შემადგენლობა: ერთი ამპულა შეიცავს 25 მგ თიამინის ჰიდროქლორიდს, 5 მგ რიბოფლავინ-5-ფოსფატს, 10 მგ პირიდოქსინის ჰიდროქლორიდს, 0.03 მგ ციანკობალამინს, 5 მგ D-პანტენოლს, 50 მგ ნიკოტინამიდს, 24 მგ ბენზილის სპირტს, 4 მგ დიეთანოლამინის, 2 მლ-მდე საინექციო წყალს.

 

ფარმაკოლოგიური თვისებები: B ჯგუფის ვიტამინები კოფერმენტებისა და მათი შემადგენელი ნაწილების სახით აქტიურ მონაწილეობას იღებენ ნახშირწყლების, ცილებისა და ცხიმების მეტაბოლიზმში. იმის გამო, რომ ორგანიზმში ვიტამინები ჩვეულებრივ ახდენენ ურთიერთმოქმედებას, ოპტიმალურია მათი ერთდროუილ შეყვანა. თიამინი (ვიტამინი B1) კოკარბოქსილაზას კოფერმენტული ფორმებით მნიშვნელოვან როლს ასრულებს ნახშირწყლებისა და ენერგეტიკულ ცვლაში, განსაკუთრებით ნერვულ და კუნთოვან ქსოვილებში. რიბოფლავინი (ვიტამინი B2) წარმოადგენს ფერმენტის შემადგენელ ნაწილს, რომელიც მონაწილეობს ამინომჯავების დეზამინირებაში. რიბოფლავინის აქტიურ ფორმას წარმოადგენს რიბოფლავინის ფოსფატი და ფლავინადენინის დინუკლეოტიდი. იგი მნიშვნელოვან როლს ასრულებს ნახშირწყლების, ცილებისა და ცხიმების ცვლაში, აგრეთვე ნორმალური მხედველობის ფუნქციის შენარჩუნებაში. პირიდოქსინის ჰიდროქლორიდი (ვიტამინი B6) მონაწილეობს ცილებისა და ცხიმოვანი მჟავების მეტაბოლიზმში. იგი როგორც კოფერმენტი მონაწილეობს ამინომჟავების მეტაბოლიზმში. მისი არსებობა ორგანოზმში აუცილებელია ცენტრალური და პერიფერიული ნერვული სისტემის ფუნქციონირებისათვის. ციანოკობალამინი (ვიტამინი B12) ცხოველების ქსოვილებში წარმოიშობა მინიმალური რაოდენებით. მისი სინთეზი ბუნებაში ხორციელდება მხოლოდ მიკროორგანიზმების მეშვეობით. ციანოკობალამინი წარმოადგენს ზრდის ფაქტორს და ჰემოპოეზის სტიმულატორს. იგი დადებითად მოქმედებს ღვიძლის ფუნქციაზე, ცენტრალურ და პერიფერიულ ნერვულ სისტემზე, ააქტიურებს სისხლის შედედების პროცესებს, ნახშირწყლებისა და ცხიმების ცვლას, მონაწილეობს სხვადასხვა ამინომჟავების სინთეზში. D-პანთენოლი მონაწილეობს A კოფერმენტის სინთეზში, რომელიც ხელს უწყობს ცხიმოვანი მჟავების ბიოსინთეზსა და ჟანგვას, აგრეთვე კორტიკოსტეროიდების და აცეტილქოლინის სინთეზს. ნიკოტინამიდი მონაწილეობს ორი მნიშვნელოვანი კოფერმენტის - ნიკოტინამიდადენინდინუკლეოტიდისა და ნიკოტინამიდადენინდინუკლეოტიდფოსფატას წარმოქმნაში, რომლებიც აქტიურად მონაწილეობენ ჟანგვის პროცესში. B ჯგუფის ვიტამინები შეიწოვება კუჭ-ნაწლავის ტრაქტიდან და ორგანიზმიდან გამოიყოფა შარდით.

