შემადგენლობა:
500 მლ ხსნარი შეიცავს: 0,2 გ 1-ადამანტანამინის სულფატს (ამანტადინის სულფატს).

ფარმაკოლოგიური ჯგუფი:
პარკინსონიზმის საწინააღმდეგო საშუალება.

ჩვენება:
პარკინსონის მძიმე და სიცოცხლისთვის საშიში მდგომარეობების (მათ შორის აკინეტიკური კრიზის) ინტენსიური პირველადი მკურნალობა. პერორალური თერაპიის დროებითი შეწყვეტა. გონების დაკარგვა ქალა-ტვინის ტრავმის შედეგად. ნარკოზიდან შენელებული გამოსვლა. ნევრალგია სარტყლისებური ჰერპესის (Herpes zoster) დროს.

დოზირება და მიღების წესი:
დოზირების რეჟიმი ინდივიდუალურია. ზოგადად ინიშნება 500 მლ 1-2-ჯერ დღეში. შესაძლებელია დოზა გაიზარდოს 500 მლ 3-ჯერ დღეში. ინფუზიის ხანგრძლივობა შეადგენს 3 საათს (55 წვეთი წუთში).

უკუჩვენება:
პრეპარატისადმი მომატებული მგრძნობელობა. გულის დეკომპენსირებული უკმარისობა (IVკლასი NYHA მიხედვით), კარდიომიოპათია და მიოკარდიტი, AV ბლოკადა II-III ხარისხის, ბრადიკარდია (გულის შეკუმშვათა სიხშირე წუთში 55-ზე ნაკლები), გახანრძლივებული QT ინტერვალი, ანამნეზში პარკუჭოვანი არითმია, ბუდიპინის ან QT ინტერვალის გამახანგრძლივებელი სხვა პრეპარატების ერთდროული მიღება. პკ-მერცის საინფუზიო ხსნარი არ გამოიყენება პაციენტებში თირკმლის მწვავე უკმარისობით (კრეტინინის კლირენსი<10 მლწთ). შედარებითი უკუჩვენება: გლაუკომა, წინამდებარე ჯირკვლის ადენომა, ფსიქომოტორული აგზნება, ანამნეზში დელირიუმი და პრედელირიუმი, ფსიქოზი. ეპილეფსია, თირეოტოქსიკოზი, ღვიძლისა და თირკმლის მწვავე და ქრონიკული დაავადებები. ორსულობა და ლაქტაციის პერიოდი. მკურნალობის დროს არ შეიძლება ალკოჰოლის მიღება.

შენახვის პირობები:
გამოიყენება მხოლოდ იმ შემთხვევაში, თუ შეფუთვა დაუზიანებელია და სითხე გამჭვირვალეა. არ გამოიყენოთ ვადის გასვლის შემდეგ. პრეპარატი ინახება არაუმეტეს 25C ტემპერატურაზე.