შემადგენლობა:

1 ტაბლეტში შედის 5 მგ ფინასტერიდი.

 

ფარმაკოთერაპიული ჯგუფი:

ანტიანდროგენული პრეპარატი.

 

ფარმაკოლოგიური თვისებები:

 

ფარმაკოდინამიკა:

პროსკარი სინთეზური 4 -აზასტეროიდია, 5-ალფა-რედუქტაზას ინჰიბიტორი, რომელიც ტესტოსტერონს უფრო აქტიურ ანდროგენად-დიჰიდროტესტოსტერონად გარდაქმნის. ფინასტერიდი ანდროგენების რეცეპტორებზე არ მოქმედებს. ტესტოსტერონის დიჰიდროტესტოსტერონად გარდაქმნა განაპირობებს პროსტატის ზრდას და ადენომის განვითარებას. პრეპარატი თრგუნავს 5-ალფა-რედუქტაზას და დიჰიდროტესტოსტერონის დონე შესამჩნევად მცირდება სისხლში და პროსტატაში. პრეპარატი ამცირებს პროსტატის ზომას და ადენომით გამოწვეულ სიმპტომებს. მკურნალობა რამდენიმე თვე გრძელდება.

 

ფარმაკოკინეტიკა:

მონაცემები ფარმაკოკინეტიკის შესახებ არ მოიპოვება.

 

ჩვენებები:

პროსტატის კეთილთვისებიანი ჰიპერპლაზია:

• წინამდებარე ჯირკვლის ზომის შესამცირებლად

• შარდის დინების გასაუმჯობესებლად და ჰიპერპლაზიის სიმპტომების შესამცირებლად.

• შარდის მწვავე შეკავების თავიდან ასაცილებლად.

 

მიღების წესი და დოზირება:

რეკომენდებულია 5 მგ დღეში ერთხელ. ეფექტი სწრაფად მიიღწევა, მაგრამ მის შესანარჩუნებლად მკურნალობა 6 თვე უნდა გაგრძელდეს. თირკმლების უკმარისობის დროს დოზის შეცვლა არ ხდება. ხანდაზმული პაციენტები ასევევ არ საჭიროებენ დოზის შემცირებას, თუმცა 70 წელზე მეტი ასაკის პირებში ფინასტერიდის გამოყოფა მცირდება.

 

დოზის გადაჭარბება:

არ არის მონაცემები ჭარბი დოზირების შესახებ.

 

უკუჩვენებები:

მომატებული მგრძნობელობა პრეპარატის მიმართ. პროსკარი არ ინიშნება ქალებსა და ბავშვებში.

 

გვერდითი მოვლენები:

სასქესო სისტემის მხრივ: იმპოტენცია მკურნალობის პირველ წელს აღენიშნათ პაციენტთა 8.1%. პლაცებოს შემთხვევაში პაციენტთა 3.7%. ლიბიდოს დაქვეითება- 6.4^%. (პლაცებოს შემთხვევაში 3.4%), ეაკულაციის დარღვევა- 0.8% (პლაცებოს შემთხვევაში 0.1%). 2-4 წელი მკურნალობის დროს იმპოტეცია (5.1%), ლიბიდოს დაქვეითება(2.6%), ეაკულაციის დარღვევა(0.8%) თანაბარი იყო პროსკარის და პლაცებოს მიღებისას. მკურნალობის პირველ წელს აღინიშნებოდა სარძევე ჯირკვლების გადიდება და მტკივნეულობა. სხვა: კანზე გამონაყარი მკურნალობის პირველ წელს აღენიშნა პაციენტთა 0.5%. უფრო ხანგრძლივი კვლევის მონაცემები მსგავსია 2-4 წელი მიმდინარე კვლევის მონაცემებისა. მკურნალობის ხანგრძლივობის ზრდისას გვერდითი მოვლენების სიხშირე არ იზრდება.

