ბიოლოგიურად აქტიური დანამატი. აღწერა: ყვითელი ფერის, რბილი, საღეჭი კაფსულები ხილის გემოთი.

• საღეჭი კაფსულები სასიამოვნო გემოთი, შექმნილი სპეციალურად ბავშვებისთვის ;
• განსაკუთრებული ტექნოლოგიით დამუშავებული კაფსულები;
• მაღალეფექტური და უვნებელი; • შეიცავს მაღალხარისხოვან ვიტამინების კომპლექსს.
• კომპონენტების ეფექტურობა დამტკიცებულია მრავალი კვლევით.

 

შემადგენლობა:

თითოეული კაფსულა შეიცავს: აქტიური ნივთიერებები:

ომეგა 3-ის ნახევრადუჯერი ცხიმოვანი მჟავები 410 მგ(17 მგ, 75 მგ.), ცილები 80 მგ, ნახშირწყლები 130 მგ, ვიტამინი - 0,4 მგ, ვიტამინი 3 - 2,5 მკგ და ვიტამინი - 6 მგ. დამხმარე ნივთიერებები: მცენარეული გლიცერინი, ჟელატინი, სიმინდის სახამებელი, ხილის დამატკბობელი, ნატრიუმი (შარიანი).
ფარმაკოლოგიური თვისებები: პრეპარატის ფარმაკოლოგიური მოქმედება განპირობებულია ომეგა-3-ის ჯგუფიდან, ნახევრადუჯერი ეიკოზაპენტაენური (EPA), და დოკოზაჰექსაენური (DHA) ცხიმოვანი მჟავებით, ასევე A, D3, E ვიტამინებით. ომეგა - 3 ნახევრადუჯერ ცხიმოვან მჟავები, მნიშვნელოვანი კომპონენტია ბავშვის ორგანიზმის განვითარებაში: (DHA) წარმოადგენს თავის ტვინისა და თვალის ბადურის უჯრედოვანი მემბრანების საშენს, ხოლო (EPA) ნეირონალური ზრდის ხელშემწყობს. ომეგა-3 (საბავშვო) - შექმნილია სპეციალურად ბავშვებისთვის, რომლის მიზანს თავის ტვინისა და მხედველობის სისტემის სწორი ფუნქციონირების უზრუნველყოფა წარმოადგენს. ომეგა-3 ნახევრადუჯერი ცხიმოვანი მჟავები, აუმჯობესებს მხედველობას, მეხსიერებას, ყურადღების კონცენტრირებას, ყოფაქცევას, ამაღლებს სწავლისა და პრობლემათა სწრაფად გადაწყვეტის უნარს. ანტიანთებითი, იმუნომოდულარული, და ანტიალერგიული მოქმედების უნარი, რომელიც ომეგა-3 ნახევრადუჯერ ცხიმოვან მჟავებს გააჩნია, მის შემადგელობაში ეიკოზანოიდების სისტემის არსებობითაა განპირობებული. ომეგა - 3 ნახევრადუჯერი ცხიმოვანი მჟავები _ კონკურენტული ანტაგონისტია არაქიდონის მჟავისა ციკლოქსიგენაზურ-ლიპოქსიგენაზურ დონეზე, რაც ვლინდება პროსტაგლანდინების და ლეიკოტრიენების სპექტრის მოდიფიკაციით, ანთებისა და ალერგიის ინდუქტორების პროდუქციის შემცირებით, თრომბოციტების ადგეზიით, ვაზოკონსტრიქციით, აგრეგაციის აქტივაციით და ა.შ. ვიტამინი A(რეტინოლი) მონაწილეობს ჟანგვა-აღდგენით და ნივთიერებათა ცვლის პროცესებში, ხელს უწყობს მხედველობითი აპარატის სწორ ფუნქციონირებას, ამცირებს ფიზიკური დატვირთვის შემდგომ დაღლილობას, საჭიროა ბავშვის ნორმალური ზრდა-განვითარებისა და ვირუსული დაავადების მიმართ ბრძოლისუნარიანობისთვის. ვიტამინი 3 (ქოლეკალციფეროლი) არეგულირებს ფოსფორ-კალციუმისა და ძვლების მინერალიზაციის პროცესებს კუჭნაწლავის ტრაქტში კალციუმის ადსორბციის მომატების ხარჯზე, აქვეითებს თირკმლებიდან ფოსფატების გამოყოფას; ვიტამინი 3 განსაკუთრებულია მოზარდი ორგანიზმის ძვალ-სახსროვანი სისტემისა და კბილების ფორმირებისთვის. ვიტამინი (ტოკოფეროლი) - მოქმედებს თავისუფალი რადიკალების რეაქციათა შემაკავებლად, ანტიოქსიდანტურად, თრგუნავს წყალბადის ზეჟანგის წარმოქმნას, რომელიც აზიანებს ორგანიზმის ნორმალური ფუნქციონირებისთვის უმნიშვნელოვანეს უჯრედოვან და სუბუჯრედოვან მემბრანებს. ხელს უწყოფს ნერვული და კუნთოვანი სისტემების ნორმალურ ფუნქციონირებას.

