პრეპარატი არიქსტრა

პრეპარატი არიქსტრა
0
0
რეკომენდაცია
0შეფასება
10986ნახვა

ხარისხობრივი და რაოდენობრივი შემადგენლობა
არიქსტრა - ნატრიუმის ფონდაპარინუქსი საინექციო ხსნარი 2.5მგ წინასწარ შევსებულ 0.5მლ მზა შპრიცში.

 

დანიშვნის ჩვენებები
ვენური თრომბოემბოლიური გართულებების პროფილაქტიკა მსხვილმაშტაბური ორთოპედიული ოპერაციების შემდეგ; მათ შორის, ბარძაყის ძვლის მოტეხილობის, გახანგრძლივებული პროფილაქტიკის ჩათვლით, მუხლისა და მენჯ-ბარძაყის სახსრების ენდოპროტეზირების  დროს. ვენური თრომბოემბოლიური გართულებების პროფილაქტიკა თრომბოემბოლიური გართულებების რისკის მქონე პაციენტებში მუცლის ღრუს ორგანოებზე ოპერაციების ჩატარების შემდეგ. ვენური თრომბოემბოლიური გართულებების პროფილაქტიკა თრომბოემბოლიური გართულებების რისკის მქონე პაციენტებში დაავადების მწვავე ფაზის პერიოდში მოძრაობის ხანგრძლივად შეზღუდვის გამო. არასტაბილური სტენოკარდიისა და ST-სეგმენტის ელევაციის გარეშე მიმდინარე მიოკარდიუმის ინფარქტის მკურნალობა სიკვდილობის, მიოკარდიუმის ინფარქტისა და რეფრაქტერული იშემიის პროფილაქტიკის მიზნით. ST-სეგმენტის ელევაციით მიმდინარე მიოკარდიუმის ინფარქტის მკურნალობა სიკვდილობისა და განმეორებითი მიოკარდიუმის ინფარქტის პროფილაქტიკის მიზნით პაციენტებში, რომლებიც მკურნალობენ თრომბოლიზური პრეპარატებით ან პაციენტებში, რომლებსაც რეპერფუზიული თერაპიის სხვა ფორმებით პირველადი-ინიციალური მკურნალობა არ ჩატარებიათ. ღრმა ვენების მწვავე თრომბოზის მკურნალობა. ფილტვის არტერიის მწვავე ემბოლიის მკურნალობა.

 

მიღების გზები და დოზირება
არასტაბილური სტენოკარდია ან მიოკარდიუმის ინფარქტი ST-სეგმენტის ელევაციის გარეშე: არიქსტრას რეკომენდებული დოზაა 2,5მგ ერთხელ დღეში, კანქვეშ. რეკომენდებულია მკურნალობა დაიწყოს დიაგნოზის დასმისთანავე, რაც შეიძ₾ება ადრე და გაგრძელდეს 8 დღემდე ან პაციენტის სტაციონარიდან გაწერამდე. ავადმყოფებში, რომელთაც არიქსტრათი მკურნალობის ფონზე ესაჭიროებათ პერკუტანული კორონარული ინტერვენცია, აღნიშნული პროცედურის ჩატარების დროს საჭიროა არაფრაქციული ჰეპარინის 5000 სე-ის ერთჯერადი დამატებით გამოყენება, კათეტერის თრომბოზის თავიდან აცილების მიზნით. პაციენტებისთვის, რომლებსაც უტარდებათ აორტოკორონარული შუნტირება, არიქსტრა, სადაც შესაძლებელია არ უნდა იყოს გამოყენებული ოპერაციამდე 24 საათით ადრე და არიქსტრათი მკურნალობის განახლება შესაძლებელია ოპერაციიდან 48 საათის შემდეგ. მიოკარდიუმის ინფარქტი ST-სეგმენტის ელევაციით: არიქსტრას რეკომენდებული დოზაა 2,5მგ ერთხელ დღეში, კანქვეშ. არიქსტრას პირველი დოზა ინიშნება ინტრავენურად, ხოლო მომდევნო დოზები -კანქვეშა ინექციების სახით. რეკომენდებულია არიქსტრათი მკურნალობა დაიწყოს დიაგნოზის დასმის შემდეგ, რაც შეიძლება ადრე და გაგრძელდეს 8 დღემდე ან პაციენტის სტაციონარიდან გაწერამდე. პაციენტებს, რომელთაც ესაჭიროებათ არაპირველადი პერკუტანული კორონარული ინტერვენცია არიქსტრათი მკურნალობის ფონზე, მიესადაგებათ იგივე რეკომენდაციები, რაც მოწოდებულია არასტაბილური სტენოკარდიისა და ST-სეგმენტის ელევაციის გარეშე მიმდინარე მიოკარდიუმის ინფარქტის დროს. ინტრავენური ინექცია (მხოლოდ პირველი დოზა ST-სეგმენტის ელევაციით მიმდინარე მიოკარდიუმის ინფარქტის მქონე პაციენტების მკურნალობის დროს) კეთდება ინტრავენურად სისტემაში განზავების გარეშე ან მცირე მოცულობის (25 ან 50მლ) 0,9% ფიზიოლოგიურ ხსნარში განზავებით. პრეპარატის დანაკარგის თავიდან აცილების მიზნით არ არის საჭირო არიქსტრას მზა შპრიციდან ჰაერის ბუშტუკების გამოდევნა ინექციამდე. ინექციის შემდეგ უნდა მოხდეს ფიზიოლოგიური ხსნარით სისტემისა და კათეტერის საფუძვლიანი გარეცხვა, რადგან დავრწმუნდეთ, რომ პრეპარატი სრულად იყო ორგანიზმში შეყვანილი. არიქსტრას ფიზიოლოგიური ხსნარით განზავებისას, პრეპარატის ინტრავენური შეყვანა რეკომენდებულია 1-2 წუთის განმავლობაში. ღრმა ვენების მწვავე თრომბოზისა და ფილტვის არტერიის მწვავე ემბოლიის მკურნალობა: კანქვეშა ინექციისთვის არიქსტრას რეკომენდებული დოზაა: <50 კგ წონის შემთხვევაში -5 მგ ერთხელ დღეში; 50-100 კგ-მდე 7,5მგ ერთხელ დღეში; >100კგ წონის დროს 10მგ ერთხელ დღეში. მკურნალობა უნდა გაგრძელდეს სულ მცირე 5 დღე, სანამ განისაზღვრება ორალური ანტიკოაგულანტის ადექვატური, შემანარჩუნებელი დოზა (INR 2-დან 3-მდე). არიქსტრათი მკურალობის ჩვეულებრივი ხანგრძლივობა შეადგენს 5-9 დღეს.

