პენიცილინი 1მლნ ერთ #1ფლ

პენიცილინი 1მლნ ერთ #1ფლ
ანოტაციის მომწოდებელია
0
0
რეკომენდაცია
0შეფასება
34000ნახვა

სავაჭრო დასახელება:
ბენზილპენიცილინის ნატრიუმის მარილი.

 

შემადგენლობა:
1 ფლაკონი შეიცავს 250000 სე, 500000 სე ან 1000000 სე ბენზილპენიცილინის ნატრიუმის მარილს.

 

აღწერილობა:
პრეპარატი წარმოადგენს თეთრი ფერის დამახასიათებელი სუნის მქონე კრისტალურ ფხვნილს.

 

ფარმაკოლოგიური თვისებები:
ბეტა ლაქტამაზას მოქმედების მიმართ მგრძნობიარე პენიცილინი.
ბენზილპენიცილინს გააჩნია ანტიმიკრობული და ბაქტერიოციდული მოქმედება. პრეპარატი ტრანსპეპტიდაზას ინჰიბირების ხარჯზე ხელს უშლის პეპტიდური კავშირების წარმოქმნას, არღვევს უჯრედის კედლის პეპტიდოგლიკანის სინთეზის გვიან ეტაპებს, რაც იწვევს დაყოფის მდგომარეობაში მყოფი უჯრედების ლიზისს.
პრეპარატი აქტიურია გრამდადებითი ბაქტერიების (სტაფილოკოკების, სტრეპტოკოკების, პნევმოკოკების, დიფტერიის გამომწვევი კორინობაქტერიის, ანაერობული სპორების წარმომქმნელი ჩხირების, ციმბირის წყლულის, გრამუარყოფითი კოკების (გონოკოკებისა და მენინგოკოკების), სპიროქეტების, ზოგიერთი აქტინომიცეტების მიმართ. ბენზილპენიცილინის მოქმედების მიმართ მდგრადია პენიცილანაზაწარმომქმნელი სტაფილოკოკებისა და სხვა მიკროორგანიზმების შტამები. პრეპარატი არ არის აქტიური უმრავლესი გრამუარყოფითი ბაქტერიების, რიკეტსიების, ვირუსების, უმარტივესების, სოკოების მიმართ. პრეპარატი იშლება პენიცილინაზით.
ბოლო წლებში აღინიშნება გონოკოკების, ჰემოლიზური სტრეპტოკოკების, სტაფილოკოკებისა და პნევმოკოკების ბენზილპენიცილინის მიმართ მგრძნობელობის ცვლილება.

 

ფარმაკოკინეტიკა:
პრეპარატის კუნთებში შეყვანის შემდეგ მისი მაქსიმალური კონცენტრაცია სისხლის შრატში აღინიშნება 30-60 წთ-ის შემდეგ. ერთჯერადი ინექციიდან 3-4 სთის შემდეგ სისხლში აღინიშნება ანტიბიოტიკის კვალი. პრეპარატის კანქვეშ ინექციისას მისი შეწოვის სიჩქარე შედარებით არამუდმივია, ჩვეულებრივ სისხლის შრატში მისი მაქსიმალური კონცენტრაცია აღინიშნება 60 წთ-ის შემდეგ. ბენზილპენიცილინის კონცენტრაცია და ცირკულაციის ხანგრძლივობა სისხლში დამოკიდებულია შეყვანილ დოზაზე. პრეპარატი სისხლის ცილებს 60%-ით უკავშირდება. ანტიბიოტიკი კარგად აღწევს ორგანიზმის სითხეებსა, ქსოვილებში და ორგანოებში, ლიქვორის, თვალის ქსოვილის და პროსტატის გარდა, ხოლო თავის ტვინის გარსის ანთების დროს პრეპარატის კონცენტრაცია ზურგის ტვინის სითხეში მატულობს. მისი ნახევრადგამოყოფის პერიოდი შეადგენს 30-60 წთ-ს, თირკმელების ფუნქციის დარღვევისას 4-10 სთ-ს, ხოლო ერთდროულად თირკმელებისა და ღვიძლის ფუნქციის დარღვევის შემთხვევაში 16-დან 30 სთ-ს. პრეპარატი ორგანიზმიდან სწრაფად გამოიყოფა თირკმელებით (გორგლოვანი ფილტრაციით და მილაკოვანი სეკრეციით) უცვლელი სახით. უმნიშვნელო რაოდენობით იგი ექსკრეტირდება ნერწყვით, ოფლით, რძით, ნაღველით. მას არ გააჩნია კუმულაციური ეფექტი.

 

ჩვენება:
პრეპარატი გამოიყენება მის მიმართ მგრძნობიარე მიკროორგანიზმებით გამოწვეული დაავადებების დროს: კრუპოზული და კეროვანი პნევმონია, მწვავე და ქვემწვავე სეპტიური ენდოკარდიტი, ჩირქოვანი პლევრიტის, პერიტონიტის, ცისტიტის, სეპტიცემიისა და პიემიიის, მენინგიტის, მწვავე და ქვემწვავე ოსტეომიელიტი, საშარდე და ნაღვლმდენი გზების დაავადებების, ჭრილობით გამოწვეული ინფექციების, კანის ჩირქოვანი ინფექციების, რბილი ქსოვილების, ლორწოვანი გარსის, ანგინის სხვადასხვა ფორმების, დიფტერიის, ქუნთრუშას, წითელი ქარის, ციმბირის წყლულის, ათაშანგის, გონორეის, ბლენორიის, აქტიმიკოზური და სხვა ინფექციური დაავადებების სამკურნალოდ. პრეპარატი გამოიყენება აგრეთვე მეან-გინეკოლოგიურ და ოტორინოლარინგოლოგიურ პრაქტიკაში ჩირქოვან-ანთებითი დაავადებების, აგრეთვე თვალის ანთებითი დაავადებების სამკურნალოდ.

