Poly (alcohol vinylicus) Warsaw pharmaceutical works POLFA, პოლონეთი

 

ათქ კლასიფიკაციის კოდი: S01XA20

 

შემადგენლობა და გამოშვების ფორმა: თვალის წვეთები: ფლაკონში 5 მლ, შეფუთვაში 2 ც. 1 მლ პოლივინილის სპირტი - 14 მგ

 

დამხმარე ნივთიერებები: დინატრიუმის ფოსფატი თორმეტწყლიანი, ნატრიუმის დიჰიდროფოსფატის მონოჰიდრატი, ნატრიუმის ქლორიდი, ბენზალკონიუმის ქლორიდის ხსნარი და გამოხდილი წყალი.

 

კლინიკურ-ფარმაკოლოგიური ჯგუფი: ,,ხელოვნური ცრემლის' ტიპის პრეპარატი.

 

ფარმაკოლოგიური თვისებები: არბილებს ცრემლის არასაკმარისი გამოყოფის შედეგად განვითარებულ გაღიზიანების სიმპტომებს. ფარავს რქოვანას ეპითელის, ეწინააღმდეგება კონიუქტივის გაღიზიანებას თვალის პროთეზის ტარებისას.

 

ჩვენებები: ლაკრიმალი გამოიყენება მშრალი თვალის სინდრომთან დაკავშირებული დაავადებების სიმპტომატურ მკურნალობაში, მაგალითად, კოლაგენოზების, ქუთუთოს ჭრილის არასაკმარისი დაფარვის ფონზე ან მზისა და ქარის ზემოქმედებით განვითარებული რქოვანა გარსის ანთების დროს

 

დოზირების რეჟიმი: ლაკრიმალი გამოიყენება ექიმის რეკომენდაციის ან პრეპარატის გამოყენების ინსტრუქციაში მითითებული ინფორმაციის შესაბამისად. ნებისმიერი კითხვის არსებობისას მიმართეთ ექიმს. ლაკრიმალის გამოყენება შესაძლებელია ნებისმიერ ასაკობრივ ჯგუფში - მოზდილებში და ბავშვებში. ჩვეულებრივ, გამოიყენება 1-2 წვეთი დღეში 4-6-ჯერ კონიუქტივის პარკში. თუ თქვენ შეგექმნათ შთაბეჭდილება, რომ სამკურნალო პროდუქტის მოქმედება არის ძალიან ძლიერი ან ძალიან სუსტი, მიმართეთ ექიმს. პრეპარატი არის მხოლოდ გარეგანი გამოყენებისათვის - ადგილობრივად, კონიუქტივის პარკში. არ შეიძლება საწვეთურის დაბოლოებასთან შეხება; ამან შეიძლება გამოიწვიოს ფლაკონის შემადგენლობის დაბინძურება. პრეპარატის გამოყენებამდე საჭიროა ხელების დაბანა. ხუფის მოხსნა და პრეპარატის თვალში (თვალებში) ჩაწვეთება. თუ წვეთი არ მოხვდა თვალში, საჭიროა დამატებითი ჩაწვეთება, თვალის (თვალების) ფრთხილად დახამხამება, ფლაკონის დახურვა.

 

გვერდითი მოვლენები: სხვა სამკურნალო საშუალების მსგავსად, ლაკრიმალმა შეიძლება გამოიწვიოს არასასურველი ეფექტების განვითარება. ჩვეულებრივ, სამკურნალო საშუალებას აქვს კარგი ტოლერანტობა. ჩაწვეთებისას შესაძლებელია განვითარდეს ჩხვლეტა, გაღიზიანება ან წვა, რომელიც გაივლის. რიგ შემთხვევებში, პრეპარატი ლაკრიმალის გამოყენებისას შეიძლება განვითარდეს სხვა სახის არასასურველი მოქმედება. ნებისმიერი არასასურველი სიმპტომის განვითარების შემთხვევაში მიმართეთ ექიმს.

 

უკუჩვენებები: დადგენილი ალერგიული ჰიპერმგრძნობელობა სამკურნალო საშუალების რომელიმე კომპონენტის მიმართ; რბილი კონტაქტური ლინზების გამოყენებისას - იხ. ნაწ. ,,მნიშვნელოვანი ინფორმაცია ლაკრიმალის ზოგიერთი კომპონენტის შესახებ'.

 

განსაკუთრებული მითითებები: პრეპარატის შემადგენლობაში არსებული ბენზალკონიუმის ქლორიდის გამო, იმ პირებმა, რომლებიც ატარებენ რბილ (ჰიდროფილურ) კონტაქტურ ლინზებს, პრეპარატის გამოყენების პერიოდში არ უნდა გაიკეთონ ლინზები. კონტაქტური ლინზები უნდა მოიხსნათ პრეპარატის ჩაწვეთებამდე და მისი კვლავ გაკეთება შეგიძლიათ მხოლოდ მინიმუმ 30 წუთის შემდეგ. ბენზალკონიუმის ქლორიდმა შეიძლება გამოიწვიოს თვალების გაღიზიანება და კონტაქტური ლინზების ფერის შეცვლა. ავტოსატრანსპორტო საშუალების მართვა და მექანიზმების მოწყობილობების მომსახურება ჩაწვეთების შემდეგ შესაძლებელია გამოვლინდეს მხედველობის დროებითი დაბინდვა; ამ პერიოდის განმავლობაში საჭიროა თავის შეკავება ავტოსატრანსპორტო საშუალებების მართვისა და მექანიკური მოწყობილობების მომსახურებისაგან.

 

ორსულობა და ლაქტაცია: ნებისმიერი სამკურნალო საშუალების გამოყენებამდე მიიღეთ ექიმის რჩევა. პრეპარატის გამოყენება ორსულობის და ლაქტაციის პერიოდში შესაძლებელია.

 

ჭარბი დოზირება: დოზის გადაჭარბება პრაქტიკულად შეუძლებელია პრეპარატის შეცდომით გამოყენების შემთხვევაშიც.

 

სხვა წამლებთან ურთიერთქმედება: პრეპარატ ლაკრიმალის ზემოქმედება სხვა სამკურნალო საშუალებებთან არ არის დადგენილი. სხვა თვალის წვეთებთან ერთდროული გამოყენებისას ლაკრიმალის ჩაწვეთება ხდება ბოლოს, წინა პრეპარატის გამოყენებიდან 15 წუთის შემდეგ.

 

შენახვის პირობები და ვადა: პრეპარატი ინახება არაუმეტეს 25 C ტემპერატურაზე, მჭიდროდ თავდახურულ ფლაკონში, ბავშვებისათვის მიუწვდომელ ადგილას. სამკურნალო საშუალება გამოიყენება ფლაკონის გახსნიდან 4 კვირის განმავლობაში. ვარგისიანობის ვადა - 3 წელი. ლაკრიმალი არ გამოიყენება შეფუთვაზე მითითებული ვარგისიანობის ვადის გასვლის შემდეგ. Warsaw pharmaceutical works POLFA