ზოგადი დახასიათება:

ძირითადი ფიზიკური და ქიმიური თვისებები:
მშრალი ფორებიანი მასა ღია ყვითლიდან ყვითელ ფერამდე მწვანე შეფერილობით მსუბუქი სპეციფიური სუნით, ჰიგროსკოპული.

 

შემადგენლობა:
ერთი ფლაკონი შეიცავს 0,5 გ კორვიტინს, რომელიც წარმოადგენს კვერცეტინისა და პოლივინილპიროლიდონის კომპლექსს.
დამხმარე ნივთიერება: ნატრიუმის ჰიდროქსიდი.

 

გამოშვების ფორმა: 
ლიოფილიზებული ფხვნილი საინექციო ხსნარის მოსამზადებლად.

 

ფარმაკოთერაპევტული ჯგუფი: 
ბიოფლავონოიდები.
კაპილარების მასტაბილიზირებელი საშუალება. კოდი ATC C05C X02**

 

ფარმაკოლოგიური თვისებები:
კვერცეტინი ავლენს სხვადასხვა ფერმენტების აქტივობის მოდულატორის თვისებებს, რომლებიც მონაწილეობენ ფოფსოლიპიდების დეგრადაციაში (ფოსფოლიპაზა, ფოსფოგენაზი, ციკლოოქსიგენაზი), გავლენას ახდენენ თავისუფალ-რადიკალურ პროცესებზე და პასუხს აგებენ აზოტის ოქსიდის, პროტეინაზისა და სხვათა უჯრედოვან ბიოსინთეზზე. კვერცეტინის მაინჰიბირებელი მოქმედება მემბრანოტროფულ ფერმენტებზე, უპირველეს ყოვლისა, 5-ლიპოოქსიგენაზზე, აისახება ლეიკოტრიენების LTC4 და LTB4 სინთეზის შეფერხებაზე. ამასთან ერთად, კორვიტინი დოზების მიხედვით, ზრდის აზოტის ოქსიდის დონეს ენდოთელიალურ უჯრედებში, რითაც აიხსნება მის კარდიოპროტექტორულ მოქმედება გულის იშემიურ და რეპერფუზიონურ დაზიანებაზე. პრეპარატი ასევე ავლენს ანტიოქსიდანტურ და იმუნომოდულირების თვისებებს, ამცირებს ციტოტოქსიკური ანიონის სუპეროქსიდის გამომუშავებას, ახდენს ლიმფოციტების სუბპოპულაციური შემადგენლობის აქტივაციის ნორმალიზებას და ამცირებს მათი აქტივობის დონეს. ანთების საწინააღმდეგო ციტოკინების ИЛ-1ბეტა, ИЛ-8ბეტა პროდუქციის შეფერხებით, პრეპარატის მოქმედება დადებითად აისახება ნეკროტიზირებული მიოკარდის მოცულობის შემცირებაზე და რეპარატიული პროცესების გაძლიერებაზე. 

პრეპაარტის მოქმედების დამცავი მექანიზმი ასევე დაკავშირებულია თრომბოციტებში შიდაუჯრედოვანი კალციუმის კონცენტრაციის მომატების და აგრეგაციის აქტივაციის აღმოფხვრასთან, თრომბოგენაზის პროცესების შეფარხებასთან.

ფარმაკოკინეტიკა. კორვიტინის ერთჯერადი შიდავენური ინფუზიის დროს სწრაფად მატულობს სისხლში კვერცეტინის კონცენტრაცია. კორვიტინის შეყვანის შემდეგ დოზით 10მგ/კგ კვერცეტინის მაქსიმალური კონცენტრაცია ვლინდება შეყვანის დაწყებიდან 50 წამის შემდეგ და შეადგენს 123მკგ/მლ-ს, აქედან 75მკგ/მლ - სისხლის უჯრედოვან ელემენტებში და 48მკგ/მლ - სისხლის პლაზმაში. სისხლიდან, პლაზმიდან და სისხლის ფორმენული ელემენტებიდან კორვიტინის ნახევარგამოყოფის პერიოდი შეადგენს 0,73+0,03; 0,5+0,01; 0,77+0,02 წუთს შესაბამისად. პრეპარატი აღადგენს რეგიონალურ სისხლდინება და მიკროცირკულაციას სისხლძარღვების ტონუსის მნიშვნელოვანი ცვლილებების გარეშე აძლიერებე რა მიკროსისხლძარღვების რეაქტივობას. 
პრეპარატის ხანგრძლივი ფარმაკოლოგიური მოქმედება შეიძლება დაკავშირებული იყოს ფარმაკოლოგიურად აქტიურ მეტაბოლიტებთან, კერძოდ, ქალკონთან, რაც მნიშვნელოვნად ზრდის უჯრედოვანი მემბრანის ლიპიდების მიმდინარეობას. უპირატესად გამოიყოფა შარდთან ერთად.

