სავაჭრო სახელწოდება: ოქსიკორტი

 

საერთაშორისო დასახელება (აქტიური ნივთიერება): HYDROCORTISONE; OXYTETRACYCLINE

 

კლინიკურ-ფარმაკოლოგიური ჯგუფი: დერმატოლოგიური გამოყენების კორტიკოსტეროიდები ანტიბიოტიკებთან კომბინაციაში

 

მწარმოებელი: ვალეანტი (VALEANT Pharmaceuticals International Inc. (JELFA)

 

მწარმოებელი ქვეყანა: პოლონეთი

 

გამოშვების ფორმა: (30მგ+10მგ)/1გ 10გ მალამო ტუბი №1

 

გაცემის რეჟიმი: III ჯგუფი, გაიცემა რეცეპტის გარეშე

ინსტრუქცია:

 

ათქ კლასიფიკაციის კოდი:
D07CA01

შემადგენლობა და გამოშვების ფორმა
მალამო: ტუბში 10 გ.
1 გ
ოქსიტეტრაციკლინის ჰიდროქლორიდი. . . . 30 მგ
ჰიდროკორტიზონის აცეტატი. . . . . . . . . 10 მგ

 

დამხმარე ნივთიერება: თეთრი ვაზელინი.

 

კლინიკურ-ფარმაკოლოგიური ჯგუფი:
ანტიბაქტერიული და ანთების საწინააღმდეგო პრეპარატი გარეგანი გამოყენებისათვის.

 

ფარმაკოლოგიური თვისებები:
ოქსიკორტი წარმოადგენს კომბინირებულ პრეპარატს გარეგანი გამოყენებისათვის ანთების საწინააღმდეგო, ანტიალერგიული, ანტიექსუდაციური და ანტიბაქტერიული ეფექტით, რაც განპირობებულია ჰიდროკორტიზონისა და ოქსიტეტრაციკლინის ერთობლივი მოქმედებით.

ჩვენებები:
კანის ჩირქოვანი დაავადებები (გამოწვეული სტრეპტოკოკური, სტაფილოკოკური ან შერეული ინფექციებით), ჩვეულებრივი იმპეტიგო, ბულოზური იმპეტიგო, ბაქტერიული გამოყელვა, ბაქტერიული ფოლიკულიტი, ფურუნკული, ფურუნკულოზი, კარბუნკული, წითელი ქარი. კანის ალერგიული დაავადებების ჩირქოვანი გართულებები, ეგზემა, ბავშვთა ეგზემა, ალერგიული დერმატიტი, პრურიგო.
კონტაქტური დერმატოზები, პროფესიული დერმატოზები, დამწვრობები, მწერების ნაკბენები. მრავალფორმიანი ერითემა.

 

დოზირების რეჟიმი:
მალამოს თხელი ფენა დაიტანება კანის დაზიანებულ ადგილებში ან სტერილურ საფენზე, 2-3-ჯერ დღეში, რომელსაც ადებენ კანზე და ახვევენ დოლბანდით.

 

გვერდითი მოვლენები:
ხანგრძლივი გამოყენების შემთხვევაში შესაძლოა განვითარდეს ატროფიული დერმატიტი, პოსტსტეროიდული პურპურა , სახეზე - სტეროიდული აკნე , ტელეანგიექტაზია, პერიორალური დერმატიტი. ნებისმიერი გვერდითი მოვლენის განვითარებისას დაუყოვნებლივ მიმართეთ ექიმს.

 

უკუჩვენებები:
კანის ვირუსული ინფექციები, როგორიცაა: მაგ, ჰერპესი, ჩუტყვავილა.
კანის ტუბერკულოზი.

 

განსაკუთრებული მითითებები:
ორსულობის დროს პრეპარატის გამოყენება არ არის ნებადართული, განსაკუთრებით კანის დიდ ზედაპირზე.

 

შენახვის პირობები და ვადა:
პრეპარატი ინახება არა უმეტეს 25°C ტემპერატურაზე, ბავშვებისათვის მიუწვდომელ ადგილას.

 

აფთიაქიდან გაცემის პირობები:
პრეპარატი გაიცემა ურეცეპტოდ.