 

წინააღმდეგჩვენება:
პენიცილინის ჯგუფის სამკურნალო საშუალებების მიმართ მომატებული მგრძნობელობა.

 

მიღების წესი და დოზირება:
პრეპარატი შეყავთ კუნთებში, ვენაში (სპეციალური სამკურნალო ფორმა), კანქვეშ, (ნაკადის და წვეთოვანი სახით), ენდოლუმბალურად, ორგანიზმის ღრუში.
ვენაში, ენდოლუმბალურად და ორგანიზმის ღრუში პრეპარატი შეჰყავთ მხოლოდ სტაციონარის პირობებში!
მოზრდილებში პრეპარატი კუნთებსა და ვენაში შეჰყავთ ერთჯერადი დოზით 250000-500000 სე; სადღეღამისო დოზა შეადგენს 1000000-2000000 სე. გამონაკლის შემთხვევაში სადღერამისო დოზა შეიძლება შეადგენდეს 4 0000000-დან 60 000 00-მდე სე.
ბავშვებში პრეპარატი ინიშნება შემდეგი სადღეღამისო დოზით: 1 წლამდე ასაკის ბავშვებში- 50000-100000 სე 1 კგ სხეულის წონაზე, 1 წლის ასაკის ზევით ბავშვებში-50000 სე/კგ, მძიმე ინფექციების დროს სადღეღამისო დოზა შეიძლება გავზარდოთ 200000-300000 სე/კგ, საციცოცხლო ჩვენებისას - 500000სე/კგ-მდე.


ბენზილპენიცილინის ხსნარები მზადდება უშუალოდ მისი გამოყენების წინ.
პრეპარატის კუნთებში შეყვანისას 1-3 მლ ფლაკონის შიგთავსს უმატებენ სტერილურ საინექციო წყალს ან ნატრიუმის ქლორიდის იზოტონური ხსნარს, ან 0,5% ნოვოკაინის ხსნარს. მიღებული ხსნარი შეჰყავთ ღრმად დუნდულოს ზედა გარეთა კვადრანტში.
კანქვეშ პრეპარატი შეყავთ ინფილტრატების გარშემო 0,25-0,5% ნოვოკაინის ხსნარში კონცენტრაციით 100 000- 200 000 სე.
მკურნალობის ხანგრძლივობა და შეყვანას შორის ინტერვალი დგინდება ექიმის მიერ.

 

განსაკუთრებული მითითებები:
ბრონქული ასთმა, თივის ცხელება და სხვა ალერგიული დაავადებები. პრეპარატი სიფრთხილით ინიშნება ანტიჰისტამინურ საშუალებებთან კომბინაციაში.

 

გვერდითი მოვლენები:
პრეპარატის გამოყენებისას შესაძლებელია ალერგიული რეაქციები, რომელიც ვლინდება კანზე გამონაყარის სახით, ურტიკარიის, სხეულის მომატებული ტემპერატურით, შეციებით, სახსრების ტკივილი, ეოზინოფილია, კვინკეს შეშუპება. ასეთ შემთხვევაში აუცილებელია პრეპარატის შეყვანის შეწყვეტა და მადესენსიბილიზირებელი თერაპიის ჩატარება (ანტიჰისტამინური პრეპარატები, კალციუმის ქლორიდი, ხოლო მძიმე შემთხვევებში-კორტიკოსტეროიდული პრეპარატები).
იშვიათად პრეპარატის გამოყენებისას შესაძლოა ანაფილაქსიური შოკის განვითარება. ანაფილაქსიური შოკის პირველი ნიშნების გამოვლენის შემთხვევაში პაციენტი უნდა გამოვიყვანოთ ზემოთ აღნიშNული მდგომარეობიდან, ამისათვის უნდა შევიყვანოთ ადრენალინი, გულ-სისხლძარღვთა სამკურნალო საშუალებები (კორგლიკონი, ეუფილინი და სხვა), ჰორმონული პრეპარატები (ჰიდროკორტიზონი ან პრედნიზოლონი) და მადესენსიბილიზირებელი საშუალებები (პიპოლფენი, სუპრასტინი), აუცილებლობის შემთხვევაში ატარებენ ფილტვების ხელოვნურ სუნთქვას, პაციენტის ასფიქსიური და შოკური მდგომარეობიდან გამოყვანის შემდეგ შეჰყავთ 1000000 სე პენიცილინაზა.
დასუსტებულ პაციენტებში, ახალშობილოებში, ხანდაზმულბეში პრეპარატის ხანგრძლივად გამოყენებისას შესაძლებელია სუპერინფექციის წარმოშობა, რომელიც გამოწვეულია პრეპარატის მიმართ მყარი (საფუარას მსგავსი სოკოები, გრამუარყოფითი ორგანიზმები) მიკროორგანიზმებით. ასეთი კატეგორიის პაციენტებში პრეპარატი მიიღება ვიტამინ B და ვიტამინ ჩ ჯგუფის პრეპარატებთან კომბინაციაში და აუცილოებლობის შემთხვევაში უნიშნავენ ნისტატინი ან ლევორინი.

 

გამოშვების ფორმა:
სტერილური ფხვნილი 250000, 500000 და 1000000 სე ფლაკონებში.

 

შენახვის პირობები:
ბ სია. პრეპარატი ინახება მშრალ, ბავშევბისაგან დაცულ ადგილას, ოთახის ტემპერატურაზე.
ვარგისიანობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

 

აფთიაქიდან გაცემის წესი:
გაიცემა რეცეპტით.

 

ამ წამალზე შეფასება ჯერ არ არის.


შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.