ასეთი სიმპტომების გამოვლენისას უნდა მიმართოთ ექიმს და უნდა შეწყვიტოთ რისპერიგამა 1 მგ ტაბლეტების მიღება .

ბავშვები და მოზარდები: ბავშვებისა და მოზარდების რისპერიდონით მკურნალობის შესახებ არ მოიპოვება საკმარისი მონაცემები . ამიტომ რისპერიგამა 1 მგ ტაბლეტები ბლისტერულ შეფუთვაში ბავშვებში და 15 წლამდე მოზარდებში გამოიყენება განსაკუთრებული სიფრთხილით და აუცილებლობის შემთხვვაში .

ხანდაზმული პაციენტები: დემენციით დაავადებულ ხანდაზმულ პაციენტებში რისკ - ფაქტორს წარმოადგენს თავის ტვინში სისხლმიმოქცევის დარღვევა , აპოპლექსის ჩათვლით . იმისათვის რომ ექიმმა შეძლოს რისკ - ფაქტორების და მედიკამენტის დანიშვნის აუცილებლობის განსაზღვრა , მას აუცილებლად უნდა აცნობოთ აღნიშნული მოვლენების შესახებ . დაუყოვნებლივ უნდა მიმართოთ ექიმს ისეთი სიმპტომების გამოვლენისას , როგორიცაა უეცარი სისუსტე , სახის არეში მგრძნობელობის დაკარგვა , ხელებისა და ფეხების გრძნობის დაკარგვა ანესთეზია ან გაურკვეველი საუბარი . გთხოვთ აცნობოთ ექიმს თუ თქვენ იღებთ ფუროსემიდის შემცველ მედიკამენტს . ( ფუროსემიდი მაღალი წნევის საწინააღმდეგო და სხეულში სითხის დაგროვების შედეგად გამოწვეული შეშუპების საწინააღმდეგო მედიკამენტია . ხანდაზმულ პაციენტებზე ჩატარებული კვლევებით გამოვლინდა , რომ რისპერიდონის კომბინირებული გამოყენება ფუროსემიდის შემცველ პრეპარატებთან ერთად ჯანმრთელობისათვის სახიფათოა .

სხვა მედიკამენტებთან ურთიერთქმედება:
გთხოვთ აცნობოთ ექიმს თუ თქვენ იღებთ სხვა პრეპარატებს ან ცოტა ხნის წინ მიიღეთ ისინი , იმ შემთხვევაშიც თუ მედიკამენტი არ ექვემდებარება რეცეპტით გამოწერას . ძირითადად შესაძლოა ურთიერთქმედებები გამოვლინდეს ნებისმიერი პრეპარატის მიმართ , რომლებიც ცენტრალურ ნერვულ სისტემაზე მოქმედებენ , როგორიცაა დამამშვიდებელი ან საძილე საშუალებები , ძლიერი ტკივილგამაყუჩებელი საშუალებები , ალერგიის , დეპრესიისა და ალკოჰოლის საწინააღმდეგო ზოგიერთი საშუალებები .

რომელი მედიკამენტები ახდენენ ზეგავლენას რისპერიდონის მოქმედებაზე?
ზოგიერთმა ანტიდეპრესანტმა ( ფლუოქსეტინი და პაროქსეტინი ) შესაძლოა გააძლიერონ რისპერიგამა 1 მგ ტაბლეტების ზემოქმედება .
ეპილეფსიის საწინააღმდეგო ზოგიერთმა საშუალებამ ( მაგ . კარბამაზეპინი ) შესაძლოა შეასუსტოს რისპერიგამა 1 მგ ტაბვლეტების ზემოქმედება .