 

განსაკუთრებული მითითებანი:

პაციენტებში დიდი მოცულობის ნარჩენი შარდის არსებობის შემთხვევაში ობსტრუქციული უროპათიის განვითარების გამო. პროსკარით მკურნალობის დაწყებამდე და მკურნალობის პერიოდში საჭიროა რექტალური გამოკვლევა წინამდებარე ჯირკვლის სიმსივნის გამოსარიცხად, ასევე პროსტატის სპეციფიური ანტიგენის (პსა) განსაზღვრა, რომლის მატება 10 ნგ/მლ-ზე მეტად აუცილებელს ხდის ბიოფსიის ჩატარებას. აღსანიშნავია, რომ პსა დონე 4 ნგ/მლ-ზე ნაკლები არ გამორიცხავს სიმსივნის არსებობას. პროსკარი ამცირებს პსა-ის დონეს პროსტატის კიბოს შემთხვევაშიც. მომატებული პროსტატის სპეციფიური ანტიგენის დროს აუცილებელია დადგინდეს მისი მატების მიზეზი. პროსკარი არ იწვევს კლინიკურ გაუმჯობესებას პროსტატის კიბოს დროს. პსა-ის დონე პირდაპირპროპორციულია პაციენტის ასაკის და პროსტატის მოცულობის. მკურნალობის პირველ თვეებში აღინიშნება პსა სწრაფი დაქვეითება, რომელის შემდგომში სტაბილურ დონეზე რჩება (დაახლოებით საწყისი დონის ნახევარი). პსა ასეთი დაქვეითება არ არის დამოკიდებული საწყის დონეზე. პაციენტების პსა, რომლებიც 6 თვეზე მეტი ხნის განმავლობაში მკურნალობდნენ პროსკარით, შედარებით არანამკურნალები პაციენტების პსა-სთან, ორჯერ ნაკლებია. პროსტატის ადენომის და კიბოს დროს პსა-ს მაჩვენებელი ერთნაირი შეიძლება იყოს. პროსტატის ადენომით დაავადებულ პაციენტში, რომლის პსა ნორმალურია, შესაძლოა პროსტატის კიბო ჰქონდეს. პროსკარით მკურნალობის დროს პროსტატის სპეციფიური ანტიგენის დიაგნოსტიკური ღირებულება პროსტატის ადენომის და კიბოს დიფერენცირებისას მაღალია. ორსულობა და ლაქტაცია: ორსულები უნდა ერიდონ კონტაქტს პრეპარატთან, რადგან ის იწვევს ნაყოფის გარე სასქესო ორგანოების განვითარების დარღვევას. არ არის ცნობილი გადადის თუ არა პროსკარი დედის რძეში. სხვა პრეპარატებთან ურთიერთქმედება: არ დადასტურდა პროსკარის არასასურველი გავლენა პროპრანოლოლზე, დიგოქსინზე, გლიბურიდზე, ვარფარინზე, თეოფილინსა და ანტიპირინზე. პროსკარი არ მოქმედებს ციტოქრომ P-450 ფერმენტულ სისტემაზე. კლინიკურ კვლევაში პროსკარი წარმატებით გამოიყენებოდა აგფ-ინჰიბიტორებთან, ალფა-ადრენობლოკერებთან, ბეტა-ბლოკერებთან, კალციუმის არხების ბლოკერებთან, ნიტრატებთან, შარდმდენებთან, ჰისტამინური რეცეპტორების ბლოკერებთან ერთად.

 

შეფუთვა:

14 ტაბლეტი (1) კოლოფში, 14 ტაბლეტი (2) კოლოფში

 

შენახვის პირობები:

ინახება მშრალ, სინათლისგან დაცულ ადგილზე, 20-25C ტემპერატურის პირობებში.

 

შენახვის პირობები და ვარგისიანობის ვადა:

აღნიშნულია შეფუთვაზე. დაუშვებელია პრეპარატის გამოყენება ვარგისიანობის ვადის გასვლის შემდეგ. ინახება სინათლისა და ბავშვებისგან დაცულ ადგილას.

 

მწარმოებელი:

MERCK SHARP & DOHME IDEA