ANTAZOLINI SULFAS, NAPHAZOLINI NITRAS Warsaw pharmaceutical works POLFA, პოლონეთი

ათქ კლასიფიკაციის კოდი: S01GA51

 

შემადგენლობა და გამოშვების ფორმა თვალის წვეთები: ფლაკონში 5 მლ, შეფუთვაში 2 ფლაკონი 1 მლ ანტაზოლინის სულფატი - 5 მგ ნაფაზოლინის ნიტრატი - 0.25 მგ

 

დამხმარე ნივთიერებები: ბორის მჟავა, დინატრიუმის ედეტატი, ბენზალკონიუმის ქლორიდის ხსნარი, 10% ნატრიუმის ჰიდროქსიდი (პH-ის კორექტირებისათვის), საინექციო წყალი.

 

კლინიკურ-ფარმაკოლოგიური ჯგუფი: მ-ქოლინორეცეპტორების ბლოკატორი, ადგილობრივი გამოყენებისათვის ოფტალმოლოგიაში.

 

ფარმაკოლოგიური თვისებები: ოფტოფენაზოლი წარმოადგენს კომბინირებულ პრეპარატს, რომლის შემადგენლობაშიც შედის ანტიჰისტამინური ნივთიერება ანტაზოლინი და α-ადრენომიმეტური საშუალება ნაფაზოლინი. ამ ორი ნივთიერების მოქმედების შედეგად პრეპარატი აღმოფხვრის კონიუნქტივიტის ადგილობრივ სიმპტომებს (გაწითლებას, ტკივილს, წვას, ცრემლდენას), რაც, უპირველეს ყოვლისა, გამოწვეულია ალერგიით.

 

ჩვენებები: - სეზონური ან წლის განმავლობაში მიმდინარე მწვავე ალერგიული კონიუნქტივიტების დროს; - კონიუნქტივის გაღიზიანებისას, რაც გამოწვეულია კონტაქტური ლინზების გამოყენებით, მზის ზემოქმედებით, სიგარეტის კვამლით, აუზის წყალთან კონტაქტით და ა.შ.

 

დოზირების რეჟიმი: პრეპარატი ოფტოფენაზოლი გამოიყენება ექიმის რეკომენდაციების შესაბამისად. ეჭვის შემთხვევაში, ხელახლა მიმართეთ ექიმს. პრეპარატი განკუთვნილია თვალებში გამოსაყენებლად. მოზრდილები და ბავშვები 6 წლის ზემოთ: 1-2 წვეთი კონიუნქტივალურ ტომარაში. აუცილებლობისას, შეიძლება დოზის გამეორება 4-6 საათის შემდეგ. დაუშვებელია პრეპარატის გამოყენება 3-5 დღეზე მეტი დროის განმავლობაში ექიმის რეკომენდაციის გარეშე. თუ მიგაჩნიათ, რომ პრეპარატის მოქმედება ძალიან ძლიერი ან სუსტია, მიმართეთ ექიმს.

 

გამოყენების წესი: პრეპარატი განკუთვნილია მხოლოდ გარეგანი გამოყენებისათვის - ადგილობრივად კონიუნქტივალურ ტომარაში. საწვეთურის წვერი არ უნდა შეეხოს თვალს ან სხვა ზედაპირებს, ვინაიდან ამან შეიძლება გამოიწვიოს ფლაკონის შემცველობის დაინფიცირება. პრეპარატის ჩაწვეთებამდე აუცილებელია ხელების დაბანა. ფლაკონს მოხსენით თავსახური და პრეპარატი ჩაიწვეთეთ თვალში (თვალებში). თუ წვეთი თვალში არ მოხვდა, კიდევ ერთხელ სცადეთ. ფრთხილად დახუჭეთ თვალი, არ ახამხამოთ და არ გააღოთ 2 წუთის განმავლობაში, რათა მოხდეს პრეპარატის ადსორბირება. ჩაწვეთების შემდეგ ქვედა ქუთუთოს შიდა კუთხეს თითით დააწექით 1-2 წუთის განმავლობაში. ამ გზით თავიდან აიცილებთ წვეთის მოხვედრას საცრემლე არხით ცხვირის ღრუში და სისტემური ხასიათის გვერდითი მოქმედების განვითარებას. ამის შემდეგ დაიბანეთ ხელები პრეპარატის ნარჩენების მოსაცილებლად და დახურეთ ფლაკონი. პრეპარატ ოფტოფენაზოლის დოზის გამოტოვებისას ორმაგი დოზის გამოყენება გამოტოვებული დოზის კომპენსირების მიზნით არ შეიძლება.

 

გვერდითი მოვლენები: როგორც ყველა პრეპარატმა, ოფტოფენაზოლმაც შეიძლება გამოიწვიოს გვერდითი მოქმედება, თუმცა არა ყველა პაციენტში. ჩვეულებრივ ვლინდება სიმპტომები კონიუნქტივის მხრივ: წვა, ქავილი, მხედველობის დარღვევა, კონიუნქტივის გაწითლება. იშვიათ შემთხვევებში, ვითარდება ძილიანობა, არტერიული წნევის მომატება, თავის ტკივილები და თავბრუსხვევა, გულისრევა, თვალის ტკივილები. სისტემური რეაქციების გამოვლენისას ან ადგილობრივად გაღიზიანების შენარჩუნებისას, პრეპარატის გამოყენება უნდა შეწყვიტოთ და მიმართოთ ექიმს. ზოგიერთ პაციენტში პრეპარატის გამოყენებისას შეიძლება გამოვლინდეს სხვა გვერდითი ეფექტები. გვერდითი ეფექტების განვითარებისას, მათ შორის ისეთი ეფექტებისა, რომლებიც აღწერილი არ არის აუცილებელია ექიმთან კონსულტაცია.