 

უკუჩვენებები
ორგანიზმის დადგენილი ალერგია მოქმედი ნივთიერების ან პრეპარატის რომელიმე დამხმარე ინგრედიენის მიმართ. აქტიური, კლინიკურად მნიშვნელოვანი სისხლდენა. მწვავე ბაქტერიული ენდოკარდიტი.

 

თირკმლის დაზიანება
არიქსტრა რეკომენდებული არ არის პაციენტებში, როდესაც კრეატინინის კლირენსი <20მლ/წთ-ზე


სიფრთხილის ზომები
არიქსტრა სიფრთხილით გამოიყენება ჰემორაგიის მაღალი რისკის მქონე პაციენტებში (კონგენიტალური ან შეძენილი სისხლდენით მიმდინარე დაავადებები, აქტიური წყლულოვანი გასტროინტესტინური დაავადება, ახალი ინტრაკრანიალური ჰემორაგია ხანმოკლე დროში განვითარებული ტვინის, სპინალური ან ოფთალმოლოგიური ქირურგიული ოპერაციის შემდეგ).

 

ურთიერთქმედება სხვა პრეპარატებთან
ვარფარინის, აცეტილსალიცილისმჟავისა ან დიგოქსინის გამოყენება კომბინაციაში ფონდაპარინუქსთან, არ იწვევს ფონდაპარინუქსის ფარმაკოკინეტიკისა და ფარმაკოდინამიკის ცვლილებებს. In vitro ფონდაპარინუქსი მნიშვნელოვნად არ აინჰიბირებს CYP450S-

 

ორსულობა და ლაქტაცია
ორსულებში  არიქსტრას გამოყენება არ არის რეკომენდებული. გამოიყენება მხოლოდ გარკვეულ შემთხვევებში პაციენტის რისკი - სარგებელთან თანაფარდობის შეფასების მიხედვით. შეზღუდულია მონაცემები ფონდაპარინუქსის დედის რძეში ექსკრეციის შესახებ. ამდენად, ლაქტაციის პერიოდში ფონდაპარინუქსის გამოყენება არ არის რეკომენდებული.

 

გვერდითი მოვლენები
ძალიან იშვიათი: პოსტოპერაციული ჭრილობის ინფექციები; ხშირი: ანემია, სისხლდენა, პურპურა. იშვიათი: თრომბოციტოპენია, თრომბოციტემია, სისხლის შედედების დარღვევა, გულისრევა, ღებინება, გამონაყარი, ქავილი. ძალიან იშვიათი: ალერგიული რეაქციები (მათ შორის ძალიან იშვიათი ანგიონევროზული შეშუპება), ჰიპოკალემია, ჰიპოტენზია, ტკივილი მუცლის არეში, დისპეფსია, გასტრიტი, დიარეა. ღვიძლის ფუნქციის ტესტების, ღვიძლის ფერმენტების მომატება.

 

ჰიპერდოზირება
ჰიპერდოზირებამ შეიძლება გამოიწვიოს სისხლდენის რისკის მომატება. მხოლოდ სისხლდენით გართულებებთან დაკავშირებულმა დოზის გადაჭარბებამ შეიძლება გამოიწვიოს პრეპარატის მოხსნის აუცილებლობა და პირველადი მიზეზის კვლევის საჭიროება. გასათვალისწინებელია შესაბამისი თერაპიის დაწყება, რომელიც შეიძლება მოიცავდეს სისხლდენის ოპერაციული გზით შეჩერებას, სისხლის დანაკარგის შევსებას, ახალი პლაზმის გადასხმას, პლაზმაფერეზს.

 

სარეგისტრაციო მოწმობა
0,5მლ წინასწარ შევსებული მზა შპრიცი: რ# 016174

 

*პრეპარატის გამოყენების წინ იხილეთ არიქსტრას სამედიცინო გამოყენების სრული ინსტრუქცია.

ამ წამალზე შეფასება ჯერ არ არის.


შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.