კორსიზი #100ტ

ანოტაციის მომწოდებელია

რეკომენდაცია

2შეფასება

104705ნახვა

ფარმაკოლოგიური ჯგუფი:
საძილე და სედატიური საშუალება. ათქ-კოდი: N05CB02.

ქვეყანა: საქართველო

მწარმოებელი: ავერსი-რაციონალი

ჯენერიკი: Bromisovalerian acid+Phenobarbit+Menthe

გაცემის ფორმა: III ჯგუფი ურეცეპტო

საერთაშორისო არაპატენტირებული დასახელება:

ალფა-ბრომიზოვალერიანმჟავას ეთილის ეთერი, ფენობარბიტალი, პიტნის ზეთი;

გამოშვების ფორმა:
შემოუგარსავი ტაბლეტები.

1 შემოუგარსავი ტაბლეტი შეიცავს:

ალფა-ბრომიზოვალერიანმჟავას ეთილის ეთერს - 8.2 მგ;
ფენობარბიტალს - 7.5 მგ;
პიტნის ზეთს - 0.58 მგ;
დამხმარე ნივთიერებებს:
- ბეტა-ციკლოდექსტრინი;
- კარტოფილის სახამებელი;
- ტაბლეტოზა (ლაქტოზას მონოჰიდრატი);
- მიკროკრისტალური ცელულოზა;
- მაგნიუმის სტეარატი.

ფარმაკოლოგიური თვისებები:

სედატიური, სისხლძარღვთა გამაფართოებელი, სპაზმოლიზურ საშუალება, რომელიც ხელს უწყობს ცენტრალური ნერვული სისტემის აგზნებადობის შემცირებას;
გააჩნია დამამშვიდებელი მოქმედება;
აადვილებს ბუნებრივი ჩაძინების პროცესს;
ტაბლეტის შემადგენლობაში შემავალი ალფა-ბრომიზოვალერიანმჟავას ეთილის ეთერი ხასიათდება სედატიური და სპაზმოლიზური მოქმედებით, ჭარბ დოზებში ამჟღავნებს მსუბუქ საძილე ეფექტსაც;
ფენობარბიტალს გააჩნია სედატიური და სუსტი სპაზმოლიზური მოქმედება;
პიტნის ზეთი რეფლექტორულად აფართოებს სისხლძარღვებს და ავლენს სპაზმოლიზურ მოქმედებას.

ჩვენება:
• ნევროზი, აგზნებადობა, უძილობა, მათ შორის ჩაძინების გაძნელება;
• ნეიროცირკულატორული დისტონია;
• ტაქიკარდია;
• არამკვეთრად გამოხატული კორონაროსპაზმი;
• ჰიპერტონული დაავადების ადრეული სტადია;
• კუჭ-ნაწლავის ტრაქტის ორგანოების სპაზმი, გამოწვეული ნეიროვეგეტატიური აშლილობით.

მიღების წესი და დოზირება:
დოზირების და მკურნალობის რეჟიმისა და ხანგრძლივობას, თითოეული პაციენტისათვის ინდივიდუალურად, მკურნალი ექიმის ადგენს.
მოზრდილებში, როგორც წესი, ინიშნება 1-2 ტაბლეტი 2-3-ჯერ დღეში ჭამის წინ. ტაქიკარდიისა და კორონაროსპაზმის დროს ერთჯერადი დოზა შეიძლება გაიზარდოს 3 ტაბლეტამდე.

გვერდითი მოვლენები:

შეიძლება აღინიშნოს ძილიანობა, თავბრუ, კანის ალერგიული რეაქციები, კუჭ-ნაწლავის ტრაქტის მხრივ მოშლილობა.
პრეპარატის მაღალი დოზით ხანგძლივად გამოყენებისას შესაძლებელია ბრომიზმის განვითარება;
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

გვერდითი მოვლენები შექცევადია და დოზის შემცირებასთან ან მკურნალობის შეწყვეტასთან ერთად ადვილად გაივლის.

უკუჩვენება:

მომატებული მგრძნობელობა პრეპარატის რომელიმე კომპონენტის მიმართ;
ღვიძლისა და თირკმლის ფუნქციის მძიმე დარღვევა;
ღვიძლის პორფირია.

ურთიერთქმედება სამკურნალო საშუალებებთან და სხვა სახის ურთიერთქმედება:

აძლიერებს სედატიური პრეპარატების, ნეიროლეფსიური საშუალებების, ტრანქვილიზატორების, ალკოჰოლის მოქმედებას;
ვალპროის მჟავით მკურნალობის დროს კორსიზის მოქმედება ძლიერდება;
პრეპარატის მიღებამ შეიძლება შეასუსტოს კუმარინის წარმოებულების, გრიზეოფულვინის, გლუკოკორტიკოიდების, პერორალური კონტრაცეპტივების მოქმედება;

პრეპარატი ზრდის მეთოტრექსატის ტოქსიკურობას.

ჰიპერდოზირება:
სიმპტომები: ძილიანობა, სისუსტე, თავბრუსხვევა.
მკურნალობა: პრეპარატის მიღების შეწყვეტა, კუჭის ამორეცხვა, სიმპტომური თერაპია.
კორსიზს სპეციფიკური ანტიდოტი არ გააჩნია.

ორსულობა და ლაქტაცია:
დაუშვებელია პრეპარატის ორსულობისა და ძუძუთი კვების პერიოდში მიღება.

განსაკუთრებული მითითებები:

პრეპარატის გამოყენებისას აკრძალულია ალკოჰოლის მიღება.
ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში კორსიზის გამოყენება რეკომენდებული არ არის;
მონაცემები კორსიზის ბავშვებში გამოყენების შესახებ არ არსებობს, ამიტომ პედიატრიულ პრაქტიკაში პრეპარატი არ გამოიყენება.

პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის გამოყენებისას საჭიროა თავის არიდება იმ ქმედებებისაგან, რომლებიც მოითხოვს ყურადღებასა და სწრაფ ფსიქომოტორულ რეაქციებს.

შეფუთვა:
10 ტაბლეტი კონტურულ უჯრედოვან შეფუთვაში, 10 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.