 

უკუჩვენებები: - მომატებული მგრძნობელობა პრეპარატის რომელიმე კომპონენტის მიმართ; - დახურულკუთხოვანი გლაუკომა; - მომატებული მგრძნობელობა ადრენომიმეტური საშუალებების მიმართ. განსაკუთრებული მითითებები - იმ პაციენტებმა, რომლებსაც აღენიშნებათ ქრონიკული კონიუნქტივიტი, პრეპარატი უნდა გამოიყენონ ხანმოკლე დროის განმავლობაში და მხოლოდ სიმპტომების გამწვავებისას; - აუცილებელია პრეპარატის მიღების რეკომენდებული დროისა და დანიშნული დოზირების დაცვა, ვინაიდან არსებობს კონიუნქტივის შესივებისა და გამონადენის მომატების მეორადი გაძლიერების, აგრეთვე ეპითელიუმის მდგრადი ცვლილების განვითარების საფრთხე. აუცილებელია ექიმთან კონსულტაცია იმ შემთხვევაშიც კი, თუ ზემოთ აღნიშნულ მოვლენებს ადგილი ჰქონდა წარსულში. იმის გამო, რომ პრეპარატი შეიცავს ბენზალკონიუმის ქლორიდს, იმ პირებმა, რომლებიც ატარებენ რბილ (ჰიდროფილურ) კონტაქტურ ლინზებს, პრეპარატის ჩაწვეთებამდე ლინზები უნდა მოიხსნან და კვლავ გაიკეთონ მხოლოდ მინიმუმ 15 წუთის შემდეგ. ბენზალკონიუმის ქლორიდმა შეიძლება გამოიწვიოს თვალების გაღიზიანება და კონტაქტური ლინზების ფერის შეცვლა. ზემოქმედება ავტოტრანსპორტისა და მექანიზმების მართვის უნარზ:ე პრეპარატმა შეიძლება გამოიწვიოს მხედველობის დროებითი დარღვევა. ამიტომ, პრეპარატი სიფრთხილით გამოიყენება იმ პირთა მიერ, რომლებიც ავტოსატრანსპორტო საშუალებებს მართავენ და მანქანა-დანადგარებთან მუშაობენ.

ორსულობა და ლაქტაცია: ყოველი პრეპარატის მიღებამდე აუცილებელია ექიმთან კონსულტაცია. ორსულობის პერიოდში პრეპარატი გამოიყენება მხოლოდ იმ შემთხვევაში, თუ ექიმის აზრით, მოსალოდნელი სარგებელი დედისათვის აღემატება ნაყოფისათვის შესაძლო რისკს. მონაცემები პრეპარატის აქტიური კომპონენტების დედის რძეში შეღწევის შესახებ არ არსებობს. ამიტომ, ლაქტაციის პერიოდში პრეპარატის გამოყენებისას აუცილებელია სიფრთხილის გამოჩენა.

 

ჭარბი დოზირება: პრეპარატის გადაჭარბებული დოზირების შესახებ მონაცემები არ არსებობს. ბავშვებში პრეპარატის ხანგრძლივი ან ძალიან ხშირი გამოყენებისას ან შემთხვევით ჩაწვეთებისას შეიძლება აღინიშნოს ცენტრალური ნერვული სისტემის დათრგუნვა, ჰიპოთერმია და კომაც კი. შეიძლება განვითარდეს არტერიული წნევის დაწევა და ტაქიკარდია. პრეპარატ ოფტოფენაზოლის რეკომენდებულზე მაღალი დოზით გამოყენებისას, დაუყოვნებლივ მიმართეთ ექიმს.

 

სხვა წამლებთან ურთიერთქმედება: პაციენტმა ექიმს უნდა აცნობოს ბოლო დროს მიღებული ყველა პრეპარატის, მათ შორის ურეცეპტოდ გასაცემი პრეპარატების შესახებ. პრეპარატი არ გამოიყენება მონოამინოოქსიდაზას ინჰიბიტორებთან (პრეპარატები, რომლებიც გამოიყენება დეპრესიის დროს) და ტრიციკლურ ანტიდეპრესანტებთან ერთად.

შენახვის პირობები და ვადა: პრეპარატი ინახება მჭიდროდ თავდახურულ ფლაკონში არაუმეტეს 25 ºC ტემპერატურაზე, ბავშვებისათვის მიუწვდომელ ადგილას. სამკურნალო საშუალება გამოიყენება ფლაკონის გახსნიდან 4 კვირის განმავლობაში. ვარგისიანობის ვადა - 3 წელი. არ გამოიყენება შეფუთვაზე მითითებული ვარგისიანობის ვადის გასვლის შემდეგ. აფთიაქიდან გაცემის პირობები: პრეპარატი გაიცემა ექიმის რეცეპტით Warsaw pharmaceutical works POLFA