სამკურნალო ფორმა:

კონცენტრატი საინფუზიო ხსნარის მოსამზადებლად ფლაკონში, რომელიც შეიცავს 30 მგ/5 მლ და 210 მგ/35 მლ მოქმედ ნივთიერებას.

 

შემადგენლობა:

აქტიური ნივთიერება - პაკლიტაქსელი. გამჭვირვალე, უფერო, ოდნავ მოყვითალო ბლანტი ხსნარი, რომელიც უშუალოდ მოხმარების წინ უნდა განზავდეს.

 

ფარმაკოლოგიური მოქმედება:

პაკლიტაქსელი მცენარეული წარმოშობის ანტიმიტოგენია, რომელიც უჯრედის მიკროტუბულების აპარატზე მოქმედებს. პაკლიტაქსელი ასტიმულირებს დეფექტური მიკროტუბულების შეერთებას ტუბულინურ დიმერებად, ასტაბილურებს მათ და აფერხებს დეპოლიმერიზაციას, რაც ხორციელდება ტუბულინების დიმერებსა და პოლიმერებს შორის წონასწორობის გადახრით პოლიმერებისაკენ. ამის შედეგად ზიანდება მიტოზური თითისტარს წარმოქმნა მიტოზის დროს, სიმსივნური უჯრედები დაყოფის უნარს კარგავენ, ზიანდება ციტოსკელეტონი, ირღვევა მისი მოძრაობის უნარი, უჯრედშიდა ტრანსპორტი და ტრანსმემბრანული სიგნალის გადაცემა, რის შედეგადაც ხდება სიმსივნური უჯრედების დაღუპვა.

 

ფარმაკოკინეტიკა:

პაკლიტაქსელის ფარმაკოკინეტიკური თვისებები გამოკვლეული იქნა 3 საათიანი ინფუზიის ჩატარების პირობებში 135-175 მგ/მ2 დოზით. პაკლიტაქსელის ინტრავენური შეყვანის შემდეგ პაკლიტაქსელის კონცენტრაციის დინამიკა სისხლის შრატში ორფაზიანი მრუდის სახეს ღებულობს. ინ ვიტრო კვლევებმა დაადასტურეს, რომ პაკლიტაქსელის 89-98% უკავშირდება სისხლის ცილებს, თანაც პრემედიკაციის ჩატარება ციმეტიდინით, რანიტიდინით, დექსამეტაზონით და/ან დიფენჰიდრამინით არ ახდენს გავლენას პაკლიტაქსელის ცილებთან შეკავშირების უნარზე. ორგანიზმიდან პრეპარატის გამოყოფის გზები ჯერ ბოლომდე შესწავლილი არ არის. ცნობილია, რომ მხოლოდ პაკლიტაქსელის 1,3-12,6% გამოიყოფა შარდით. ამასთანავე, არსებობს მონაცემები, რომ პაქლიტაქსელის ძირითადი მეტაბოლიზმი მიმდინარეობს ღვიძლში. თირკმლებისა და ღვიძლის ფუნქციის დაზიანებისას პაკლიტაქსელის მეტაბოლიზმი არ შესწავლილა 3 საათიანი ინფუზიის ჩატარების დროს. ნახევარგამოყოფის პერიოდის საშუალო ხანგრძლივობა შეადგენს 3,0-დან 52,7 საათამდე, ხოლო საერთო კლირენსის საშუალო მნიშვნელობები - 11,6-დან 24,0 ლ/სთ/მ2. სტაციონარულ მდგომარეობაში განაწილების საშუალო მოცულობა მონაცვლეობს 198-დან 688 ლ/მ2-მდე. პრეპარატის დოზის მომატება 3 საათიანი ინფუზიის დროს ფარმაკოკინეტიკა არასწორხაზოვანი ხდება. კუმულაციის სიმპტომები არ აღინიშნება პრეპარატის განმეორებითი კურსის ჩატარებისას.

 

დანიშნულება:

საკვერცხის კიბოს დროს პაკლიტაქსელი შეიძლება გამოყენებულ იქნას, როგორც მეორე რიგის ქიმიოთერაპიული საშუალება პლატინის წარმოებულებით წინამორბედი მკურნალობის შემდეგ; ასევე ძუძუს კიბოს დროს ანთრაციკლინებით წინამორბედი მკურნალობის შემდეგ.

