სამკურნალო საშულების დასახელება:

 

სავაჭრო დასახელება: ლან-30
საერთაშორისო არაპატენტირებული დასახელება: ლანსოპრაზოლი შენელებული მოქმედების კაფსულები USP 30 მგ

 

ზოგადი ინფორმაცია პრეპარატის შესახებ:
ლანი (ლანზოპრაზოლი), არის ბენზიმიდაზოლის წარმოებული. პრეპარატი ნაჩვენებია პეპტიური წყლულის, რეფლუქსური ეზოფაგიტისა და ზოლინგერ-ელისონის სინდრომის სამკურნალოდ.

 

შემადგენლობა:
ყოველი კაფსულა შეიცავს:
ლანზოპრაზოლი USP 30მგ
(ენტერული შემოგარსული ბურთულის სახით).

 

კლინიკური ფარმაკოლოგია:
ლანი არის კუჭის H+, K+-ადენოზინ+ტრიფოსფატაზას (ატფ-აზას) ინჰიბიტორი, რომელიც ფარმაკოლოგიურად დაკავშირებულია ომეპრაზოლთან. ის ამცირებს კუჭის მჟავის სეკრეციას H+/K+ATP-აზას ფერმენტული სისტემის სპეციფიკური ინჰიბირებით კუჭის პარიეტული უჯრედების სეკრეტორულ ზედაპირზე.
შრატში ლანის მაქსიმალური კონცენტრაცია (Cmax) მერყეობს 0.75-1.15 მგ/მლ-ს შორის და მიიღწევა პერორალური მიღებიდან 1.5-2.2 საათის განმავლობაში. ლანის სრული ბიოშეღწევადობა არის დაახლოებით 85% ჯანმრთელ მოხალისეებში, თუმცა ბიოშეღწევადობა ავლენს მნიშვნელოვან ინდივიდუალურ ცვალებადობას. ლანი ფართოდ მეტაბოლიზდება პრესისტემურად და ორგანიზმიდან გამოიყოფა ნაღველსა და შარდში. ის სწრაფად მეტაბოლიზდება ორ მთავარ აქტიურ მეტაბოლიტად - ლანზოპრაზოლად და ჰიდროქსილანზოპრაზოლად. პლაზმაში ნახევარგამოყოფის პერიოდი შეადგენს 1.3-1.7 საათს. ის 97-99%-ით ეკვრის პლაზმურ პროტეინებს. ლანზოპრაზოლის ანტიბაქტერიული მოქმედება H. pylori-ს წინააღმდეგ უზრუნველყოფს პეპტიური წყლულის რეციდივის თავიდან აცილებას რეციდივის გამომწვევი ორგანიზმების აღმოფხვრით.

 

ჩვენებები:
ლანი ნაჩვენებია პეპტიური წყლულის, რეფლუქსური ეზოფაგიტის სამკურნალოდ, რეფლუქსური ეზოფაგიტისაგან განკურნების შესანარჩუნებლად და პათოლოგიური ჰიპერსეკრეტორული მდგომარეობების, მათ შორის, ზოლინგერ-ელისონის სინდრომის სამკურნალოდ.

 

დოზირება და მიღების წესი:
პრეპარატი მიიღება დილას საუზმის წინ დოზით 30მგ OD. თორმეტგოჯას წყლულით დაავადებულ პაციენტებში მკურნალობა გრძელდება 4-6 კვირა, ხოლო კუჭის წყლულითა და რეფლუქსური ეზოფაგიტით დაავადებულებში პრეპარატი მიიღება 8 კვირის განმავლობაში. შემანარჩუნებელი დოზა შეადგენს 15გ-ს.
ზოლინგერ-ელისონის სინდრომის დროს რეკომენდებული საწყისი დოზა არის 60მგ დღეში ერთხელ. დოზის კორექცია უნდა მოხდეს ინდივიდუალურად პაციენტთა მდგომარეობის მიხედვით და მკურნალობა უნდა გაგრძელდეს კლინიკური ჩვენების შესაბამისად. დასაშვებია 90 მგ. ბ.ი.დ. დოზის მიღება. ყოველ დღე 120მგ-ზე მაღალი დოზების მიღების შემთხვევაში, დოზები უნდა განაწილდეს რამდენიმე მიღებაზე.

