fb

ლატაკომი

ლატაკომი
ანოტაციის მომწოდებელია
0
0
რეკომენდაცია
0შეფასება
182ნახვა
აქტიური ნივთიერება: latanoprost+timolol
გამოშვების ფორმა: 0.05 მგ/მლ+5მგ/მლ, თვალის წვეთები
მწარმოებელი ქვეყანა: პოლონეთი
კლინიკო-ფარმაკოლოგიური ჯგუფი: გლაუკომის საწინააღმდეგო საშუალებები → F2 ალფა პროსტაგლანდინის ანალოგები

 


გამოყენების ჩვენებები:
მომატებული თვალშიგა წნევის რეგულაცია პაციენტებში -ღიაკუთხიანი გლაუკომით და მომატებული ოფთალმოტონუსით თვალშიგა წნევის დამწევი სხვა საშუალებების არასაკმარისი ეფექტურობა

 


ფარმაკოლოგიური თვისებები:
ლატაკომი წარმოადგენს სამკურნალო საშუალებას, რომელიც ამცირებს ინტრაოკულარულ წნევას (თვალშიდა წნევას).
ლატაკომი შეიცავს ორ აქტიურ ნივთიერებას: ლატანოპროსტს (პროსტაგლანდინების წარმოებული) და თიმოლოლის მალეატს (ბეტა-ბლოკერი). ლატანოპროსტი - პროსტაგლანდინ F2α-ს ანალოგი წარმოადგენს FP რეცეპტორების სელექციურ აგონისტს და აქვეითებს თვალშიგა წნევას (თწ) წყლოვანი მასის გადინების გაძლიერებით, ძირითადად უვეოსკლერული
გზით აგრეთვე ტრაბეკულური ქსელით. თწ-ს შემცირება იწყება პრეპარატის შეყვანიდან დაახლოებით 3-4 საათის შემდეგ, მაქსიმალური ეფექტი აღინიშნება 8-12 საათის შემდეგ. მოქმედება ნარჩუნდება არანაკლებ 24 საათი. თიმოლოლი - არასელექტიური ბეტა-1 და ბეტა-2 ადრენობლოკატორი. არ გააჩნია მნიშვნელოვანი შიდა სიმპატომიმეტური აქტივობა, არ ახდენს პირდაპირ დეპრესიულ მოქმედებას მიოკარდზე, თიმოლოლის მოქმედების ადგილობრივი მექანიზმი დაკავშირებულია თვალშიდა სითხის წარმოქნის შემცირებასთან.
ლატაკომის მოქმედება იწყება ინსტილაციიდან ერთი საათის განმავლობაში, ხოლო მაქსიმალური ეფექტი აღინიშნება 6-8 საათში. მრავალჯერადი გამოყენებისას თვალშიგა წნევის ადეკვატური შემცირება ნარჩუნდება შეყვანიდან 24 საათის განმავლობაში.

 


ფარმაკოკინეტიკა:
ლატაკომის გამოყენებიდან 1-4 საათის შემდეგ ლატანოპროსტის მჟავის კონცენტრაცია თვალშიდა სითხეში არის დაახლოებით 2-ჯერ უფრო მაღალი, ვიდრე მონო-
თერაპიის დროს. ლატანოპროსტის მაქსიმალური კონცენტრაცია თვალში და სითხეში მიიღწევა ადგილობრივი გამოყენებიდან 2 საათის შემდეგ. თვალის ქსოვილებში ლატანოპროსტის მჟა-
ვა პრაქტიკულად არ მეტაბოლიზდება. ლატანოპროსტის მჟავის ნახევარგამოყოფის პერიოდი შეადგენს 17 წუთს. მეტაბოლიტები უპირატესად გამოიყოფა თირკმელებით.
თვალშიდა სითხეში თიმოლოლის მაქსიმალური კონცენტრაცია მიიღწევა 1 საათის შემდეგ. თიმოლოლის ნახევარგამოყოფის პერიოდი პლაზმიდან შეადგენს დაახლოებით 6 საათს. თიმოლოლი აქტიურად მეტაბოლიზდება ღვიძლში. მეტაბოლიტები და ასევე შეუცვლელი თი-
მოლოლი გამოიყოფა თირკმელებით.

 


გამოყენების წესი და დოზირება:
მოზრდილებში, ხანდაზმული პაციენტების ჩათვლით თითო წვეთი დაზიანებულ თვალში (თვალებში) 1-ჯერ დღეში. სხვა ოფთალმოლოგიური საშუალებების ერთდროულად გამოყენე-
ბისას ინტერვალი ინსტილაციებს შორის უნდა იყოს არანაკლებ 5 წუთისა.

 


უკუჩვენებები:
- მომატებული მგრძნობელობა პრეპარატის კომპონენტების მიმართ
- სასუნთქი გზების რეაქტიული დაავადებები
- მწვავე მიმდინარეობის ფილტვების ქრონიკული
ობსტრუქციული დაავადება
- სინუსური ბრადიკარდია
- II და III ხარისხის AV-ბლოკადა
- კლინიკურად გამოხატული გულის უკმარისობა
- კარდიოგენული შოკი

 


გვერდითი მოვლენები:
ძალიან ხშირი გვერდითი მოვლენები (გვხვდება 10-დან 1-ზე მეტ
პაციენტში):
- თვალის ფერის შეცვლა, თვალის ფერის ცვლილება ხდება ძალიან ნელა, რასაც შეიძლება დასჭირდეს წლები. ლატაკომის შეწყვეტის შემდეგ, თვალის ფერის შემდგომი ცვლილებები არ ვლინდება. ხშირი გვერდითი მოვლენები (ვლინდება 10-დან 1-ზე ნაკლებ პაცი-
ენტში):
- თვალის გაღიზიანება (წვა, ქავილი, ჩხვლეტა, უცხო სხეულის
(ქვიშის) შეგრძნება თვალში) და თვალის ტკივილი.
არახშირი გვერდითი ეფექტები (გვხვდება 100-დან 1-ზე ნაკლებ პა-
ციენტში):
- თავის ტკივილი
- თვალის სიწითლე, თვალის ანთება, მხედველობის დაბინდვა,
ცრემლდენა, ქუთუთოების ანთება.
- გამონაყარი კანზე ან ქავილი.

 


ბავშვები და მოზარდები:
! ლატაკომი არ გამოყენება ბავშვებსა და მოზარდებში.
შენახვის პირობები:
გახსნამდე პრეპარატი ინახება 2-8°C-ზე (მაცივარში), სინათლისგან
დაცულ ადგილას. პირველი გახსნის შემდეგ ვარგისობის ვადა 4 კვირაა. გახსნის შემდეგ ლატაკომის შენახვა შესაძლებელია არაუმეტეს
25°C ტემპერატურაზე.
შეფუთვა: 2,5 მლ__
 

ამ წამალზე შეფასება ჯერ არ არის.


შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.