რომელი მედიკამენტების მოქმედებაზე ახდენს ზეგავლენას რისპერიდონი?
რისპერიდონმა შესაძლოა გააძლიეროს მაღალი წნევის საწინააღმდეგო ზოგიერთი საშუალებების ზემოქმედება . რისპერიდონმა შესაძლოა შეასუსტოს პარკინსონის დაავადების ( მაგ . ლევოდოპა ) საწინააღმდეგო საშუალებების მოქმედება .
ციმეტიდინმა და რანიტიდინმა , რომლებიც გამოიყენება კუჭის წვენის სეკრეციის შესამცირებლად , შესაძლოა გაზარდონ სისხლში რისპერიდონის კონცენტრაციის დონე , თუმცა არ ახდენენ ზეგავლენას რისპერიგამა 1 მგ ტაბლეტების მოქმედების უნარზე . ერითრომიცინი ( ანტიბიოტიკი ), გალანტამინი და დონეპეზილი ( დემენციის სამკურნალო საშუალება ), აგრეთვე ამიტრიპტილინი ( დეპრესიის სამკურნალო საშუალება ) არ ახდენენ ზეგავლენას რისპერიგამა 1 მგ ტაბლეტების მოქმედებაზე , ისევე როგორც რისპერიდონი ლითიუმის ან ვალპროატის ( მანიის სამკურნალო საშუალებები ), დიგოქსინის ( საგულე გლიკოზიდის ), აგრეთვე ტოპირამატის ( კრუნჩხვითი შეტევების სამკურნალო და შაკიკის საწინააღმდეგო საშუალება ) მოქმედებაზე .
რისპერიგამა 1 მგ ტაბლეტების ფუროსემიდის შემცველ მედიკამენტებთან ერთად ურთიერთქმედება ხანდაზმული პაციენტებისათვის , იხილეთ ,, განსაკუთრებული სიფრთხილის ზომები ხანდაზმულ პაციენტებში რისპერიგამა 1 მგ ტაბლეტების მიღებისას " პუნქტში ,, ხანდაზმული პაციენტები ".
სიფრთხილეა საჭირო ისეთი მედიკამენტების ერთდროული მიღებისას , როგორიცაა
საშუალებები , რომლებიც ეკგ - ს ე . წ . QT- ინტერვალს ახანგრძლივებენ , მაგ ანტიარითმიული საშუალებები ( ანტიარითმიული საშუალებები ჯგუფი IA და III), ზოგიერთი ანტიბიოტიკი ( როგორიცაა მაგ .: ერითრომიცინი ), ცისაპრიდი , მალარიის სამკურნალო საშუალებები , ალერგიის საწინააღმდეგო , კუჭ - ნაწლავის წყლულის ( ანტიჰისტამინური ) ან ფსიქიატრიული დაავადებების სამკურნალო ნეიროლეფსიური საშუალებები , ან
საშუალებები , რომლებიც ამცირებენ კალიუმის ან მაგნიუმის შემცველობას ( მაგ . შარდმდენი საშუალებები ).
აცნობეთ ექიმს თუ თქვენ იღებთ ზემოთ ხსენებულ მედიკამენტებს , რადგანაც საჭირო გახდება დოზირების შერჩევა.

რისპერიგამა 1 მგ ტაბლეტების მიღება საკვებთან და სასმელთან ერთად:
რისპერიგამა 1 მგ ტაბლეტებით მკურნალობისას არ უნდა მიიღოთ ალკოჰოლი , რადგანაც ალკოჰოლმა შესაძლოა შეცვალოს ან გააძლიეროს რისპერიგამა 1 მგ ტაბლეტების აქტივობა . აგრეთვე ზეგავლენას ახდენს საჭის მართვასა და ყურადღების კონცენტრაციის უნარზე .

ორსულობა და ლაქტაციის პერიოდი:
ორსულობა : საკმაოდ მცირე მონაცემები მოიპოვება ორსულების პერიოდში რისპერიდონის გამოყენების შესახებ . ეს მონაცემები არ იძლევიან საკმარის დასკვნებს რისპერიდონის გვერდითი მოვლენების შესახებ , თუ რა გავლენას ახდენს იგი ორსულებზე და ბავშვებზე მუცლად ყოფნის დროს ან ახალშობილებზე . აქედან გამომდინარე რისპერიგამა 1 მგ ტაბლეტები ორსულების დროს უნდა დაინიშნოს მხოლოდ აუცილებლობის შემთხვევაში .
თუ თქვენ დაგაგმილი გაქვთ რისპერიგამა 1 მგ ტაბლეტებით მკურნალობის პერიოდში დაორსულება ან ვარაუდობთ , რომ ორსულად ხართ დაუყოვნებლივ აცნობეთ ამის შესახებ ექიმს , რათა მან მიიღოს გადაწყვეტილება რისპერიგამა 4 მგ ტაბლეტებით მკურნალობის გაგრძელების ან მისი სხვა პრეპარატებით შეცვლის ან საერთოდ მკურნალობის შეწყვეტის შესახებ .
ლაქტაციის პერიოდი : რისპერიდონი , რისპერიგამა 1 მგ ტაბლეტების აქტიური ნივთიერება გადადის დედის რძეში . თუ ექიმმა გადაწყვიტა , რომ აუცილებელია რისპერიგამა 1 მგ ტაბლეტებით მკურნალობა ექიმის გადაწყვეტილების თანახმად უნდა შეწყვიტოთ ჩვილის ძუძუთი კვება .