 

დოზირება და გამოყენების წესი:

გამოყენების წინ პრეპარატი პაკლიტაქსელი-ებევე უნდა განზავდეს. ვენაში საინფუზიოდ პაკლიტაქსელის კონცენტრირებული ხსნარი საჭიროა განზავდეს (ასეპტიკურ პირობებში) 0,3-1,2 მგ/მლ კონცენტრაციამდე ნატრიუმის ქლორიდის 0,9%-იან ან გლუკოზის 5%-იანი საინიექციო ხსნარში, ან ნატრიუმის ქლორიდის 0,9%-იან და გლუკოზის 5%-იანი საინიექციო ხსნარში. პაკლიტაქსელის რეკომენდებული სტანდარტული დოზა შეადგენს 175 მგ/მ2, იგი შეჰყავთ 3 საათიანი ინფუზიის გზით ერთხელ სამი კვირის განმავლობაში იმ პირობით, რომ თრომბოციტების რაოდენობა ტოლია ან მეტია 100 000-ზე და ნეიტროფილების აბსოლუტური რაოდენობა ტოლია ან მეტია 1500/მმ2; განმეორებითი კურსი უნდა გადაიდოს სისხლის მაჩვენებლების ნორმალიზაციამდე. თუკი წინამორბედი კურსის შემდეგ ავადმყოფს მნიშვნელოვანი ნეიტროპენია აღენიშნება (<500), რომელიც გრძელდება 7 დღეს ან მეტ ხანს, ან ახლავს ინფექციური გართულებები, ასევე მძიმე პერიფერიული ნეიროპათია, მაშინ პაკლიტაქსელის დოზა მომდევნო შეყვანებისას უნდა შემცირდეს 20%-ით. პაკლიტაქსელის გამოყენების წინ ყველა ავადმყოფს უნდა ჩაუტარდეს პრემედიკაცია შესაძლო ზემგრძნობელობის რეაქციების თავიდან ასაცილებლად. პრემედიკაცია ხდება კორტიკოსტეროიდებით (დექსამეტაზონი 20 მგ ან მისი ექვივალენტი კუნთში, ან შიგნით დასალევად ინფუზიამდე 12 და 6 სათთით ადრე, ჰისტამინის რეცეპტორების H2 რეცეპტორების ბლოკატორები (ციმეტიდინი 300 მგ ან რანიტიდინი 50 მგ), ინტრავენურად ინფუზიამდე 30 წუთით ადრე. პაკლიტაქსელის შეყვანა უნდა განხორციელდეს ინფუზიურ სისტემაში მოთავსებული მემბრანული ფილტრის მეშვეობით, რომლის ფორების ზომა არ აღემატება 0,22 მკმ-ს. პაკლიტაქსელის გამოყენებისას უნდა მოვერიდოთ პოლივინილქლორიდის დეტალების მქონე აპარატურას.

 

უკუჩვენებები:

პაკლიტაქსელი უკუნაჩვენებია პაციენტებისთვის, რომლებსაც წარსულში აღენიშნებოდათ ალერგიული რეაქციები პრეპარატის რომელიმე კომპონენტის მიმართ, მათ შორის აქტიურ ინგრედიენტზე. პრეპარატი არ ენიშნება პაციენტებს, როცა თრომბოციტების რაოდენობა სისხლში 100 000-ზე ნაკლებია და ნეიტროფილების აბსოლუტური რაოდენობა 1500/ მმ2 ნაკლებია.

 

ფარდობითი უკუჩვენებები:

ღვიძლის ფუნქციის დარღვევა, სარტყლისებრი ლიქენი, ჩუტყვავილა, სხვა სერიოზული ინფექციური დაავადებები, ძვლის ტვინის სისხლწარმოქმნის დათრგუნვა ქიმიოთერაპიის ან სხივური თერაპიის შემდეგ, გულ-სისხლძარღვთა სისტემის დაავადებები (არითმიები, გულის იშემიური დაავადება).

 

ორსულობა და ლაქტაცია:

ინფორმაცია პაკლიტაქსელის გამოყენების შესახებ ორსულობის პერიოდში და ქალის რძეში მისი გადასვლის შესახებ არ მოიპოვება. ექსპერიმენტულად დამტკიცებული პაკლიტაქსელის ემბრიოტოქსიკური და ტერატოგენული მოქმედება საფუძველს იძლევა მისი დანიშვნა აიკრძალოს ორსულებისთვის და მეძუძურ დედებისთვის.

