სავაჭრო სახელწოდება: კეტოტიფენი

 

საერთაშორისო დასახელება (აქტიური ნივთიერება): KETOTIFEN HYDROFUMARATE

 

კლინიკურ-ფარმაკოლოგიური ჯგუფი: ანტიჰისტამინური პრეპარატები სისტემური გამოყენებისათვის. სხვა ანტიჰისტამინური პრეპარატები სისტემური გამოყენებისათვის

 

მწარმოებელი: პოლფა ვარშავა (Polfa Warszawa S.A)

 

მწარმოებელი ქვეყანა: პოლონეთი

 

გამოშვების ფორმა: 1მგ ტაბლეტი №30

 

გაცემის რეჟიმი: III ჯგუფი, გაიცემა რეცეპტის გარეშე

 

ინსტრუქცია

 

ათქ კლასიფიკაციის კოდი: R06AX17

შემადგენლობა და გამოშვების ფორმა
ტაბლეტები: შეფუთვაში 30 ც.
1 ტაბ.
კეტოტიფენი - 1 მგ

დამხმარე ნივთიერებები: მაგნიუმის სტეარატი, სიმინდის სახამებელი, უწყლო კალციუმის ჰიდროფოსფატი.

 

კლინიკურ-ფარმაკოლოგიური ჯგუფი:
ანტიჰისტამინური პრეპარატები სისტემური გამოყენებისათვის. სხვა ანტიჰისტამინური პრეპარატები სისტემური გამოყენებისათვის

 

ჩვენებები:
პროფილაქტიკა და მკურნალობა:
- ბრონქული ასთმის;
- ალერგიული რინიტის;
- ალერგიული კონიუნქტივიტის;
- ალერგიული დერმატოზების;
სხვა ორგანოების მხრივ ალერგიის დროს.

 

დოზირების რეჟიმი:
მოზრდილებში: ინიშნება 1 ტაბლეტი 2-ჯერ დღეში (დილით და საღამოს). პრეპარატის მიმართ მგრძნობიარე პირებში რეკომენდებულია დოზის ნახევარი პირველი კვირის განმავლობაში (1/2 ტაბლეტი 2-ჯერ დღეში). შემდგომში 5 დღის განმავლობაში დოზას ზრდიან სრულ თერაპიულ დოზამდე - ერთი ტაბლეტი 2-ჯერ დღეში. აუცილებლობის შემთხვევაში შესაძლებელია დღეღამური დოზის გაორმაგება.
ბავშვებში: 6 თვის ასაკიდან 3 წლამდე რეკომენდებულია 0.5 მგ (1/2 ტაბლეტი) 2-ჯერ დღეში; 3 წლის ასაკის ზევით და მოზრდილებში ინიშნება 1 მგ 2-ჯერ დღეში (1 ტაბლეტი).
პრეპარატი ინიშნება ექიმის მიერ, გართულებების თავიდან აცილების მიზნით.

 

გვერდითი მოვლენები:
შესაძლებელია განვითარდეს ძილიანობა, პირის სიმშრალე, თავის ტკივილი, თავბრუსხვევა; კუჭ-ნაწლავის ტრაქტის ფუნქციის დარღვევა, გულისრევა, ღებინება, ყაბზობა. აღნიშნული სიმპტომები გაივლის დამოუკიდებლად შემდგომი მკურნალობის დროს. პრეპარატი იწვევს მადის გაძლიერებას. ხანდახან შესაძლებელია ასთმის სიმპტომების გაძლიერება.

 

უკუჩვენებები:
- მომატებული მგრძნობელობა პრეპარატის და მასში შემავალი კომპონენტების მიმართ;
- პერორალური ანტიდიაბეტური საშუალებებით ნამკურნალები შაქრიანი დიაბეტი.

 

ორსულობა და ლაქტაცია:
პრეპარატი არ ინიშნება ორსულობის და ლაქტაციის პერიოდში, თუმცა არ არის დადგენილი ამ დროს მისი ტოქსიკურობა.

 

განსაკუთრებული მითითებები:
პრეპარატით მკურნალობის დაწყების წინ არ არის რეკომენდებული სხვა საშუალებების უეცარი მოხსნა (სისტემური მოქმედების კორტიკოსტეროიდები და ადრენოკორტიკოტროპული ჰორმონი), რომლებიც ადრე იყო გამოყენებული ბრონქული ასთმის სამკურნალოდ, ვინაიდან შესაძლებელია ამ კატეგორიის ავადმყოფებში თირკმელზედა ჯირკვლის ქერქის უკმარისობის განვითარება, რომელიც შეიძლება გაგრძელდეს ერთი წლის განმავლობაში.
ბაქტერიული ინფექციის განვითარების დროს საჭიროა შესაბამისი ანტიბიოტიკის დანიშვნა.
კეტოტიფენით მკურნალობის დროს არ არის რეკომენდებული სატრანსპორტო საშუალებების მართვა და დაუშვებელია ალკოჰოლის მიღება.

 

სხვა წამლებთან ურთიერთქმედება:
კეტოტიფენი აძლიერებს ცენტრალური ნერვული სისტემის დამთრგუნველი საშუალებების მოქმედებას, როგორიცაა: სედატიური, საძილე, ანტიჰისტამინური საშუალებები, აგრეთვე ალკოჰოლი.
კეტოტიფენის და პერორალური ანტიდიაბეტური საშუალებების ერთდროული გამოყენება იწვევს თრომბოციტების რაოდენობის შემცირებას.

 

ჭარბი დოზირება:
სიმპტომები: ფსიქიური დარღვევები, ძილიანობა, თავის ტკივილი, დეზორიენტაცია, ტაქიკარდია, არტერიული წნევის დაქვეითება, კომა (კერძოდ, ბავშვებში), ასევე ცენტრალური ნერვული სისტემის აგზნება, მათ შორის კრუნჩხვები.
შესაძლებელია განვითარდეს ბრადიკარდია, გულის რითმის დარღვევა, სუნთქვის დათრგუნვა. ასეთ დროს აუცილებელია ავადმყოფზე მეთვალყურეობა. ჭარბი დოზირების დროს საჭიროა პრეპარატის მოხსნა, კუჭის ამორეცხვა. საჭიროების მიხედვით ტარდება სიმპტომური მკურნალობა გულის და სუნთქვის ფუნქციის მონიტორინგით.

 

შენახვის პირობები და ვადა:
პრეპარატი ინახება 15-25ºC ტემპერატურაზე, მშრალ ადგილას.
ვარგისიანობის ვადა - 5 წელი.

 

აფთიაქიდან გაცემის პირობები:
პრეპარატი გაიცემა ურეცეპტოდ.