კონცენტრაცია საგზაო მოძრაობების ან საჭის მართვის დროს:
მედიკამენტი გავლენას ახდენს რეაქციებზე და მოქმედებს საგზაო მოძრაობისა და საჭის მართვის უნარზე . იგივე რეაქციებია დამახასიათებელი ალკოჰოლის მიღებისას .

მნიშვნელოვანი გაფრთხილებები რისპერიგამა 1 მგ ტაბლეტების ზოგიერთი შემადგენელი ნაწილების შესახებ:
მედიკამენტი შეიცავს ლაქტოზას . გთხოვთ მიიღოთ რისპერიგამა 1 მგ ტაბლეტები მხოლოდ ექიმთან შეთანხმების შემდეგ , თუ თქვენ გახასიათებთ აუტანლობა შაქრის მიმართ .

3. როგორ უნდა მიიღოთ რისპერიგამა 1 მგ ტაბლეტები?
მიიღეთ რისპერიგამა 1 მგ ტაბლეტები ზედმიწევნით ექიმის დანიშნულების მიხედვით . გაურკვევლობის შემთხვევაში შეეკითხეთ ექიმს ან ფარმაცევტს .

მიღების სახე:
მედიკამენტის დოზირება და მიღების ხანგრძლივობა განისაზღვრება ექიმის მიერ . მნიშვნელოვანია , რომ რისპერიგამა 1 მგ ტაბლეტები მიიღოთ რეგულარულად და დაიცვათ ექიმის მიერ დანიშნული დოზირება . ტაბლეტები მიიღება სითხესთან ერთად ( მაგ . ერთ ჭიქა წყალთან ერთად ). შეგიძლიათ მიიღოთ რისპერიგამა 1 მგ ტაბლეტები როგორც ჭამის დროს , ასევე კვებისაგან დამოუკიდებლად .

რეკომენდირებულია შემდგომი დოზირება , თუ ექიმი არ დაგინიშნავთ კონკრეტულ დოზას:
გამარტივების მიზნით რისპერიდონის დოზირება მოცემულია მილიგრამებში . ექიმი მიგითითებთ , თუ რამდენი ტაბლეტი უნდა მიიღოთ .

გამოიყენება ჯანმრთელობის ხანმოკლე გაუარესებების და ისეთი დაავადებების სამკურნალოდ, რომლის დროსაც დამახასიათებელია ისეთი ფსიქოზური სიმპტომები , როდესაც პაციენტი გრძნობათა ორგანოებით აღიქვამს საგნებს და მოვლენებს , რომლებიც რეალობაში არ არსებობს , აგრეთვე ახასიათებს მცდარი შთაგონება, უჩვეულო უნდობლობა და სამყაროსგან გარიყულობა :
მოზრდილები: რისპერიდონის დღიური დოზა შეიძლება მიიღოთ ერთჯერადად ან ორ დოზად განაწილებული .
რისპერიგამა 1 მგ ტაბლეტებით მკურნალობა უნდა დაიწყოთ მცირე დოზიდან და გაზარდოთ თქვენთვის რეკომენდირებულ საჭირო დოზამდე . საჭირო დოზა ინიშნება ექიმის მიერ . საწყის დოზად ითვლება 2 მგ რისპერიდონი დღეში , ხოლო შემდგომ ოპტიმალური დოზაა 4 დან 6 მგ - დე რისპერიდონი დღეში . ზოგიერთი პაციენტებისათვის შეიძლება საწყის და ოპტიმალურ დოზად უფრო მცირე რაოდენობის დაინიშვნაც .

