ზოგადი დახასიათება:

საერთაშორისო დასახელება:
პლაცენტას ექსტრაქტი
ძირითადი ფიზიკურ-ქიმიური თვისებები:
სტერილური, გამჭვირვალე ან ოდნავ ოპალესცირებადი, უფერო ან ოდნავ მოყვითალო ფერის ხსნარი; pH 6,3-დან 7,1-მდე;

 

შემადგენლობა:

ადამიანის პლაცენტის წყლიანი ექსტრაქტი კონსერვირებული სიცივეში, რომელიც შეიცავს კარბონულ, ნუკლეინურ და ამინომჟავებს, გლუკოზამინოგლიკანებს, აცეტილქოლინს და აცეტილქოლინის მსგავს ნივთიერებებს, 17-კეტოსტეროიდებს და ესტრიოლს. 1 ლ ექსტრაქტი შეიცავს 7,5 გ ნატრიუმის ქლორიდი.

 

წამლის ფორმა:
საინექციო სითხე

 

ფარმაკოლოგიური ჯგუფი:
ბიოგენური სტიმულატორი.

 

ფარმაკოლოგიური თვისებები:
ხელს უწყობს სხვადასხვა დაავადებების დროს ორგანიზმის რეზისტენტობის მომატებას, პათოლოგიურად შეცვლილ ქსოვილებში აჩქარებს რეგენერაციის და გაწოვის პროცესებს. იგი მოქმედებს როგორც ცილების ბიოსინთეზის, კერძოდ ფერმენტების ინდუქტორი. პრეპარატი ზრდის ნახშირწყლების ცვლის ანტიოქსიდანტური დაცვის ფერმენტების აქტივობას, ასტიმულირებს ჰიპოთალამო-ჰიპოფიზურ-თირკმელზედა ჯირკვლის სისტემას, ააქტიურებს ქერქის აგზნებისა და შეკავების პროცესებს.

 

ჩვენება:
პრეპარატი გამოიყენება ოფთალმოლოგიურ პრაქტიკაში ირიტების, ირიდოციკლიტების, უვეიტების, რქოვანას მინისებრი სხეულის შემღვრევის, ქორიოდიტების, სიბეცის გადაგვარების, ბადურას პიგმენტური გადაგვარების, მხედველობის ნერვის ნევრიტისა და ატროფიის, ნეირორეტინიტის, ტრაქომის, ბლეფარიტის, კონიუქტივიტის სამკურნალოდ. შინაგან სნეულებათა კლინიკაში გამოიყენება აგრეთვე ბრონქული ასთმის, კუჭისა და 12-გოჯა ნაწლავის წყლულოვანი დაავადების, რადიკულიტის, ეგზემების, ნეიროდერმიტების, მიალგიის, ართრიტების, ქალთა სასქესო ორგანოების ანთებითი დაავადებების სამკურნალოდ.

 

გამოყენების წესი და დოზირება:
პრეპარატი შეყავთ კანქვეშ. მოზრდილებში იგი გამოიყენება 1-2 მლ-ის ოდენობით ყოველდღიურად ან დღეგამოშვებით. ბავშვებში აგრეთვე ყოველდღიურად ან დღეგამოშვებით: 5 წლამდე ასაკის ბავშვებში - 0,2-0,3 მლ; 5 წლის ასაკის ზევით - 0,5 მლ; მკურნალობის კურსი შეადგენს 25-30 ინექციას. აუცილებლობისას 2-3 თვის შემდეგ მიღებას შეყვანას იმეორებენ.

 

გვერდითი მოვლენები:
ალერგიული რეაქციები.

 

წინააღმდეგჩვენება:
თვალის ტუბერკულოზური დაავადებები, სკროფულოზი, დეკომპენსირებული გლაუკომა, თირკმელებისა და გულ-სისხლძარღვთა სისტემების მძიმე ფორმის დაავადებები, ორსულობის პერიოდი (6 თვემდე).

ურთიერთქმედება სხვა სამკურნალო საშუალებებთან:
ერთდროული შეყვანა ზრდის კორდიამინისა და კორაზოლის მიმართ მგრძნობელობას. პრეპარატი ზრდის ორგანიზმის მგრძნობელობას ჰექსანალის ნარკოტიკული დოზის მიმართ, აძლიერებს ანტიბაქტერიული ქიმიოთერაპიული საშუალებების მოქმედების ეფექტს, ზრდის სისხლში სულფანილამიდების კონცენტრაციას. შაქრიანი დიაბეტის დროს პრეპარატი იწვევს ინსულინის მოქმედების გაძლიერებას.

 

ჭარბი დოზირება:
არ აღინიშნება პრეპარატის მცირე ტოქსიკურობის გამო.

 

შენახვის პირობები და ვადა:
პრეპარატი ინახება გრილ, სინათლისაგან დაცულ ადგილას.
ვარგისიანობის ვადა: 3 წელი
აფთიაქიდან პრეპარატი გაიცემა ურეცეპტოდ.

 

შეფუთვა:
1 მლ ამპულები #10 მუყაოს კოლოფის შეფუთვაში.

 

მწარმოებელი:
კიევის ბაქტერიული პრეპარატების წარმოების სახელმწიფო დაწესებულება "ბიოფარმი" (უკრაინა)