 

ჩვენება:
• თავის ტვინისა და მხედველობითი აპარატის სწორი განვითარება და ფუნქციონირება;
• კოგნიტური და წერა-კითხვის უნარების გაუმჯობესება;
• მხედველობის, მეხსიერებისა და ყურადღების კონცენტრაციის გაუმჯობესება;
• სინდრომი - ყურადღების დეფიციტი ჰიპერაქტიურობით; კომპლექსურ თერაპიაში:
• მოზარდებში - ასაკობრივი დეპრესიის დროს;
• კანის დაავადებებში: ფსორიაზი, ეგზემა, ნეიროდერმიტი და სხვა;
• ნებისმიერი წარმოშობის ართრიტების დროს;
• აუტოიმუნური დაავადებების დროს. უკუჩვენებები: ჰიპერმგრძნობელობა კომპონენტების მიმართ. გვერდითი მოქმედება: შესაძლოა გამოვლინდეს ალერგიული რეაქციები. მიღების წესები: კაფსულა უნდა დაიღეჭოს დღის პირველ ნახევარში, ჭამის შემდეგ.

 

დოზირება:

2-დან - 6 წლამდე თითო კაფსულა დღეში ერთხელ, 6-დან - 18 წლამდე თითო კაფსულა დღეში ორჯერ. მიღების კურსი: არა ნაკლებ 3 თვისა. კურსის განმეორება ექიმის რეკომენდაციით. დოზის გადაჭარბებით გამოწვეული სიმპტომები: ტკივილი ეპიგასტრიუმის არეში, დისპეპსიური მოვლენები (გულისრევა, დიარეა). მკურნალობა ასეთ შემთხვევებში: სიმპტომური. პრეპარატის მიღების შეწყვეტა. სამკურნალო საშუალებებთან ურთიერთქმედება: პრეპარატის მოქმედებას აძლიერებს: ასკორბინის მჟავა, თიამინი, რიბოფლავინი, პირიდოქსინი, მაგნიუმი. გამოშვების ფორმა: 20 რბილი, საღეჭი კაფსულა. მუყაოს კოლოფში - ერთი ფირფიტა, ჩანართ ფურცელთან ერთად. შენახვის პირობები: არა უმეტეს 30 გრადუსისა, ბავშვებისთვის მიუწვდომელ ადგილას. გამოყენების ვადა: 3 წელი წარმოების თარიღიდან. ვადის გასვლის შემდეგ არ გამოიყენება. აფთიაქიდან გაცემა: ურეცეპტოდ. მწარმოებელი: ომეგა-3 (საბავშვო) - არის, პროდუქტი კომპანია ჟიუსტ საქფ-ის სავაჭრო მარკით, ს/ჰაუნ იგნასიო დე ტენა 8, 28027 მადრიდი, ესპანეთი, ფარმაცევტული კომპანია ფარმ მედიკას დაკვეთით, ჟენევის მოედ. უოტეპფრონტ დრაივ, 3469, როად ტაუნ, ტორტოლა, ბრიტანეთის ვირჯინიის კუნძულები.