ერთი ფლაკონის შემადგენლობაში შედის:

პროკაინ ბენზილპენიცილინი 3 000 000 სე

 

თვისებები და მოქმედების მექანიზმი:

პროკაინ პენიცილინ G 3 მეგა არის ბეზილპენიცილინის პროკაინის მარილი და მოქმედებს ბაქტერიოციდულად პენიცილინისადმი მგრძნობიარე მიკროორგანიზმების უჯრედის მემბრანის მუკოპეპტიდების სინთეზის დათრგუნვის გზით. Pპრეპარატის ერთჯერადი დოზა სისხლში ქმნის თერაპიულად ეფექტურ კონცენტრაციას, რომელიც ნარჩუნდება 24 საათის განმავლობაში. პროკაინ პენიცილინ G 3 მეგა გამოიყოფა ძირითადად თირკმლებით.

 

ჩვენებები:

პენიცილინისადმი მგრძნობიარე მიკროორგანიზმებით გამოწვეული ინფექციები: - ზედა და ქვედა სასუნთქი გზების, ყურის, ყელის და ცხვირის ინფექციები (ანგინა, ქუნთრუშა, შუა ყურის ანთება, სინუსიტი, ლარინგიტი, ჩირქოვანი ბრონქიტი); - კანისა და უროგენიტალური ტრაქტის ინფექციები: წითელი ქარი, გონორეა, სპიროქეტებით გამოწვეული დაავადებები, მათ შორის ათაშანგი, პინტა და ფრამბეზია; - სტრეპტოკოკული ინფექციებით გამოწვეული გვიანი გართულებების პროფილაქტიკა: რევმატიული შეტევა, ბაქტერიული ენდოკარდიტი, პოლიართრიტი, გლომერულონეფრიტი.

 

მიღების წესი და დოზირება:

ფლაკონის შიგთავსი იხსნება 5-8 მლ საინექციო წყალში. ინიექციის წინ კარგად უნდა შეინჯღრეს. შეჰყავთ ღრმად კუნთში. დაუშვებელია ინტრავენური ინექცია. სისხლძარღვში მოხვედრამ შეიძლება გამოიწვიოს Hოიგნე-ს სინდრომი. განმეორებითი ინექცია უნდა გაკეთდეს სხვა ადგილას.დაუშვებელია პრეპარატის შეყვანა კანქვეშ, ვენაში, და სხეულის ღრუში. პროკაინ პენიცილინის სადღეღამისო დოზაა მოზრდილებისთვის 1 500 000-3 000 000 სე და 12 წლამდე ასაკის ბავშვებისთვის 20 000- 50 000 სე/კგ წონაზე. დოზა შეჰყავთ ერთჯერადად ან ორი ინექციის სახით. მკურნალობა გრძელდება კლინიკური ნიშნების გაქრობიდან ორი დღის განმავლობაში. სტრეპტოკოკური ინფექციების მკურნალობის კურსი გრძელდება არანაკლებ 10 დღისა.

 

დოზირების განსაკუთრებული რეკომენდაციები:

მწვავე გონორეა გართულების გარეშე - ერთჯერადი დოზაა როგორც ქალებისთვის ასევე მამაკაცებისთვის 4.5 000 000 სე (1.5 ფლაკონი); -ქრონიკული გართულებული გონორეა - სადღეღამისო დოზაა როგორც ქალებისთვის ასევე მამაკაცებისთვის 3 000 000 სე 5-7 დღის განმავლობაში;

უკუჩვენებები:

ანამნეზში პენიცილინისა და პროკაინისადმი მომატებული მგრძნობელობა. ცეფალოსპორინებისადმი მგრძნობიარე პაციენტებში შესაძლებელია ჯვარედინი ალერგიული რეაქციის განვითარება (შემთხვევათა 5-10%). დაუშვებელია პრეპარატის დანიშვნა დღენაკლულ ბავშვებსა და ახალშობილებში პენიცილინის დაქვეითებული კლირენსის გამო.

 

გვერდითი მოქმედება:

იშვიათად აღინიშნება სტომატიტი, გლოსიტი. ადგილი აქვს ალერგიულ რეაქციებს, შესაძლოა განვითარდეს ჰემოლიზური ანემია, ლეიკოპენია, თრომბოციტოპენია ან ეოზინოფილია.

 

სხვა პრაპარატებთან ურთიერთქმედება:

ანთების, რევმატიზმის საწინააღმდეგო, სიცხის დამწევ (ინდომეტაცინი, ფენილბუტაზონი, სალიცილატები) პრეპარატებთან ერთდროული მიღებისას აღინიშნება პენიცილინის გამოყოფის შეფერხება.დაუშვებელია ბაქტერიოციდული მოქმედების პენიცილინების კომბინირება ბაქტერიოსტატიკურ ანტიბიოტიკებთან. პროკაინი აქვეითებს სულფანილამიდების მოქმედებას. პრობენეციდი თრგუნავს პენიცილინის გამოყოფას.

განსაკუთრებული მითითებანი უსაფრთხო გამოყენებისთვის:

ალერგიული რეაქციების განვითარების შემთხვევაში პრეპარატით მკურნალობა უნდა შეწყდეს. თუ ცნობილია პაციენტის ზემგრძნობელობა პროკაინის მიმართ, მკურნალობა უნდა გაგრძელდეს სხვა სახის პენიცილინით. პრეპარატით მკურნალობის დროს აღინიშნება შარდში შაქარზე ცრუ დადებითი რეაქცია. პენიცილინის ნაკლებტოქსიურობის გამო არ არის საჭირო მისი დოზის შემცირება ღვიძლისა და თირკმლების პათოლოგიის მქონე პაციენტებში. პროკაინ პენიცილინით ხანგრძლივი მკურნალობისას აუცილებელია სისხლის ფორმულის, ღვიძლისა და თირკმლების ფუნქციის კონტროლი. ანტიბიოტიკით ხანგრძლივი მკურნალობისას გათვალისწინებულ უნდა იქნეს პენიცილინისადმი მდგრადი მიკროორგანიზმებისა და სოკოების შტამების წარმოქმნის შესაძლებლობა.

 

ვარგისიანობის ვადა და შენახვის პირობები:

აღნიშნულია შეფუთვაზე, დაუშვებელია პრეპარატის გამოყენება ვარგისიანობის ვადის გასვლის შემდეგ. ინახება არაუმეტეს 25C ტემპერატურისა, სინათლისაგან დაცულ ადგილას.

 

შეფუთვა:

გამჭვირვალე ფლაკონები, შეფუთვაში 50 ცალი.

 

წარმოებელი:

Biochemie (ავსტრია)