ხანდაზმული პაციენტები: ხანდაზმული ადამიანებისათვის რეკომენდირებულია უფრო მცირე დოზირება; ჩვეულებრისამებრ მაქსიმალურ დოზად ითვლება 4 მგ რისპერიდონი დღეში .

მკურნალობა ისეთი მდგომარეობის დროს, როდესაც პაციენტს ახასიათებს მოჭარბებული მგრძნობელობა , ასევე როდესაც პაციენტს გააჩნია მოჭარბებული ენერგიის შეგრძნება , უძილობა , სწრაფი მეტყველება , სწრაფად ცვალებადი იდეებით და ხანდახან გაღიზიანებით: ამ ჯგუფის პაციენტთა რეკომენდირებული საწყისი დოზაა 2 მგ რისპერიდონი დღეში ერთხელ . ეს დოზა საჭიროების შემთხვევაში შესაძლოა გაიზარდოს 1 მგ - ით დღეში , მხოლოდ პრეპარატის მიღების დაწყებიდან 24 საათის შემდგომ . რეკომენდირებული მისაღები დოზირება მოიცავს 3-4 მგ რისპერიდონს დღეში .

დემენციის დროს გამოხატული , ხანგრძლივი აგრესიულობისა და ფსიქოზური სიმპტომების სამკურნალოდ: რისპერიგამა 1 მგ ტაბლეტებით მკურნალობა უნდა დაიწყოთ მცირე დოზიდან და უნდა გაზარდოთ თქვენთვის რეკომენდირებულ მისაღებ დოზამდე . თუ როდის და რა დოზით უნდა მიიღოთ რისპერიდონი ამას გადაწყვეტს ექიმი . ჩვეულებრივ საწყის დოზად ითვლება 0.25 მგ რისპერიდონი ორჯერ დღეში და რეკომენდირებული მისაღები დოზა არის 1 მგ რისპერიდონი დღეში . ზოგიერთი პაციენტებისათვის შეიძლებად დაინიშნოს 2 მგ რისპერიდონი დღეში . საწყის მცირე დოზას გააჩნია დაბალი ეფექტურობა . მისაღები დოზა შესაძლოა მიიღოთ დღეში ერთხელ ან ორჯერ მაგ . დილას და საღამოს . მკურნალობის დროს საჭიროა ექიმის მეთვალყურეობა და შემოწმება და უნდა განისაზღვროს საჭიროა თუ არა რისპერიგამა 1 მგ ტაბლეტებით შემდგომში მკურნალობის გაგრძელება .

მკურნალობა დაქვეითებული ინტელექტის მქონე ბავშვების , მოზარდებისა და ზრდასრულებისათვის:
პაციენტებისათვის , რომელთა წონა შეადგენს 50 კგ - ზე ნაკლებს საწყისი დოზა არის 0.25 მგ რისპერიდონი დღეში ერთხელ . დოზა შესაძლებელია ყოველ მეორე დღეს 0.25 მგ - ით გაიზარდოს . რეკომენდირებული დოზა არის 0.25 დან 0.75 მგ - მდე რისპერიდონი დღეში ერთხელ .
პაციენტებისათვის , რომელთა წონა შეადგენს 50 კგ - ს ან მეტს საწყისი დოზა არის 0.5 მგ რისპერიდონი დღეში ერთხელ . დოზა შესაძლებელია ყოველ მეორე დღეს 0.5 მგ - ით ით გაიზარდოს . რეკომენდირებული დოზა არის 0.5 დან 1.5 მგ - მდე რისპერიდონი დღეში ერთხელ .

პაციენტები თირკმლისა და ღვიძლის დარღვეული ფუნქციით:
გამოყენების სფეროს მიუხედავად , თირკმლისა და ღვიძლის დარღვეული ფუნქციების მქონე პაციენტების სამკურნალოდ საჭიროა მოხდეს საწყისი და მისაღების დოზის განახევრება და დოზის თანდათანობითი გაზრდა . ამ ჯგუფის პაციენტებში აუცილებელია რისპერიგამა 1 მგ ტაბლეტების განსაკუთრებული სიფრთხილით გამოყენება .

