ნისტატინის სანთელი

შემადგენლობა:
1 სანთელი შეიცავს:
ნისტატინი 250000ერთ. ან 500000ერთ.
ბუთილოქსიანიზოლი სამედიცინო სუფთა, იონოლი საკვები (ბუთილოქსიტოლუოლი), ლიმონის მჟავა, ვაზელინის ზეთი, სანთლის ფუძე (მკვრივი ცხიმი A ტიპის ან ვიტეპსოლი)

აღწერილობა:
სანთლები ყვითელი ფერის, ტორპედოსმაგვარი ფორმის.

ფარმაკოთერაპიული ჯგუფი:
სოკოს საწინააღმდეგო საშუალება

ფორმა:
საშოს სანთლები

ფარმაკოლოგიური თვისებები:
პრეპარატი წარმოადგენს სოკოს საწინააღმდეგო საშუალებას, ანტიბიოტიკს პოლიენების ჯგუფიდან. იგი უკავშირდება სოკოს უჯრედული მემბრანის სტეროლებს და არღვევს მათ მთლიანობას. აქტიურია ჩანდიდა ალბიცანს მიმართ.
ადგილობირივი გამოყენებისას პრეპარატი ლორწოვან გარსში არ შეიწოვება.

ჩვენება:
საშოს კანდიდოზი.
ადგილობრივი ანტიმიკრობული თერაპიის სოკოვანი გართულებების პროფილაქტიკა.
ინიშნება მხოლოდ ექიმის მიერ.

დოზირება და მიღების წესი:
250000ერთ. და 500000ერთ. ნისტატინის სანთლები თავისუფლდება შეფუთვიდან მაკრატლის საშუალებით. იგი შეყავთ საშოში (ჰიგიენური პროცედურის შემდეგ). 1 სანთელი 2 ჯერ დღეში (დილით და საღამოს). მკურნალობის კურსი 10-14 დღე.

წინააღმდეგჩვენება:
მომატებული მგრძნობელობა პრეპარატის მიმართ;
ორსულობა.

გვერდითი მოვლენები:
ცალკეულ შემთხვევებში აღინიშნება მომატებული მგრძნობელობის ადგილობრივი რეაქციები.
შესაძლებელია სოკოების რეზისტენტული ფორმების გავრცელება, რაც საჭიროებს პრეპარატის მოხსნას და ექიმის კონსულტაციას.

ურთიერთქმედება სხვა პრეპარატებთან:
ნისტატინის ერთდროული გამოყენებისას კლოტრიმაზოლთან ამ უკანასკნელის აქტივობა მცირდება.

გამოყენების თავისებურება:
მენსტრუაციის დროს მკურნალობა არ წყდება.
საშოს სოკოვანი დაავადებების დროს რეკომენდებულია პარტნიორის ერთდროული მკურნალობა. მკურნალობის დროს სქესობრივი კავშირის დამყარება რეკომენდებული არ არის.

შენახვის ვადა:
2 წელი
დაუშვებელია ვადაგასული პრეპარატის გამოყენება.

შენახვის პირობები:
გრილ, სინათლისაგან და ბავშვებისაგან დაცულ ადგილას, არაუმეტეს +5°C.

შეფუთვა:
10 ცალი სანთელი

მწარმოებელი და მისი მისამართი:
«ОАО» «НИЖФАРМ»
РОССИЯ