 

ჩვენებები:
კორვიტინი, როგორც კარდიოდამცავი საშუალება, გამოიყენება კომპლექსურ თერაპიაში კორონალური სისხლის მიმოქცევის მწვავე დარღვევისა და მიოკარდის ინფარქტის დროს, რეპერფუზიონური სინდრომის სამკურნალოდ და პროფილაქტიკისათვის მუცლის აორტის და პერიფერიული არტერიების მაობლიტირებელი ათეროსკლეროზით დაავადებულთა ქირურგიული მკურნალობის დროს.

 

მიღების წესი და დოზები: 
მწვავე მიოკარდის ინფარქტის დროს გულის კუნთების დაზიანებულ უბნებზე სწრაფი ზემოქმედებისათვის კორვიტინი პირველ დღე-ღამეში შეიყვანება შიდავენურად დოზით 0,5გ 50-100მლ ნატრიუმის ქლორიდის იზოტონურ ხსნარში 15-20 წუთის განმავლობაში. 2 საათის შემდეგ შეყვანა მეორდება იმავე დოზით. პრეპარატის შემდეგი მიღება მეორდება 12 საათის შემდეგ პირველი 2 დღე-ღამის განმავლობაში კორვიტინის დოზის შემცირებით მე-3-5 დღეს (დღე-ღამეში 1-ჯერ დოზით 0,25-0,5გ). მკურნალობის კურსის ხანგრძლივობას განსაზღვრავს ექიმი საშუალოდ 5-7 დღე-ღამის განმავლობაში. 

მუცლის აორტის და პერიფერიული არტერიების მაობლიტირებელი ათეროსკლეროზით დაავადებულთა ქირურგიული მკურნალობის დროს, რეპერფუზიონური სინდრომის დროს, მომჭერის აორტიდან მოხსნამდე 10 წუთით ადრე შიდავენურად შეჰყავთ 0.5გ პრეპარატი 150მლ ნატრიუმის ქლორიდის იზოტონურ ხსნარში 20-30 წუთის განმავლობაში. შემდგომი შეყვანა ანალოგიური დოზით მეორდება 12 საათის შემდეგ. მე-2-5 დღეს - ნახევარ დოზაში დღე-ღამეში ორჯერ. შეყვანის სიჩქარე 8-10 წვეთი 1 წუთის განმავლობაში.

 

გვერდითი მოვლენები:
პრეპარატი კარგად გადაიტანება ავადმყოფების მიერ. სწრაფი შიდავენური შეყვანისას და ორგანული ნიტრიტების კომბინაციაში შესაძლებელია მცირე ჰიპოტონია, რომლის კორექტირება ხდება ინფუზიის სიჩქარით. შესაძლებელია პრეპარატის ინდივიდუალური აუტანლობა.

 

უკუჩვენება:
პრეპაარტის ინდივიდუალური აუტანლობა.

 

ჭარბი დოზირება:
კორვიტინის ჭარბი დოზირების შემთხვევები აღწერილი არ არის. თუმცა, თუ გავითვალისწინებთ, რომ პრეპარატის საფუძველს წარმოადგენს პრაქტიკულად არატოქსიკური მცენარეული წარმოშობის ნივთიერებები, არ არის მოსალოდნელი რაიმე სახის გამოხატული გართულებები პრეპარატის გამოყენებისას.

გამოყენების თავისებურებანი:
პრეპარატი გამოიყენება კომბინაციაში სხვა ანტიიშემიურ, არითმიის საწინააღმდეგო, ანტითრომბოციტარულ და ფიბრინოლიტურ საშუალებებთან.

 

ურთიერთქმედება სხვა სამკურნალო საშუალებებთან:
ორგანულ ნიტრიტებთან კომპლექსშიკორვიტინმა შეიძლება გამოიწვიოს ჰიპოტენზია. პრეპარატის ერთობლივი გამოყენება ფიბრინოლიტიკებთან იწვევს თრომბოლიტური თერაპიის ეფექტურობის მომატებას.

 

შენახვის პირობები და ვადა:
შეინახეთ მშრალ, სინათლისაგან დაცულ ადგილას არაუმეტეს 25°C ტემპერატურაზე. შენახვის ვადა - 2 წელი. პრეპარატის ხსნარი ვარგისია მოხმარებისათვის 12 საათის განმავლობაში, თუ ის ინახება 5°C ტემპერატურაზე.

გაცემის წესი:
რეცეპტით

შეფუთვა:
5 ფლაკონი პენალში.

 

მწარმოებლის სახელწოდება და მისამართი:
„ბორშჩაგოვსკის ქიმიო-ფარმაცევტული ქარხანა."

უკრაინა, 03134, ქ.კიევი, მშვიდობის ქ.17