პაციენტები გულ - სისხლძარღვთა სისტემის დაავადებებით: ამ პაციენტებისათვის დოზირება და მკურნალობა უნდა განხორციელდეს განსაკუთრებული სიფრთხილით . წნევის დაქვეითების შემთხვევაში უნდა განისაზღვროს დოზის შემცირების შესაძლებლობა ( იხ . პუნქტი ,, განსაკუთრებული სიფრთხილე რისპერიგამა 1 მგ ტაბლეტების მიღებისას ").

თუ თქვენ მიიღეთ რისპერიგამა 1 მგ ტაბლეტების საჭიროზე მაღალი დოზა:
რისპერიგამა 1 მგ ტაბლეტების ჭარბი დოზირებისას მიღების ან მოწამვლის შემთხვევაში დაუყოვნებლივ აცნობეთ ექიმს ( ან შესაბამის დაწესებულებას ).
ჭარბი დოზირება შესაძლოა გამოიხატოს სასურველი და არასასურველი ზემოქმედების გაძლიერებით ( გონების დაბინდვა , დაღლილობა , გულისცემის აჩქარება , დაბალი წნევა , უნებლიე მოქმედებები ).

თუ დაგავიწყდათ რისპერიგამა 1 მგ ტაბლეტების მიღება:
ასეთ შემთხვევაში არ მიიღოთ ორმაგი დოზა , განაგრძეთ მკურნალობა რეკომენდირებული დოზირების მიხედვით .

რეაქციები რისპერიგამა 1 მგ ტაბლეტების მიღების შეწყვეტისას: მედიკამენტის მიღება უნდა შეწყვიტოთ მხოლოდ ექიმთან შეთანხმების შემდეგ . თუ ეს ვერ მოხერხდა , მაშინ დაუყოვნებლივ უნდა აცნობოთ ექიმს ამის შესახებ , რათა მან მიიღოს გადაწყვეტილება შემდგომი მკურნალობის შესახებ .

რა გვერდითი მოვლენებია შესაძლებელი?
როგორც ყველა მედიკამენტს რისპერიგამა 1 მგ ტაბლეტებსაც შესაძლოა ახასიათებდეს გვერდითი მოვლენები . გვერდითი მოვლენების შეფასებისას აღენიშნათ გვერდითი მოვლენები შემდგომი სიხშირით:

ძალიან ხშირად: 10 პაციენტიდან 1 ზე მეტს
ხშირად: 10 დან 1 ზე ნაკლებს , მაგრამ 100 დან 1 ზე მეტს
საშუალოდ: 100 დან 1 ზე ნაკლებს , მაგრამ 1000 დან 1 ზე მეტს
იშვიათად: 1000 დან 1 ზე ნაკლებს , მაგრამ 10. 000 დან 1 ზე მეტს
ძალიან იშვიათად: 10.000 დან 1 ზე ნაკლებს , ცალკეული შემთხვევების ჩათვლით


მნიშვნელოვანი მოსალოდნელი გვერდითი მოვლენები, რასაც ყურადღება უნდა მიექცეს და უსაფრთხოების ზომები:

ნერვული სისტემა და ფსიქიკა: ხშირად: თავის ტკივილები , უძილობა , აგრესიულობა , დაღლილობა . დაღლილობა , რომელიც მცირე დროით იჩენს თავს უფრო ხშირად ახასიათებთ ბავშვებს და მოზარდებს , ვიდრე ზრდასრულებს.
საშუალოდ: ,, ექსტრაპირამიდული გამოვლინებები " ( იხ . ქვემოთ ).
იშვიათად: ძიალიანობა , ცნობიერების დაკარგვა , კონცენტრაციის დარღვევა.
ძალიან იშვიათად: ,, ავთვისებიანი ნეიროლეფსიური სინდრომი " ( იხ . ქვემოთ ), კრუნჩხვა, პანიკური რეაქციები . ხანგრძლივი მკურნალობის შემთხვევაში შესაძლოა ახასიათებდეს პაციენტს სახის მიმიკური და ენის რითმული მოძრაობები (,, ტარდიული დისკინეზია ). ამ შემთხვევაში გთხოვთ მიმართოთ ექიმს .

თვალები:
იშვიათად: მხედველობის გაუარესება

სასუნთქი გზები:
იშვიათად: ცხვირის დაცობა .