 

გვერდითი მოქმედება:

პაკლიტაქსელის დანიშვნა რეკომენდებული დოზით და შეყვანის წესის დაცვის შემთხვევაში არ იწვევს სერიოზულ გვერდით მოვლენებს ასაკის მიუხედავად. ნეიტროფილების დონის შემცირება, როგორც წესი ხდება მე-8-11 დღეს, ხოლო 22-ე დღეს, როგორც წესი, ხდება ნეიტროფილების რაოდენობის ნორმალიზაცია. IV ხარისხის ნეიტროპენია აღენიშნება პაციენტების 27%-ს, თუმცა ხანმოკლეა და არ ახლავს ინფექციური გართულებები. მხოლოდ პაციენტების 1%-ს აღენიშნება მძიმე IV ხარისხის ნეიტროპენიის გახანგრძლივება 7 დღეზე მეტ ხანს. მძიმე ტრომბოციტოპენიის და ანემიის განვითარება არ არის დამახასიათებელი და აქვთ იმ პაციენტებს, რომელთაც დაქვეითებული სისხლისწარმოქმნა აღენიშნებათ (მრავლობითი მეტასტაზები ძვლებში, ქიმიოთერაპიის მრავალჯერადი კურსები). სერიოზული ჰემატოლოგიური ტოქსიკურობის და გართულებების საპროფილაქტიკოდ პაკლიტაქსელით მკურნალობის პროცესში საჭიროა სისხლის მაჩვენებლების ყოველკვირეული კონტროლი და საჭიროების შემთხვევაში პრეპარატის დოზის რედუქცია. პაკლიტაქსელის გამოყენების დროს სხვა პოტენციური სერიოზული გართულება არის ზემგრძნობელობის რეაქცია, რომლის სიხშირეც პრემედიკაციის ჩატარების დროს მინიმუმამდე მცირდება და შეადგენს 30%-ს. როგორც წესი, პრეპარატის გადაუტანლობის პირველი სიმპტომები (ქოშინი, არტერიული წნევის შემცირება, ტკივილი გულმკერდის არეში) ჩნდება ინფუზიის პირველ 3-10 წუთში და ანტიალერგიული საშუალებების დროული შეყვანით ინფუზიის შეწყვეტა არ არის საჭირო. ჰიპერმგრძნობელობის რეაქციების საწყისი ნიშნების ადრეული გამოვლენისთვის (არტერიული წნევა, პულსის და სუნთქვის გახშირება) ინფუზიის მთელი პერიოდის განმავლობაში. გულ-სისხლძარღვთა სისტემის მხრივ რეაქციები არ არის ხშირი და ვლინდება გარდამავალი ასიმპტომური ბრადიკარდიის (შემთხვევათა 3%_ში) და ჰიპოტონიის (შემთხვევათა 22%_ში) სახით, იშვიათად ჰიპერტონიით, რომლებიც, როგორც წესი, არ საჭიროებენ სპეციფიკურ მკურნალობას ან ინფუზიის შეწყვეტას. ლიტერატურული მონაცემების თანახმად, გულ-სისხლძარღვთა სისტემის მხრივ მძიმე დარღვევები (ტაქიკარდია, ტრომბოფლებიტი, ატრიოვენტრიკულური ბლოკადა) ერთეული სახისაა და კავშირი მათ წარმოქმნასა და პაკლიტაქსელის შეყვანას შორის სარწმუნოდ არ იყო დამტკიცებული. ამასთანავე, გულ-სისხლძარღვთა სისტემის მხრივ შესაძლო დარღვევების საპროფილაქტიკოდ საჭიროა ეკგ კონტროლი პაქლიტაქსელის მკურნალობამდე და მკურნალობისას. პაკლიტაქსელი პოტენციურად ნეიროტოქსიკური პრეპარატია. ძირითადი ნევროლოგიური გვერდითი მოვლენებია - პერიფერიული სენსორული ნეიროპათია, რომელიც კლინიკურად ვლინდება პარესთეზიების სახით პაციენტების 64%-ში, ატარებს ზომიერ ხასიათს და მატულობს პაკლიტაქსელის ჯამური დოზის მომატებისას. ეს მოვლენები, როგორც წესი, მთლიან ქრება პრეპარატით მკურნალობის შეწყვეტის შემდეგ. არტრალგია და მიალგია აღენიშნება პაციენტების 60%-ს. ალოპეცია თითქმის ყველა პაციენტს ემართება.

შენახვის პორობები:

ოთახის ტემპერატურაზე 15-25C, სინათლისგან დაცულ ადგილზე. პრეპარატი მოარიდეთ ბავშვებს!

 

გამოშვების ფორმა:

30 მგ-იანი ფლაკონი 210 მგ-იანი ფლაკონი