 

ჩვენებები: რებეკობი ინიშნება იმ მდგომარეობების სამკურნალოდ, რომლებიც გამოწვეულია B ჯგუფის ვიტამინების დეფიციტით. პირის ღრუს დაავადებები: სტომატიტი; კუჭ-ნაწლავის ტრაქტის დაავადებები: კოლიტი, წყლულოვანი კოლიტი, ქრონიკული ენტერიტი, შეწოვის პროცესის დარღვევა, ატონიური ყაბზობა, დიარეა. ღვიძლის დაავადებები: ეპიდემიური ჰეპატიტი, ღვიძლის ცხიმოვანი დეგენერაცია, ღვიძლის დაავადებების პროფილაქტიკა. კანის დაავადებები: ქრონიკული ეგზემა, ნეიროდერმიტები, მზის სხივებით გამოწვეული დერმატოზები, ტოქსიკური და წამლისმიერი დერმატოზები და ეგზემა, აკნე, ფურუნკულოზი, თმისა და ფრჩხილების სიმყიფე, კანის სიმშრალე, პელაგრა. ნერვული სისტემის დაავადებები: ნევრიტები, ნევრალგია, რადიკულიტი, იშიაზი, ინფექციური და წამლისმიერი ნეიროპათიები, კორსაკოვის დაავადება. სხვა მდგომარეობები: გადაღლილობა, მადის დაქვეითება, სისუსტე, ინტენსიური ზრდის პერიოდი, შაქრიანი დიაბეტითა და წყლულოვანი დაავადებებით შეპყრობილი პაციენტები, რომლებიც იმყოფებიან დიეტაზე, ქრონიკული ალკოჰოლიზმი, ორსულთა ტოქსიკოზი.

 

წინააღმდეგჩვენება: პრეპარატის შემადგენლობაში შემავალი კომპონენტების მიმართ მომატებული მგრძნობელობა.

 

განსაკუთრებული მითითებები: რიბოფლავინმა (ვიტამინი B2), რომელიც შედის რებეკომის შემადგენლობაში, შეიძლება გამოიწვიოს შარდის ყვითლად შეფერვა, რომელიც არავითარ საშიშროებას არ წარმოადგენს. თიამინის ჰიდროქლორიდმა შესაძლებელია გამოიწვიოს ალერგიული რეაქცია ანაფილაქსიურ შოკამდე, ამიტომ პრეპარატის შეყვანამდე აუცილებელია გამოირიცხოს თიამინის მიმართ მომატებული მგრძნობელობა. რებეკომი შეჰყავთ ინფუზიის სახით სტაციონარულ პირობებში, ხსნარი დაცული უნდა იქნას სინათლისაგან.

 

გვერდითი მოვლენები: პრეპარატის მაღალი დოზითა და ხანგრძლივად გამოყენებისას შესაძლებელია განვითარდეს ალერგიული რეაქციები, რომლებიც პრეპარატის მიღების შეწყვეტისთანავე გაივლის.

 

ურთიერთქმედება სხვა სამკურნალო საშუალებებთან: რიბოფლავინი ამცირებს სტრეპტომიცინის, ერითრომიცინის, თიროტრიცინის, კარბამიცინისა და ტეტრაციკლინის ხსნარების ანტიბაქტერიულ აქტივობას. რებეკომის დანიშვნა წინააღმდეგნაჩვენებია პარკინსონიზმით დაავადებულ პაციენტებში, აგრეთვე პაციენტებში, რომლებიც იღებენ ლევოდოპას, ვინაიდან პირიდოქსინის ჰიდროქლორიდი აძლიერებს ლევოდოპას პერიფერიულ მეტაბოლიზმს. ამინოგლიკოზიდების, ქოლესტირამინის, კოლხიცინის, ანტიკონვულსანტების, კალიუმის პრეპარატების, ამინოსალიცილის მჟავას, მეტფორმინისა და ალკოჰოლის ხანგრძლივმა გამოყენებამ შესაძლებელია შეამციროს ნაწლავებიდან ციანკობალამინის შეწოვა.

 

მიღების წესი და დოზირება: პრეპარატი შეჰყავთ კუნთებში 2-4 მლ-ის ოდენობით (1-2 ამპ.). პრეპარატი ვენაში ინფუზიის სახით შეჰყავთ სტაციონარი პირობებში, ხსნარი დაცულია უნდა იყოს სინათლისაგან.

 

გამოშვების ფორმა: საინექციო ხსნარი ამპულებში 2მლ №10

 

შენახვის პირობები: პრეპარატი ინახება 15-30˚С ტემპერატურაზე, სინათლისა და ბავშვებისაგან დაცულ ადგილას.

 

ვარგისიანობის ვადა: შეფუთვაზე აღნიშნული ვადის გასვლის შემდეგ მისი გამოყენება დაუშვებელია. გაიცემა რეცეპტით.

 

მწარმოებელი ფირმა: „ბიოფარმა" (თურქეთი)