 

უკუჩვენებები:
პრეპარატი უკუნაჩვენებია იმ პაციენტებში, რომლებიც ავლენენ ჰიპერმგრძნობელობას ამ მედიკამენტის მიმართ. პრეპარატი ასევე უკუნაჩვენებია კუჭის ავთვისებიანი სიმსივნის ან აქლორჰიდრიის დროს. ლანი ორსულობის პერიოდში გამოიყენება მხოლოდ იმ შემთხვევაში, თუ პოტენციური სარგებელი ამართლებს ნაყოფისათვის პოტენციურ რისკს. არ არის ცნობილი გამოიყოფა თუ არა ლანზოპრაზოლი დედის რძეში. მიღებულ უნდა იქნეს გადაწყვეტილება იმის თაობაზე ლაქტაცია შეწყდეს თუ პრეპარატის მიღება. პრეპარატის უსაფრთხოება და ეფექტურობა ბავშვებში არ არის დადგენილი.
პრეპარატის გამოყენება ორსულობისა და ლაქტაციის დროს:
ლანი ორსულობის პერიოდში გამოიყენება მხოლოდ იმ შემთხვევაში, თუ პოტენციური სარგებელი ამართლებს ნაყოფისათვის პოტენციურ რისკს. არ არის ცნობილი გამოიყოფა თუ არა ლანზოპრაზოლი დედის რძეში. მიღებულ უნდა იქნეს გადაწყვეტილება იმის თაობაზე შეწყდეს ლაქტაცია თუ პრეპარატის მიღება. პრეპარატის უსაფრთხოება და ეფექტურობა ბავშვებში არ არის დადგენილი.

 

ურთიერთქმედება სხვა პრეპარატებთან:
ლანზოპრაზოლი მეტაბოლიზდება ციტოქრომ P450 სისტემის საშუალებით. გამოკვლევებმა აჩვენა, რომ ეს პრეპარატი არ ავლენს რაიმე კლინიკურად მნიშვნელოვან ურთიერთქმედებას სხვა ისეთ პრეპარატებთან, რომლებიც მეტაბოლიზდება ციტოქრომ P450 სისტემით, როგორიცაა ვარფარინი, ანტიპირინი, ინდომეტაცინი, იბუპროფენი, ფენითოინი, პროპრანოლოლი, პრედნიზოლონი ან დიაზეპამი ჯანმრთელ ადამიანებში.

 

არასასურველი ეფექტები:
ყველაზე ხშირად ვლინდება არასასურველი ეფექტები კუჭ-ნაწლავის მხრივ, კერძოდ, დიარეა, რომელიც აღინიშნა პაციენტთა 3.2%-ში. სხვა სახის გვერდითი ეფეტქები ვლინდება ცენტრალური ნერვულ სისტემის მხრივ, დერმატოლოგიური ეფექტები, ფარინგიტი, რინიტი, ხველა, თავის ტკივილი, თავბრუსხვევა, დაღლილობა და ძილიანობა. საშუალო და ზომიერი ხასიათის გვერდითი ეფექტებია ანორექსია, ყაბზობა, პროტეინურია, თავბრუსხვევა, დაღლილობა, დერმატოლოგიური რეაქციები და სხვა.

 

ჭარბი დოზირება:
ჭარბი დოზის მიღების შემთხვევაში მკურნალობა სიმპტომურია.

 

აფთიაქიდან გაცემის პირობები:
გაიცემა რეცეპტით.

 

შეფუთვა:
ლან-15 და 30 კაფსულები წარმოდგენილია 10 კაფსულიან ბლისტერებში და 100 და 1000 კაფსულიან HDPEE(მაღალი სიმკვრივის პოლიეთილენი) კონტეინერებში.

 

მწარმოებლის მისამართი:
ადმინისტრაციული ოფისი:
ჩინუბაის ცენტრი, ნერუ ბრიჯ, აშრამ როუდი, აჰმედაბადი: 380 009 ინდოეთი.

ტელ: 91-79-26576655, 26576747;
ფაქსი: 91-79-26578862,
ვებგვერდი: www.intaspharma.com