გულ - სისხლძარღვთა სისტემა: იშვიათად: განსაკუთრებით მკურნალობის დასაწყისში ან ჰორიზონტალური მდგომარეობიდან ვერტიკალურში გადასვლის დროს შესაძლოა პაციენტს აღენიშნოს დაბალი წნევა თვალის დაბნელებით და გულის აჩქარებით ; აგრეთვე მოსალოდნელია წნევის მომატებაც .

კუჭ - ნაწლავის ტრაქტი: იშვიათად: კუჭ - ნაწლავის მხრივ გართულებები ( შეკრულობა , საჭმლის მომნელებელი სისტემის მხრივ დარღვევები , გულისრევა / გულძმარვა , მუცლის ტკივილი ).
საშარდე გზები / სასქესო ორგანოები: იშვიათად: პენისის ხანგრძლივი ერექცია , ერექციის დარღვევები , ეაკულაციის დარღვევები , ორგაზმის დარღვევები, უნებლიე შარდვა.
ენდოკრინული ( ჰორმონთა მაპროდუცირებელი სისტემა ): განსაკუთრებით მაღალი დოზირების შემთხვევაში შესაძლოა რისპერიდონმა აამაღლოს პროლაქტინის დონე სისხლში . ამის შედეგად შესაძლოა გამოვლინდეს: საშუალოდ: მენსტრუალური დარღვევები , თვიური სისხლდენის შეწყვეტა ( ამენორია ), სარძევე ჯირკვლის მიერ რძის სეკრეცია .
იშვიათად: მამაკაცის სარძევე ჯირკვალის გადიდება . რადგანაც არ არის გამორიცხული ის ფაქტორიც , რომ პროლაქტინმა შესაძლოა გამოიწვიოს სარძევე ჯირკვლის კიბო , ქალებმა, რომელთაც ამის საშიშროება ემუქრებათ და მიდრეკილება აქვთ სიმსივნის მიმართ უნდა მიიღონ რისპერიგამა 4 მგ ტაბლეტები განსაკუთრებული სიფრთხილით.

ჩონჩხ - კუნთოვანი დაავადებები:
ძალიან იშვიათად: კუნთების სისუსტე .

კანის დაავადებები:
იშვიათად: კანის სიწითლე და სხვა ალერგიული რეაქციები .
ძალიან იშვიათად: ქავილი, გამონაყარი კანზე , გაღიზიანება სინათლეზე.

ნივთიერებათა ცვლისა და საჭმლის მონელების სისტემის მხრივ დარღვევები:
ძალიან იშვიათად: სისხლში შაქრის დონის მომატება და შაქრიანი დიაბეტის გართულება , წყლის ბალანსის დარღვევა მაგ. ზედმეტი სითხის მიღებისგან.
გთხოვთ მიმართეთ ექიმს , თუ თქვენ გაქვთ მოჭარბებული წყურვილის შეგრძნება ან აღგენიშნებათ ჭარბი დიურეზი.

სისხლისა და ლიმფური სისტემის დაავადებები:

ძალიან იშვიათად: სისხლის თეთრი სხეულების და / ან თრომბოციტების რაოდენობის შემცირება.
ზოგადი დაავადება: იშვიათად: სისუსტე.
ძალიან იშვიათად: სხეულის ტემპერატურის რეგულირების დარღვევა.
გარდა ამისა რისპერიდონით მკურნალობამ შესაძლოა გამოიწვიოს წონის მომატება , სხეულში სითხის დაგროვება და ღვიძლის ფუნქციის მომატება.

თავის ტვინში სისხლმიმოქცევის დარღვევა: დემენციის მქონე პაციენტებში , რისპერიდონით მკურნალობისას დამახასიათებელია თავის ტვინში სისხლ მიმოქცევის შემცირება ან აპოპლექსიური შეტევა ( შესაძლოა გამოიწვიოს სიკვდილი ).

