საერთაშორისო დასახელება:
tridecanamine undecylenate

 

ათქ.კლასიფიკაციის კოდი:
D01AE

 

კლინიკურ-ფარმაკოლოგიური ჯგუფი:
სოკოს საწინააღმდეგო პრეპარატები გარეგანი გამოყენებისათვის; სხვა სოკოს საწინააღმდეგო პრეპარატები

 

შემადგენლობა და გამოშვების ფორმა:
25 მლ ფლაკონში
30მლ სპრეი

ხსნარი გარეგანი გამოყენებისათვის.: ფლაკონში 25 მლ
1 ფლ.
ტრიდეკანამინის უნდეცილენატი . . . . .0.110 გ
სპრეი გარეგანი გამოყენებისათვის.: ფლაკონში 30 მლ
1 ფლ.
ტრიდეკანამინის უნდეცილენატი . . . . 0.132 გ

 

დამხმარე ნივთიერებები:
ტრიეთილენგლიკოლი, ეთანოლი 96%, გასუფთავებული წყალი.

 

ფარმაკოლოგიური თვისებები:
პრეპარატს გააჩნია ფუნგისტატიური მოქმედება. აქტიურია დერმატოფიტებთან მიმართებაში: Epidermophyton, Trichophyton, Microsporum. უნდეცილენის მჟავას გააჩნია მომწველი (შემომგარსველი) და გამომშრობი ეფექტი.

 

ფარმაკოკინეტიკა:
გარეგანი გამოყენებისას პრეპარატი ცუდად შეიწოვება და პრაქტიკულად არ გააჩნია სისტემური მოქმედება.

 

ჩვენებები:
პრეპარატი გამოიყენება კანის ზედაპირული სოკოვანი დაავადებების პროფილაქტიკისა და მკურნალობისათვის: დერმატომიკოზები (განსაკუთრებით . tinea interdigitalis pedum), მიკოტიური ეგზემა, გარე სასმენი მილის მიკოზი.

 

მიღების წესები და დოზები:
პრეპარატის წასმა უნდა მოხდეს კანის დაზიანებული უბნის სუფთა, მშრალ ზედაპირზე დღეში 2-3-ჯერ დაავადების ნიშნების გაქრობამდე. მკურნალობის კურსის ხანგრძლივობა ჩვეულებრივ შეადგენს 4-6 კვირა.
დაავადების კლინიკური ნიშნების გაქრობისას, რეციდივის თავიდან ასაცილებლად, რეკომენდებულია პრეპარატის გამოყენება იმავე წესით კვირაში 2-3-ჯერ რამდენიმე კვირის განმავლობაში (4 კვირა).
ბავშვებში დოზირებას განსაზღვრავს ექიმი.
მკურნალობის კურსის შემოკლება ზრდის დაავადების რეციდივის რისკს.

 

გვერდითი მოვლენები:
იშვიათ შემთხვევებში აღინიშნება გაღიაზიანების რეაქციები, რაც ვლინდება კანის უმნიშვნელო შეწითლებით, რაც დამოუკიდებლად ქრება გარკვეული დროის შემდეგ. მკურნალობის კურსის დროს, იშვიათ შემთხვევებში, შეიძლება გამოვლინდეს ალერგიული რეაქციები, რაც დაკავშირებულია პრეპარატის კომპონენტების მიმართ მომატებულ მგრძნობელობასთან და ვლინდება შეწითლებით, კანის ქავილით, შეშუპებით, წვით, გამონაყარით კანზე.
გვერდითი ეფექტების გამოვლენის შემთხვევაში უნდა შეწყდეს პრეპარატის გამოყენება და აუცილებელია ექიმის კონსულტაციის მიღება.

 

უკუჩვენება:
- მომატებული მგრძნობელობა ტრიდეკანამინის უნდეცილენატისა და პრეპარატის სხვა შემადგენელი კომპონენტების მიმართ;
- 2 წლამდე ასაკის ბავშვები.

 

განსაკუთრებული მითითებები:
დაუშვებელია პრეპარატის წასმა ღია ჭრილობაზე, პერიორბიტალურ უბანზე. ასევე უნდა მოერიდოთ პრეპარატის თვალში მოხვედრას.
ამ პრეპარატის გამოყენება სხვა სამკურნალო საშუალებებთან ერთად უნდა მოხდეს ექიმთან კონსულტაციის შემდეგ. თუ დაავადების სიმპტომები არ გაქრა ან გართულდა 7-14 დღის განმავლობაში, აუციელებელია ექიმის კონსულტაცია დიაგნოზის დასადასტურებლად.
თუ პრეპარატის გამოყენებისას გამოვლინდა გამონაყარი კანზე ან კანის გაღიზიანება, აუცილებელია პრეპარატის გამოყენების შეწყვეტა და ექიმის კონსულტაციის მიღება.
პრეპარატი შეიცავს 70% ეთანოლის ხსნარს.
პრეპარატი სიფრთხილით გამოიყენება კანის ფართო დაზიანებისას, განსაკუთრებით მწვავე დისჰიდროტიური ან ეგზემატოზური ეპიდერმოფიტიის დროს (გამწვავების თავიდან აცილების მიზნით).

 

ჭარბი დოზირება:
პრეპარატის შიგნით მიღებისას შეიძლება გამოვლინდეს გულისრევა და ღებინება. რეკომენდებულია კუჭის ამორეცხვა, ხოლო შემდგომი მკურნალობა სიმპტომატურია.
ინტოქსიკაციის ნიშნების გამოვლენისას უნდა მიმართოთ ექიმს.

 

სხვა წამლებთან ურთიერთქმედება:
არ არსებობს მონაცემები ამ პრეპარატის სხვა მედიკამენტებთან ურთიერთქმედების შესახებ.

 

შენახვის პირობები და ვადები:
პრეპარატი ინახება არაუმეტეს 25°C ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა:
ხსნარი - 4 წელი; სპრეი - 2 წელი.

მწარმოებელი ფირმა, ქვეყანა:
IVAX Pharmaceutocals s.r.o.
ჩეხეთი