კლიმაქტოპლანი N - Klimaktoplan(R)N ჰომეოპატიური სამკურნალო საშუალება

სარეგისტრაციო ნომერი: LC-002009 15.09.2006-დან

პრეპარატის სავაჭრო სახელწოდება: კლიმაქტოპლანი N/Klimaktoplan(R)N

სამკურნალწამლო ფორმა: ტაბლეტები

შემადგენლობა 1 ტაბლეტში შედის: აქტიური კომპონენტები: Cimicifuga D2 (ციმიციფუგა) - 25 მგ; Sepia D2 (სეპია) - 25 მგ, Ignatia D3 (იგნაცია) - 25 მგ, Sanguinaria D2 (სანგვინარია) - 25 მგ. დამხმარე

კომპონენტები: ლაქტოზას მონოჰიდრატი, ხორბლის სახამებელი, მაგნიუმის სტეარატი.

აღწერა: ბრტყელცილინდრული ტაბლეტები ღია რუხი ან რუხი ნაჭდევით, დამახასიათებელი სუნის გარეშე. იშვიათად, ტაბლეტები შესაძლოა დაწინწკლული იყოს.

ჩვენებები გამოყენებისათვის: კლიმაქტერული პერიოდი, რომლის დროსაც წამოხურებები, გაძლიერებული ოფლიანობა, გულის ფრიალი, თავბრუსხვევა, ქავილი, ნერვული დაძაბულობა, ძილის დარღვევა აღინიშნება.

უკუჩვენებები მომატებული მგრძნობელობა პრეპარატის კომპონენტების მიმართ.

მიღების გზები და დოზები მიიღება: 1-2 ტაბლეტი 3-ჯერ დღეში. ტაბლეტები მიიღება ჭამამდე ნახევარი საათით ადრე ან სადილის მიღებიდან საათნახევრის შემდეგ, ტაბლეტები პირის ღრუში ნელ-ნელა უნდა გაიწოვოს. თერაპიული ეფექტის არარსებობის შემთხვევაში ექიმს უნდა მიმართოთ. პრეპარატის კარგი მიმღებლობის დროს კლიმაქტოპლანი N-ის მიღება შესაძლოა ხანგრძლივი დროის განმავლობაში.

გვერდითი მოქმედებები: ძალიან იშვიათად შესაძლოა, პრეპარატის ცალკეული კომპონენტების მიმართ აუტანლობის რეაქციები გამოვლინდეს. სხვა სამკურნალო საშუალებებთან ურთიერთქმედება გამოვლენილი არ არის. ჰომეოპათიური პრეპარატების მიღება სხვა სამკურნალო საშუალებებით მკურნალობას არ გამორიცხავს.

განსაკუთრებული მითითებები: ჰომეოპათიური წამლების მიღებისას შესაძლოა დროებითი პირველადი გაუარესება აღინიშნოს. ასეთ შემთხვევაში პრეპარატის მიღება უნდა შეწყვიტოთ და საკონსულტაციოდ ექიმს მიმართოთ.

გამოშვების ფორმა: აპკის მქონე ალუმინის ფოლგის ბლისტერზე _ 20 ტაბლეტი. 5 ბლისტერი გამოყენების ინსტრუქციასთან ერთად შეფუთულია მუყაოს კოლოფში