ექსტრაპირამიდული გამოვლინებები: რისპერიდონით მკურნალობისას შეიძლება განვითარდეს ე. წ. ,, ექსტრაპირამიდული სიმპტომები ", რასაც თან ახლავს სხეულის უნებლიე მოქმედებები , კანკალი , სახსრების მოძრაობის შესუსტება , მოჭარბებული ნერწყვის გამოყოფა , მოუსვენრობა , აგრეთვე დამახასიათებელია შენელებული მოძრაობები , რამაც შესაძლოა საერთო უმოძრაობა გამოიწვიოს. ეს სიმპტომები ძირითადად სუსტად ვლინდება და მათი აღმოფხვრა შესაძლებელია პრეპარატის დოზირების შემცირებით ან პარკინსონის საწინააღმდეგო საშუალების მიღებით. ეს გვერდითი მოვლენები უფრო ხშირად ვლინდება პაციენტებში , რომელთაც ახასიათებთ პრეპარატის მიმართ ჭარბი მგრძნობელობა , ენერგიის მოზღვევება , უძილობა , სწრაფი მეტყველება , სწრაფად ცვალებადი იდეებით და ხანდახან გაღიზიანება. მსგავსი სიმპტომების განვითარებისას საჭიროა მიმართოთ ექიმს , რომელიც მიიღებს გადაწყვეტილებას თქვენი შემდგომი მკურნალობის ( რისპერიგამა 4 მგ ტაბლეტების დოზირების შემცირება ან მკურნალობის შეწყვეტა ) შესახებ.

ავთვისებიანი ნეიროლეფსიური სინდრომი:
იშვიათად შესაძლოა გამოვლინდეს სიცოცხლისათვის საშიში სიმპტომების ერთობლიობა , რომლის დროსაც აღინიშნება სიცხე , სახსრების მოძრაობის შესუსტება, სუნთქვის გახშირება, აჩქარებული გულისცემა, ძლიერი ოფლიანობა და ცნობიერების დაკარგვა, ასევე სხეულის ტემპერატურის ცვალებადობა. ასეთ შემთხვევაში დაუყოვნებლივ საჭიროა ექიმის კონსულტაცია.

როგორ უნდა მიიღოთ რისპერიგამა 1 მგ ტაბლეტები ბლისტერულ შეფუთვაში?
მედიკამენტი აუცილებლად უნდა შეინახოთ ბავშვებისაგან ხელმიუწვდომელ ადგილას.
არ შეიძლება მედიკამენტის გამოყენება ბლისტერზე ან შეფუთვაზე მითითებული ვარგისიანობის ვადის გასვლის შემდეგ.

6. სხვა ინფორმაციები
რას შეიცავენ რისპერიგამა 1 მგ ტაბლეტები: აქტიური მოქმედი ნივთიერება არის რისპერიდონი. ერთი ტაბლეტი შეიცავს 1 მგ რისპერიდონს. დამატებითი ნივთიერებები არის: ლაქტოზას მონოჰიდრატი, მიკროკრისტალური ცელულოზა, სიმინდის სახამებელი, მაღალდისპენსიური სიცილიუმის დიოქსიდი, მაგნიუმის სტეარატი ( Ph. Eur), ჰიდრომელოზა, ნატრიუმის დოდეცილის სულფატი, პროპილენის გლიკოლი, ტალკი, ტიტანიუმის დიოქსიდი ( E 171)
რისპერიგამა 1 მგ ტაბლეტების გარეგნული სახე და შეფუთვის შემადგენლობა:
ტაბლეტები ბლისტერულ შეფუთვაში. რისპერიგამა 1 მგ ტაბლეტების ბლისტერული შეფუთვა შეიცავს 20 ( N1), 50 (N2) და 100 (N3) ტაბლეტებს ბლისტერულ შეფუთვაში. საერთო შეკვრა შეიცავს 100 (2X50) ტაბლეტებს ბლისტერულ შეფუთვაში.

ფარმაცევტული საწარმო:
შპს ვიორვაგ ფარმა, კალვერ შტრასე 7, 71034 ბიობლინგენი
ტელ: 07031/6204-0, ფაქსი:::: 07031/6204-31, e-mail: info@woerwagpharma.de

მწარმოებელი: Specifar S.A., 1, 28 Octovriou str., Ag. Varvara, Athen, 12351 Griechenland საბერძნეთი

WOERWAG PHARMA GmbG&Co. KG
Calwer Strasse 7. 71034 Boeblingen
2778
PC 1967