თითოეული კაფსულის შემადგენლობაში აქტიური კომპონენტების სახით შედის: Saccharomyces boulardii, Lactobacillus rhamnosus (GG),  Lactobacillus acidophilus, Bifidobacterium longum   კუჭის მჟავე გარემოს მიმართ მდგრადი  ბაქტერიები 5 მილიარდი შტამი,  ვიტამინი D – 10მკგ( 400  ს.ე.)
დამხმარე საშუალებები:  მალტოდექსტრინი, ჰიდროქსი მეთილპროპილცელულოზა, ნატრიუმ კარბოქსიმეთილ ცელულოზა,  მაგნიუმის სტეარატი, ასკორბინის მჟავა, სილიციუმის დიოქსიდი. კაფსულა: ჟელატინი.
მედიკობიოტიკში შემავალი ბაქტერიები არის მიკროკაფსულირებული Danico USA შტამების სახით. 

კაფსულა - ბელგიაში წარმოებული  DR  Capsugell- ი, რაც უზრუნველყოფს მასში მოქცეული შტამების მაქსიმალური სიცოცხლისუნარიოანის შენარჩუნებას.
Saccharomyces boulardii  - 2.5 მილიარდი თითოეულ კაფსულაში. ახასიათებს ეტიოპათოგენეზური ანტიმიკრობული და ანტიდიარეული მოქმედება. Saccharomyces boulardii წარმოქმნის რძემჟავას, რომელიც ქმნის არახელსაყრელ გარემოს პათოგენური ფლორისთვის. აინჰიბირებს პათოგენური მიკრობების ზრდას. ავლენს ანტიტოქსიურ მოქმედებას. ანტისეკრეტორული მოქმედება დაკავშირებულია ენტეროციტებში ცამფ წარმოქმნის დათრგუნვასთან. ზრდის ადგილობრივ იმუნიტეტს, IgA და სხვა იმუნოგლობულინების სეკრეტორული კომპონენტების სინთეზის მომატების გზით. აღადგენს შეწოვის პროცესს წვრილ ნაწლავებში კედლისმიერი საჭმლის მონელების აღდგენის გზით. აუმჯობესებს ნაწლავის ლორწოვანი გარსის ტროფიკას. Saccharomyces boulardii რეზისტენტულია ანტიბიოტიკების მოქმედების მიმართ და  გამოიყენება მათთან ერთად კომბინაციაში. 

ლაქტო და ბიფიდო ბაქტერიები:
ნორმალური მეტაბოლიზმის პროცესში ლაქტობაქტერიებს შეუძლია რძემჟავას წარმოქმნა, ლიზოციმის და სხვა ნივთიერებების პროდუცირება ანტიბაქტერიული აქტივობით: რეუტერინი, პლანტარიცინი, ლაქტოციდინი, ლაქტოლინი. ორგანული მჟავების, ანტიბიოტიკებისა და ბაქტერიოცინების პროდუქციის დახმარებით ლაქტობაქტერიები ავლენენ  ანტაგონისტურ აქტივობას პათოგენური და პირობითად პათოგენური მიკროორგანიზმების მიმართ. ისინი ავლენენ ანტიმიკრობულ მოქმედებას  ისეთი პათოგენური მიკროორგანიზმების მიმართ, როგორებიცაა E coli, H. influenzae, Campilobacter jejuni, Salmonella, Shigella, Streptococcus, Staphylococcus aureus, Helicobacter pylori მათი ზრდისა და ენტეროციტების მიმართ ადგეზიის დათრგუნვით. 
ლაქტობაქტერიები მონაწილეობს ცილების, ცხიმების და რთული ნახშირწყლების დაშლაში, ნაღვლის მჟავების მეტაბოლიზმში, ასევე K და B ჯგუფის ვიტამინების სინთეზში.
ლაქტობაქტერიებს შეუძლია გაააქტიუროს უჯრედების იმუნიტეტი და იმუნოგლობულინების გამომუშავება. ლაქტობაქტერიების იმუნომასტიმულირებელ თვისებას უკავშირებენ მათი უჯრედის კედელში პეპტიდოგლიკანებისა და ფეიხოას მჟავების არსებობას, რომლებსაც იმუნომამოდულირებელი მოქმედება გააჩნია. განსაკუთრებით ანთებისსაწინააღმდეგო და  იმუნოსტიმულაციური ეფექტებით გამოირჩევა Lactobacillus rhamnosus (GG) (1,5 მილიარდი).
D ვიტამინი  - წარმოადგენს აქტიურ ანტირაქიტულ ფაქტორს. იგი განსაზღვრავს ორგანიზმში კალციუმის და ფოსფორის ცვლის რეგულაციას, რაც ხელს უწყობს ჩონჩხის მინერალიზაციისა და ზრდის პროცესს. ვიტამინი D3 წარმოადგენს ცხოველებისა და ადამიანის ორგანიზმის მიერ გამომოუშავებული ვიტამინ D-ს ბუნებრივ ფორმას.  იგი აუცილებელია პარაფარისებრი ჯირკვლების ნორმალური ფუნქციონირებისთვის. პრეპარატი მოქმედებს ნაწლავებზე, თირკმელებზე და ძვლის ქსოვილზე. მნიშვნელოვან როლს ასრულებს ნაწლავების მიერ კალციუმისა და ფოსფატების შეწოვის პროცესში, მინერალური მარილების ტრანსპორტში და ძვლების კალციფიკაციის პროცესში; არეგულირებს აგრეთვე, კალციუმისა და ფოსფატების გამოყოფას თირკმლის საშუალებით. კალციუმის იონების კონცენტრაცია მოქმედებს მთელ რიგ ბიოქიმიურ პროცესებზე, რომლებიც მონაწილეობენ ჩონჩხის მუსკულატრუის ტონუსის შენარჩუნებაში, ნერვული აგზნების გამტარებლობაში და სისხლის შედედების პროცესში. 
ვიტამინ D ლიმფოკინების წარმოქმნის პროცესზე ზემოქმედებით მონაწილეობს აგრეთვე იმუნური სისტემის ნორმალურ ფუნქციონირებაში.
 ჩვენებები:
•    ნაწლავის მიკროფლორის წონასწორობის დარღვევის - დისბაქტერიოზის სიმპტომების პროფილაქტიკა და მკურნალობა;
•    დისბაქტერიოზი ბავშვებსა და მოზრდილებში 
•    დიარეა
•    ყაბზობა;
•    მწვავე ნაწლავური ინფექციები
•    გასტროენტეროკოლიტი (მწვავე და ქრონიკული).
•    იმუნოდეფიციტური მდგომარეობები.
•    საფაღარათო საშუალებების ხანგრძლივი გამოყენება.
•    ვიტამინ D-ს დეფიციტის პროფილაქტიკა და მკურნალობა

გამოყენების წესი და დოზირება:
1 თვიდან 6 წლამდე ბავშვებში: 1 კაფსულა 1-ჯერ დღეში უზმოზე
6 წლიდან ბავშვებში და მოზრდილებში: 1ან 2 კაფსულა დღეში ჭამამდე

ურთიერთქმედება სხვა სამკურნალო საშუალებებთან:
არასასურველი ურთიერთქმედებები აღნიშნული არ არის
გამოშვების ფორმა :  კაფსულა  №10
შესაძლებელია კაფსულის გახსნა და მისი შიგთავსის  შერევა სხვადასხვა სითხესთან  ( წყალი,  წვენი).
ვარგისიანობის ვადა: 2 წელი გამოშვების თარიღიდან
 მწარმოებელი:  MedicoDomus, სერბეთი